قيود صعيدي

افراح نزلت عيونها بحرج وهو وقرب منها وبص لعيونها وقال…عارفه يوم ما عرفت انك هربانه من الدار وجالي واحد من الغفر قالي انو شافك مع الظابط بتركبي وياه عربيته ..يومها اتمنيت …اتمنيت تكوني بتبلغي عني اتمنيت اتحبس ولا تكونيش رايحه معاه علشان حاجه تانيه..اللي خطر في عقلي قلبي مصدقوش رغم انو اتحرق لمجرد التفكير يا افراح
افراح قالت بسرعه…انا كنت ببلغ عنك بس…معملتش حاجه تاني
بدر ضحك بخفه وقال …لا بسيطه…على العموم كويس اننا اتكلمنا وكل واحد طلع اللي في خاطره كده احسن واريح
افراح راحت تطلع هدوم ليها من الدولاب وقالت بسخريه…كان الافضل نتكلم من الاول..ده اللي

البني ادمين بيعملوه يسمعو الاول وبعد كده بعاقبو مش العكس ابتسم عليها وقال..انا بقى العكس بعاقب الاول واخد حقي حتى اقدر اسمع وحتى اقدر اسامح
افراح اخدت هدومها وراحت ناحيه الحمام وقالت بسخريه…برافو عليك منطق جديد برضو بس ابقى شاورلي على شخص واحد ممكن يسامحك بعد ما تعاقبو قبل ما تسمعه
قالت كده ودخلت الحمام وهو اتنهد وقعد على السرير وهو بيفكر في كلامها والحزن اللي شافو في عيونها واللي قالتو الدكتوره وبيحاول يفكر في كلام جده انو يعاملها باللين يمكن يجيب معاها وتنسى فكرة الطلا.ق والهرب

قطع افكارو صوت خبط على الباب راح فتح وكانت وداد ومعاها صينيه عشا قال …كل ده يا وداد ده انتي لو بتسرقيلها الاكل من الجيران كان زمانو جهز
وداد ضحكت وقالت..معلش جنابك ..اصل كنت بعملها العشا وجدي قال انك طلعت ففكرت اعملكم عشا سوا عرساني كده انت بردك مكلتش بقالك كتير…و ربنا يهديكم على بعض
بدر ضحك بخفه وقال..انتي اللي فكرتي ولا جدي هو اللي قال
قالت بتوتر..لاه…

اني انا فكرت
بدر قال بسرعه..بس بس متقطعيش زي الماتور الخربان هو انتي من امتى بتفكري اصلا …هاتي
واخد منها الصنيه وهيه مشيت بسرعه
بعد شويه افراح طلعت وكانت لابسه بيجامه قصيره غامقه وشعرها مبلول وشكلها يجنن
بدر بلغ يريقه بتوتر من شكلها وقرب منها قوي وقال بوقاحه …القلب قايد نا.ر ..والحلو في الغامق جبار وحط ايده على وسطها ولسه هيقرب دفعته وقالت بغضب..وبعدين خليك بعيد لاحسن….
بس قطعت جملتها لما شافت صينيه الاكل ابتسمت بسعاده وجريت عليها زي الاطفال وقالت..اكل ده صح.. اكل مش كده

بدر ابتسم بحزن على طريقتها اللي بتبين قد ايه جعانه وقال …ايوه اكل
وقعد على الكرسي وقال..تعالي..قربي خليني اكلك لحد ما تشبعي
افراح خدت بالها للهفتها وقالت ..احم..لا ..لا مش عايزه انا مش جعانه
بدر ضحك بخفه وشدها عليه قعدها على رجله وقال متكابريش خابر انك جعانه …مكلتيش من يومين يلا
افراح كانت بتدفعه وبتقول …سبني ابعد و
بس قطعت كلامها وقالت باستغراب..

يومين…بس انا محبو.سه من اسبوع
بدر ضحك وهو بيقطع الاكل وبيحطلها في بقها وقال..وهو انتي تقدري تاخدي اسبوع من غير اكل يا منعنعه انتي …انا عارف ان جدي خلاني مسافر من يومين ودخلك اكل
الغفر قالولي قبل ما يدخلك وانا اللي سمحتلهم يدخلوه
افراح قالت بزهول…كنت عارف ووافقت….ليه
بدر ابتسم وبص لعيونها وقال..كنت جعان قوي وقولت فرصه يدخلولك الاكل علشان اكل انا كمان
اتسعت عنيها بدهشه وقالت..عايز تفهمني انك مأكلتش من وقت ما حبستني ..وفاكرني هبله هصدق…اوعى سيبني انا بعرف اكل لوحدي
بس بدر كان مسكها بقوه وقال..اششش مهتقوميش يا اما اكلك بيدي يا اما

مفيش وكل يلا افتحي بقك ده اللي كيف الشهد المنقوع في العسل افراح حاولت متبتسمش وقالت …بدر سيبني
بدر بص لشفايفها واتنهد وقال…يامين يقولهم براحه…انا تعبت بصراحه
افراح ضحكت بخفه وقالت بدلال ..هما ايه دول
قرب قوي ومرر صباعو على شفايفها وقال….شهدي اللي وحشني طعمو قوي
افراح اتوترت من كلامو وقربو وقالت..انا هقوم انا…

بس قطع جملتها لما قرب منها في لحظه اتمناها من وقت طويل
افراح حاولت تبعده بس مقدرتش عليه
بعد عنها وبص لعيونها وقال…لو تعرفي وحشاني قد ايه و
بس قاطعتو لما وقفت بسرعه وبعدت وقالت بغضب..طب ايه رايك مش هطفح علشان تبطل محن
بصلها بدهشه وقال بعصبيه…محن..انتي تطولي يا بت ..ده انتي تبوسي يدك على النعمه الي الف غيرك يتمناها
افراح شهقت بردح وقالت…حوش حوش يا النعم اللي واقعه على الارض مش عارفه المها على ايه يا خي …ده انت شبشب ميسواش جنيه….

ولو لقيتو واقع موطيش عليه
بدر خرج عن شعوره زي العاده وقال بغضب شديد ….شبشب يا بت الطبال يا صرمه ….وضر.بها قلم قوي
افراح بصتلو بزهول وووووووو يتبع…. الحلقة الرابعة خرج عن شعوره زي العاده وقال بغضب شديد ….شبشب يا بت الطبال يا صرمه ….وضر.بها قلم قوي
افراح بصتلو بزهول ونزلت دموعها وقعدت على السرير وبقت تبكي بصوت عالي

بدر هدي شويه وحس انو اتسرع و افتكر كلام جده داس على اسنانه بغصب من نفسه وراح قعد جمبها على السرير وقال..احم…افراح ..احم مقصديش يا بت خلاص..انا كده يدي سبقاني
افراح كانت بتبكي وحاطه اديها على وشها مسك اديها وقال..يا بت بس خلاص ده هو حتت قلم
وبعدين انتي كمان غلطانه يا افراح فيه واحده متربيه تقول على جوزها شبشب
افراح هزت راسها بالرفض وهيه بتبكي وهو ابتسم وقال..جدعه يعني مفيش..

يعني عيب ..يعني مهتتكررش تاني اتفقنا
افراح هزت راسها بالرفض تاني
بصلها بدهشه وقال..لاه..لاه ليه
افراح قالت وهيه بتشهق..علشان انا مش متربيه
بدر ضحك بخفه وهز راسو بيأس منها وقال…في دي معاكي حق…خلاص حقك على راسي ولسه هيحض.نها وقفت بسرعه وقالت…تمام خلاص محصلش حاجه انا هروح اكمل اكل لاني جعانه
وراحت قعدت وبقت تاكل
وهو كان بيبصلها بزهول وقال…جعانه..ده انتي سعرانه مش جعانه
وراح قعد قصادها وقال بغيظ بيحاول يداريه بابتسامته… اطفحي يا حبيبتي مطرح ما يسري يهري
افراح بصتلو بطرف عينها فقال بسرعه..يمري…

قصدي يمري
وبقى ياكل هو كمان بغيظ منها وبيدعي ربنا يصبره عليها ويقدر يتعامل معاها بهدوء زي ما جده قال

خلصو اكل وغسلو اديهم وبدر راح ينزل الاكل
وطلع لقاها نايمه على السرير قرب نام جمبها وقا…هو انتي هتنامي دلوك…يعني ممكن نسهر شويه لو حابه
افراح قالت بخنقه…لا هنام مش بحب السهر
بدر قال بخنقه…اممم….هو انتي ايه اللي مش عاجبك فيا…ناقصني ايه انا ممكن تديني فكره بس من باب العلم بالشيئ
افراح قالت بضيق من غير ما تبصلو….. ناقصك تبقى بني ادم …انت فاكر نفسك روش كده لما واخد كل حاجه عافيه ولا عيشتك والقرف اللي بتشتغله مش خايف ربنا يبتليك في ابنك وفي يوم تلاقيه مدمن على السم اللي بتاجر فيه

بدر قال بضيق..على اساس ان شغلي هو اللي مزعلك انتي رفضاني من قبل ما تعرفي بشغلي اصلا
وقرب منها اكتر وقال بحنيه…تصدقي بالله انا عندي استعداد اسيب كل حاجه علشانك حتى الشغل ..كلو يهون لجل عيونك اللي نورو البيت كلو من اول ما هلو
افراح ظهرت ابتسامه على شفايفها من كلامو الرقيق بس حاولت متبينش وقالت ببرود مصتنع…. والله كان نفسي اقولك البيت منور بيك بس انا شايفه الاضائه عاديه يعني
بدر بصلها بدهشه وداس على اسنانه بغيظ وضر.بها بالمخده وقال..طب اتخمدي اتخمدي انا الغلطان

وقام راح البلكونه وهو مخنوق جدا
افراح ضحكت علي عصبيته وحاولت تنام بس مجلهاش نوم اتنهدت وقالت…. وبعدين بقى مجاش ليه ده يكونش انتحر وريحني
وقامت راحت وراه وهيه بتقول انت زعلت ولا ايه و
بس قطعت كلامها لما سمعتو بيتكلم في التليفون بصوت واطي
وقفت تسمعه وهو قال..تمام يعني اول شحنه هنستلمها بعد شهر من انهارده يوم ٥ في الشهر…طيب عايزكم تفضو المخازن زين…. لاننا هنزلها على هناك طوالي تمام و

بس حس بصوت قال طيب سلام دلوك وقفل معاه بسرعه ودخل لاكن لقاها نايمه على السرير اتنهد وراح نام جمبها وشدها لحض.نه وضمها بقوه وهو مرتاح جدا بوجودها جمبه
افراح كانت صاحيه بس مرضيتش تتحرك او تمنعه علشان ميحسش انها كانت صاحيه فضلت بين اديه وحاسه بامان وراحه محستش بيها قبل كده رغم انها مش حابه وجودها معاه
في صباح يوم جديد قامت من النوم ملقتوش جمبها
قامت بتعب بتبص جمبها لقت ورقه مسكتها وقرت فيها..صباح الجلاتي… على اللي نور حياتي
بقولك ورايا شغل ضروري ساعة زمن مهتاخرش

وداد هتطلعلك الفطور انتي متنزليش السلم اليومين دول وخليكي عاقله ها انا اقل من ساعه وراجعلك
بقلم…زهرة الربيع
افراح قالت بضيق…. شغل اه ….طبعا ما انا عارفه شغلك الوسخ
وقعدت تفكر بضيق بس ابتسمت بسعاده لما افتكرت حاجه مهمه جريت على دولابها وبقت تفتش تحت الهدوم ولقت تليفون صغير اتصلت على شخص منو وقالت ..ايوه يا احمد بيه انا افراح

وسمعتو شويه وقالت…. لا متقلقش هو مش في البيت بكلمك من التليفون اللي كنت ادتهولي قبل كده كنت مخبياه هو ميعرفش حاجه عنو..خلينا في المهم انا عرفت مكان البضاعه ويوم التسليم كمان وجاهزه اقولك علي كل حاجه بس تنفذ وعدك وتخرجني من البلد دي بامان
عند بدر رجع من بره ولسه هيطلع على الاوضه جده وقفه وقال بدر عايزك
بدر راحلو وقال…. خير يا جدي
جده قال بضيق…ناوي على ايه بخصوص افراح
بدر قال باستغراب …كيف يعني ناوي على ايه..مفاهمكش يا جدي
جده قال بضيق….

لا انا وانت فاهمين كويس…يا بدر مش كل حاجه عافيه يا ولدي انا طلبت منك امبارح تعاملها بالين وتحاول معاها لكن انا بنفسي دلوك بقولك كيف ما ربنا قال امساك بمعروف او تسريح باحسان يا ولدي بدر بصلو بزهول وقال…. انت بتقول كده ليه يا جدي
جده قال بحزن… لان افراح امبارح حاولت تسقط حالها يا ولدي معنى كده ان مفيش فايده من انها تفضل معاك البت كارهه و
بس قاطعو وقال بغضب…كارهه يعني ايه…كارهه انها تفضل معاي هيه تطول اصلا اسمع يا جدي طلا.ق مهط.لقش نجوم السما اقربلها وقلها كده يمكن تفهم منك

قال كده وطلع بغضب على اوضته وسابو واقف بحيره ومش عارف يحل الورطه اللي هو سببها ازاي
عند افراح كانت قاعدة على السرير بتفكر يا ترى اللي عملته صح ولا غلط
واتفاجأت بدخوله زي الاعصار وقرب منها بغضب شديد وقال..انتي نزلتي عند جدي…روحتيله وبكتيله صح…قولتيلو انك كارهاني ومعيزانيش مش كده
افىاح بصتلو باستغراب وقالت..انت بتقول ايه..انا منزلتش تحت اصلا …هو رمي بلا وخلاص ايه ده
بدر بصلها بغضب وقال..متكدبيش يا افراح انا جايب اخري الساعه دي
افراح قالت بغضب…انا مش مضطره اكدب انا منزلتش وبعدين متفاجأ ليه..

اه مش عيزاك ومش طيقاك ولو نزلت او منزلتش الكل عارف كده انت بس اللي بتقاوح

ولسه هتمشي شدها عليه بقوه بقت بين اديه وبص لعيونها وقال….طب والحل ايه يا بت الناس ..رسيني على بر يا افراح وانا ابقى سجين مرساكي قوليلي سبب لرفضك حتى
افراح اتوترت من قربو ونظراتو وقالت..انا مبحبكش يا بدر مش بالعافيه
بدر قال باستغراب تحبيني هو لازم تحبيني علشان تتقبلي جوازنا..طب ما انا اها محبتكيش وعايزك وياي
افراح بصتلو بدهشه وضحكت جامد وقال ايه..ايه الجمله دي بجد…محبتنيش…طب احلف كده…قول وحيات دقات قلبي اللي هيطلعو من صدري كل ما بتقربي ما حبيتك
بدر بلع ريقه بتوتر وقال …وايه دخل ده باللي بقوله…القلب ممكن يدق من كذا حاجه

وبصلها من فوق لتحت بوقاحه وقال….طبيعي قوي يدق وقدامي فرسه زيك ..انتي مشيفاش نفسك كيف
وجذبها عليه ولسه هيقرب بعدت بسرعه وقالت …انا مش تلميذه يا ابن العمد..انت واقع وواخده بالي من زمان حتى لو متكلمتش كل حاجه بتعملها بتثبت كده… حتى عقابك المجنون اللي عملتو عملتو من غيرتك من الظابط مش لاني بلغت عنك بلاش تضحك على نفسك
بدر اتنهد وقال… احم…انا معارفش انتي قصدك ايه بس اللي يريحك تمام و

افراح قالت بسرعه …اللي يريحني انك تحل عن دماغي ولو تط.لقني وتسبني في حالي هرتاح وانت هترتاح صدقني
بدر قرب منها وقال ….مهرتاحش واصل انا عارف نفسي
لسه هتبعد قربها ليه قوي وقال ..تيجي نعمل رهان..
افراح قالت باستغراب…. رهان
بدر قال بسرعه اه….الرهان هيكون ياحرب يا حب..انتي كل المطلوب منك فرصه بس..فرصه تقربي مني وتسمعيني تديني فرصه لكل حاجه حلوه بتخطر في بالي معاكي ولو محبتنيش بردك هط.لقك يا افراح وههملك لحال سبيلك.. قولتي ايه
افراح قالت بسرعه..موافقه بس هتبقى عند وعدك وتسبني امشي من هنا
بدر ابتسم بسعاده وقال…

انا عند وعدي طول عمري
استعنا على الشقا بالله
وشهقت بخضه لما شالها فجأه قالت بزهول…. هتعمل ايه نزلني يابدر لا…
بدر قال بسرعه ….اشش اهدي مفيش حاجه هتحصل من هنه ورايح الا اللي انتي عيزاه وبس… ده وعد مني يا افراح افراح اتطمنت لما قال كده ومسكت فيه بدون وعي منها وهو كان بيبص لعيونها بحب واضح فيهم ونيمها على السرير وقعد جمبها وشدها لحض.نه بحنيه

افراح قالت بقلق …بدر انا
بدر حط صباعه على شفايفها وقال..قولنا ايه ..متخافيش..مفيش حاجه هتحصل من غير رضاكي ارتاحي
افراح ابتسمت ونامت على صدره وقالت بارتياح عارف رغم كل الوجع اللي بعيشو هنا لاكن حض.نك ادفى حاجه..حتى يوم دخلتنا بعد اللي حصل شدتني لحض.نك حسيت بهدوء وسكينه رغم كل اللي عشتو
بدر ابتسم بحزن وباس راسها وقال..حقك على راسي مقصدتش اخوفك ولا اذيكي
افراح قالت بضيق…انا مبحبش اتكلم في الموضوع ده
بدر اتنهد وقال..ماشي…

طيب قوليلي ايه كمان بيعجبك فيا غير حض.ني ها
افراح اتنهدت وقالت ….انك اوقات بتبقى حنين جدا صحيح اوقات تانيه بتبقى نطع وبارد وغلس ووقح ومتتعاشرش لكن اوقات بتبقى حنين
بدر اتسعت عنيه بدهشه وقال…ياريتني ما كنت سألت ياريت كان لساني اتشل قبل ما انطق يا بعيده
افراح ضحكت جامد واتخبت في حض.نه اكتر وهيه بتحاول تنسى كل حاجه وترتاح شويه في قربه
بدر اتنهد وهو حاسس انو ملك الدنيا في قربها واخيرا قدر يحس بانها مرتاحه في قربه

وعدت الايام بينهم في استقرار شديد مش بس استقرار ده سعاده كبيره كمان
بدر كان بيعمل كل اللي يقدر عليه والمستحيل بالنسبالو كمان علشان يرضيها
بقى يخرجها معاه ويشوفو كل الأماكن اللي تحبها واخدها عند الدكتوره واطمنو على طفلهم وكان بيشتريلها حاجات كتير من غير ما تطلب وكل حاجه كانت حلوه اوي بينهم
وافراح بقى كانت اتعودت على وجوده جمبها قدر يملا الفراغ اللي ساكن قلبها وبقت تستنى رجوعه على البيت بالعافيه وتنسى تلدنيا كلها معاه
بس طبعا كانت حاسه بندم رهيب لانها كلمت الظابط وعرفته كل حاجه عن معاد التسليم وخايفه ما تقول حاجه لبدر وفي

نفس الوقت مش قادره تتحمل طيبته وحنيته اللي بتحسسها بانها ظلمته
وبعد شهر في يوم التسليم كانت قاعده في الاوضه ومتوتره جدا ورايحه جايه برعب انهارده الظابط هيداهم المخازن وهيه لسه مقدرتش تقول لبدر حاجه. وووووو يتبع…. الحلقة الخامسة قاعده في الاوضه ومتوتره جدا ورايحه جايه برعب انهارده الظابط هيداهم المخازن وهيه لسه مقدرتش تقول لبدر حاجه اخدت نفس عميق وعزمت امرها تقوله اول ما يجي
قطع شرودها لما دخل وفي ايده شنط كتير وقال بحماس ….بصي جبت ايه وياي مش هتصدقي

افراح قالت بحزن…. ما انا عندي كل حاجه يا بدر لزمته ايه تاني
بدر قال بسرعه….

بس ده مش ليكي ده لعمدتنا الصغير وطلع ملابس اطفال جميله جدا
جريت عليهم مسكتهم بفرحه وقالت
…الله بجد ايه ده عسل يا خرابي
بدر قال بابتسامه ….لسه هيبقو عسل لما يلبسهم شوفي ده بحب الون الازرق قوي …جبت ولادي وبناتي علشان اللي يرزق بيه ربنا
افراح ضحكت وقالت ..طب مش لسه بدري ده انا مكملتش التالت
بدر ابتسم وقربها ليه وقال…يادوبك نجهز كل حاجه وكلمت نجار هياجي يعمله اوضه زينه و
افراح قاطعتو وقالت بسرعه اوضه ليه انا عيزاه جمبي ميسبنيش في حض.ني
بدر قربها ليه قوي وسند جبينه على جبينها وقال…..

لاه مهو حض.نك مفاضيش..هيبقى فيه ولدك الكبير
افراح ابتسمت وقالت ..الكبير خلاص كبر ينام بعيد
بدر قال بحب….مهما كبر ميكبرش على حض.نك….مبقاش على البعد يقدر …عشق حلاكي يابت البندر
في مكان تاني عند المخازن. كانو رجالة بدر بينزلو البضاعه بسرعه بس اتصدمو بمداهمة ظباط الشرطه للمكان ونزل الضابط احمد وقال…كلو يرفع ايده…خلصت اللعبه كده اكتشاف المزيد كتب صوتية رومانسية روايات كاملة للقراءة روايات عربية مكتبة روايات إلكترونية روايات مدونة كامو روايات قصيرة للقراءة ورش عمل أدبية

روايات عربية مشهورة برامج تصميم أغلفة كتب قصص قصيرة عند افراح ابتسمت بسعاده من كلامو الرقيق وهو قال بابتسامه…مهتقوليش اي كلمه تبلي بيها ريقي…بقولك عشقان ولهان تعبان …يا بت الحقيني قبل ما ابقى زهقان ضحكت بخفه وقالت….لا متزهقش..انا كمان..
بدر قال بحماس … ها انتي كمان ايه
افراح قالت …انا كمان …ب
قال باستعجال…. ب ايه قولي يا مسهل
افراح قالت بسرعه….انا كمان بحب اللون الازرق بجد تحفه معاك حق
بقلم ..زهرة الربيع
بدر اختفت ابتسامتو وقال…. الازرق اه…صح هو حلو..حلو قوي ثواني بس هخليه احلى
وراح جاب مقص من الدرج واتقدم على الشنطه عايز يقص الطقم وهو متنرفز جدا

افراح جريت عليه وهيه بتضحك من قلبها وبتحاول تمنعه وقالت…. بس يا مجنون بس
بدر قال بزعيق…. بعدي لاقص بيه لسانك اللي عمره ما فلح غير في قلة الادب ده بعدي
افراح ضحكت وحض.نته ونامت على صدره وقالت…بهزر معاك متبقاش قفوش..انا كمان مش عارفه مالي بفكر فيك كل دقيقه بحب قربك وبحب اي ثانيه تكون جمبي فيها… حلو كده
بدر ابتسم ورفع وشها ليه وقال…حلو قوي ..انا مبقيتش عايز حاجه تاتي من الدنيا خلاص يا افراحي بقيتي كل حاجه ليا من كتر فرحتي بيكي ديما قلبي مقبوض خايف تتاخدي من بين اديا في اي لحظه…

لو بعدتي عني اروح فيها…ولد العمد سلم يا افراح وعشق التراب اللي بتمشي عليه انتي كسبتي يا بت البندر

افراح نزلت دموعها بغزاره ومش عارفه تحدد سببهم فرحه واعجاب بكلامه اللي بيرضي غرورها ويسعد اي ست في الدنيا… ولا ندم وحزن لانها ضيعت اكتر حد حبها ووقف جمبها
وخصوصا لما افتكرت ان البوليس زمانه هجم على المحلات وداهم البضاعه مسحت دموعها بقوه وقالت بسرعه..اهرب يا بدر
بدر بصلها باستغراب وقال… ايه
افراح قالت بسرعه وقلق…..اهرب يا بدر مفيش وقد ارجوك امشي بسرعه… بسرعه يابدر
بدر بصلها باستغراب اكبر وقال ….انا مفاهمش بتقولي ايه… ايه الحكايه
افرلح بقت تبكي جامد وقالت بدموع ….بدر انا…انا بلغت عنك ..زمانهم داهمو البضاعه ارجوك تمشي مش هقدر…

مش هقدر اشوفك بتتحبس انا اسفه والله كنت ….كنت زعلانه منك..كنت خايفه ومكنتش عارفه قيمتك سامحني
بدر كان واقف بيسمعها بلامح مش مفهومه ابدا وغمض عنيه واخد نفس عميق وقال…اشهد ان لا الاه الا الله واشهد ان محمد رسول الله
وبقى يحاول ياخد نفسو اللي حاسس انو مش لاقيه ابدا
افراح كانت بتبصلو باستغراب شديد وقالت…بدر انت مسمعتنيش بقولك البوليس زماتو على وصول و بس قاطعها لما ابتسم بسخريه وقال…انا عارف اللي عملتيه…التلفون اللي كان في الدولاب كنت مراقبو.. انا عارف انك بلغتي عني يا افراح

افراح بصتلو بصدمه حقيقيه وقالت… ايه..عارف..عارف وسكت طب….طب ليه
بدر قرب منها وقال…علشان الرهان يا بت البندر ..الرهان الحقيفي مكانش وياكي كان ويا قلبي اللي حلفلي اني مههونش عليكي وربنا هيراضيني لاني قصدت اراضيه
كانت بتسمعه باستغراب وهو قال…البضاعه الشهر ده كلها عدد تليفونات متقلقيش مفيهاش حاجه خطر..انا خدت عهد على نفسي اوقف الشغل ده واربي ولدي بمال حلال …عاهدت ربي على التوبه ومتمني يقبلها مني
يعني هيفتشو مهيلاقوش حاجه وهيمشو متخافيش
افراح اتسعت عنيها بزهول وهيه مش مصدقه تفسها من الفرحه واترمت في حض.نو بقوه وقالت…

بجد انا مش مصدقه مش مصدقه والله كابوس وانزاح…انا كنت همو.ت لو اذيتك
وبصتلو وقالت بدموع..حقك عليا انا اسفه ..انا..
بدر ابتسم وقاطعها وقال….انتي هبله يا افراح
افراح بصتلو بدهشه وهو قال بسرعه… اه والله هبله قوي متبصليش كده..لما تفكري انك ممكن توقعيني وتسلميني ومأخدش بالي تبقي هبله…انا بدر الضاهي يا افراح والخطوه اللي بتخطيها ببقى سابقك بعشره قبليها افراح نزلت راسها بحرج وقلق وقالت…انت… انت عمرك ما هتسامحني صح…معاك حق..انا..انا جاهزه لاي عقاب

بدر ابتسم وقال…بس انا مش هعاقبك…وهسامحك علشان معدتش عايز نشل من بعض تاني
افراح بصتلو بدهشه وهو قرب منها وقال… عايز نعيش يا افراح انا قلبي وجعني من البعد خلاص انتي عذبتيني وانا وجعتك كفيانا كده عاد يا بت الناس خلينا نربو ولدنا بالحلال وفي امان ربنا
افراح ابتسمت وسط دموعها وقالت بسرعه…موافقه…

ومش عايزه حاجه تاني من الدنيا والله حقك عليا
قولي صحيخ هو انا لو متكلمتش انهارده كنت هتعمل ايه
قال بلاه مبالاه…ولا حاجه كنت هطل.قك
افراح بصتلو بزهول وقالت…ايه تط.لقني ببساطه كده
بدر ابتسم وقال..لا مش ببساطه…بس لو متكلمتيش معناها اني لسه مش فارقلك وكده يبقى مفيش فايده…بس لما اتكلمتي رديتي فيا الروح يا افراحي
افراح ابتسمت بحب وقالت…مقدرتش اسكت ..مبقتش اقدر استغنى عنك
بدر قربها لحض.نه وقال بابتسامه حلوه…يعني معيزاش تط.لقي

افراح ابتسمت وقالت بكسوف… لا خلاص.. انت كسبت الرهان
بدر ابتسم بسعاده وقربها ليه بحب وقال….وحشاني وانتي بين اديا يا افراحي ممصدقش انك اخيرا بقيتي ليا وملكي
افراح قربت منو قوي وقالت …..انا من زمان ليك واسمك على جبيني بس احنا مبنعرفش ايه الاحسن لينا علشان كده ربنا من رحمته بيختار لنا الحسن حتى لو غصب عننا

بدر ابتسم وقال ….الحمد لله على وجودك يا بت البندر بعشق جمال اهلك اللي دوخ اهلي ده
وقرب منها في لحظه جميله بينهم واخدها في حض.نو وقال …انا مش مصدق الراحه اللي انا فيها
افراح قالت بحب….ربنا يقدرني واريحك واعوضك عن كل ده
بدر بص لعيونها وقال…انا اللي هعوضك يا نور عنيا وهخليكي ست الستات كلهم يا هنا العمر يا كل افراحي
كنتم مع اسكربت قيود صعيدي