في الصباح…
صحي يونس من النوم وخد شاور ونزل …
شاكر ومصطفي وصفاء علي السفره…
قعد يونس وبدأ في الفطار …
الكل خلص ..قام شاكر راح اوضه المكتب ..
يونس: انا عاوز عنوان عمي بدر يا بوي
شاكر باستغراب : ليه ؟!
يونس: انا عاروح اعتذر له انا غلطت فيه ولازم اصلح غلطي
شاكر: خايف تروح تزود الطين بله
يونس: لاه مـ,,ــاتخافش يا بوي
شاكر مسك ورقه وكتبله عنوان بدر ..
شاكر: هتروح ميته
يونس: دلوك ..بجهز شنطتي ..
تليفون يونس رن …
يونس:
ايوه يا باشا..ايه ..بس ..تمام يا فندم
شاكر: في ايه..
يونس: جالي مأموريه طارئه..
شاكر: هتقعد كام يوم
يونس: من تلات ايام لسبوع
شاكر: خلاص روح بعد ما تخلص مأموريتك …
يونس : حاضر يا بوي بس تفتكر هيسامحني
شاكر: بدر قلبه ابيض وهيسامحك ..
……………………….
بتصحي روح من النوم بتلبس ملابس رياضيه
بتنزل تركب عربيتها وتروح النادي. .
بتنزل من عربيتهل تجري كعادتها ..
بيجري جمبها شخص ..
روح بغضب: عايز ايه ؟!
حسام:
انا اسف يا روح انا اتأسفت كتير اقبلي اعتذاري
روح وقفت بعصبيه: اعتذارك بجد مش محروج من نفسك ده انا حبيتك حبيتك بجد ازاي تعمل فيا كده
حسام: كانت غلطه ممكن تسامحيني ونبدأ صفحه جديده
روح بزعيق : دفترك قفلته من زمان وابعد عني احسنلك …
الناس كانت بتبص عليهم وحسام حس بالاحراج
بيمد ايده وبيحطها علي كتفها ..
طاااااخ …ضــ . ـربته بالقلم …
روح بعصبيه: حذاري ايدك تتحط عليا او تلمسني يا حـيــ . ــوان مـ,,ــاتنساش نفسك انا روح بدر النمر
حسام بغضب:
انتي ازاي عملتي كده ازاي اتجرأتي هدفعك التمن غالي..
بيرفع ايده عشان يضــ . ـربها بيلاقي ايد بتمسكها..
حسام بغضب: انتي ازاي عملتي كده انت لازم تتربي
بيرفع ايده عشان يضــ . ـربها بيلاقي ايد بتمسكها ..
روح: يادي النيله السوده يوسف هوا اليوم باين من اوله
حسام: عايز ايه يا يوسف امشي احسنلك
يوسف: جاي تضــ . ـرب خطيبتي وتقولي امشي ..اداله بالروسيه وقع عالأرض
روح: سابقا ..سابقا يا يوسف..انا لازم اغير النادي ده ..لانه لم..
حسام قام من علي الارض وبدأ يضــ . ـرب في يوسف
وروح سابتهم وهما نازلين طحن في بعض
يوسف شافها ضــ . ـرب حسام بالبونيه غاب عن الوعي وطلع يجري وراها…
يوسف :
روح ياروح
روح مكمله جري ..
يوسف: روح ارجوكي اسمعيني
روح وقفت بعصبيه: اسمع ايه يا يوسف ؟!
يوسف: انا اسف اديني فرصه ارجوكي ..
روح بعصبيه: اديك فرصه لايه اديك فرصه تضحك عليا تاني ..
يوسف: انا غلطت سامحيني ..
روح:
انا كنت زي اللعبه في ايديكم حسام حب ينتقم مني لما سبته بعد ما اكتشفت خيانته ليا بعتك انت كان ذكي كنت موجوعه ومجروحه وزي الغريق اللي بيستنجد بقشه اكتشفت اني ما حبتهوش هوا كان حاجه كده زي حب تملك اعجاب حبيتك انت حسيت انك عوض ربنا ليا بعد التلاته خطابي بس طلع كل شئ وهم بعتك عشان تك*سرلي قلبي وكنت نعم الممثل واللهي تفوقت علي نفسك ..
يوسف: انا بحبك يا روح ..
روح: وانا كنت بحبك بس عارف دلوقتي بكرهك وبقرف منك
يوسف: القلب اللي حب عمره ما يكره
روح:
بالعكس القلب اللي حب اوي لما بيتجرح بيكره اوي انا نسيتك خلاص نسيت حبي ليك عارف امتي لما شوفتك واقف معاه وبتحكيله اني هبله وساذجه وبقيت زي الميه في ايدك وبقيت بمــ . ــوت في التراب اللي بتمشي عليه واني هاجي معاك الشقه قريب زي ما جرحتني وخونت ثقتي هاتتردلك وهتيجي اللي تجرحك
يوسف: ارجوكي سامحيني انا كنت اخدها لعبه في الاول بس واللهي حبيتك اوي
روح: عايزني اسامحك؟!
يوسف: ايوه وهاعمل اي حاجه عشان تسامحيني
روح: ابعد عني …
مشت روح وسابت يوسف واقف …
يوسف: هتسامحيني يا روح هتسامحيني ..
……………….
روح دخلت بعربيتها ..
وطلعت اوضتها اخدت شاور ونزلت الجنينه.
قلبت في تليفونها شويه وبدأت تبكي ..
لقت اللي بيحط ايده علي كتفها.
روح بصت: بابا ..
بدر : ايه مالك بتعيطي ليه
روح مسحت دموعها: مافيش يا بابا.
بدر قعد جمبها وخدها في حــ . ــضنه
بدر: انتي اتعودتي انك تخبي عليا حاجه احكيلي
روح ببكاء: النهاردة عيد الأم ..
بدر حــ . ــضنها اكتر ..
بدر:
عارفه لو مانت عايشه يا روح كانت حبتك اوي يوم ماعرفت انها حامل في بنت كانت طايره من الفرحه كانت بتقول دي هتبقي حبيبتي واختي وصاحبتي وكل حاجه كانت بنت وحيدة واخين كان نفسها في اخت ليها كانت بتقول ربنا هايعوضني بيها ربنا يرحمها مـ,,ــاتعيطيش ادعيلها بالرحمه
روح ببكاء: ربنا يرحمها انا مش عارفه من غيرك كنت عملت اوعي تسيبني يا بابا انا من غيرك امــ . ــوت ..
بدر بشرود: انا هافضل معاكي يا حبيبتي ..
…………………
في الليل
في منطقه صحرا في كذا مخزن كبير للمخدـ . ـرات.
ضــ . ـرب نــ . ــار كتير ويونس واخد ساتر وعمال يضــ . ـرب نــ . ــار..
* هانعمل ايه يا باشا ؟!
يونس: مش هنستفاد حاجه ان فضلنا كده للصبح احمي ضهري
* تمام يا باشا
بيجري يونس وبيلف من ورا اللي بيضــ . ـربوا نــ . ــار وبياخد ساتر وبيضــ . ـرب نــ . ــار عليهم …
بيمسك الجهاز بتاعه …
يونس: اهجمهوا..
بيهجم العساكر واولهم يونس وبيدخل المخزن بيلاقي واحد واقف ولابس حزام ناسف..
يونس: اهدي ..اهدي
بيحط الراجل ايده علي الحزام ..
يونس: انسحبوووووا
………….
في الصعيد…….
كرم بيلم هدومه في الشنطه..
ام كرم: عاوزه اعرف رايح علي فين يا ولدي
كرم: رايح مصر ادور علي شغل ياما
ام كرم: رب هنا رب هناك يا ولدي خليك هنا وربنا هايبعتلك رزقك ..
كرم: يا ما انا من ساعه ما اتخرجت من الجامعه وانا مش لاقي شغل وشغال في حاجات ماليش دعوه بيها
ام كرم:
مش شغال في وكاله ابوك والحمد لله مكفيانا واكتر
كرم: بس مش بعد تعبي في الكليه ياما اشتغل في وكاله ابوي انا عندي طموح وعايز احقق ذاتي
ام كرم: ماشي اللي تشوفه يا ولدي بس متنساش امك
كرم: انت بتقولي ايه يا ما انا انسي نفسي ومانساكيش ربنا ما يحرمني منك ولا من طلتك
ام كرم: ربنا يخليك ليا يا ولدي وينجحك وتوصل لاعلي المراتب قلبي وربي راضي عنك
كرم: ادعيلي يا ما
ام كرم: بدعيلك في كل صلاه يا ولدي
كرم: ادعيلي براحه القلب والبال يا ما
ام كرم:
ربنا يريح قلبك وبالك وينولك مرادك
كرم: من بوقك لباب السما صحيني بدري عشان القطر
ام كرم: ماشي ولو اني يعز عليا فراقك يا ولدي تصبح علي خير
كرم: وانتي من اهل الخير
خرجت ام كرم …
كرم: وحشتيني يا قمر ..وحشتيني مسيرنا نتقابل ..بقيت عايز انام عشان احلم بيكي تصبحي علي جنه
………………..