في اوضه يونس ..
يونس: ليه سبتيني ليه انا عملت ايه كان ذنبي ايه ضايقتك في ايه انتي بتكرهيني ليه بس انا بحبك نفسي تبقي موجوده جمبي نفسي اشوفك عايز اعوض كل لحظه فاتتني من غيرك ..انتي رايحه فين تاني
دخلت روح لقت يونس نايم بس لحظت انه زي مايكون بيتعذب وعرقان اوي…
يونس: رايحه فين تاني وسايباني انتي السبب اني مش عارف اعيش طبيعي رايحه فين رايحه فين رودي …
روح حاولت تصحي فيه وهوا صوته عالي كأنه بيتشاكل …
روح: يونس اصحي ..اصحي يانمر
فتح يونس عينيه لقاها واقفه تلقائيا حــ,,ـــــضنها. .
روح استغربت بس حست انه محتاج الحــ,,ـــــضن ده
رجع لوعيه بعد عنها …
روح: انت كويس يا نمر
يونس: ايوه كويس .
جابتله روح كوبايه ميه وشربها ..
روح: حبيبتك ؟!
يونس: حبيبتي ايه ؟!!
روح: اللي كنت بتقولها رايحه فين وسايباني في الحلم ؟!
يونس : انا كنت بقول كده لأ اكيد سمعتي غلط
روح:
ماشي ..عالعموم انا موجوده لو عايز تحكيلي حاجه بس عايزه اقولك حاجه واحده بس ما حدش يستاهل انك تزعل عليه …تصبح علي خير يا نمر …
خرجت روح …
نام يونس علي ضهره …
يونس : نفسي اقابلك مره واحده بس عشان ارتاح …
……………………..
في الصباح ..
بتصحي روح من النوم بتدخل تاخد شاور …
بتلبس هدومها اللي عباره عن بنطلون ابيض وبلوزه سوده كات وبتسيب شعرها …
بتطلع من اوضتها بتشوف باب كريمه بيتفتح
روح بضحك وصوت واطي: بعد واحد ..اتنين …تلاته ..
اااااااه …
كريمه وقعت علي الأرض …
روح قربت عليها …
روح بضحك ومدت ايدها ليها: مايقع الا الشاطر يا كريمه …
كريمه قامت بعصبيه وسابت روح ماده ايديها …
روح : ماشي يا كويمه هههههه
كريمه: هاوريكي
روح بغمزه: وريني مستنينه
مشت روح وراحت قدام اوضه النمر..
روح: يا قطتي انت صحيت
كريمه اتعصبت جدا …
روح دخلت وقفلت الباب وهيا بتضحك ..
يونس كان قاعد علي السرير …
روح: صباح الخير
يونس: صباح الجمال ايه بقا يا قطتي دي
روح بضحك: انت سمعت
يونس:
ايوه ..بتفرسي مين ؟!
روح: انت تعرف عني كده
يونس: ايوه ..
روح: خلاص بقا يبقي اعترف كويمه اللئيمه ..
يونس: هههههه وكويمه عملت ايه
روح: قول ما بتعملش ايه دي كانت تايزه تمــ,,ـــــوتني بالليل دخلتلي وفي ايدها عصايه كبيره ..
يونس : وماقولتيش لعمك شاكر ليه
روح: هاقوله وهاتطلعني كذابه فاريحت دماغي
يونس: كريمه مش سهله خلي بالك منها..
روح: كريمه مش سهله ماشي بس روح اصعب بكتير
يونس: انتي هاتقوليلي ..
روح : يلا اكيد فطرت طبعا وخدت العلاج صح
يونس :
لاه انا قولت افطر معاكي النهارده
روح: بجد!!؟
يونس: ايوه. .
روح : بس انت كده اتأخرت علي ميعاد العلاج
يونس: مش هاتفرق هاتي الصينيه من علي الترابيزه ..
روح قامت جابت الصينيه …
روح: الله بقا علي الفطير المشلتت اللي هايبوظ الريجيم ده
يونس: بتحبيه
روح: انت بتسأل …
بدأو ياكلوا وفي حد بيراقبهم في صمت …
روح : الحمد لله ..بس تصدق فتحت نفسي
يونس: بجد
روح: ايوه انا اساسا مش بيبقي ليا نفس افطر
يونس بابتسامه: خلاص تعالي بقا افطري معايا كل يوم ..
روح : هههه كل يوم هوا لسه يومين ان شاء الله ولا حاجه ونمشي بقا.
يونس : اه ..حتي لو يومين هيفرقوا
روح: هيفرقوا ايه؟!!
يونس: هيفرق يعني في انك تعرفي تفطري..
روح: ايوه يلا خد بقا العلاج ..
بياخد العلاج …
روح: انا نازله اشوف بابا ..
بتمشي روح …
بيحط يونس ايده تحت المخده وبيطلع مذكراته وبيبدأ يكتب. ..
مسكت دفتري وكتبت ..
يامالك قلبي ليه مش حاسس ومش داري
وانت كل الدنيا بالنسبالي ونفسي بس عليا تحن…… ..
……………………..
روح كانت ماشيه وقربت من السلم وكريمه كانت ماشيه بتتسحب وراها ..لحد اما قربت علي اول درجه علي السلم كريمه كانت جايه تزقها راحت روح موطيه في نفس الوقت تربط رباط الكوتش …
كريمه بيمتل توازنها وبتقع وبتجيب السلم كله ..
روح وقفت بصدمه …
روح نزلت علي السلم بسرعه.
روح: انتي كويسه ..انتي ايه اللي وقعك ..
اجي بدر وشاكر …
شاكر: في ايه يا بتي
كريمه ببكاء: روح يا عمي دفشتني من علي السلم اهئ اهئ
روح : ما حصلش واللهٍ
بدر بصلها نظرات غير مفهومه
روح:
وحياتك يا بابا مازقتها.
روح طلعت بره لما لقتهم ساكتين وماردوش عليها
قعدت علي نفس الكنبه اللي بيقعد عليها يونس في الجنينه الخلفيه …
قعدت وهيا متعصبه وزعلانه …
يونس كان قاعد بيكتب في دفتره وشافها…
كتب …
عندما اراها اشعر وان العالم اجمل
وان ايامي تبدلت عيناها الخضرواتين
تجعلني اتوه بها وكأن لا احد سواها يتربع علي عرش قلبي
لكن لما اراها حزينه هل هي مثلي
تظهر للعالم شئ وتخفي الشئ الأخر تخفي مشاعرها ومخاوفها وتظهر انها قويه ولا تهاب شئ
رفقا بي وبقلبي انه لم يعد يحتمل اتشاركيني حياتي وتكوني رفيقه دربي وبلسم
الامي اتعوضيني عن ما افتقدته في حياتي ام ستتركيني مثل البقيه …
قفل الدفتر ..
روح مسكت تليفونها. ..
روح: خالد وحشتني اوي اوي الدنيا من غيرك مالهاش طعم …
يونس : بتحبه معقول ؟!
يونس دخل ورمي الدفتر علي السرير..
يونس: انت اللي علقت نفسك في احبال دايبه يا نمر بس لاه مش النمر اللي يستسلم كده ..
……………………..
طلعت روح اوضتها ..لقت بدر قاعد..
روح دخلت قعدت…
بدر: مالك ؟!
روح:
بجد بتسألني مالك يا بابا البت دي تكذب وانت تصدقها وتكذبني انا لو بكذب هاتبقي اكتر واحد تعرفني
بدر: زعلانه عشان كده
روح: شايفها عادي يعني
بدر: طب تعالي هاتي حــ,,ـــــضن
روح: لا بجد زعلانه منك ..
بدر: انتي مـ,,ــاتعرفيش انا عملت فيها ايه عشانك
روح: اه ..عملت ايه يعني
بدر: مين ده اللي يزعل امورتي الحلوة ده انا امحيه من علي وش الارض …
روح: اه …
بدر قرب منها وحــ,,ـــــضنها …
بدر: يلا بقا نتغدي سوا..
روح: يلا …
……………………
في بيت كرم ..
ابو كرم: وه انت عاتقول ايه
كرم: قولت ايه يا بوي عايز اتقدم لروح
ابو كرم: وتفتكر شاكر النمر وبدر النمر هايوفقوا عليك وانت مش قد المقام
ام كرم: ماله ولدي يا حاج زينه الشباب
كرم: مش كل الدنيا فلوس يا بوي
ابو كرم: وفرضا لو البت بتحبك هترضي تعيش معاك هنا في الصعيد في البيت القديم ده اللي متعرش قش وتسيب الڤلل والعربيات والهلمه اللي هيا فيها
كرم: ابوي هاتيجي معايا ولا اروح لوحدي
………………..
في الليل…
كانت روح قاعده مع يونس …
روح : بقيت احسن
يونس:
الحمد لله
تليفون روح رن ..وردت.
روح: ايوه يا خالد انا مع يونس ايه طيب.
قامت روح …
يونس: رايحه فين …
روح: خالد بيقولي اطلعي البلكونه شكله مقلب .
يونس بعصبيه حاول يخفيها: طيب انا جاي معاكي اصل زهقت من القعده
روح: ماشي ..
طلعت روح من البلكونه …
خالد: حبيبتي افتحي شباكك انا جيت انا واقف تحت البيت مش عايز هيصه وزييط وحشتيني…
روح بفرحه: خاااااالد ….
نزلت تجري علي السلم والنمر نزل وراها …
وطلعت تجري علي خالد وحــ,,ـــــضنته وهوا اطول منها ..
شالها ولف بيها وهما بيضحكوا ……يتبع … طلعت تجري علي خالد وحــ,,ـــــضنته وهوا اطول منها ..
شالها ولف بيها وهما بيضحكوا..
يونس شافهم اتعصب جدا ..وراح ناحيتهم ..
شدها من حــ,,ـــــضن خالد ونزل في خالد ضــ,,ـــــرب ..
روح بصدمه: اهدي يا نمر اهدي ابعد عنه
خالد بيخبط يونس في الجرح يونس بيقع روح بتجري عليه ..
خالد رايح يهجم عليه ..
روح بعصبيه: بس يا خالد
خالد باستغراب : مش ده اللي ضــ,,ـــــربني في القاهره وجاي يضــ,,ـــــربني هنا كمان وتقوليلي بس ؟!
روح بقلق : انت كويس يا يونس؟!
يونس بعصبيه: مالكيش دعوه بيا .
يونس قام وماسك الجرح وبيقرب علي خالد ..
روح: بالله عليك يا يونس بس بقا
يونس بص لخالد بعصبيه …
بدر : في ايه يا ولاد ..خالد ايه المفاجأه الحلوه دي
يونس: انت تعرفه يا عمي ؟!
بدر: ده يبقي مدير اعمالي وابني وحبيبي
خالد: حبيبي يا بدر بيه ..
بيطلع يونس لأوضته بتقابله كريمه ..
كريمه: يونس ..يونس
يونس: عاوزه ايه يا كريمه
كريمه : كنت عايزه اقولك مـ,,ــاتعلقش نفسك في احبال دايبه وخد اللي من توبك
يونس فهمها ..
يونس: خلصتي نصحيتك الغاليه يا كريمه
كريمه:
ايوه
يونس دخل اوضته ورزع الباب وكريمه واقفه بتضحك…
روح دخلت الأوضه ..
يونس بعصبيه: عاوزه ايه ؟!
روح: عايزه اطمن علي جرحك خف ولا ايه
يونس: مسيره يخف انما جرح القلوب ما بيخفش
روح: طب وريني ؟!
بتمد روح ايدها علي مكان الجرح بيبعد ايدها
يونس: لاه كويس ..
روح: طب انا عملت ايه مضايقك مني كده
يونس: انت لامضايقاني ولا مفرحاني
روح: قطتي مالك زعلان ليه
يونس: ايه قطتي دي عيل بلعب معاكي اياك
روح: انت ليه لما بتتعصب بتتكلم صعيدي ها؟!
يونس:
خلقه ربنا بقا يلا عايز ارتاح
روح: بتتطردني يا نمر ماشي بس خلي بالك ان اللي في بالك غلط
يونس: ايه اللي في بالي وايه اللي غلط
روح: بكره تعرف يا نمر ..تصبح علي خير
خرجت روح وقفلت الباب..
كان يونس قاعد علي السرير شاط بايده كل اللي علي الكوميدينو …
يونس بعصبيه: الاقيها من مين من كرم ولا خالد ولا يوسف ولا حسام ولا مين ولا مييييييين اللي يفكر مجرد تفكير فيها ادفــ,,ـــــنه في ارضه ..
……………………………
في اوضه روح..
روح: مبسوطه انك جيت كنت زهقانه اوي يا خالد
خالد:
وانا اقدر اسيبك يا روحي
روح : هانلف البلد بقا ونتسابق بالأحصنه هنتبسط جدا جدا عارف لو الشله تيجي بقا تكمل ..
خالد: طلباتك اوامر نيجبلك الشله
روح: بجد ؟!
خالد : بجد ..
روح: بس …
خالد: بس ايه ؟!
روح: احنا كده كده يومين وماشيين مالهاش لازمه بقا ..
خالد : يلا انا هاقوم انام تصبحي علي جنه
طلع خالد من اوضه روح ويونس شافه …
يونس بعصبيه : في اوضتها كمان هيا حصلت ..
يونس راح لروح وهوا متعصب..
وفتح الباب مرة واحدة …
روح كانت نايمه علي السرير قامت..
روح: يونس انت كويس ؟!
يونس قفل الباب وطلع …
ودخل اوضته ورزع الباب …
لقي اللي بيفتح الباب وكان عاطي ضهره للباب
يونس: عايزة ايه ..
..عايزاك ..
بيلف يونس بيلاقيها كريمه ..
يونس بصلها باستغراب..
كريمه بتقرب منه: كل ده ومش خابر اني بحبك واني ابيع الدنيا عشانك واني مش شايفه غيرك راجلي وحبيبي وجوزي ..
بتحــ,,ـــــضنه كريمه …
بيزقها يونس بعصبيه …
يونس: اتخبلتي في عقلك اياك انتي بتعملي ايه ؟!
كريمه: بحبك يا يونس وماحدش هايحبك قدي مـ,,ــاتتعبش قلبك عشان ماحدش يستاهل
يونس: اطلعي بره يا كريمه يلا
كريمه: لو لفيت الدنيا مش هتلاقي اللي يحبك قدي يا يونس
طلعت كريمه من اوضه يونس وشافت روح كانت هتدخل
كريمه ضحكت بمياعه وعملت نفسها بتعدل هدومها ..
روح بصتلها باشمئزاز ورجعت اوضتها تاني …
روح بعصبيه :
بقا كده يا نمر عاملي محترم وانتي غاليه يا روح والبسي واعملي وانت مقضيها مع كريمه ماشي بس هوا انت لسه طالع من عندي لحقت تقضيها مايمكن ظلــ,,ـــــمته وكريمه هيا اللي بتمثل ماهي عقربه …
اول خطوه في اي علاقه ناجحه انك مـ,,ــاتشوفش عيوب في الشخص اللي بتحبه وتلتمس ليه اعذار حتي لو شايف بعنيك حاجه بتحاول تكذب نفسك ….
……………………..
في الصباح….
بيصحي يونس من النوم وبياخد شاور بيلبس هدومه ..
الباب بيخبط..
يونس: ادخل…
كريمه دخلت وفي ايدها صينيه الفطار
كريمه : صباح الفل
يونس: صباح النور
كريمه:
جبتلك الفطار نفطروا سوا ياريت ما تخجلنيش
يونس : طيب يا كريمه..
كريمه بفرحه قعدت علي السرير وبدأت تأكله ..
روح خبطت ودخلت اقت كريمه بتأكله في بوقه..
يونس بصلها : ايوه
روح: ولا حاجه كنت جايه اطمن عليك يا نمر ..
كريمه بتأكل يونس بابتسامه ..
روح بصتلهم وطلعت …
روح بتفكير: اه يا خاين يا غشاش هوا ده اللي هنفطر مع بعض كل يوم عشان نفتح نفس بعض طيب انا متغاظه ليه ها ليه بقا الاحاسيس دي …
راحت قدام اوضه خالد وخبطت .
روح وهيا بتطبل علي الباب : يا دودي يا دودي
فتح خالد وهوا مش لابس التيشيرت …
خالد: اييييييه ..اييييييه ما لحقتش البس التيشيرت يخربيتك
روح: بتتكسفي يا بطه اشطا …
وقعدت تخليه يغير وهوا بيضحك وهيا بتضحك.
بيطلع يونس وبيسيب كريمه علي صوت ضحكهم..
بيلاقي خالد بيجري وراها كده وهيا بتضحك
بيجز علي سنانه بغضب ..
ولسه هايمشي وهوا حالف انه يمــ,,ـــــوت خالد ده والغضب عاميه …
كريمه: يونس كمل وكلك
يونس : كلت يا كريمه يلا حوشيه …
نزلت روح تحت وخالد بيجري وراها
شاكر شافهم :
وه ايه قله الحياء دي
خالد: انا اسف يا عمي …
روح واقفه بتضحك…
شاكر: مايصحش كده البيت فيه حريم
خالد: انا بعتذر مره تانيه يا عمي …
بيطلع خالد وروح واقفه بتضحك…
بيعدي علي اوضه يونس بيلاقي اللي بيشده
وبيحط السكــ,,ـــــينه علي رقبته ..
خالد بخضه: في ايه في ايه
يونس: لو خايف علي نفسك عاود مصر
خالد: حاضر بس ليه
يونس زقه: بعد عنيها احسنلك
خالد: عن مين ؟!
يونس: عن روح النمر
خالد بضحك:
اه طيب …
خرج خالد وراح اوضته …
خالد : ده شكله مجــ . ــنون اوي
بيمسك تليفونه …
……………………….