قامت مفزوعه من النوم وهي مش مصدقه ان امها عايزه تشغلها خدامه بعد ما كل بنات عذبة الصعايدة بيحسدوها على حلاها ويدها الناعمه وجمالها اللي ما فيش منيه
واه بقى عايزه تشغليني خدامه يا اماي وعند الست هنيه كمان
وليه ما تشتغليش زي امك ما هتشتغل على ايديك ورجليك نقش الحنه ولا ايه يا عره البنات يا اللي سايبه خواتك في شغل البيت طول النهار وما هتعمليش وياهم حاجه مفكراني عامله زي الاطرش في الزفه هتاجي وياي ڠصب عنك والجزمه فوق رقبتك .
ابوس يدك ياما هعمل كل اللي انت عايزاه هناك في وسط بس ما اروحش اشتغل خدامه حدا هنية دي الناس كلها هتحسدني على دلعي وجمالي وهيقولوا عليا كيف بنات البندر وفي الاخر هشتغل خدامه ابوس يدك ما تعمليش فيه اكده .
ازهار كانت مصممه انها تروح معاها وقومتها اجباري ولبست هدومها وهي هتمشي جنبها والدمعه كانت هتفر من عينيها وعلشان لسه صاحيه من النوم خدودها كانوا محمرين ووشها كيف البدر المنور كل اللي هيشوفه هيحسدها على جمالها وراحت معاها على بيت هنيه واول ما شافتها وهي نازله من على السلالم كيف الهوانم بصت لها باستغراب وهي هتجيبها من فوقيها لتحتيها وهتسال ازهار
مين البنية اللي كيف البدر اللي جايباها معاكي دي يا ازهار
شدتها ازهار من ايديها وهي هتأمرها
قرب يا بت حبي على يد ستك هنيه وخدي منها الرضا .
اتسمرت نواره مكانها وبكل قوه ردت على امها وهي هترفض الذل
لا يا اماي ما احبش على يد حد لو مو…..تيني ما هعملهاش زمن العبوديه انتهى من زمان .
شهقت ازهار پصدمه من رد بينتها ولسه هتنزل على وشها بالقلم مسكتها هنيه وهي هتبص لنواره باعجاب
بس يا ازهار عيب تضر…بيها قدامي البنيه ما قالتش حاجه
وقربت هنيه من نواره
وهي هتلف حواليها وعينيها هتاكلها وهتفصصها من فوقيها لتحتيها
اسمك ايه يا بنيه وتقربي ايه لازهار
رفعت نواره وشها وهي هتجاوبها
اسم نواره يا ست هنيه وازهار تبقى امي .
حسست هنيه على حجابها وهي قصده تنزله من على راسها واول ما وقعت التحجيبه نزل شعرها الحرير اللي هيلمع من جماله على ضهرها وطبطبت على ضهرها وهي هتبص لها ودماغها راحت لبعيد
بسم الله الحارس الله ما شاء الله عليك يا نواره حته على لقمه بتك اسم على مسمى وكيف البدر المنور يا ازهار .
دورت ازهار وشها الناحيه الثانيه وهي هتخمس بايديها على بتها اللي هنيه هتاكلها بعينيها وكل
تسلمي يا ست هنيه وحداي تلاتة غيرها كمان
بس مطلعين روحي بوهم مېت وفاتني اني واربع ولايا والزمن هيصدني ويردني على كيفه .
نواره كانت هتبص للفيلا اللي هم قاعدين فيها وعينيها هتلمع عمرها ما شافت فيلا غير في التلفزيون بس ولاول مره تدخلها على الحقيقه وطلعت كيف ما بتشوفها واكثر ولقيت هنيه هتشدها من يدها وهي هتقول لها
تعالي اقعدي جاري يا نواره انا ارتحت لك كيف ما تكوني بتي وزياده تعال يا غاليه .
مشيت نواره جنبها وهي حاسه بعدم الارتياح لهنيه من عينيها اللي هتاكلها وكل واثناء ما هم قاعدين خرج فواز واول ما شاف نواره قاعده جنب امه وش غريب اول مره يشوفه جري عليها وهو هيمسك ايديها وهيتشعبط في راسها كيف العيل اللصغير
الله عروسه حلوه عروسه جميله هنية اني عايز عروسه زيها .
نواره اټرعبت شايفه قدامها شاب طول بعرض جميل لكن طريقه كلامه غريبه وجسمها ارتجف وهو هيشدها من يدها وهيحسس على كتفها وعلى وشها لحد ما امه بعدت يده وهي هتزعق له
روح دلوك يا فواز عيب لما يكون حد قاعد وياي وتعمل حركاتك داي هيقولوا عنك ايه يا ولدي
ونادت على نحمده بعلو صوتها
نحمده إنتي يانحمده تعالي دلوك خدي فواز للاوضه بتاعته ما تخليهوش يخرج منها لما اقول لك يلا يا نحمده .
جريت نحمده عليها وخدت فواز وشكل ما يكون قلبها فرحان انها تدخل اوضته وهتقعد وياه شوي وبامر من هنيه كمان واول ما فواز شافها فضل يتلزق في نواره
سيبيني شويه نحمده عروسه حلوه عايز اقعد معاها سيبيني.
تعالى بس يا فواز هندخل الاوضه وهجيب لك لعب وشوكلاته ومصاصه وهنلعب لعبتنا اللي انت بتحبها .
سقف فواز وهلل من كلام نحمده
هي شوكولاته ومصاصه حلوه هي هنلعب لعبه حلوه أنا واحمده .
وخدته نحمده تحت بطاطها ودخلت الاوضه وقفلت عليهم الباب وهي هتضمه لصدرها وتبوسه برغبة وهو ماسك المصاصة هيلتهمها وكانها أشهي الحلويات
أما برة كانت نوارة هتبص على أثر الإنسان اللي قعد جنبها ولزق فيها وهي مش فاهمه هو هيتكلم اكده ليه فلاحظت هنيه سرحانها وهي هتبص على الاوضه اللي دخل فيها فواز فقالت لها بمعزي وهي هتطبطب على ضهرها
مالك يا نواره مستغربة اكده ليه علشان فواز ولدي
ردت عليها نواره وهي سرحانه
ها هتقولي ايه ياخالة
يا اختي اسم الله عليك وعلى حلاوتك وانت هتنادمي علي بخالة ايه البت الرقيقه داي يا ازهار خلفتيها كيف
داي واللي هيشوفك هيقول عليكي جعفر وانت جايبه بت اللهم صل على النبي بقها كيف البلسم .
اتضايقت ازهار من طريقه كلام هنيه لكن خبت ضيقتها وهي
هترد عليها ببسمه صفرا
تشكري يا ست هنيه المقصد اني جبتها وياي هتساعدني في شغل البيت هنا لاجل ما اخلص بدري وعاود للبنات عشان ما ينفعش افوتهم لوحديهم الوقت دي كلاته اصلك ما تعرفيش إن خلف البنات كيف شيل الهم للمما,ت .
وقامت هنيه وجرت بنتها من ايديها ودخلوا يشوفوا شغل البيت ايه ونواره هتعملوا ڠصب عنيها وهي صعبانه عليها حالها انها تشتغل خدامه وخواتها قاعدين في البيت معززين مكرمين وكل دي وهنيه عينها ما نزلتش من عليها ومطرح مطروح تروح وراهم وبقت شغلها الشاغل وكل اللي هيدور في دماغها ان هي داي اللي تنفع تبقى عروسه ولدها فواز يتيمه ومحتاجه من امها لما هتصدق توخلص من بت منيهم
وبعد ما خلص اليوم ندهت عليهم هنيه قبل ما يمشوا وهي هتمسك نواره من يدها وهتطلب منيهم يقعدوا وبدات كلامها اللي خلاهم انصدموا وما بقوش على بعضهم
والتنين هيبصوا لها وهما هيبرقو
من الكلام اللي قالته وشكل ما تكون نواره جت لقدرها .
ونكمل الحلقه الجايه
بسم الله الرحمن الرحيم
الفصل الثاني
نوارة
بقلمي فاطيما يوسف
وبعد ما خلص اليوم ندهت عليهم هنيه قبل ما يمشوا وهي هتمسك نواره من يدها وهتطلب منيهم يقعدوا وبدات كلامها اللي خلاهم انصدموا وما بقوش على بعضهم والتنين هيبصوا لها وهما هيبرقو من الكلام اللي قالته وشكل ما تكون نواره جت لقدرها
شوفي يا أزهار يعلم ربنا محبه بتك دخلت في قلبي من اول ما اطلعت لها ورايده انها تكون جاري وفي بيتي رايداها تكون عروسه ولدي .
سالتها ازهار باندهاش
ولدك مين لا مؤاخذه يا ست هنيه
رفعت هنيه حاجبها وجاوبتها وهي هتمص في شفايفها
هيكون ولدي ميني يا ازهار هو اني حداي غير فواز .
نطقوا الاتنين في صوت واحد
فواز ولدك كيف دي !
كانت ازهار حكت كل حاجه لنواره وهم في المطبخ شغالين عن فواز وان هو عبيط فجاوبتهم هنيه وهي شايفه الاستغراب هيلمع في عينيهم
ماله فواز يا زهار وبتقوليها اكده في وشي انتي وبتك من غير ما تعملوا لي اعتبار ولا هتختشوا مني يعيبه ايه فواز .
اتراجعت ازهار في طريقتها وهي هتلمح القساوه في عين هنيه وممكن تطردها من البيت ما تخليهاش تاجي تشتغل عنديها تاني وهي ما تقدرش تستغنى عن شغلتها في البيت اللي اخيرا وافق حد يشغلها عنديه كل ستات العزبه اللي حداهم فيلا ما يرضوش يشغلوها عشان هي ارمله وهيخافوا على جوازتهم منيها الا هنيه
له ما هنقصدش والله يا ست هنية حقك على راسي من فوق وهاتي يدك احب عليها وراسك احب عليها .
خلاص خلاص يا ازهار نرجعوا لكلامنا تاني ايه رايك يا نواره تاجي تعيشي معاي اهنه وتتجوزي ولدي وهخليكي ست الدار داي كلاتها وهلبسك حرير في حرير وهسيغك من ساسك لراسك وهخليكي تمشي تقولي يا ارض انهدي ما عليكي قدي وهخلي بنات العزبه كلاتهم يتمنوا بس انك تكلميهم من الهنا اللي هعيشك فيه .
أزهار عينيها لمعة وهي هتحكي كلامها والعز اللي هتعيش فيه بتها ولما لقت هنيه لمعه الفرحه في عينيها كملت كلامها
ومش بس اكده يا ازهار بناتك التانيين هيتنقلوا نقله كبيره مش هخليهم محتاجين حاجه واصل وهيكملوا علامهم في احلى مدارس ومش هخليكي تشتغلي في البيوت تاني ومصاريفك ومصاريف بناتك من الالف للياء تخصني وهجدد لك البيت الهلكان بتاعك اللي هيقع عليكي انت وبناتك في اي وقت .
ازهار كانت هتتكلم الا ان هنيه طلبت منها
ما تقوليش رايك دلوك ي أزهار خدي بتك وتشاوري انتي وهي في داركم وهستنى ردك بكره ويا ريت ما تتاخريش علي لأني عايزه اجوز الواد في اسرع وقت بقى شاب طول بعرض بحلاوه والطمع هيبقى فيه وعايزه اجيب له عروسه تاخد بالها منيه وتدلعه وتهننه وانت اولى بخير من اي حد تاني .
خلصت كلامها وسابتهم وطلعت وهي اخدت بنتها ومشيت وكان طاقة القدر انفتحت لها هي وبناتها
اما هي طلعت لفوق لقت جوزها تعبان شكل ما يكون هيطلع في الروح فمسكت يده
له يا بدران ما تمو…..تش دلوك قبل ما الواد يتجوز لازم تقاوح لحد اخر نفس فيك علشان ما تبهدلش بعديك لو ولد اخوك رجع وكوش على الجمل بما حمل اصلب طولك يا بدران.
كل كلامها اللي هتقوله هيخليه يزمزم وهو حاسس ان نفسه هيطلع لحد ما جابت له البخاخه ورشيتها عليه وكل ما يتنفسها يهدى شويه لحد
ما يهدي خالص وقالت له وهي هتحمد ربنا ان ازمته عدت على خير
الحمد لله الف حمد وشكر ليك يا رب كنت هتروح مني يا بدران يا راجل اصلب طولك ربنا يديك الصحه وطوله العمر وافضل عايشه على حسك ومنعه الطماعين اللي حوالينا ان هم هياجوا ينهشوا فينا وخصوصي ولد اخوك اللي ما جاش زارك يوم من ساعه ماعييت وكانه ما يعرفكش.
ما كانش عاجبه كلامها ودايما هتفكروا ان هي اللي جاره وما حدش من اخواته هيسال فيه ولا اخوه الوحيد ولا اخواته البنات فلقيته هيتزمزم وهيتعب من كلامها
خلاص ما تقفش اكده ما هتتحددش عنيهم تاني واصل بس قسما عظما ما هخليهم يتهنوا على قرش واحد من فلوسي وتعبي اني النهارده لقيت العروسه اللي هتنفع فواز وهجوزه وهخليها تخلف منه واد يشيل اسمك وهو اللي ياخد التركه كلاتها وتكون تحت يدي.
فضلت تتكلم معاه وعرفته كل حاجه