سيف بتذمر:
-عايز يتجوز جدتي يا وائل يرضيك يتجوز جدتي!
-اه يرضيني
قالها وهو بيبتسم ابتسامه سمجه وبارده سيف وهو بيبصله بقرف:
-اه مانت مشوفتش تربيه زي صاحبك
عم منصور انت مربتش ابنك ليه! منصور وهو بيلوي بوقه بسخ,,ريه:
-معلش مكنتش فاضي ولا انا ولا ابوك ولا ابو وائل عشان كده تلاقي التربيه مش اللي هي “بابا ماما تعالوا” قالها يزن وهو بيفتح باب البيت بعد ما سمع صوتهم اللي كان عالي وخاصه صوت سيف وهو بيصيح كالعاده من قبل ما يفهم الموضوع!
سيف بذهول :
-الاه انت ايه اللي جابك عند “همسه ” يزن برفعه حاجب :
-انت تعرف همسه منين ؟
-جاره جدتي رد ببساطه وهو بيرفع أكتافه بلا مبالاه -طب اتنيل ادخل ياخويا
-ادخل فين لا مؤاخذه! يزن وهو بيمسح علي وشه بضيق :
-هتدخل فين يعني يا اذكي اخواتك
-انت مش هتتجوز جدتي شده من هدومه وهو بيدخله البيت بغضــ . ــب أعمي -جدتك مين اللي اتجوزها دي رجلها والقبـ . ـر هنعمل الفرح في المدافن يا اهبل
دخلوا كلهم البيت وبابا رحب بيهم وانا قاعده حاطه وشي في الأرض بتوتر وإحراج منصور بجديه:
-ممكن افهم ايه اللي بيحصل بالظبط ؟ يزن وهو بيبتسم ابتسامه مهزوزه :
-هتجوز يابابا مش انت نفسك تفرح بيا منصور ببلاهه وهو بيشاور علي سيف :
-هتتجوز يعني المتخلف ده مكانش بيخرف بالكلام سيف وهو بيحط اسده علي ص,,دره بخجل مصطنع وامتنان :
-كل الشكر ياعمي
-اخرس ياحـيــ . ــوان قالها يزن ومنصور في نفس واحد وهما بيبصوا لسيف بغيظ
بابا ببرود :
-انا هفهمك يا استاذ
بكل بساطه انا كنت عايز اجوز بنتي لواحد اتقدملها وهي رافضه بس انا كنت مُصر علي الجواز قامت بنتي المحترمه الواضح أنها حكت الموضوع لابنك المُبجل راح ابنك شرفني بزيارته الكريمه عشان يحاول يقنعني اني مجوزش بنتي لواحد اكبر منها بعشرين سنه قومت عرضت عليه أن هو اللي يتجوزها وهو وافق ! منصور وهو بيهز رأسه بذهول :
-انت بتقول ايه ياراجل انت ه هو في حد ممكن يعمل كده في بنته!
رد بسماجه:
-اه انا
-ايه اللي يخليك تبيع بنتك بالرخيص بالشكل ده سكت لحظه وبعدها بصلي بقرف :
إلا لو كانت معيوبه بقي وعايز تلبسها لابني بابا وهو بيبصلي بدموع مصطنعه وخـ . بث:
-منهم لله ولاد الحرام اللي عملوا كده في بنتي اتنفضت من مكاني بفزع وانا ببرق وبهز راسي بهستريه ودموع -لا لا محصلش لا صدقوني لا محصلش والله محصلش بابا وهو بيعيط جامد بخـ . بث اكبر:
-للاسف هي عمرها ما هتفتكر لأنها من بعد اللي حصل عملت حـ .ــادثه وفقدت الذاكره
يُتبع
#فتاه_للبيع
#إيمان_شلبي