ﻓﻲ ﺍﻭﺿﺔ ﻳﺎﺳﻴﻦ
ﻗﻠﻊ ﺍﻟﺠﺎﻛﻴﺖ ﻭﺍﻟﻜﺮﺍﻓﻴﺖ ﻭﻧﺎﻡ ﻭﺍﻳﺪﻩ ﺗﺤﺖ ﺭﺍﺳﻪ ﻭﻏﻤﺾ ﻋﻴﻮﻧﻪ ﻭﺻﻮﺭﺓ ﻣﺮﺍﻡ ﻓﻲ ﺑﺎﻟﻪ ﻭﻛﻞ ﻣﺪﻱ ﺗﺘﻮﺳﻊ ﺍﺑﺘﺴﺎﻣﺘﻪ ﻣﻦ ﺗﺬﻛﺮﻩ ﻟﺸﻜﻠﻬﺎ ﻭﻧﻈﺮﺗﻬﺎ ﻭﺭﺟﻔﺘﻬﺎ ﻭﺣﺘﻲ
ﺑﺤﺔ ﺻﻮﺗﻬﺎ ﺍﻟﻤﻤﻴﺰﺓ ﻭﻓﺠﺎﺓ ﻓﺘﺢ ﻋﻴﻮﻧﻪ ﻭﺍﻟﺸﺮﺍﺭ ﻳﺘﻄﺎﻳﺮ ﻣﻨﻬﺎ ﻛﺎﻧﻪ ﻣﺶ ﺍﻟﺸﺨﺺ ﺍﻟﻠﻲ ﻣﻦ ﺷﻮﻳﺔ ﻛﺎﻥ ﺑﻴﺒﺘﺴﻢ ﺍﻧﺎ ﻋﺎﻭﺯ ﺍﻋﺮﻑ ﺩﻱ ﻣﺠﻨﻮﻧﺔ ﺗﻄﻠﻊ ﻗﺪﺍﻡ ﺍﻟﻨﺎﺱ ﺑﺎﻟﻤﻨﻈﺮ ﺩﻩ ﻭﺍﻟﻠﺒﺲ ﺩﻩ ﻭﺍﻧﺘﻔﺾ ﻭﺍﻗﻒ ﺍﻟﺒﺖ ﺩﻱ ﻫﺘﻄﻠﻊ ﻋﻔﺎﺭﻳﺘﻲ ﻻ ﻭﺍﻳﻪ ﺍﻧﺎ ﺣﺮﺓ ﺣﺘﻲ ﻟﻮ ﻫﻘﻠﻊ ﺍﻟﻨﻘﺎﺏ ﺍﻧﺎ ﺣﺮﺓ ﻻﺍﺍﺍﺍﺍ ﺩﻩ ﻛﺎﻥ ﺯﻣﺎﻥ ﻳﺎ ﺳﺖ ﺍﻟﺤﺮﺓ ﻣﺎﺷﻲ ﻳﺎ ﻣﺮﺍﻡ ﻣﺎﺷﻲ ﺍﻥ ﻣﺎ ﻛﻨﺖ ﺍﻃﻠﻊ ﻋﻨﺎﺩﻙ ﺩﻩ ﻣﻦ ﻋﻴﻮﻧﻚ ﻣﺒﻘﺎﺵ ﻳﺎﺳﻴﻦ ﻻ ﻭﺍﻳﻪ ﺑﺘﻜﺪﺏ ﻓﻲ ﻭﺷﻲ ﻭﺑﺘﻘﻮﻝ ﺍﺳﺘﺄﺫﻧﺖ
ﻣﻨﻲ ﻣﺎﺍﺍﺍﺍﺷﻲ ﻣﺎﺷﻲ
ــ,,ـﺳﺎﻋﺘﻴﻦ ﻋﺪﺕ ﻭﻫﻮ ﻣﺶ ﻗﺎﺩﺭ ﻳﻨﺎﻡ ﻓﺠﺎﺓ ﻣﺴﻚ ﺍﻟﺘﻠﻴﻔﻮﻥ ﻭﺭﻥ ﻋﻠﻲ ﺭﻗﻢ ﻭﺍﻧﺘﻈﺮ ﺍﻟﺮﺩ ﻭﻫﻮ ﺑﻴﻬﺰ ﻓﻲ ﺭﺟﻠﻪ
ﻣﺮﺍﻡ ﻓﺘﺤﺖ ﺑﺪﻭﻥ ﻣﺎ ﺗﺸﻮﻑ ﺍﻟﺮﻗﻢ ﻭﺑﺪﻭﻥ ﺗﺮﻛﻴﺰ
ﻭﺑﺒﺤﺔ ﺻﻮﺕ ﺯﺍﻳﺪ ﺍﺛﺮﻫﺎ ﻣﻦ ﺍﻟﻨﻮﻡ ﺍﻟﻮ
ﻳﺎﺳﻴﻦ ﺑﻬﺪﺅ ﻭﻗﺪ ﻋﺎﻭﺩﻩ ﺍﻟﺨﻔﻘﺎﻥ ﺑﻌﻨﻒ ﻭﺑﺎﺑﺘﺴﺎﻣﺔ ﺍﻧﺘﻲ ﻋﺎﺩﻱ ﺑﺘﺮﺩﻱ ﻋﻠﻲ ﺍﻱ ﺭﻗﻢ ﺣﺘﻲ ﻟﻮ ﺍﻟﻮﻗﺖ ﻣﺘﺎﺧﺮ ﻳﺎ ﺩﻛﺘﻮﺭ
ﻣﺮﺍﻡ ﺑﻨﻌﺎﺱ ﻭﻋﺪﻡ ﺗﺮﻛﻴﺰ ﻫﺎ ﺍﻩ ﻣﻴﻦ
ﻳﺎﺳﻴﻦ ﻫﻬﻬﻬﻬﻬﻬﻬﻬﻬﻬﻬﻬﻬﻪﻫﻬﻬﻬﻬﻬﻪ ﺻﺤﺼﺤﻲ ﻳﻼ ﻳﺎ ﻛﺬﺍﺑﺔ
ﻣﺮﺍﻡ ﺻﺤﺼﺤﺖ ﻭﻗﺎﻣﺖ ﺑﺘﺸﻮﻑ ﺍﻟﺮﻗﻢ ﻣﻴﻦ ﻣﻌﺎﻳﺎ
ﻳﺎﺳﻴﻦ ﻫﻬﻬﻬﻬﻬﻬﻬﻪ ﺣﻤﺪ ﻟﻠﻪ ﻋﻠﻲ ﺍﻟﺴﻼﻣﺔ ﻳﺎ ﻛﺬﺍﺑﺔ
ﻣﺮﺍﻡ ﺑﺈﺳﺘﻐﺮﺍﺏ ﻳﺎﺳﻴﻦ
ﻳﺎﺳﻴﻦ ﺑﻨﻔﺲ ﺍﺑﺘﺴﺎﻣﺘﻪ ﺍﻛﻴﺪ ﻳﺎﺳﻴﻦ
ﺍﻣﺎﻝ ﻫﻴﻦ ﻫﻴﺘﺠﺮﺍ ﻳﺘﺼﻞ ﺑﻴﻜﻲ ﺩﻟﻮﻗﺘﻲ
ﻣﺮﺍﻡ ﺑﻨﻐﺰﺓ ﻋﻨﺪﻙ ﺣﻖ ﻣﺤﺪﺵ ﻋﻨﺪﻩ ﺯﻭﻕ ﻳﺘﺼﻞ ﺑﺤﺪ ﺩﻟﻮﻗﺘﻲ
ﻳﺎﺳﻴﻦ ﺍﺧﺘﻔﺖ ﺍﺑﺘﺴﺎﻣﺘﻪ ﻭﺑﻌﺪﻳﻴﻴﻦ
ﻣﺮﺍﻡ ﺑﺎﺑﺘﺴﺎﻣﺔ ﻣﺒﺴﻮﻃﺔ ﺍﻧﻬﺎ ﻧﺮﻓﺰﺗﻪ ﺍﻧﺖ ﺟﺒﺖ ﺭﻗﻤﻲ ﻣﻨﻴﻦ
ﻳﺎﺳﻴﻦ ﻭﻟﻮ ﺍﻧﻪ ﺳﺆﺍﻝ ﻏﺒﻲ ﺑﺲ ﻫﺠﺎﻭﺏ ﺷﻜﻞ ﺍﻟﻨﻮﻡ ﻣﺎﺛﺮ ﻋﻠﻴﻜﻲ ﺟﺒﺘﻪ ﻣﻦ ﻣﺮﺍﺩ
ﻣﺮﺍﻡ ﻗﺼﺪﻙ ﺍﻧﻲ ﻏﺒﻴﺔ ﻣﺜﻼ
ﻳﺎﺳﻴﻦ ﺍﻃﻼﻗﺎ ﺍﻧﺎ ﻣﺶ ﻗﺼﺪﻱ ﺍﻧﻚ ﻏﺒﻴﺔ
ﻣﺮﺍﻡ ﺍﻫﺎ ﺑﺤﺴﺐ
ﻳﺎﺳﻴﻦ ﺑﺎﺑﺘﺴﺎﻣﺔ ﺍﻧﺘﻲ ﻏﺒﻴﺔ ﺟﺪﺍ
ﻣﺮﺍﻡ ﻻ ﺑﻘﻲ ﺍﻧﺖ ﺯﻭﺩﺗﻬﺎ ﺍﻭﻱ ﻳﻌﻨﻲ ﻣﺘﺼﻞ ﺩﻟﻮﻗﺘﻲ ﻭﺗﻘﻮﻝ ﻏﺒﻴﺔ ﻭﻛﺪﺍﺑﺔ ﻭﻣﻔﻴﺶ ﺯﻭﻕ ﻛﻤﺎﻥ ﻳﺎ ﺣﻀﺮﺓ ﺍﻟﻈﺎﺑﻂ ﺍﻳﻪ ﻣﺴﻤﻌﺘﻮﺵ ﻋﻨﻪ ﻗﺒﻞ ﻛﺪﻩ
ﻳﺎﺳﻴﻦ ﺑﺼﺮﺍﻣﺔ ﺗﺘﻜﻠﻤﻲ ﺑﺎﺣﺘﺮﺍﻡ ﺩﻩ
ﺍﺣﺴﻦ ﻟﻴﻜﻲ ﺍﻧﺘﻲ ﺻﺪﻗﻴﻨﻲ ﻭﺑﻨﺒﺮﺓ ﺗﻬﺪﻳﺪ ﻭﺍﻭﻋﻲ ﻓﻲ ﻳﻮﻡ ﻣﻦ ﺍﻻﻳﺎﻡ ﺗﻔﻜﺮﻱ ﺗﺤﻄﻴﻨﻲ ﻗﺪﺍﻡ ﺍﻻﻣﺮ ﺍﻟﻮﺍﻗﻊ ﺗﺎﻧﻲ ﺻﺪﻗﻴﻨﻲ ﻫﺘﺘﻤﻨﻲ ﺍﻧﻚ ﻣﻌﻤﻠﺘﻴﺶ ﻛﺪﻩ ﻭﻫﻴﺒﻘﻲ ﺷﻜﻠﻚ ﻭﺣﺶ ﺍﻭﻱ ﺍﻧﺎ ﻓﻮﺗﻬﺎﻟﻚ ﺍﻟﻤﺮﺓ ﺩﻱ ﻋﺸﺎﻥ ﻟﺴﻪ ﻣﺘﻌﺮﻓﻨﻴﺶ ﻟﻜﻦ ﺍﻧﺎ ﻧﺒﻬﺘﻚ ﺍﻫﻮ ﻳﻌﻨﻲ ﺳﻘﻂ ﻋﻨﻚ ﺍﻟﻌﺬﺭ ﻓﺎﻫﻤﺔ ﻭﺍﻻﺣﺴﻦ ﺍﻧﻚ ﺗﻜﻮﻧﻲ ﻓﻬﻤﺘﻲ .
ﻳﻼ ﻣﻊ ﺍﻟﺴﻼﻣﺔ
ﻣﺮﺍﻡ ﺑﺼﺪﻣﺔ ﺍﻧﺖ ﻣﺘﺼﻞ ﺗﻬﺰﺋﻨﻲ ﻭﺗﺪﻳﻨﻲ ﺗﻌﻠﻴﻤﺎﺕ ﻭﺗﻘﻔﻞ
ﻳﺎﺳﻴﻦ ﺑﺨﺒﺚ ﺿﺎﺣﻚ ﻫﻬﻬﻬﻬﻬﻬﻬﻬﻬﻬﻪ ﺍﻣﺎﻝ ﻓﺎﻛﺮﺓ ﺍﻧﻲ ﻣﺘﺼﻞ
ﺍﺣﺐ ﻓﻴﻜﻲ ﻣﺜﻼ ﺩﻩ ﺷﻐﻞ ﻣﺮﺍﻫﻘﻴﻦ ﺩﻩ
ﻣﺮﺍﻡ ﺑﺼﺪﻣﺔ ﻣﻦ ﺭﺩﻩ ﺍﻟﻠﻲ ﻣﺘﻮﻗﻌﺘﻮﺵ ﻭﺑﻌﺼﺒﻴﺔ ﺍﻧﺖ ﺍﻧﺖ
—
ﻗﻠﻴﻞ ﺍﻻﺩﺏ ﻭﻗﻔﻠﺖ ﺍﻟﺴﻜﺔ
ﻗﻠﻴﻞ ﺍﻻﺩﺏ ﻣﺘﺨﻠﻒ ﺟﻠﻒ ﻏﺒﻲ
ﺻﻮﺕ ﻣﺴﺞ ﺍﻳﺎﻛﻲ ﺗﺘﻜﺮﺭ ﺗﺎﻧﻲ ﻫﻌﺪﻳﻬﺎﻟﻚ ﺍﻟﻤﺮﺓ ﺩﻱ ﺑﺮﺩﻩ ﻋﺸﺎﻥ ﺍﻭﻝ ﻣﺮﺓ ﺑﺲ ﻧﺼﻴﺤﺔ ﻓﻜﺮﻱ ﻗﺒﻞ ﻣﺎ ﺗﺘﺼﺮﻓﻲ ﻋﺸﺎﻥ ﻣﺘﺮﺟﻌﻴﺶ ﺗﻨﺪﻣﻲ
ﺍﻭﻭﻭﻭﻭﻭﻭﻭﻭﻭﻑ ﺷﺎﻳﺐ ﻣﺘﺨﻠﻒ
ﻓﻲ ﺍﻭﺿﺔ ﻳﺎﺳﻴﻦ
ﻫﻬﻬﻬﻬﻬﻬﻬﻬﻬﻬﻬﻬﻬﻪﻫﻬﻬﻬﻬﻬﻬﻬﻬﻬﻬﻬﻪ ﻳﺨﺮﺑﻴﺘﻚ ﻣﻦ ﺯﻣﺎﻥ ﻣﻀﺤﻜﺘﺶ ﻛﺪﻩ ﺑﺲ ﺣﻠﻮ ﻻﻗﻴﺖ ﺣﺪ ﺑﻴﺘﻨﺮﻓﺰ ﺍﻛﺘﺮ ﻣﻨﻲ ﻣﺎﺍﺍﺷﻲ ﺍﻧﺎ ﺗﻘﻔﻠﻲ ﻓﻲ ﻭﺷﻲ
ﺍﻧﺎ ﻭﻣﺎﻟﻪ
ﺍﻟﺼﺒﺢ ﻓﻲ ﺍﻟﻤﺴﺘﺸﻔﻲ
ﺩﺍﻟﻴﺎ ﻋﺎﻣﻠﺔ ﺍﻳﻪ ﺩﻟﻮﻗﺘﻲ
ﻣﺮﺍﻡ ﺑﻬﺪﺅ ﻛﻮﻳﺴﺔ ﺍﻟﺤﻤﺪ ﻟﻠﻪ
ﺩﺍﻟﻴﺎ ﺑﺈﺳﺘﻐﺮﺍﺏ ﻟﻴﻪ ﻣﺶ ﻻﺑﺴﺔ ﺍﻟﺪﺑﻠﺔ
ﻣﺮﺍﻡ ﻧﺴﻴﺘﻬﺎ ﻟﺴﻪ ﻣﺘﻌﻮﺩﺗﺶ ﻋﻠﻴﻬﺎ
ﺩﺍﻟﻴﺎ ﺍﻧﺘﻲ ﺑﺘﻬﺰﺭﻱ ﻳﺎ ﻣﺮﺍﻡ ﻣﻴﻨﻔﻌﺶ ﻃﺒﻌﺎ ﺩﻱ ﺣﺮﻛﺔ ﻣﺶ ﻛﻮﻳﺴﺔ
ﻣﺮﺍﻡ ﺍﻳﻪ ﻳﺎ ﺑﻨﺘﻲ ﺩﻩ ﻛﻠﻪ ﻛﺒﺮﺗﻲ ﺍﻟﻤﻮﺿﻮﻉ ﻛﺪﻩ ﻟﻴﻪ ﻣﻘﺼﺪﺵ ﺍﺑﺪﺍ ﺍﻗﻠﻌﻬﺎ
ﺩﺍﻟﻴﺎ ﻻ ﺗﻘﺼﺪﻱ ﺍﻧﺎ ﻋﺮﻓﺎﻛﻲ ﻛﻮﻳﺲ
ﻣﺮﺍﻡ ﻭﺍﻟﻠﻪ ﺑﺘﺨﻨﻘﻨﻲ ﻣﺶ ﻗﺎﺩﺭﺓ ﺍﻟﺒﺴﻬﺎ
ﺩﺍﻟﻴﺎ ﺍﻧﺘﻲ ﺣﺮﺓ ﺍﻧﺎ ﻧﺒﻬﺘﻚ ﻭﺍﻧﺘﻲ ﺣﺮﺓ ﻭﻟﻮ ﻋﺮﻑ ﺍﻧﻚ ﻗﻠﻌﺎﻫﺎ ﺑﺸﺨﺼﻴﺘﻪ ﺩﻱ ﺍﺣﺘﻤﺎﻝ ﻳﺴﺠﻨﻚ
ﻣﺮﺍﻡ ﻫﺎ ﻫﺎ ﻫﺎ ﻇﺮﻳﻔﺔ ﺍﻭﻱ ﻳﻼ ﻧﻜﻤﻞ ﺷﻐﻠﻨﺎ
ﺩﺍﻟﻴﺎ ﻳﻼ
ﻓﻲ
ﺍﻭﺿﺔ ﻳﺎﺳﻴﻦ
ﺣﺎﺳﺲ ﺑﻨﺸﺎﻁ ﻏﻴﺮ ﻃﺒﻴﻌﻲ ﻭﺟﺎﻟﻪ ﻣﺰﺍﺝ ﻳﻠﺒﺲ ﺍﺧﺮ ﺷﻴﺎﻛﺔ ﻭﺧﻠﺺ ﻟﺒﺲ ﻭﻟﺒﺲ ﺩﺑﻠﺘﻪ ﻭﻟﻌﺐ ﻓﻴﻬﺎ ﻭﺍﺗﺬﻛﺮ ﻣﻜﺘﻠﻤﺘﻬﻢ ﺍﻣﺒﺎﺭﺡ ﻭﺍﻧﺮﺳﻤﺖ ﺍﺑﺘﺴﺎﻣﺘﻪ ﻭﻛﻞ ﻣﺪﻱ ﺗﺘﻮﺳﻊ ﺣﺘﻲ ﺗﺤﻮﻟﺖ ﻟﻀﺤﻜﺔ ﻫﻬﻬﻬﻬﻬﻬﻬﻬﻪ ﺍﻭﻝ ﻣﺮﺓ ﺣﺪ ﻳﻘﻔﻞ ﺍﻟﺘﻠﻴﻔﻮﻥ ﻓﻲ ﻭﺷﻲ ﻭﻣﻴﻦ ﻣﺮﺍﻡ ﺍﻟﻠﻲ ﻛﻨﺖ ﺑﺸﺪﻫﺎ ﻣﻦ ﺷﻌﺮﻫﺎ ﻭﺍﺿ*ﺮﺑﻬﺎ ﻣﻔﻜﺮﺓ ﺍﻧﻲ ﻫﻌﺪﻳﻬﺎﻟﻬﺎ ﻛﻞ ﻣﺮﺓ ﻣﺘﻌﺮﻓﻨﻴﺶ ﻟﺴﻪ
ــ,,ـﻓﻲ ﺍﻟﺼﺎﻟﺔ
ﻳﺎﺳﻴﻦ ﺻﺒﺎﺡ ﺍﻟﻔﻞ ﻳﺎ ﺳﺖ ﺍﻟﻜﻞ
ﻣﻨﺎﻝ ﻳﺎ ﺻﺒﺎﺡ ﺍﻟﻨﻮﺭ ﻭﺍﻟﻬﻨﺎ ﻭﺍﻟﺴﺮﻭﺭ ﻣﺎﺷﺎﺀ ﺍﻟﻠﻪ ﻭﺷﻚ ﻣﻨﻮﺭ
ﻳﺎﺳﻴﻦ ﻋﺸﺎﻥ ﻣﺴﻄﺒﺢ ﺑﻮﺷﻚ ﻳﺎ ﺟﻤﻴﻞ
ﻣﻨﺎﻝ ﺑﺨﺒﺚ ﻳﺎ ﻧﺼﺎﺏ ﺍﻣﺎ ﺍﺷﻮﻑ ﺑﻜﺮﺓ ﻟﻤﺎ ﺗﺘﺠﻮﺯ ﻭﺗﺴﺘﻄﺒﺢ ﺑﻮﺵ ﻣﺮﺍﻡ ﻫﺘﻘﻮﻝ ﻋﻠﻴﺎ ﺟﻤﻴﻞ
ﻳﺎﺳﻴﻦ ﺑﻀﺤﻜﺔ ﺷﺪﻳﺪﺓ ﻫﻬﻬﻬﻬﻬﻬﻬﻬﻬﻬﻬﻬﻪ
ﺍﻡ ﻳﺎﺳﻴﻦ ﺍﻧﺘﻲ ﻃﻠﻌﺘﻲ ﻣﺶ ﺳﻬﻠﺔ ﻭﺑﻌﺪﻳﻦ ﺍﻧﺘﻲ ﻓﻲ ﻧﻈﺮﻱ ﺍﺣﻠﻲ ﻭﺍﺣﺪﺓ ﻓﻲ ﺍﻟﺪﻧﻴﺎ
ﻣﻨﺎﻝ ﺑﺈﺑﺘﺴﺎﻣﺔ ﺭﺑﻨﺎ ﻣﺎ ﻳﺤﺮﻣﻨﻲ ﻣﻨﻚ ﻳﺎ ﺣﺒﻴﺒﻲ ﻫﺘﺮﻭﺡ ﺗﺰﻭﺭ ﻣﺮﺍﻡ ﺍﻟﻨﻬﺎﺭﺩﺓ
ﻳﺎﺳﻴﻦ ﻻ ﻣﺶ ﻓﺎﺿﻲ ﺍﻟﻨﻬﺎﺭﺩﺓ
ﻣﻨﺎﻝ ﻳﺎ ﺳﻼﻡ ﻳﻌﻨﻲ ﻣﺶ ﻋﺎﻭﺯ ﺗﻘﻌﺪ ﻣﻌﺎﻫﺎ ﻭﺗﺸﻮﻓﻬﺎ
ﻳﺎﺳﻴﻦ ﺑﺈﺑﺘﺴﺎﻣﺔ ﻫﻲ ﻫﺘﻄﻴﺮ ﻳﻌﻨﻲ ﻳﺎ ﺍﻣﻲ ﻣﺎ ﺍﻧﺎ ﻛﺪﻩ ﻛﺪﻩ ﻫﺸﻮﻓﻬﺎ ﻳﻌﻨﻲ ﻫﺘﺮﻭﺡ ﻓﻴﻦ
ﻣﻨﺎﻝ ﻻ ﻳﺎ ﻭﺍﺩ ﺗﻘﻴﻞ
ﻳﺎﺳﻴﻦ ﺑﺈﺑﺘﺴﺎﻣﺔ ﻃﺎﻟﻌﻠﻚ ﻳﺎ ﺟﻤﻴﻞ ﻋﻦ ﺍﺫﻧﻚ ﺑﻘﻲ ﺍﺻﻠﻲ ﻣﺸﻐﻮﻝ ﺟﺪﺍ
ﻣﻨﺎﻝ ﻣﺎﺷﻲ ﻳﺎ ﺣﺒﻴﺒﻲ
ﻓﻲ ﺭﻋﺎﻳﺔ ﺍﻟﻠﻪ
ﻳﺎﺳﻴﻦ ﻣﻊ ﺍﻟﺴﻼﻣﺔ
ﻣﻨﺎﻝ ﻣﻊ ﺍﻟﺴﻼﻣﺔ
ﻓﻲ ﻗﺴﻢ ﺍﻟﺸﺮﻃﺔ
ﻳﺎﺳﻴﻦ ﺩﺧﻞ
ﺍﻟﻘﺴﻢ ﻭﻛﻞ ﺑﻴﺒﺎﺭﻙ ﻟﻪ
ﻛﺮﻳﻢ ﺑﻬﺪﺅ ﻣﺒﺮﻭﻙ ﻳﺎ ﻳﺎﺳﻴﻦ
ﻳﺎﺳﻴﻦ ﺍﻟﻠﻪ ﻳﺒﺎﺭﻙ ﻓﻴﻚ ﻳﺎ ﻛﺮﻳﻢ ﻟﻮ ﺳﻤﺤﺖ ﻳﺎ ﻛﺮﻳﻢ ﻣﺤﺘﺎﺝ ﺍﻗﻌﺪ ﻣﻌﺎﻙ ﺑﺮﺓ ﺷﻮﻳﺔ ﻟﻮ ﻓﻀﻴﺖ ﺍﻟﻨﻬﺎﺭﺩﺓ ﻋﺮﻓﻨﻲ
ﻛﺮﻳﻢ ﻣﻠﻮﺵ ﻟﺰﻭﻡ
ﻳﺎﺳﻴﻦ ﻣﻌﻠﺶ ﻋﺸﺎﻥ ﺧﺎﻃﺮﻱ
ﻛﺮﻳﻢ ﺣﺎﺿﺮ ﺍﻥ ﺷﺎﺀ ﺍﻟﻠﻪ
ﻳﺎﺳﻴﻦ ﻣﺎﺷﻲ ﻋﻦ ﺍﺫﻧﻚ
ﻛﺮﻳﻢ ﺍﺗﻔﻀﻞ
ﻳﺎﺳﻴﻦ ﺩﺧﻞ ﻋﻠﻲ ﻣﺮﺍﺩ
ﻳﺎﺳﻴﻦ ﺑﺈﺑﺘﺴﺎﻣﺔ ﺻﺒﺎﺡ ﺍﻟﺨﻴﺮ ﻳﺎﺑﻮ ﻧﺴﺐ
ــ,,ـﻣﺮﺍﺩ ﺻﺒﺎﺡ ﺍﻟﻔﻞ ﻳﺎ ﺑﻮﺱ ﻭﺑﻐﻤﺰﺓ ﻣﺎ ﺷﺎﺀ ﺍﻟﻠﻪ ﺍﻟﻮﺵ ﻣﻨﻮﺭ
ﻳﺎﺳﻴﻦ ﺑﻀﺤﻜﺔ ﺷﺪﻳﺪﺓ ﻫﻬﻬﻬﻬﻬﻬﻬﻬﻬﻬﻬﻬﻬﻪﻫﻬﻪ ﺩﻩ ﺍﻧﺘﻮ ﻋﺼﺎﺑﺔ ﺑﻘﻲ
ﻣﺮﺍﺩ ﺑﺈﺳﺘﻐﺮﺍﺏ ﻣﻴﻦ ﺍﻧﺘﻮ
ﻳﺎﺳﻴﻦ ﺑﺈﺑﺘﺴﺎﻣﺔ ﺍﻧﺖ ﻭﺳﺖ ﺍﻟﻜﻞ ﻧﻔﺲ ﺍﻟﺠﻤﻠﺔ ﺍﻟﻨﻬﺎﺭﺩﺓ
ﻣﺮﺍﺩ ﻫﻬﻬﻬﻬﻬﻬﻬﻬﻪ ﺣﺒﻴﺒﺘﻲ ﻳﺎ ﻣﺮﺍﺓ ﻋﻤﻲ ﺳﺖ ﺑﺘﻔﻬﻢ
ﻳﺎﺳﻴﻦ ﻣﺎﺷﻲ ﻳﻼ ﺍﻧﺎ ﻫﺮﻭﺡ ﺍﺷﻮﻑ ﺷﻐﻠﻲ
ﻣﺮﺍﺩ ﻏﺮﻳﺒﺔ ﺍﻣﺎﻝ ﺟﺎﻱ ﻋﻠﻴﺎ ﻛﺪﻩ ﻣﻦ ﻏﻴﺮ ﺳﺒﺐ
ﻳﺎﺳﻴﻦ ﺍﻩ ﺍﺻﻠﻬﻢ ﻗﺎﻟﻮﻟﻲ ﺍﻧﻚ ﻫﻨﺎ ﻣﺼﺪﻗﺘﺶ ﺑﺎﻟﻌﺎﺩﺓ ﺑﺘﻴﺠﻲ ﺍﺧﺮ ﻭﺍﺣﺪ
ﻣﺮﺍﺩ ﻣﺠﺒﻮﺭ ﻭﺣﻴﺎﺗﻚ ﻋﻨﺪﻱ ﺷﻐﻞ ﺿﺮﻭﺭﻱ
ﻳﺎﺳﻴﻦ ﺭﺑﻨﺎ ﻳﻘﻮﻳﻚ ﻳﻼ ﺳﻼﻡ
ﻣﺮﺍﺩ ﺳﻼﻡ
ﻓﻲ ﺑﻴﺖ ﻣﻨﺎﻝ ﺍﻟﻌﺼﺮ
ﻣﻨﺎﻝ ﺑﻘﻠﻚ ﺍﻳﻪ ﻳﺎ ﻋﺎﺋﺸﻪ
ﻋﺎﺋﺸﺔ ﺧﻴﺮ ﺍﺗﻔﻀﻠﻲ
ﻣﻨﺎﻝ ﺍﻳﻪ ﺭﺍﻳﻚ ﻧﺘﻐﺪﻱ ﻛﻠﻨﺎ ﺳﻮﺍ ﺍﻟﻨﻬﺎﺭﺩﺓ
ﻋﺎﺋﺸﺔ ﻣﺶ ﻫﺘﺮﺿﻲ ﻣﺮﺍﻡ ﻫﺘﺘﻜﺴﻒ ﺗﻴﺠﻲ
ﻣﻨﺎﻝ ﺍﻫﻮ ﻧﺠﺮﺏ ﻳﺎ ﺳﺘﻲ ﻣﺶ ﻫﻨﺨﺴﺮ ﺣﺎﺟﺔ ﻭﻧﻜﻠﻢ ﻣﺮﻳﻢ ﻭﻳﻮﺳﻒ ﺑﺮﺩﻩ
ﻋﺎﺋﺸﺔ ﺧﻼﺹ ﻣﺎﺷﻲ
ﻋﺎﺋﺸﺔ ﺗﺘﺼﻞ ﺍﻟﻮ
ﻣﺮﺍﻡ ﺍﻳﻮﺍ ﻳﺎ ﻣﺎﻣﺎ ﺧﻴﺮ ﻳﺎ ﺣﺒﻴﺒﺘﻲ
ﻋﺎﺋﺸﺔ ﺍﻳﻪ ﺍﻧﺘﻲ ﻟﺴﻪ ﻗﺪﺍﻣﻚ ﻛﺘﻴﺮ
ﻣﺮﺍﻡ ﻳﻌﻨﻲ ﺳﺎﻋﺔ ﻛﺪﻩ
ﻋﺎﺋﺸﺔ ﻃﻴﺐ ﺍﻧﺎ ﻋﻨﺪ ﻃﻨﻂ ﻣﻨﺎﻝ ﻭﻋﺎﻭﺯﺍﻧﺎ ﻧﺘﻐﺪﻱ ﻛﻠﻨﺎ ﺳﻮﺍ ﺍﻟﻨﻬﺎﺭﺩﺓ
ﻣﺮﺍﻡ ﺍﻳﻪ ﻻ ﻃﺒﻌﺎ ﻣﺶ ﻫﺎﺟﻲ ﺍﺗﻐﺪﻭﺍ ﺍﻧﺘﻮ
ﻋﺎﺋﺸﺔ ﻟﻴﻪ ﺑﺲ ﻳﺎ ﺣﺒﻴﺒﺘﻲ
ﻣﺮﺍﻡ ﻣﺎﻣﺎ ﺍﻧﺎ ﻧﺎﺩﺭﺍ ﻟﻤﺎ ﺍﺟﻲ ﻋﻨﺪﻙ ﻭﺩﻟﻮﻗﺘﻲ ﻣﺨﻄﻮﺑﺔ ﺍﻣﺒﺎﺭﺡ ﺍﺭﻭﺡ ﺍﺯﻭﺭﻫﻢ ﺍﻟﻨﻬﺎﺭﺩﺓ ﻃﺒﻌﺎ ﻻ ﻭﻛﻤﺎﻥ ﺩﺍﻟﻴﺎ ﻋﺰﻣﺎﻧﻲ ﺍﻟﻨﻬﺎﺭﺩﺓ ﻋﻠﻲ ﺍﻟﻐﺪﺍﺀ ﺑﻤﻨﺎﺳﺒﺔ ﺍﻟﺨﻄﻮﺑﺔ
ﻋﺎﺋﺸﺔ ﺧﻼﺹ ﻳﺎ ﺣﺒﻴﺒﺘﻲ ﺍﻥ ﻛﺎﻥ ﻛﺪﻩ ﻣﺎﺷﻲ ﻓﻲ ﺭﻋﺎﻳﺔ ﺍﻟﻠﻪ
ﻣﺮﺍﻡ ﻣﻊ ﺍﻟﺴﻼﻣﺔ
ﻣﻨﺎﻝ ﻫﺎ ﻗﺎﻟﺖ ﺍﻳﻪ
ﻋﺎﺋﺸﺔ ﻗﺎﻟﺖ ﺩﺍﻟﻴﺎ ﻋﺰﻣﺎﻫﺎ ﻋﻠﻲ
ﺍﻟﻐﺪﺍﺀ ﺍﻟﻨﻬﺎﺭﺩﺓ ﺑﻤﻨﺎﺳﺒﺔ ﺍﻟﺨﻄﻮﺑﺔ
ﻣﻨﺎﻝ ﺧﻼﺹ ﻳﺒﻘﻲ ﻣﺮﺓ ﺗﺎﻧﻴﺔ ﻧﺘﺠﻤﻊ ﺑﻤﺮﺍﻡ ﺍﻥ ﺷﺎﺀ ﺍﻟﻠﻪ ﻫﻨﺘﺼﻞ ﺑﺎﻟﻮﻻﺩ ﻭﻧﺎﻛﻞ ﺳﻮﺍ ﺑﺮﺩﻩ
ﻋﺎﺋﺸﺔ ﺧﻼﺹ ﻣﺎﺷﻲ ﺍﻣﺎ ﺍﺭﻥ ﻋﻠﻲ ﻣﺮﻳﻢ
ﻣﻨﺎﻝ ﻭﺍﻧﺎ ﻫﻜﻠﻢ ﻳﺎﺳﻴﻦ
ﻓﻲ ﺧﻼﻝ ﺧﻤﺲ ﺩﻗﺎﻳﻖ
ﻋﺎﺋﺸﺔ ﻣﺮﻳﻢ ﺑﺘﻘﻮﻝ ﻣﺶ ﻫﻴﻌﺮﻓﻮﺍ ﻳﺠﻮﺍ
ﻣﻨﺎﻝ ﻭﻛﻠﻤﺖ ﻳﺎﺳﻴﻦ ﻗﺎﻝ ﻫﻴﻘﻮﻝ ﻟﻤﺮﺍﺩ ﻭﻳﺠﻮﺍ ﺳﻮﺍ
ﻋﺎﺋﺸﺔ ﻃﻴﺐ ﺗﻤﺎﻡ ﺣﻠﻮ
ﺩﺍﻟﻴﺎ ﺑﺎﻧﺪﻫﺎﺵ ﺍﻧﺘﻲ ﻳﺎ ﺑﺖ ﺭﺍﻛﺒﻚ ﻋﻔﺮﻳﺖ ﻣﺶ ﻗﻠﺘﻠﻚ ﺍﻟﺼﺒﺢ ﻧﺨﺮﺝ ﺍﻟﻨﻬﺎﺭﺩﺓ ﻗﻮﻟﺘﻴﻠﻲ ﻻ
ﻣﺮﺍﻡ ﻳﻌﻨﻲ ﺍﺧﺮﺝ ﻣﻌﺎﻛﻲ ﻭﻻ ﺍﺭﻭﺡ ﺑﻴﺖ
ﻋﻤﻲ ﻣﺎﻣﺎ ﻛﺎﻥ ﻣﺼﻤﻤﺔ ﺍﺭﻭﺡ ﺍﺗﻐﺪﻱ ﻣﻌﺎﻫﻢ ﻭﺍﻧﺎ ﻣﺴﺘﺤﻴﻞ ﺍﺭﻭﺡ
ﺩﺍﻟﻴﺎ ﺍﻫﺎ ﻗﻮﻟﺘﻴﻠﻲ ﻣﺎﺷﻲ ﻫﻨﺮﻭﺡ ﻓﻴﻦ ﺑﻘﻲ
ﻣﺮﺍﻡ ﺍﻟﻤﻄﻌﻢ ﺍﻟﻠﻲ ﻣﺘﻌﻮﺩﻳﻦ ﻧﺮﻭﺣﻪ ﻋﻠﻄﻮﻝ
ﺩﺍﻟﻴﺎ ﺧﻼﺹ ﺗﻤﺎﻡ
ﻓﻲ
—
ﻗﺴﻢ ﺍﻟﺸﺮﻃﺔ
ﻳﺎﺳﻴﻦ ﻻﻣﺨﺒﺮ ﺑﻌﺼﺒﻴﺔ ﺍﺯﺍﻱ ﻳﻔﻠﺖ ﻣﻨﻚ ﻳﺎ ﻏﺒﻲ ﺍﻧﺖ ﺿﻴﻌﺖ ﻣﺠﻬﻮﺩ 3 ﺷﻬﻮﺭ
ﺍﻟﻤﺨﺒﺮ ﺑﺨﻮﻑ ﻭﺍﻟﻠﻪ ﻳﺎ ﻓﻨﺪﻡ ﻛﺎﻥ ﺗﺤﺖ ﺍﻳﺪﻱ ﺑﺲ ﻓﺠﺎﺓ ﻇﻬﺮﺕ ﻭﺍﺣﺪﺓ ﻣﻌﺮﻓﺶ ﻣﻨﻴﻦ ﻭﺍﻏﻤﻲ ﻋﻠﻴﻬﺎ ﻓﻲ ﺍﻟﺸﺎﺭﻉ ﻭﺍﻟﺪﻧﻴﺎ ﺍﻧﻘﻠﺒﺖ ﻓﻲ ﺛﺎﻧﻴﺔ ﻭﺍﺧﺘﻔﻲ ﻫﻮ
ﻳﺎﺳﻴﻦ ﺑﺼﺮﺍﺥ ﺍﻧﺎ ﺍﻟﻠﻲ ﻫﺨﻔﻴﻚ ﺻﺤﻴﺢ ﻟﻮ ﻣﻌﺮﻓﺘﻠﻴﺶ ﻟﻤﺎ ﻋﺮﺏ ﻣﻨﻚ ﻋﻤﻞ ﺍﻳﻪ ﻭﻗﺎﺑﻞ ﻣﻴﻦ ﺍﻧﺖ ﺳﺎﻣﻊ ﻏﻮﺭ ﻣﻦ ﻭﺷﻲ
ﺍﻟﻤﺨﺒﺮ ﺗﻤﺎﻡ ﻳﺎ ﻓﻨﺪﻡ ﻭﺧﺮﺝ
ﺳﻠﻴﻢ ﺍﻳﻪ ﻳﺎ ﺍﺑﻨﻲ ﺣﺼﻞ ﺍﻳﻪ ﺻﻮﺗﻚ ﺟﺎﻳﺐ ﺍﺧﺮ ﺍﻟﺪﻧﻴﺎ
ﻳﺎﺳﻴﻦ ﺑﻌﺼﺒﻴﺔ ﺍﻟﻐﺒﻲ ﺿﻴﻊ ﺳﻌﻴﺪ ﺑﺮﻛﺎﺕ
ﻣﻦ ﺍﻟﻤﺮﺍﻗﺒﺔ ﺑﻌﺪ ﻣﺎ ﻛﻨﺎ ﺧﻼﺹ ﻫﻨﻤﺴﻜﻪ ﺍﺧﻮ ﺳﻤﻴﺮ ﻭﺩﺭﺍﻋﻪ ﺍﻟﻴﻤﻴﻦ ﻳﺎ ﺳﻠﻴﻢ
ﺳﻠﻴﻢ ﻃﻴﺐ ﺍﻫﺪﻱ ﺍﻛﻴﺪ ﻫﻴﻐﻠﻂ ﺗﺎﻧﻲ ﻏﻠﻄﺔ ﺗﻮﺩﻳﻪ ﻭﺭﺍ ﺍﻟﺸﻤﺲ ﺍﺻﺒﺮ ﺑﺲ ﺑﻜﺮﺓ ﻳﻘﻊ ﻓﻲ ﺷﺮ ﺍﻋﻤﺎﻟﻪ
ﻳﺎﺳﻴﻦ ﺑﻘﻬﺮ ﻳﺎ ﺳﻠﻴﻢ ﺍﻧﺎ ﺑﺘﺎﺑﻌﻪ ﺑﻘﺎﻟﻲ 3 ﺷﻬﻮﺭ ﻭﻛﺎﻥ ﺧﻼﺹ ﻫﻴﻘﻊ ﻓﻲ ﺍﻳﺪﻱ
ﺳﻠﻴﻢ ﻭﺍﻟﻠﻪ ﻫﻴﻈﻬﺮ ﺗﺎﻧﻲ ﻣﺘﻘﻠﻘﺶ ﺍﺣﻨﺎ ﻫﻨﺘﺎﺑﻊ ﺍﻻﻣﺎﻛﻦ ﺍﻟﻠﻲ ﻛﺎﻥ ﺑﻴﺘﺮﺩﺩ ﻋﻠﻴﻬﺎ ﺗﺎﻧﻲ ﻭﻧﺮﺍﻗﺒﻪ ﻣﻦ ﻏﻴﺮ ﻣﺎ ﻳﺤﺲ ﻭﻣﺴﻴﺮﻩ ﻫﻴﻘﻊ ﺗﺎﻧﻲ ﻓﻲ ﻏﻠﻄﺔ
ﻳﺎﺳﻴﻦ ﺑﺘﻨﻬﻴﺪﺓ ﻳﺎﺭﺏ ﻳﺎ ﺳﻠﻴﻢ ﻳﺎﺭﺏ
ﻣﺮﺍﺩ ﺩﺧﻞ ﺍﻳﻪ ﻣﺶ ﻳﻼ ﺑﻘﻲ ﻳﺎ ﺑﻮﺱ ﺍﺗﺎﺧﺮﻧﺎ ﺟﺪﺍ ﻋﻠﻴﻬﻢ
ﻳﺎﺳﻴﻦ ﺍﻭﻙ ﻳﻼ ﻋﻦ ﺍﺫﻧﻚ ﻳﺎ ﺳﻠﻴﻢ
ﺳﻠﻴﻢ ﺍﺗﻔﻀﻞ
ﻣﺮﺍﺩ ﺳﻼﻡ
ﺳﻠﻴﻢ ﺳﻼﻡ
ﻓﻲ ﺍﻟﻤﻄﻌﻢ
ﺩﺍﻟﻴﺎ ﻣﺎ ﻳﻼ ﺑﻘﻲ ﻳﺎ ﺑﻨﺘﻲ ﺑﻘﺎﻟﻨﺎ ﺍﻛﺘﺮ ﻣﻦ ﺳﺎﻋﺔ ﻗﺎﻋﺪﻳﻦ ﺷﻜﻠﻨﺎ ﺑﻘﻲ ﻭﺣﺶ ﺍﻭﻱ
ــ,,ـﻣﺮﺍﻡ ﺍﻟﻠﻪ ﻳﺎ ﺩﺍﻟﻴﺎ ﻫﻮ ﺍﺣﻨﺎ ﻳﻌﻨﻲ ﻗﺎﻋﺪﻳﻦ ﺑﺒﻼﺵ ﻣﺎ ﺍﺣﻨﺎ ﺍﺗﻐﺪﻳﻨﺎ ﻭﺣﻠﻴﻨﺎ ﻭﺷﺮﺑﻨﺎ ﻛﻤﺎﻥ ﻳﻌﻨﻲ ﻗﺎﻋﺪﺓ ﺑﺨﺴﺎﺭﺓ
ﺩﺍﻟﻴﺎ ﻃﻴﺐ ﺍﻧﺎ ﺫﻧﺒﻲ ﺍﻳﻪ ﺍﻧﻚ ﻣﻔﺠﻮﻋﺔ ﺍﻧﺎ ﻳﺎ ﺳﺘﻲ ﺑﻄﻨﻲ ﻭﺟﻌﺘﻨﻲ ﻣﻦ ﺍﻻﻛﻞ ﻭﺍﻟﺸﺮﺏ
ﻣﺮﺍﻡ ﺍﻟﻠﻪ ﺍﻛﺒﺮ ﻋﻠﻴﻜﻲ ﺣﺴﺪﺍﻧﻲ ﻋﻠﻲ ﺍﻟﻠﻘﻤﺔ
ﺩﺍﻟﻴﺎ ﻫﻬﻬﻬﻬﻬﻬﻬﻬﻬﻬﻬﻪ ﻋﻠﻲ ﺍﻟﻠﻪ ﺑﺲ ﻳﺠﻴﺐ ﻧﺘﻴﺠﺔ
ﻣﺮﺍﻡ ﺑﺎﻳﺨﺔ ﻣﻮﻭﺕ
ﺩﺍﻟﻴﺎ ﺍﻟﻠﻪ ﻳﺴﺎﻣﺤﻚ ﺍﻭﻭﻭﻭﻑ ﻳﻼ ﺑﻘﻲ
ﻣﺮﺍﻡ ﺧﻼﺹ ﻣﺘﻨﻔﺨﻴﺶ ﺍﺻﺒﺮﻱ ﻫﺮﻥ ﻋﻠﻲ ﻣﺮﺍﺩ ﻋﺸﺎﻥ ﺭﻧﻴﺖ ﻋﻠﻲ ﻣﺎﻣﺎ ﻛﺘﻴﺮ ﻭﻗﻔﺸﺘﻨﻲ ﻓﺨﺎﻳﻔﺔ
ﺗﺤﻠﻒ ﻋﻠﻴﺎ ﺍﺭﻭﺡ ﺩﻟﻮﻗﺘﻲ
ﺩﺍﻟﻴﺎ ﻳﺎ ﺑﻨﺘﻲ ﺍﻧﺘﻲ ﻫﺒﻠﺔ ﻣﺎ ﻣﺴﻴﺮﻛﻢ ﻛﺪﻩ ﻛﺪﻩ ﻫﺘﺘﻘﺎﺑﻠﻮﺍ ﺑﻄﻠﻲ ﺷﻐﻞ ﺍﻟﻌﻴﺎﻝ ﺩﻩ ﺑﻘﻲ
ﻣﺮﺍﻡ ﻣﺎﻧﺎ ﻋﺎﺭﻓﺔ ﺑﺲ ﻣﺤﺘﺎﺟﺔ ﻭﻗﺖ ﺍﺧﺪ ﻋﻠﻲ ﺍﻟﻮﺿﻊ
ﺩﺍﻟﻴﺎ ﻃﻴﺐ ﺭﻧﻲ ﻋﻠﻲ ﻣﺮﺍﺩ ﺑﻘﻲ
ﻣﺮﺍﻡ ﺍﻭﻙ ﻭﻣﺴﻜﺖ ﺍﻟﺘﻠﻴﻔﻮﻥ ﻭﺑﺘﺮﻥ
ﻣﺮﺍﺩ ﺍﻟﻮ
ﻣﺮﺍﻡ ﺍﻳﻮﺍ
ﻳﺎ ﻣﺮﺍﺩ ﺍﺯﻳﻚ ﻳﺎ ﺣﺒﻴﺒﻲ
ﻣﺮﺍﺩ ﻫﻬﻬﻬﻬﻬﻬﻬﻬﻪ ﺣﺒﻴﺒﻲ ﺍﺧﻠﺼﻲ ﻋﺎﻭﺯﺓ ﺍﻳﻪ
ﻣﺮﺍﻡ ﺍﻟﻠﻪ ﻫﻮ ﺍﻧﺎ ﺍﻭﻝ ﻣﺮﺓ ﺍﻗﻮﻟﻬﺎﻟﻚ ﻳﻌﻨﻲ
ﻣﺮﺍﺩ ﻻ ﺑﺘﻘﻮﻟﻴﻬﺎﻟﻲ ﺑﺲ ﻛﻞ ﻣﺎ ﺑﺘﺒﻘﻲ ﻋﺎﻭﺯﺓ ﺣﺎﺟﺔ
ﻣﺮﺍﻡ ﻫﻬﻬﻬﻬﻬﻬﻬﻬﻬﻪ ﺍﻳﻪ ﺩﻩ ﻫﻮ ﺍﻧﺖ ﺍﺧﺪﺕ ﺑﺎﻟﻚ
ﻣﺮﺍﺩ ﺷﻔﺘﻲ ﺍﻧﺠﺰﻱ ﻋﺎﻭﺯﺓ ﺍﻳﻪ
ﻣﺮﺍﻡ ﺍﻧﺘﻮ ﻟﺴﻪ ﻓﻲ
ﺑﻴﺖ ﻋﻤﻲ
ﻣﺮﺍﺩ ﻻ ﺍﺣﻨﺎ ﻟﺴﻪ ﺭﺍﻳﺤﻴﻦ ﺍﻫﻮ
ﻣﺮﺍﻡ ﺑﺈﺳﺘﻐﺮﺍﺏ ﺍﻟﻠﻪ ﺭﺍﻳﺤﻴﻦ ﺍﻳﻪ ﻫﻲ ﻣﺎﻣﺎ ﻣﺶ ﻫﻨﺎﻙ
ﻣﺮﺍﺩ ﺍﻗﺼﺪ ﺍﻧﺎ ﻭﻳﺎﺳﻴﻦ ﻳﺎ ﻏﺒﻴﺔ
ــ,,ـﻣﺮﺍﻡ ﺑﺨﻀﺔ ﻫﺎ ﻃﻴﺐ ﻣﺎﺷﻲ ﺳﻼﻡ
ﻣﺮﺍﺩ ﺍﺳﺘﻨﻲ ﻫﻨﺎ ﺍﻧﺘﻲ ﻓﻴﻦ ﻛﺪﻩ ﺍﻧﺘﻲ ﻣﺶ ﺷﻐﻠﻚ ﺧﻠﺺ ﻣﻦ ﺯﻣﺎﻥ
ﻣﺮﺍﻡ ﺍﻩ ﺧﻠﺺ ﺑﺲ ﺧﺮﺟﺖ ﺍﻧﺎ ﻭﺩﺍﻟﻴﺎ ﻧﺘﻐﺪﻱ ﺑﺮﻱ ﻭﺷﻮﻳﺔ ﻭﻫﻨﺮﻭﺡ
ﻣﺮﺍﺩ ﻃﻴﺐ ﻣﺘﺘﺎﺧﺮﻳﺶ ﺍﻟﻤﻐﺮﺏ ﺧﻼﺹ ﻫﻴﺎﺩﻥ
ﻣﺮﺍﻡ ﺣﺎﺿﺮ ﻳﻼ ﻣﻊ ﺍﻟﺴﻼﻣﺔ
ﻣﺮﺍﺩ ﻣﻊ ﺍﻟﺴﻼﻣﺔ
ﻳﺎﺳﻴﻦ ﺑﺈﺳﺘﻐﺮﺍﺏ ﻫﻲ ﺍﺧﺘﻚ ﻓﻴﻦ ﺩﻟﻮﻗﺘﻲ
ﻣﺮﺍﺩ ﺑﺨﺒﺚ ﻣﻌﺎﻙ ﺭﻗﻤﻬﺎ ﺍﺳﺎﻟﻬﺎ
ﻳﺎﺳﻴﻦ ﺑﺤﺰﻡ ﺍﻧﺎ ﻣﺒﻬﺰﺭﺵ ﻳﺎ ﻣﺮﺍﺩ ﺳﺎﻟﺘﻚ ﺟﺎﻭﺏ
ﻣﺮﺍﺩ ﻳﺎ ﺳﺎﺗﺮ
ﻋﻠﻴﻚ ﺍﻣﺎ ﺑﺘﻘﻠﺐ ﺟﺪ
ﻳﺎﺳﻴﻦ ﺍﺧﻠﺺ
ﻣﺮﺍﺩ ﺑﺘﺘﻐﺪﻱ ﺑﺮﺓ ﻣﻊ ﻭﺍﺣﺪﺓ ﺻﺎﺣﺒﺘﻬﺎ
ﻳﺎﺳﻴﻦ ﻭﻫﻲ ﻣﺘﻌﻮﺩﺓ ﻋﻠﻲ ﻛﺪﻩ
ﻣﺮﺍﺩ ﻻ ﺧﺎﻟﺺ ﺑﺲ ﻛﻞ ﻓﺘﺮﺓ ﻳﻌﻨﻲ
ﻳﺎﺳﻴﻦ ﺍﻫﺎ ﺍﻭﻙ
ﻓﻲ ﺑﻴﺖ ﻣﻨﺎﻝ ﺑﻌﺪ ﺭﺑﻊ ﺳﺎﻋﺔ
ﻳﺎﺳﻴﻦ ﻭﻣﺮﺍﺩ ﺍﻟﺴﻼﻡ ﻋﻠﻴﻜﻢ
ﻣﻨﺎﻝ ﻭﻋﺎﺋﺸﺔ ﻭﻋﻠﻴﻜﻢ ﺍﻟﺴﻼﻡ
ﻳﺎﺳﻴﻦ ﻋﻦ ﺍﺫﻧﻜﻢ ﻳﺎ ﺟﻤﺎﻋﺔ ﻫﻄﻠﻊ ﺍﻏﻴﺮ ﻫﺪﻭﻣﻲ
ﻋﺎﺋﺸﺔ ﺍﺗﻔﻀﻞ ﻳﺎ ﺣﺒﻴﺒﻲ
ﻃﻠﻊ ﺍﻭﺿﺘﻪ ﻏﺪﺍﺀ ﺍﻳﻪ ﺩﻟﻮﻗﺘﻲ ﺩﻱ ﺑﺘﺨﺮﺝ ﺍﻟﺴﺎﻋﺔ 3 ﻭﺩﻟﻮﻗﺘﻲ ﺧﻤﺴﺔ ﺍﻳﻪ ﺳﺎﻋﺘﻴﻦ ﺑﺘﺘﻐﺪﻱ
ﻣﺴﻚ ﺗﻠﻴﻔﻮﻧﻪ ﻭﺭﻥ ﻋﻠﻴﻬﺎ
ﻋﻨﺪ ﻣﺮﺍﻡ ﻳﺎ ﻟﻬﻮﻱ ﺍﻟﺤﻘﻴﻨﻲ ﻳﺎ ﺩﺍﻟﻴﺎ ﺑﻴﺘﺼﻞ
ﺩﺍﻟﻴﺎ ﻃﻴﺐ ﺭﺩﻱ
ﻣﺮﺍﻡ ﻻﻻﻻ ﺍﻧﺎ ﻫﺒﻠﺔ
ﺍﻧﺎ ﻋﺎﺭﻓﺔ ﻫﻴﻘﻮﻝ ﺍﻳﻪ ﻣﺶ ﺭﺍﺩﻩ
ﺩﺍﻟﻴﺎ ﺍﻳﻪ ﻳﺎ ﺑﻨﺘﻲ ﺷﻐﻞ ﺍﻻﻃﻔﺎﻝ ﺩﻩ ﺭﺩﻱ ﺷﻮﻓﻴﻪ ﻫﻴﻘﻮﻝ ﺍﻳﻪ
ﻭﻓﺠﺎﺓ ﺟﻪ ﻣﺴﺞ ﺭﺩﻱ ﻋﺎﺭﻑ ﺍﻧﻚ ﺷﺎﻳﻔﺔ ﺍﺗﺼﺎﻟﻲ
ﻣﺮﺍﻡ ﻳﺎ ﻣﺎﻣﺎ ﻫﻮ ﻗﺎﻋﺪ ﻣﻌﺎﻧﺎ ﻻﻻ ﻭﺍﻟﻠﻪ ﻣﺎ ﻫﺮﺩ
ﺩﺍﻟﻴﺎ ﺍﺳﻤﻌﻲ ﻛﻼﻣﻲ ﻣﺘﻜﺒﺮﻳﺶ ﺍﻟﻤﻮﺿﻮﻉ ﻭﺭﺩﻱ
ﻣﺮﺍﻡ ﻻ
ﻳﺎﺳﻴﻦ ﻣﺎﺷﻲ ﻳﺎ ﻣﺮﺍﻡ ﻭﺭﺣﻤﺔ ﺍﺑﻮﻳﺎ ﻻﻭﺭﻳﻜﻲ ﻭﺍﺧﻠﻴﻜﻲ ﺗﺤﺮﻣﻲ ﺗﺘﻄﻨﺸﻲ ﺍﺗﺼﺎﻟﻲ ﻣﺮﺓ ﺗﺎﻧﻴﺔ ﻣﺎﺷﻲ
ﻣﺤﺪﺵ ﺑﻴﻔﻘﺪﻧﻲ ﺍﻋﺼﺎﺑﻲ ﺯﻳﻬﺎ ﻣﺎﺍﺍﻟﺸﻲ
ﻓﻲ ﺍﻟﻤﻄﻌﻢ
ﺩﺍﻟﻴﺎ ﺷﻮﻓﺘﻲ ﻧﺴﺘﻴﻨﻲ ﺍﻳﻪ
ﻣﺮﺍﻡ ﺍﻳﻪ
ﺩﺍﻟﻴﺎ ﻣﺎﻣﺎ ﻣﺪﻳﺎﻧﻲ ﻟﻴﺴﺘﻪ ﻗﺪ ﻛﺪﻩ ﺍﺟﻴﺒﻬﺎ ﻭﻧﺴﻴﺘﻬﺎ ﺧﺎﻟﺺ
ﻣﺮﺍﻡ ﺍﻟﻠﻪ ﻳﺨﺮﺑﻴﺖ ﺩﻣﺎﻏﻚ ﺑﻘﺎﻟﻨﺎ ﺳﺎﻋﺘﻴﻦ ﻗﺎﻋﺪﻳﻦ ﻭﻟﺴﻪ ﻓﺎﻛﺮﺓ ﺩﻩ
ﺍﻟﻤﻐﺮﺏ ﻫﻴﺎﺩﻥ
ﺩﺍﻟﻴﺎ ﻋﺎﺩﻱ ﺭﻭﺣﻲ ﺍﻧﺘﻲ ﻭﺍﻧﺎ ﻫﺠﻴﺒﻬﻢ
ﻣﺮﺍﻡ ﺑﻄﻠﻲ ﺍﺳﺘﻬﺒﺎﻝ ﻻ ﻃﺒﻌﺎ ﻫﻨﺮﻭﺡ ﺳﻮﺍ ﻭﺑﻌﺪﻳﻦ ﻣﺎﻣﺎ ﻣﺒﺘﻘﻮﻟﻴﺶ ﺣﺎﺟﺔ ﻭﺍﻧﺎ ﻣﻌﺎﻛﻲ
ﻗﺎﻣﻮ ﻭﺣﺎﺳﺒﻮﺍ
ﻣﺮﺍﻡ ﻣﺎﺷﻴﺔ ﺗﻜﻠﻢ ﻓﻲ ﺩﺍﻟﻴﺎ ﻫﻬﻬﻬﻬﻬﻪ ﺍﻧﺘﻲ ﻋﺎﺭﻓﺔ ﺍﻭﻗﺎﺕ ﻛﺘﻴﺮ ﺑﺤﺲ ﺍﻧﻚ ﺑﺘﻌﻤﻠﻲ ﻟﻤﺨﻚ ﺍﻳﻘﺎﻑ ﺗﺸﻐﻴﻞ
ﺩﺍﻟﻴﺎ ﻣﺎ
ﺧﻼﺹ ﺑﻘﻲ ﺑﻄﻠﻲ ﺭﺧﺎﻣﺔ
ﻣﺮﺍﻡ ﻫﻬﻬﻬﻬﻬﻬﻬﻪ ..
ﺍﻩ ﻣﺶ ﺗﻔﺘﺢ ﻳﺎ ﺍﺳﺘﺎﺫ
ﺍﻟﺸﺨﺺ ﺑﻠﻢ ﻓﻴﻬﺎ ﺍﺳﻒ ﺟﺪﺍ ﻳﺎ ﻓﻨﺪﻡ ﺑﺠﺪ ﺍﺳﻒ
ﻣﺮﺍﻡ ﺑﺰﻫﻖ ﺧﻼﺹ ﺣﺼﻞ ﺧﻴﺮ ﻭﻣﺸﻴﻮﺍ
ﻣﺪﻳﺮ ﺍﻟﻤﻄﻌﻢ ﺍﻫﻼ ﻳﺎ
—
ﺳﻌﻴﺪ ﺑﻴﻪ ﺣﺼﻞ ﺣﺎﺟﺔ
ﺳﻌﻴﺪ ﻻﻻ ﻣﻔﻴﺶ ﺣﺎﺟﺔ ﺍﻳﻪ ﺍﻻﺧﺒﺎﺭ ﻳﺎ ﻣﺴﻌﺪ
ﺍﻟﻤﺪﻳﺮ ﻛﻠﻪ ﺗﻤﺎﻡ ﻳﺎ ﻓﻨﺪﻡ ﻛﻞ ﺣﺎﺟﺔ ﻣﺎﺷﻴﺔ ﻛﺄﻥ ﺣﻀﺮﺗﻚ ﻣﻮﺟﻮﺩ ﺑﺎﻟﻀﺒﻂ
ﺳﻌﻴﺪ ﺑﺴﺮﺣﺎﻥ ﻗﻠﻲ ﻳﺎ ﻣﺴﻌﺪ ﻫﻤﺎ ﺍﻟﺒﻨﺘﻴﻦ ﺍﻟﻠﻲ ﻟﺴﻪ ﺧﺎﺭﺟﻴﻦ ﺩﻭﻝ ﺍﻭﻝ ﻣﺮﺓ ﻳﺠﻮﺍ ﺯﻻ ﺑﻴﺠﻮﺍ ﻋﻠﻄﻮﻝ
ﺍﻟﻤﺪﻳﺮ ﻻ ﻫﻤﺎ ﻣﺶ ﺑﻴﺠﻮﺍ ﻋﻠﻄﻮﻝ ﺑﺲ ﻛﻞ ﻓﺘﺮﺓ ﻛﺪﻩ ﺑﻴﺠﻮﺍ ﺑﻴﺘﻐﺪﻭﺍ ﻭﺑﻴﻤﺸﻮﺍ
ﺳﻌﻴﺪ ﺍﻫﺎ ﺗﻤﺎﻡ ﻃﻴﺐ ﺍﻥ ﺟﻢ ﺗﺎﻧﻲ ﻭﺍﻧﺎ ﻣﺶ ﻫﻨﺎ ﺗﺮﻥ ﻋﻠﻴﺎ
ﺍﻭﻝ ﻣﺎ ﻳﺪﺧﻠﻮﺍ ﺳﺎﻣﻊ
ﺍﻟﻤﺪﻳﺮ ﺣﺎﺿﺮ ﻳﺎ ﻓﻨﺪﻡ
ﻓﻲ ﺑﻴﺖ ﺍﻭﻝ ﻣﺮﺓ ﻧﺰﻭﺭﻩ
ﻳﺠﻠﺲ ﺭﺟﻞ ﻓﻲ ﺑﺪﺍﻳﺔ ﻋﻘﺪﻩ ﺍﻟﺮﺍﺑﻊ
ﺳﻤﻴﺮ ﻫﻬﻬﻬﻬﻬﻬﻬﻬﻬﻬﻬﻬﻬﻪﻫﻬﻪ ﺟﺪﻉ ﻻﺧﻮﻩ ﺯﻣﺎﻥ ﻳﺎﺳﻴﻦ ﺑﺎﺷﺎ ﺭﺍﻛﺒﺎﻩ ﺍﻟﻌﻔﺎﺭﻳﺖ ﺩﻟﻮﻗﺘﻲ
ﻋﻠﻲ ﺍﺣﺪ ﺭﺟﺎﻟﻪ ﺍﻛﻴﺪ ﻳﺎ ﺑﺎﺷﺎ ﺑﻘﺎﻟﻨﺎ 3 ﺷﻬﻮﺭ ﻣﺶ ﻋﺎﺭﻓﻴﻦ ﻧﺎﺧﺪ ﺭﺍﺣﺘﻨﺎ ﻭﻛﺎﺗﻢ ﻋﻠﻲ ﻧﻔﺴﻨﺎ
ﺳﻤﻴﺮ ﺑﺄﺑﺘﺴﺎﻣﺔ ﻣﺘﻘﻠﻘﺶ ﻫﺘﺮﻭﻕ ﻭﺗﺤﻠﻲ ﺍﻟﻤﻬﻢ ﺷﻮﻑ ﺍﻟﺮﺍﺟﻞ ﺑﺘﺎﻋﻚ ﻋﺎﻭﺯ ﺍﻋﺮﻑ ﻛﻞ ﺣﺎﺟﺔ ﻋﻨﻪ ﻓﻲ ﺍﻗﺮﺏ ﻭﻗﺖ
ﻋﻠﻲ ﺣﺎﺿﺮ ﻳﺎ ﺑﺎﺷﺎ
ﺳﻤﻴﺮ ﺻﺤﻴﺢ ﻫﻮ ﺳﻌﻴﺪ ﺭﺍﺡ ﻓﻴﻦ
ﻋﻠﻲ ﻓﻲ ﺍﻟﻤﻄﻌﻢ ﻻﻧﻪ ﻣﻦ ﺯﻣﺎﻥ ﻣﺮﺣﺶ ﻓﺮﺍﻳﺢ ﻳﻄﻤﻦ ﻋﻠﻲ ﺍﻟﺸﻐﻞ
ﺳﻤﻴﺮ ﺍﻫﺎ ﻣﺎﺷﻲ ﺭﻭﺡ ﺍﻧﺖ
ﻋﻠﻲ ﻋﻦ
ﺍﺫﻧﻚ ﻳﺎ ﺑﺎﺷﺎ
ﺩﺧﻠﺖ ﻓﺘﺎﺓ ﻓﻲ ﺑﺪﺍﻳﺔ ﺍﻟﺜﻼﺛﻨﻴﺎﺕ ﻳﻈﻬﺮ ﻋﻠﻲ ﻭﺟﻬﻬﺎ ﺍﻻﻧﻜﺴﺎﺭ ﻭﺍﻟﻀﻌﻒ ﻭﺍﻟﺨﻮﻑ
ﻣﻨﻲ ﺳﻤﻴﺮ ﻣﺎﻣﺎ ﻭﺣﺸﺘﻨﻲ ﺍﻭﻱ ﻣﻦ ﺯﻣﺎﻥ ﻣﺮﺣﺘﻠﻬﺎﺵ ﻭﻋﻠﻴﺎ ﻛﻞ ﻳﻮﻡ ﺗﻜﻠﻤﻨﻲ ﺗﺘﺤﺎﻳﻞ ﻋﻠﻴﺎ ﺍﺭﻭﺡ ﻟﻬﻢ ﻫﻲ ﻟﺴﻪ ﺻﻐﻴﺮﺓ
ــ,,ـﺳﻤﻴﺮ ﺑﺎﺳﺘﻬﺰﺍﺀ ﺧﻠﺼﺘﻲ ﻭﺻﻠﺔ ﺍﻟﺼﻌﺒﻨﻴﺎﺕ ﺑﺘﺎﻋﺘﻚ
ﻣﻨﻲ ﺗﻬﺰ ﺭﺍﺳﻬﺎ ﺑﺎﺳﻲ ﻭﺍﻟﺪﻣﻮﻉ ﻣﺎﻟﻴﺔ ﻋﻨﻴﻬﺎ
ﺳﻤﻴﺮ ﻃﻴﺐ ﻣﻔﻴﺶ ﺭﻭﺣﺔ ﻓﻲ ﺣﺘﺔ ﺍﻟﻠﻲ ﻫﻤﺎ ﻋﺎﻭﺯﻳﻨﻪ ﺑﻴﺮﻭﺡ ﻟﻬﻢ ﻟﻜﻦ ﺍﻧﺘﻲ ﻻ ﺧﻠﻲ ﺑﺎﻟﻚ ﻣﻦ ﺍﻟﻠﻲ ﻓﻲ ﺑﻄﻨﻚ ﻭﺧﻼﺹ
ﻣﻨﻲ ﺑﺪﻣﻮﻉ ﻟﻴﻪ ﺑﺲ
ﺳﻤﻴﺮ ﺑﺤﺰﻡ ﻣﺰﺍﺟﻲ ﻭﻣﺘﻌﻴﻄﻴﺶ ﻭﺍﺧﻔﻲ ﻣﻦ ﻗﺪﺍﻡ ﻭﺷﻲ ﺩﻟﻮﻗﺘﻲ
ﻣﻨﻲ ﻣﺸﻴﺖ ﻣﻨﻜﺴﺮﺓ
ﺳﻤﻴﺮ ﻣﻘﺪﺭﺵ ﺍﺳﻴﺒﻚ ﺗﺮﻭﺣﻲ ﺍﺧﺎﻑ ﺗﺮﻭﺣﻲ ﻭﺗﻮﺩﻳﻨﻲ ﻓﻲ ﺩﺍﻫﻴﺔ
ﻣﻨﻲ ﻓﻲ ﺍﻭﺿﺘﻬﺎ ﺑﺘﻌﻴﻂ ﺍﻟﻠﻪ ﻳﺴﺎﻣﺤﻚ ﻟﻴﻪ ﺑﺘﻌﻤﻞ ﻓﻴﺎ ﻛﺪﻩ ﻭﺍﻟﻠﻪ ﻣﺎ ﻛﻨﺖ ﻫﺴﻤﻊ ﻛﻼﻣﻬﺎ ﻭﻻ ﺍﺑﻠﻎ ﻋﻨﻚ ﺍﻧﺎ ﺑﺤﺒﻚ ﻭﺍﻟﻠﻪ ﻭﺍﻧﺎ ﻋﺎﺭﻓﺔ ﺍﻧﻚ ﺍﻧﺴﺎﻥ ﻣﻘﺮﻑ
ﻭﻓﻀﻠﺖ ﺗﻔﺘﻜﺮ ﻟﻤﺎ ﺍﻛﺘﺸﻔﺖ ﺑﺎﻟﺼﺪﻓﺔ ﻭﻫﻮ ﺑﻴﻜﻠﻢ ﺳﻤﻴﺮ ﻋﻦ ﺻﻔﻘﺔ ﺍﺳﻠﺤﺔ ﻭﺭﺍﺣﺖ ﺣﻜﺖ ﻟﻤﺎﻣﺘﻬﺎ ﺍﻟﻠﻲ ﺍﻧﺼﺪﻣﺖ ﻭﻛﻠﻤﺘﻪ ﻭﺑﻬﺪﻟﺘﻪ ﻭﺭﺍﺡ ﺍﺧﺪ ﻣﻨﻲ ﻏﺼﺐ ﻋﻨﻬﺎ
ﻭﻫﺪﺩﻫﻢ ﻟﻮ ﺍﺗﻜﻠﻤﻮﺍ ﻣﺶ ﻫﻴﺸﻔﻮﻫﺎ ﻃﻮﻝ ﻋﻤﺮﻫﻢ
ﻓﻲ ﺑﻴﺖ ﻣﻨﺎﻝ
ﺗﻠﻴﻔﻮﻥ ﻣﺮﺍﺩ ﺑﻴﺮﻥ
ﻣﺮﺍﺩ ﺍﻟﻮ ……. ﺍﻳﻮﺍ ﻳﺎ ﺭﺿﺎ .. ﻻ ﻭﺍﻟﻠﻪ ﺧﻼﺹ ﻣﺎﺷﻲ ﻧﺺ ﺳﺎﻋﺔ ﻭﺍﻛﻮﻥ ﻫﻨﺎﻙ ﺍﻥ ﺷﺎﺀ ﺍﻟﻠﻪ …….
ﻣﺎﺷﻲ ﺳﻼﻡ
ﻋﺎﺋﺸﺔ ﺧﻴﺮ ﻓﻲ ﺣﺎﺟﺔ
ﻣﺮﺍﺩ ﺍﻩ ﺷﻐﻞ ﻓﺠﺄﺓ ﻛﺪﻩ ﺍﻟﻤﻮﺿﻮﻉ ﻛﻠﻪ ﺳﺎﻋﺘﻴﻦ ﺑﺎﻟﻜﺘﻴﺮ ﻭﺍﺟﻲ ﺍﻥ ﺷﺎﺀ ﺍﻟﻠﻪ
ﻋﺎﺋﺸﺔ ﻣﺎﺷﻲ ﻳﺎ ﺣﺒﻴﺒﻲ ﺭﺑﻨﺎ ﻳﺴﻬﻠﻚ
ﻣﺮﺍﺩ ﻳﺎﺭﺏ ﺍﺑﻘﻲ ﻭﺻﻞ ﻣﺎﻣﺎ ﺍﻧﺖ ﺑﻘﻲ ﻳﺎ ﻳﺎﺳﻴﻦ
ﻳﺎﺳﻴﻦ ﺍﻛﻴﺪ ﻳﻌﻨﻲ ﻣﻦ ﻏﻴﺮ ﻣﺎ ﺗﻘﻮﻝ
ــ,,ـﻣﺮﺍﺩ ﻳﻼ ﻣﻊ ﺍﻟﺴﻼﻣﺔ
ﺍﻟﺠﻤﻤﻴﻊ ﻣﻊ ﺍﻟﺴﻼﻣﺔ
ﻓﻲ ﻓﻴﻼ ﺳﻤﻴﺮ ﺑﺮﻛﺎﺕ
ﺳﻤﻴﺮ ﻳﺎ ﻫﻼ ﻫﻼ ﺑﺎﻟﻠﻲ ﺭﺍﻓﻊ ﺭﺍﺳﻲ ﻭﻣﺸﻴﺐ ﺑﻌﺒﻊ ﺍﻟﺪﺧﻠﻴﺔ
ﺳﻌﻴﺪ ﻫﻬﻬﻬﻬﻬﻬﻬﻬﻪ ﺗﺮﺑﻴﺘﻚ ﻳﺎ ﻛﺒﻴﺮ
ﺳﻤﻴﺮ ﺯﻣﺎﻧﻪ ﻫﻴﺠﻴﻠﻪ ﺟﻠﻄﻪ ﺩﻟﻮﻗﺘﻲ ﺍﻟﻤﻬﻢ ﺗﻤﻤﺖ ﺍﻟﻠﻲ ﺍﺗﻔﻘﻨﺎ ﻋﻠﻴﻪ
ﺳﻌﻴﺪ ﺍﻩ ﺍﻟﻤﻴﻌﺎﺩ ﻛﻤﺎﻥ ﺷﻬﺮﻳﻦ
ﺳﻤﻴﺮ ﺣﻠﻮ ﻫﻨﻜﻮﻥ ﺭﺗﺒﻨﺎ ﺍﻣﻮﺭﻧﺎ ﻛﻠﻬﺎ
ﻭﻫﺘﺤﻠﻮ
ﺳﻌﻴﺪ ﺑﺴﺮﺣﺎﻥ ﺍﻫﺎ ﻫﻲ ﺣﻠﻮﺓ ﺍﻭﻱ
ﺳﻤﻴﺮ ﺑﺨﺒﺚ ﻫﻲ ﺍﻳﻪ ﺩﻱ ﺍﻟﻠﻲ ﺣﻠﻮﺓ
ﺳﻌﻴﺪ ﻫﺎ ﻻ ﻭﻻ ﺣﺎﺟﺔ
ﺳﻤﻴﺮ ﻋﻠﻲ ﺍﺧﻮﻙ ﻳﺎﺩ
ﺳﻌﻴﺪ ﻻ ﺣﻘﻴﻘﻲ ﻭﻻ ﺣﺎﺟﺔ
ﺳﻤﻴﺮ ﻣﺎﺷﻲ ﺑﻜﺮﺓ ﺗﻌﺘﺮﻑ
ﺳﻌﻴﺪ ﻏﺮﻳﺒﺔ ﻓﻴﻦ ﻣﻨﻲ ﻣﺒﻘﺘﺶ ﺑﺸﻮﻓﻬﺎ ﺧﺎﻟﺺ
ﺳﻤﻴﺮ ﻫﺘﻜﻮﻥ ﻓﻴﻦ ﻳﻌﻨﻲ ﺗﻼﻗﻴﻬﺎ ﻓﻲ ﺍﻭﺿﺘﻬﺎ
ﺳﻌﻴﺪ ﺍﻧﺖ ﻟﺴﻪ ﺣﺎﺑﺴﻬﺎ ﻭﻣﺶ ﻋﺎﻭﺯﻫﺎ ﺗﺰﻭﺭ ﺍﻫﻠﻬﺎ
ﺳﻤﻴﺮ ﺑﺤﺰﻥ ﺍﺧﺮ ﻣﺮﺓ ﺭﺑﻨﺎ ﺳﺘﺮ ﻣﺶ ﺑﻌﻴﺪ ﺍﻣﻬﺎ ﺗﺨﻠﻴﻬﺎ ﻋﻨﺪﻫﺎ ﻭﺗﻠﻮﻱ ﺩﺭﺍﻋﻲ ﻳﺎ ﺍﻃﻠﻘﻬﺎ ﻳﺎ ﺗﺒﻠﻎ ﻋﻨﻲ ﻓﺨﻠﻴﻬﺎ ﻫﻨﺎ ﺍﺣﺴﻦ ﻭﺑﻌﺪﻳﻦ ﻣﺎﻫﻲ ﺑﺘﻜﻠﻤﻬﺎ ﻓﻲ ﺍﻟﺘﻠﻴﻔﻮﻥ ﻗﺪﺍﻣﻲ ﻭﺩﻩ ﺍﺧﺮﻫﺎ ﻣﻌﺎﻳﺎ
ﺳﻌﻴﺪ ﺑﺨﺒﺚ ﻣﺎ ﺗﻘﻮﻝ ﺍﻧﻚ ﺑﺘﺤﺒﻬﺎ
ﻭﺧﺎﻳﻒ ﺗﺨﺴﺮﻫﺎ
ﺳﻤﻴﺮ ﻭﺍﻟﻨﺒﻲ ﺑﻼﺵ ﻛﻼﻡ ﻓﺎﺿﻲ ﺣﺐ ﺍﻳﻪ ﻭﺑﺘﺎﻉ ﺍﻳﻪ
ﺳﻌﻴﺪ ﻫﻬﻬﻬﻬﻬﻬﻬﻬﻬﻪ ﻋﻠﻲ ﺍﺧﻮﻙ
ﺳﻤﻴﺮ ﻗﻮﻡ ﻳﺎﺩ ﻣﻦ ﻭﺷﻲ
ﺳﻌﻴﺪ ﻫﻬﻬﻬﻬﻬﻪ ﻣﺎﺷﻲ
ﻣﺮﺍﻡ ﻭﺩﺍﻟﻴﺎ
ﻣﺮﺍﻡ ﻳﻼ ﺑﻘﻲ ﺍﺷﻮﻓﻚ ﺑﻜﺮﺓ ﺍﻥ ﺷﺎﺀ ﺍﻟﻠﻪ ﺑﺲ ﻳﺎﺭﺏ ﺍﻓﻀﻞ ﻋﺎﻳﺸﺔ ﻟﺒﻜﺮﺓ ﻫﻲ ﻣﺘﺼﻠﺘﺶ ﺑﻴﺎ ﻋﺸﺎﻧﻬﺎ ﻓﻲ ﺑﻴﺖ ﻋﻤﻲ ﻟﻜﻦ ﺍﻧﺎ ﻋﺮﻓﺎﻫﺎ ﻫﺘﻄﻴﻦ ﻋﻴﺸﺘﻲ
ﺩﺍﻟﻴﺎ ﻣﺎﻧﺎ ﻗﻠﺘﻠﻚ ﺭﻭﺣﻲ ﺍﻧﺘﻲ ﺍﻟﻠﻲ ﺻﻤﻤﺘﻲ ﺗﻴﺠﻲ ﻣﻌﺎﻳﺎ
ﻣﺮﺍﻡ ﻣﺎ ﻫﻮ ﺍﻛﻴﺪ ﻳﻌﻨﻲ ﻣﺶ ﻫﺴﻴﺒﻚ ﺗﺮﻭﺣﻲ ﻟﻮﺣﺪﻙ ﻭﺍﻧﺘﻲ ﻗﺎﻋﺪﺓ ﻣﻌﺎﻳﺎ ﻃﻮﻝ ﺍﻟﻨﻬﺎﺭ
ﻓﻲ ﻋﺮﺑﻴﺔ ﻳﺎﺳﻴﻦ
ﻋﺎﺋﺸﺔ ﻣﻌﻠﺶ ﻳﺎ ﺣﺒﻴﺒﻲ ﺗﻌﺒﺘﻚ ﻣﻌﺎﻳﺎ ﻭﺍﻧﺖ ﺟﺎﻱ ﻣﻦ ﺷﻐﻠﻚ ﺗﻌﺒﺎﻥ
ﻳﺎﺳﻴﻦ ﻣﺘﻘﻮﻟﻴﺶ ﻛﺪﻩ
ﻳﺎ ﻃﻨﻂ ﻭﺗﺰﻋﻠﻴﻨﻲ ﻣﻨﻚ ﻫﻮ ﺍﻧﺎ ﻣﺶ ﺯﻱ ﻣﺮﺍﺩ ﻭﻻ ﺍﻳﻪ
ﻋﺎﺋﺸﺔ ﺍﻛﻴﺪ ﻳﺎ ﺣﺒﻴﺒﻲ ﻭﺭﺑﻨﺎ ﻳﻌﻠﻢ ﺭﺑﻨﺎ ﻳﺤﻤﻴﻚ ﻳﺎﺭﺏ
ﻳﺎﺳﻴﻦ ﺑﺎﺑﺘﺴﺎﻣﺔ ﺗﺴﻠﻤﻲ ﻳﺎ ﺳﺖ ﺍﻟﻜﻞ ﺻﺤﻴﺢ ﻳﺎ ﻃﻨﻂ ﻫﻲ ﻣﺮﺍﻡ ﺭﻭﺣﺖ
ﻋﺎﺋﺸﺔ ﺍﻛﻴﺪ ﻳﺎ ﺍﺑﻨﻲ ﺯﻣﺎﻧﻬﺎ ﺭﻭﺣﺖ ﻫﺘﻘﻌﺪ ﺩﻩ ﻛﻠﻪ
ﺑﺮﺓ ﻟﻴﻪ ﻫﺮﻥ ﻋﻠﻴﻬﺎ ﺍﺷﻮﻓﻬﺎ
ﻋﺎﺋﺸﺔ ﺍﻟﻮ
ﻣﺮﺍﻡ ﺑﺘﻮﺗﺮ ﺍﻳﻮﺍ ﻳﺎ ﺳﺖ ﺍﻟﻜﻞ
ﻋﺎﺋﺸﺔ ﻭﻫﻲ ﺳﺎﻣﻌﺔ ﺻﻮﺕ ﻋﺮﺑﻴﺎﺕ ﺑﻌﺼﺒﻴﺔ ﺍﻧﺘﻲ ﻟﺴﻪ ﺑﺮﻩ
ﻳﺎﺳﻴﻦ ﻋﻴﻨﻪ ﺍﺣﻤﺮﺕ ﻓﻲ ﺛﺎﻧﻴﺔ ﻣﻦ ﺍﻟﻌﺼﺒﻴﺔ ﻭﻣﺴﻚ ﺍﻟﺪﺭﻳﻜﺴﻮﻥ ﻭﻓﻀﻞ ﻳﻀﻐﻂ ﻋﻠﻴﻪ
—
ﻋﺸﺎﻥ ﻳﻔﺮﻍ ﺷﺤﻨﺔ ﻋﺼﺒﻴﺘﻪ
ﻣﺮﺍﻡ ﺑﺘﻮﺗﺮ ﻭﺍﻟﻠﻪ ﻳﺎ ﻣﺎﻣﺎ ﺩﻗﻴﻘﺔ ﻭﺍﺣﺪﺓ ﻭﻫﻜﻮﻥ ﻓﻲ ﺍﻟﺒﻴﺖ
ﻭﻟﻤﺎ ﺍﺟﻲ ﻭﺍﺣﻜﻴﻠﻚ ﺍﻳﻪ ﺍﺧﺮﻧﻲ ﻫﺘﻌﺰﻭﺭﻳﻨﻲ
ﻋﺎﺋﺸﺔ ﺑﻌﺼﺒﻴﺔ ﺍﺧﻠﺼﻲ ﻳﺎ ﻣﺮﺍﻡ ﻭﻟﻴﻨﺎ ﻛﻼﻡ ﺳﻮﺍ ﻟﻤﺎ ﻧﻮﺻﻞ
ﻣﺮﺍﻡ ﺍﻧﺎ ﺧﻼﺹ ﻭﺻﻠﺖ ﺍﻟﺒﻴﺖ ﺍﻫﻮ
ﻋﺎﺋﺸﺔ ﺑﺰﻫﻖ ﻣﺎﺷﻲ ﺳﻼﻡ
ﻣﺮﺍﻡ ﻣﻊ ﺍﻟﺴﻼﻣﺔ
ﻳﺎﺳﻴﻦ ﺑﻌﺼﺒﻴﺔ ﻣﻜﺘﻮﻣﺔ ﻟﺴﻪ ﺑﺮﺓ ﻟﺪﻟﻮﻗﺘﻲ
ﻋﺎﺋﺸﺔ ﺑﺘﺒﺮﻳﺮ ﻣﻌﻠﺶ ﻳﺎ ﺣﺒﻴﺒﻲ ﻣﺶ ﻋﺎﺭﻓﻴﻦ ﻇﺮﻭﻓﻬﺎ ﺍﻳﻪ ﺍﻛﻴﺪ ﻟﻬﺎ ﺳﺒﺐ
ﻳﺎﺳﻴﻦ ﺳﺒﺐ ﺍﻳﻪ ﺑﺲ ﻳﺎ ﻃﻨﻂ ﺍﻟﻠﻲ ﻳﺨﻠﻴﻬﺎ ﻟﺪﻟﻮﻗﺘﻲ ﺑﺮﺓ ﺍﻟﺒﻴﺖ ﻭﻫﻲ ﻣﺨﻠﺼﺔ ﻣﻦ 3 ﺑﻘﺎﻟﻬﺎ 4 ﺳﺎﻋﺎﺕ ﻣﺨﻠﺼﺔ ﺍﻳﻪ ﺑﺘﻌﻤﻞ ﺍﻳﻪ ﻛﻞ ﺩﻩ
ﻋﺎﺋﺸﺔ ﻭﻫﻲ ﻣﺶ ﻋﺎﺭﻓﺔ ﺗﺮﺩ ﺗﻘﻮﻝ ﺍﻳﻪ ﺍﻫﻮ ﺩﻟﻮﻗﺘﻲ ﻧﻌﺮﻑ ﺧﻼﺹ ﻭﺻﻠﻨﺎ
ﻓﻲ ﺑﻴﺖ ﻋﺎﺋﺸﺔ
ﻣﺮﺍﻡ ﺭﺑﻨﺎ ﻳﺴﺘﺮ
ﻋﺎﺋﺸﺔ
ﺍﺩﺧﻞ ﻳﺎ ﻳﺎﺳﻴﻦ ﺗﻌﺎﻝ ﻳﺎ ﺍﺑﻨﻲ
ﻳﺎﺳﻴﻦ ﺍﺗﻔﻀﻠﻲ ﺣﻀﺮﺗﻚ ﻭﺍﻧﺎ ﻫﺮﻛﻦ ﻭﺍﺟﻲ
ﻋﺎﺋﺸﺔ ﻣﺎﺷﻲ ﻳﺎ ﺣﺒﻴﺒﻲ ﺍﺭﻛﻦ ﻭﺗﻌﺎﻟﻲ ﻭﺍﻧﺎ ﻫﺴﻴﺒﻠﻚ ﺍﻟﺒﺎﺏ ﻣﻔﺘﻮﺡ
ﻳﺎﺳﻴﻦ ﺣﺎﺿﺮ
ﻋﺎﺋﺸﺔ ﺩﺧﻠﺖ