أسها فى حنان وجلست بجانبها على السرير وهى تقول
دره حمد الله على السلامه
داليا بأبتسامه الله يسلمك….انتى عطلتى نفسك ليه بس وجيتى
دره انتى اهم من اى حاجه
داليا وهى تمسك بيدهاربنا يخليكى لياثم اكملت وه تنظر الى دره فى انبهار بس ايه يا عم الجمال ده كلو
دره وهى تنظر الى ملابسها منا عاديه اهو
داليا اصلى اول مره اشوفك مسيبه شعرك ..لالالا وكمان حاطه روج روز …لالالا ده احنا اتطورنا اوى
دره وهى تمسح على شفتيها بخجل فيها ايه يعنى ..هى حاجه غلط
داليا بتمسحيه ليه بس ..والله كنتى زى
القمر
ابتسمت دره فى خجل ثم قالت محاوله تغيير زمام الموضوع
دره بأبتسامه سيبك بقى من جو المعاكسات ده…انا عايزه الحق اروح اعدى على الشركه علشان ارجعلك تانى
داليا لا انتى تعدى على الشركه وبعد كده تطلعى على شقتك
تجيبى هدومك وتجيلى تانى
دره وهى تعقد حاجبيها ليه
داليا اقعدى معايا يومين
اطلقت دره تنهيده
فبادرت داليا سريعا
داليا يومين بس ..موحشتكيش
ابتسمت دره ابتسامه بسيطه ..كعلامه منها على الموافقه
ثم انطلقت بسيارتها الى مقر عملها لتصعد الى مكتب حازم لتجد سلمى كعادتها تجلس وتنظر لها فى اشمئزاز
ولكن
اعتادت دره ان تتجاهلها فقالت فى لا مبالاه
دره مستر حازم جوه
سلمى بأبتسامه سخريه ايوه …بس مانع حد يدخله
دره طيب انا فى مكتبى …لو طلبنى ابعتيلى
سلمى بسأماوك
خرجت دره متجهه الى مكتبها لتجلس على مقعدها المخصص وتجدع ظهرها للخلف وتطلق تنهيده قويه وتتذكر حديث داليا بشأن مظهرها فقامت بأخراج مرأه من حقيبه يدها ونظرت الى ملامح وجهها البرىء الذى طالما غطاه الحزن
فحسمت فى نفسها ان تعيد الى وجهها البسمه مره اخرى
فكفاها حزن على ما مضى
يجب ان تنظر الى المستقبل بنظره امل واصرار على تحقيق ذاتها بعيدا عن
ماضيها المؤلم
افاقها من شرودها صوت هاتف المكتب فرفعت السماعه وهى تقول
دره الو
سلمى مستر حازم مستنيكى
دره اوك
انتقلت دره سريعا من مكتبها الى مكتب حازم فطرقت الباب ودخلت لتجد حازم يجلس ولم يبتسم لها
كعادته فلاحظت ان هناك شىء ما ولكنها تجاهلت الموقف وقامت بالقاء التحيه عليه فسمح لها بالجلوس قائلا
حازم الوفد جاى بكره ..عايزك تبقى هنا من النجمه علشان هتحضرى معايا
دره بسعاده ده كتير عليا اوى
حازم مش كتير ولا حاجه..انتى موهوبه وتستحقى اكتر من كده
دره ثانكيو لحضرتك
لاحظت دره صمت حازم فبادرت
قائله
دره هو حضرتك مدايق من حاجه
حازم ها ..لا ابدا ..
دره طيب حضرتك يعنى هو انا ينفع استاذن دلوقتى لانى عندى مشوار مهم جدا ومش هعرف اكمل شغل
حازم انتى اصلا لسه معندكيش مشاريع تشتغلى فيها ..فممكن تتفضلى
دره اوك..شكرا جدا لحضرتك..بعد اذنك
خرجت دره لتترك حازم فى حزنه وهمومه ..فمنذ ليله امس ونسمه تتصل بهاتفه المحمول كثيرا وهو لا يرد ولن يرد ….ولكنها مل من كثره اتصالها به فأخيرا رد عليها وهو يقول بسأم
حازم الو
نسمه بدموع ولهفه حازم …انت فين
حازم بنفاذ صبرفى الشغل يعنى هكون فين
نسمه بقلق انا بكلمك
من لمبارح وانت مبتردش ..انت نمت فين…طمنى عليك
حازم يهمك اوى يعنى تطمنى…المخبرين بتوعك الى ممشياهم ورايا مقالولكيش انا كنت فين
نسمه بدموع والله اسفه ومش هزعلك تانى ابدا..س ارجع البيت بقى
حازم بنفاذ صبر وعصبيه بقولك فى الشغل..اجيلك ازاى
نسمه يعنى مش هترجه يعنى ولا ايه
حازم يوووووو…ده انتى ممله
ثم اغلق الهاتف سريعا وقذه امامه وهو يطلق تنهيده قويه….
اما دره فقد اخذت حقيبه يدها واتجهت بسيارتها بعد ان اخذتها من امام الشركه …الى شقتها لتأتى ببعض ملابسها استعدادا لقضاء يومين مع داليا
صعدت الى شقتها واخذت بعض ملابسها …وفى الطابق السادس تفاجأت بأن عمر يفتح باب شقته ..ليرسم بسمه على وجهه عندما رأها وهى تبدو كالملاك ..فاللمره الاولى يراها تاركه خصلات شعرها الاسود الحرير طلقه ..حره ..تداعبها نسمات الهواء الدافىء …ولكن اختفت هذه البسمه سريعا عندما رأى حقيبه سفر فى يدها فقال
عمرايه ده ..انتى مسافره ولا ايه
دره لا ابدا..انا بس هقعد مع اختى يومين لغايه ما حالتها تتحسن
احس عمر ببعض من الضيق
فقال
عمريومين بس
اندهشت دره من سؤاله وطريقه كلامه ونظراته ايضا فقال
دره اه يومين بس.
عمرهتوحشينى
عقدت دره حاجبيها سريعا فى اندهاش
فأنتبه عمر لما قاله فبادر سريعا بالرد
عمرقصدى يعنى هتوحشينا ..انا وحبيبه يعنى
دره وهى تحاول ان تكون جديه بعض الشىءاها…ابقى سلملى عليها كتير..بعد اذنك
عمرمحاولا ايقافها طيب استنى انزلك الشنطه انا كده كده نازل
دره ملوش لزوم
عمراسمعى الكلام بقى
ابتسمت دره ابتسامه بسيطه….ثم شكرته بعد ان انزل لها حقيبتها امام المبنى
فركبت سيارتها سريعا منعا لاى نقاشات بينها وبينه …وانطلقت الى منزل داليا