انقلب السحر علي الساحر القسم السابع بقلم اسراء هاني شوييخ

اسراء .. يوسف انا مش حانكر ان عشت معاك أجمل لحظات عمري و انك كنت سند و ضهر ليا و كنت تعمل كل حاجة عشاني عشان كدة حننهى كل حاجة بهدوء يوسف بخصة ورعب … يعني ايه
سراء .. طلقني يا يوسف

جالسة بجانبه تمسك بيده و تبكي بحرقة تنتظر منه ان يفتح عينيه بعد أن سقط على الأرض لا ينطق وأتى الطبيب و أخبرها ان ضغطه عال جدا و كان سيتسبب له بجلطة لولا ستر ربهم و آن حضر الطبيب بالوقت المناسب تأخر بأن يفوق جعلها تقلق بشدة قبلت باطن یده و قالت بصوت مرتجف .. يوسف انت سامعني مش كدة قوم عشان خاطري حموت من الرعب

فتح عينيه بعد مدة ليست بقصيرة همس بضعف .. اااه دماغي رفعت رأسها تنظر له تقبل رأسه و خديه ويده و قالت بدموع…. حمد الله عالسلامة رعبتني عليك يا يوسف
نظر لها و قال هو ايه اللي حصل
سكتت قليلا وتذكرت عندما طلبت منه الطلاق فلاش باااك اسراء .. عشان كل حاجة حلوة بينا خلينا ننفصل و احنا بنحترم بعض طلقني يا يوسف رجع بجسده للخلف عندما شعر بعدم توازن وضع يده على راسه يضغط عليها بشدة بسبب المه الشديد تحت انظارها و هي مرعوبة قال بضعف قبل أن يسقط دون كلام .. مستحيل

بااك يوسف بابتسامه سخرية .. و ليه ما موتش مش كنتي عايزة تسبيني لحقتيني ليه أدار وجهه الجهة الثانية و سحب الغطاء فوق رأسه و قال بصوت كله ألم كنت ارتحتي مني للابد اسراء بدموع .. انت مش شايف نفسك غلطان مش شايف نفسك عامل حاجة كبيرة اوي تقـ,ــ,ـتل كل حاجة حلوة بينا يوسف بصوت مختنق .. شايف اني تذليت اوي و تعبت اوي اوي انا الرعب اللي عشت فيه الفترة اللي فاتت يغفرلي اي حاجة انا تقريبا طلعت بكذا مرض

اسراء بصوت خافت .. انت شايف حبك ليا ذل يا يوسف تعبت مني لو الموضوع العكس كنت تعبان و اتطلقت منك و تجوزت عشان انقذك و كنت في حضن واحد تاني غيرك عشان مصلحتك مين أهون ليك اسيبك عيان تتعذب و لا اتجوز واحد تاني يوسف بصراخ … معرفش معرفش اللي اعرفه اني كان لازم اعمل اي حاجة عشان ما اشوفش تعبك و لا اشوفك بتتعذبي عملت كل حاجة ما فيش حاجة زبطت و مش سهل عليا ابدا اسيبك بالعذاب اللي شوفتك فيه فراقنا أهون من عذابك

اسراء .. و هو ده اللي حيحصل يا يوسف .. حبنا بالنسبة ليك ذل و تعب و انت طول عمرك فوق و راسك عالية و كرامتك فوق انا مش مستاهلة كل ده یوسف و هو ينظر له بألم .. انتي فهمتي كدة يا اسراء اني قصدي انك مش . مستاهلة طول فترة جوازنا ما عرفتيش اني حموت ان بعدتي ان تعبت من الخوف من انك تبعدي كل ما اصلحها من مكان تحصل حاجة اكبر حاولت ادافع عن بيتي و عنك اعمل ايه اكثر من كدة قوليلي

قبلت رأسه و قالت بنبرة وداع .. أنا حاعفيك من كل حاجة تتعبك خلي بالك من نفسك و بلاش تعمل في نفسك كدة صحتك أهم من أي حاجة و انا أسفة اني في يوم حملتلك اكبر من طاقتك اشوفك على خير يوسف بصوت مختنق .. مش حتمشي صح رجعت للخلف قليلا وركضت لحضنه ضمته بقوة تحاول تهدئته لأنها خائفة من مضاعفات و قالت برجاء و دموع .. عشان خاطري ما تزعلش نفسك على اي حاجة انا خايفة عليك اوي

يوسف بضحكة سخرية .. خايفة عليا و حتسيبني و انتي عارفة اني من غيرك حموت و برضو حتمشي تشبست بملابسه و قالت بقهر .. مش قادرة أصدق انك لمست حد غيري انه في وحدة تانية تسجلت على اسمك ازاي قدرت يا يوسف ازاي یوسف و هو يكز على اسنانه … و مين قالك قدرت الأمراض اللي عندي تثبتلك كنت بموت فضلت فترة مش قادر اقربلها خدت منشطات ياما لمستها مرة وحدة بس بدون اي مشاعر او حب او حضن او حتى بوسة

اسراء بضحكة .. بس دخلت عليها بسيطة يوسف و هو يضغط على يدها .. ليه مش عايزة تفهمي انه غصب عني يعني اسيبك تموتي اسراء بخوف .. طيب اهدى اهدى كل حاجة حتتحل اهدى عشان خاطري تمددت بجانبه و حاولت تهدئته ذهب في نوم عميق خرجت جلست على الاريكة تبكي لا تستطيع تركه فهي تعشقه و لن تستطيع مسامحته صعب جدا ان تتقبل فكرة زواجه من غيرها عشق قلبها ماذا تفعل ان بعدت ربما يحصل له شئ و ان مكثت سيحصل لها شئ

استيقظ من نومه لم يجدها بجواره ذهبت أنفاسه عندما ظن انها تركته و رحلت خرج من الغرفة و هو غير متزن و رأسه يدور يبحث عنها ليجدها نائمة على الاريكة تنهد بارتياح و مشی احضر غطاء وضعه عليها استيقظت بفزع و قامت من مكانها و قالت بخوف قومت ليه انت كويس احتضن وجهها بين يديه و قال بحب .. تخافيش قومت اشوفك خوفت تكوني مشيتي وضعت يدها على قلبها تتنفس بارتياح اقترب من شفتيها يشتاق تقبيلهم حد الجنون و قبل أن يقبلهت ابتعدت قليلا و قالت .. موعد العلاج يا يوسف

اخفض عینیه و ازال یدیه و قال بصوت مختنق .. أنا خارج لما ارجع اخد العلاج عندي مشوار مهم اسراء بعصبيه .. انت عايز تجنني انت مش شايف شكلك واقف بالعافية حرام عليك يا أخى ما فيش خروج كان ذاهب ناحية الباب وقال بصوت جاد .. مشوار مهم حخلصه و راجع اسراء بغيظ .. ما فيش خروج وصل عند الباب و قبل أن يفتحه .. و حياة ربنا ان خرجت حتيجي مش حتلاقيني ترك يد الباب وذهب الى غرفته دون ان يتكلم