عواد بصلها وشافها بتترعش والدموع في عيونها بعد بسرعه وضم اديه بغضب وغمص عنيه جامد عايز يهدى وقال…انتي مرتي يا ورد ولازم تتعاملي على الاساس ده..ومش هينفع اصبر عليكي اكتر..مفيش راجل في البلد كلتها عملها واتجوز وملمسش مرتو كيف م انا بعمل معاكي وبصلها بغضب شديد وقال…واخر مره هاحذرك يا ورد..انا معايزش اذيكي..لو لمحتك بره الدار تاني ولا عرفت انك حاولتي تطلعي..هقطع خبرك..وقد اعذر من انذر..وكمال ده حسابو معايا قال كده ولسه هيمشي مسكت في ايده قالت برجاء وخوف…انت…انت هتعملو ايه وانبي يا عواد ما تأذيه ده كان عايز يساعدني ومفيش اي حاجه من الي في دماغك وانبي
عواد بصلها بغضب وقال…وانا هصدقك…ومش ….بس هعلمو درس صغير علشان ميعدهاش تاني..اذاي يتجرأ ويهربك..لولا ان الغفر جابوكي كان زمانك.. ورد قاطعتو وقالت بسرعه..انا محدش جابني يا عواد انا مشيت من البيت وعرفت اهرب محدش قدر يمنعني المرادي عواد بصلها باستغراب وقال..ايه..امال مين الي رجعك قالت بدموع..محدش رجعني..انا رجعت لوحدي بعد ما كنت خلاص هربت من جحيمك بعدت عنو سويه وقالت بدموع.. افتكرت انا لما قولتلي اننا متجوزين وخوفت لو انا هربت الناس تتكلم عليك لاني مراتك وعلى زمتك..مهانش عليا تبقى موطي راسك قدام الناس ويقولو مراتو هربت وعلشان كده رجعت
عواد اندهش من الي قالتو وقال…انتي..انتي صوح فكرتي كده ولا بتلعبي بعقلي ورد ابتسمت بسخريه وقالت..وهلعب بعقلك ليه…ما انا قبل كده لما كنت اهرب كنت بقولك اني هربت عواد قرب عليها ورفع وشها ليه وقال..يعني..يعني انتي صوح خوفتي عليا يا ورد ورد بصتلو بدموع وقالت طبعا لازم اخاف عليك انت صحيح مجنون وبهيم وهمجي وزي الطور و قاطعها وقال بسرعه وغضب..بس..ايه..انتي ما صدقتي..كل ده شتايم في جمله واحده..اتكتمي خلاص معايزش اعرف حاجه
ورد ابتسمت وعواد كمان ابتسم ومسح دموعها بايده وباس على راسها وقال…حقك عليا..خوفتك..بس انا ميت مره بقولك يا بت الناس انا غيرتي واعره..متخليش اي راجل بتعامل معاكي..مبقدرش احكم نفسي لما بعرف ان فيه حد لمحك ولا كلمك ولا حتى شافك من بعيد..مبقدرش يا ورد..انتي وردتي انا وبس…ورده في بستان قلبي واقطع يد الي يفكر يلمسها بس ورد اتفاجأت بكلامو الرقيق وقالت…ياسلام ومن امتى الكلام ده بقى عواد قال بابتسامه…من زمان…بس انتي مش واخده بااك…ولا مقدره وقرب اوي وقال..ولا حاسه
ورد حاول تبعد بس حاوطها بلديه وضغط على وسطها جامد وبصلها من فوق لتحت بوقاحه وقال..انا دايب دوب… في الباين والي تحت التوب ورد ضحكت جامد ولسه هتزقو شدها بكل قوتو واختفت بجسمها الصغير بين اديه ولسه هتنطق قبض على شفايقها بعنف وشوق ولهفه ورد حاولت تبعد بس دابت بين اديه وبقت رجليها مش شيلاها من لمساتو الخبيره بس فجأه بعد عنها ومسك ايدها وقال باستغراب.. ايه ده
ورد بصت على ايدها وكانت مربوطه بقماشه قالت..اه..ده انا وبنضف حوالين الورود ايدي اتجرحت وحمدان لحقها وربطهالي كده
اتحولت ملامحو لغضب رهيب ومسك معصمها بقوه وقال…مين يا حلوه الي ربطهالك ورد قالت بخوف ..حمدان فيه ايه
عواد قال بغضب مرعب… وطبعا مسك يدك علشان يربطهالك قالت باستغراب..امال هيربطها ازاي يعني
قال بغضب شديد..ليله ابوكي مطينه انتي وياه ونزل جري على تحت
ورد لبست اول عبابه قابلتها ونزلت وراه جري وهيه بتقول اعقل يا عواد..اعقل يا مجنون ده اخوك غيه ايه عواد قال بغضب..اطلعي على فوق والله ما يكون ابويا الله يرحمو ليتحاسب غوري على اوضتك
ورد فضلت مكمله وراه وقالت …يا ابني ده صغير ده اصغر مني والله ما عمل حاجه قال بغضب وزعيق..بقولك اطلعي فوق