الجبل

همام شد نعيمه من ايدها بغضــ . ــب ودفعها لمنصور وقال….. خد الزفت دي اربطها في الحوش لحد ما اشوف لها صرفه نعيمه بصت لسلطانه بخوف وسلطانه قالت بسرعه …. احب على يدك يا همام…. عشان خاطري هي ملهاش صالح ولسه هتجري على نعيمه همام مسكها من ايدها بغضــ . ــب وقال لمنصور بزعيق….ما يلا ياض مش بكلمك واقف متنح ليه منصور شد نعيمه ومشي بيها بسرعه وخوف وسلطانه بقت تبكي بشده وهي بتقول …..هملها يا همام احب على يدك علشان خاطري وانبي يا همام

همام زقها على السرير بضيق وبقى يغير هدومه بلا مبالاه وقال …..ومين قال لك ان لسه ليكي خاطر عندي عشان تشفعي بيه لغيرك ….انتي نفسك محتاجه اللي يشفع لك سلطانه قالت بسرعه….. اعمل فيا اللي انت عايزه بس متاذيش حد بسببي همام ابتسم بسخريه وغير الكلام تماما وقال…. مجاش النهارده على ميعاد التسليم ليه ….مش معقول ما انتيش قايلاله قبل سابق على المعاد سلطانه قالت بدموع…. مقلتلوش حاجه….وبقالي كتير قوي مبغتلوش اي حاجه همام ابتسم بسخريه وقال.. واخد بالي باماره المخازن اللي اتحــر . ــقت اول امبارح

سلطانه بصتلو بدهشه ووووو لو لقيت تفاعل جامد هنزل واحد كمان الصبح يلا وروني التفاعل الجامد 🏃‍♀️🏃‍♀️🏃‍♀️🏃‍♀️ الثالث
الظابط بتاعك مجاش النهارده على ميعاد التسليم ليه ….مش معقول ما انتيش قايلاله قبل سابق على المعاد سلطانه قالت بدموع…. مقلتلوش حاجه….وبقالي كتير قوي مبغتلوش اي حاجه همام ابتسم بسخريه وقال.. واخد بالي باماره المخازن اللي اتحــر . ــقت اول امبارح

سلطانه بصتلو بدهشه وقالت…… انا مقلتلوش على المخازن ..قولتلك بقالي وقت طويل مبعتلوش اي حاجه ….وبعدين ماتفكر شويه يا كبير وتعقلها ….ايه اللي هيخلي الحكومه تحــر . ــقلك مخازنك… مهم لو عارفين مكانهم يقدرو يطبو عليكم ويشوفوا اللي فيها ويمسكوكم متلبسين انت وعمكم همام فكر شويه لان فعلا كلامها منطقي وقال بتردد…..يمكن كانوا مستنين العمليه الكبيره اللي هتوصل النهارده

سلطانه وقفت قصاده وقالت…. واهي وصلت النهارده… حد جيه ناحيتكم…. يا همام انا معايزاكش تسامحني وعارفه اني غلطانه …بس وحياه ولدي اللي في بطني ده ان شاء الله اعدمه من وقت ما حبيتك مبعتلوش ولا جواب..و كمان قولتله انك حابب تتغير وهتبدا من جديد واني خلاص كده ما هقولش حاجه تاني عن اسرارك ومن وقتها مبعتلوش حاجه وحمدت ربنا اني مكنتش السبب في اي خراب ليك وكانوا لسه معرفوش عنيك اي حاجه ولا عن التسليم رغم انك قولتلي على المعاد بس مقدرتش اقوله مقدرتش ابيعك يا همام و رحمه ابوي ماقدرت ابيعك

همام كان حاسس انو مصدقها وهيضعف قدامها فشدها من شعرها بقوه وحاصرها بين ايديه وقال بوجع وغضــ . ــب…. بس انتي بعتيني يا سلطانه ..بعتيني و قــ . ـــتلتيني بسـ . ــكين بارده سلطانه اتألمت من مسكته واللي وجعها اكثر الدموع اللي في عيونه ولاول مره تشوفها قالت بوجع ….مقصدتش اوجعك واصل مكنتش عارفه اني هحبك ولا هتحبني… مكنتش عارف يا همام

همام شدد من مسكته ليها وقال بغضــ . ــب…. ولما عرفتي مجيتيش قولتي لي ليه… لو كان كلامك ده صح وفعلا حبتيني مقلوتليش ليه متكلمتيش ليه يا سلطانه ..كان هيبقى احسن 100 مره من الموقف اللي اتحطيت فيه قدام عمي… احسن من انو يقولي مرتك قرطستك ولعبت بيك وشدد من مسكته ليها وقال غضــ . ــب وحده …قال لي الله اعلم اللي في بطنها ولدك ولا لاه….طبعا.. ما انا في نظره واحد مغفل ممكن يحصل اي حاجه وانا ما داريش ونايم على وداني

ودفعها بغضــ . ــب وبص بعيد عنها وبقى يحاول يخبي دموعه اللي حــر . ــقت عيونه حــر . ــق سلطانه قالت بحزن ودموع…حقك على راسي ..انا..انا بس معرفتش تقول ايه وهمام اتنهد وقال بحزن …فاكره يوم ما لقيتك في الجبل… كنتي بتجري في نصاص الليالي خايفه ومرعوبه وبردانه ….فاكره كيف وقفت معاكي من غير ما اعرفك ولا اعرف انتي مين ….لما قولتيلي ابوكي ميت ومرت ابوكي عايزه تبيعك لواحد كبير في السن وانتي هربانه منيهم …سمعتك…. وصدقتك من غير اي سبب يخليني اصدق… جبتك على داري وامنتك عليه واتجوزتك وخليتك ست الكل ومبقاش حد يقدر يمسك ولو حتى بكلمه .و….و

بس مقدرش يكمل ونزلت دمعه شارده على خده وقال بالعافيه …وحبيتك يا سلطانه…..كنت جاهز ابيع الدنيا واشتريكي سلطانه نزلت دموعها بوجع وهو كمل وقال….امنتك على اسراري كلها اللي عمري ما امنت حد عليها ….وقولتي لي انك مقبلاش الفلوس الحرام وحتى دي وافقتك فيها وكنت ناوي انزل البضاعه اللي دفعنا حقها وتكون اخر عمليه ليا سلطانه كانت بتبكي بشده من كلامه وصوته اللي كله وجع وهمام التفت لها وقال بوجع ممزوج بدموع عنيه…..يطلع كل ده كدب …تطلعي مزقوقه عليا…. انا تضحكي عليا كده كل حاجه بينا …كل حاجه عشناها وهم

سلطانه قربت منه واحتضنت ملامحه بعنيها وقالت…. ولا حاجه كانت كدب ولا حاجه…. كل حاجه قولتها لك كانت حقيقه انا حبيتك اكتر من روحي ومقدرتش افرض فيك يمين بالله كل اللي عشتو وياك كان من قلبي يا همام

همام بقى يبصلها وبيتمنى يصدقها وهيه قالت بدموع….حتى اللي حكتهولك كلو مكدبتش فيه…كل اللي حصل اني روحت للحكومه قبلك عشان ينجدوني من مرت ابوي وهناك قابلت الظابط جلال…يومها قال لي انك واحد بالتاجر في السموم وفي نفس الوقت انت الوحيد اللي قادر تحميني من مرت ابوي وهو اللي زقني في طريقك عشان يعرف ميعاد التسليم والمخازن فين….انا كنت عبيطه خايفه من اهلي انهم يجوزوني غصب وافقت على اللي قال عليه…بس ورحمة ابوي من يوم ما جيت هنه وكل ما يبعت لي يكون ردي كيف ما انت قريت في الجواب كده …اقوله اني لسه معرفتش حاجه عن ميعاد التسليم واول ما اعرف

هبعتله ومبعتش عنك اي حاجه بعد كل اللي عملته وياي مقدرتش اذيك….وكنت كل يوم اقول هحكيلك كل حاجه بس مقدرش اتكلم …مش خوف منك ….بس خفت اخسرك يا همام والنعمه خوفت اخسرك انا بحبك قوي ..بحبك والله همام شدها عليه بقوه وغضــ . ــب ووجع وقال…..ما تقوليش بحبك تاني…. سامعه متنطقيهاش تاني سلطانه لمعت عيونها بالدموع وقبل ما تتكلم قربها لي في لحظه جميله سرقت انفاسهم وسافرت بيهم لعالم تاني وهيه بين اديه

بعد شويه التفت بعيد عنها وهو في قمه غضــ . ــبه من نفسه لانه ضعف قدامها كده جذب شعره لورا وقال بتوتر …..خليكي بعيده عني …متفكريش اللي عملتيه هيعدي بالساهل ولا تفكري اني سهل عليا اصدق كل اللي بتقوليه….خلاص كان فيه وانتهى يا بت الجبل زمان كنتي في نظري اصدق واحده في الدنيا و الكلمه اللي تقوليها بصدقها من غير ما افكر فيها حتى ….بس دلوك كل ده راح واللي عملتيه مهنساهوش عمري كله
بقلم …زهرة الربيع
قال كده ومشي وهي قعدت على السرير بدموع وبتتمنى لو كانت صارحته وقالت له كل حاجه من الاول

عند همام نزل وهو بيلعن نفسه لانه مش قادر يكرهها ولا قادر ياذيها قعد في الصاله وقال بغضــ . ــب… نعيمه…. بت يا نعيمه اعملي كوبايه قهوه و بس قطع كلامه و اتنهد بخنقه لما افتكر ان حتى نعيمه مش موجوده وهو حابسها في الحوش نادى لواحده تانيه من الخدم تعمل له القهوه في الوقت ده دخل عمه وقال بفرحه….. خلاص البضاعه وصلت واتستفت في المخازن وكل حاجه تمام…. ها مقلتليش الظابط وصل ميته همام اتنهد وقال…. موصلش يا عمي ما جاش واصل …هيه بتقول انها مقالتلوش وانها بقى لها كتير ما قالتلوش على شغلنا و

قاطعو عمه لما قال بغضــ . ــب وزعيق…و انت صدقتها دي بت نصابه شوف نصبت عليك قد ايه يعني سهل عليها تكدب دلوك تلاقيها قالت له انك كشفتها وميروحش هناك عشان كده مجاش همام اتنهد بتعب حرفيا دماغه هتتفرتك من الصراع بينها وبين قلبه كان عارف ان سلطانه مخرجتش ومقالتش للظابط بس مكانش قادر يجادل ولا يناقش قال بياس واستسلام …..يمكن يا عمي كل شيء جايز

وعدى اكتر من اسبوع وهمام تعبان جدا ومخنوق لانه مش بيطلع عند سلطانه ولا بيشوفها الا مرات قليله لما هيه تنزل علشان تبص عليه شويه من بعيد وكانو الاتنين مشتاقين لبعض جدا بس همام مكانش قادر يننازل ولا يثق فيها تاني في يوم كان بيشرب قهوته وكانت سلطانه بتبص عليه من بعيد فاكره انو مش شايفها همام ابتسم وهو شايف وشها اللي بيعشقه بتعكسه الطاوله القزاز الللي قدامه….لمس ملامحها على الطاوله وهو بيبتسم باشتياق

بس حمحم وحط صينيه القهوه مكان طيفها بتوتر لما دخل عمه وهو بيقول….لا ما انا تعبت وانت لازمن تشوفلك صرفه مش هتفضل قاعد هنه كيف الوليه الحزينه وتهملني لحالي كده همام اتنهد وقال…فيه ايه يا عمي خير
عمه قال قال …. المخازن كلها معبايه ومفيهاش منفد وفيه قد 50 كيلو بره كنت حاططهم في المنور ..دلوك عايزين ننقلهم روح خد العربيه النص نقل ووديهم في المخزن اللي في الجبل انا تعبان ومهأمنش الرجاله يوصلوهم لحالهم

همام بص له باستغراب وقال….واشمعنا ال 50 كيلو دول يعني اللي المخازن ما شايلهمش كيف ده يا عمي عمه قال بسرعه…. اسمع الحديت عاد قلت لك ما شايلش يعني لو اخدتهم وديتهم المخزن هتبقى الدنيا فايقه كده والرجاله تعرف تشتغل همام اتنهد وقال ….حاضر يا عمي كيف ما تحب بس قطع كلامهم منصور الغفير لما جيه وقال…. يا بيه البت اللي اسمها نعيمه ما راضياش تسكت وبتقول عايزه تقابلك ضروري همام اتنهد بخنقه وقال…. قول لها تسد بوزها منقصاش
منصور لسه هيمشي بس همام فكر شويه وقال… ولا اقول لك انا جاي معاك

عمو قال بسرعه…. متنساش البضاعه لازم توصلها من عشيه همام اتنهد وقال …..حاضر اشوفها عايزه ايه واروح طوالي اول ما همام طلع عمو ابتسم بخـ . بث وطلع التليفون واتصل بشخص وقال …ايوه يا جمال ركز معاي زين اول ما توصل عربيته تبلغ المركز عشان دول 50 كيلو مش كتير …هينزلوهم بسرعه …عايز يتمسك فيهم قبل ما يدخلهم ونخلص منو بقى كفاياه قوي لحد كده