رواية ليتك لا تعرف سرى القسم الثاني بقلم اسماء الطبلاوي

( في الوقت ده كان فادى ورحمه وصلوا سوهاج وعلى طول على منزل رابح وكانوا رايحين ومعاهم جيش جرار من الحرس الخاص ودخلوا لهناك بهدوء لقوا رابح البصراوي نازل على السلم. رابح: اهلا وسهلا بضيوفنا اللي منورنا مش تعرفينا يا رحمه بالباشا اللي جاي بلدي وبيتي بكل الرجاله والسلاح ده اكنه جاي يحارب مش جاي زياره ولو ان يعنى الكلام ده مبيكلش معايا واصل كيف ما انتى خابره. رحمه: ده مش ضيف يا رابح ده يبجى…..

فادي: فادي….انا فادي صفوت الشافعي رجل اعمال وخطيب رحمه وصديق شخصي لفرح وعايزك بالحب كده تؤمرلنا بحد يجيب الحاجه نصره حالا علشان هننزل مصر على طول وياريت متضيعش وقتى. رابح: ابه ابه..يا ابووووى انا اتخضيت جوي هههههه طب شوف يا جلبة الحبايب الحاجه نصره نأمرولك بيها وحالا كمان وبعدين نشوف باجى الحديت اللى جولته… واد يا صديج روح هات الحاجه نصره من البدروم وتعالى على طول احسن الراجل مش عاوز يتأخر. رحمه: وووه هى حصلت كمان انت حابس امي في البدروم يا رابح ده انت كانك اتجنيت بصحيح.

فادي: لا يا رحمه ما هي دي تصرفات الرجاله اللي بيتشطروا على الحريم وفاكرين انها رجوله ولو كان راجل كان شاف راجل زيه يتشطر عليه بدل شغل الحريم ده رابح: اجطم انت وهي انا بعت اجيبها مش خوف منك لا اصلها صعبت عليا لانها ست كبيره في السن وبردك احنا اهل وبصراحه انا لجيت حل ثاني للحاجه اللي انا رايدها وهعرف اجيبها رحمه: فرح دي تبجى بعينك وهجطعلك يدك جبل ما تمسها حتى انت فاهم ولا لا يا خلفة الندامه..

رابح: انا اكده كلامي خلص خدي امك وامشي جبل ما ارجع في كلامي وما حدش فيكم واصل يطلع من اهنه..وعلى فكره اجدر اعمل اكده. فادي: وانا مستني خطوتك الجايه يا رابح ولو راجل ما تخطهاش احسن عشان هتبجى اخر خطوه ليك. (وفي المستشفى في اوضه جاسر كانت فرح قاعده جنبه بتقرا معاه شويه قران وتهدي فيه وكمان خليته يضحك ويبتسم. فرح: يلا بقى انا عايزاك تتمشى معايا لحد اوضه العمليات مش هاخدك على الترولي عاوزه احس بقد ايه انت قوي ومؤمن مش ضعيف واكيد ربنا هياخد بيدك وهتقوم للناس اللي بيحبوك انا مش عايزاك تقلق خالص

جاسر: ايمانك لوحده مخليني مش حاسس اني داخل العمليات اصلا انا حاسس اني هنام شويه صغيرين وبعديهم هصحى حد ثاني خالص وكله بفضلك انت بعد ربنا لولاكي ما كانش زماني هنا يا فرح. فرح: كله بفضل ربنا يلا بقى يا بطل عشان هندخل بسرعه ونخرج اسرع ماشي. ( وفعلا اخذت فرح جاسر وخرجت بيه قابل والده وقف قدامه بدموع صفوت:جاسر يا حبيبي يا ابن قلبي واول فرحتي انا عايزاك تدخل وتخرج بسرعه عشان انا هبقى واقف بره هنا ومستنيك وانت عارفني ما بحبش الانتظار ماشي وبامر الله هتخرجلي بالف خير.

جاسر: ما تخافش يا بابا انا لسه قدامي حاجات كتير جدا هعملها ومش ناوي اضيعها وبامر الله راجعلك تاني وسلملي على فادي. ( دخل جاسر لاوضه العمليات والكل بيدعيله بالشفاء من والده ومن كل اللي في المستشفى اللي حبوه خلال قعدته معاهم وبعد مرور ست ساعات في اوضه العمليات كان كله قاعد مستني واعصابه على نار حتى فادي ورحمه اللي وصلوا من شويه لحد ما خرج الدكتور سامح بجاسر وهو فاقد الوعي. صفوت: يا حبيبي يا ابني

سامح: لا لا يا جماعه واحده واحده ده لسه خارج من عمليه خطيره والمفروض يرتاح. صفوت: انا بس عايز اطمن عليه يا دكتور انا ابوه سامح: عارف يا صفوت بيه بس هو اصلا مش هيفوق قبل بكره الصبح والحمد لله العمليه كانت ناجحه جدا وكل حاجه تمام ومؤشراته الحيويه عظيمه واضح ان جاسر بيه عنده اراده قويه جدا فادي: طيب يا دكتور هو ممكن نقعد جنبه ومش هنتكلم والله خالص علشان بس اول ما يفوق يشوفنا حواليه

رحمه: ما ينفعش يا فادي جاسر دلوك مناعته منعدمه لازم يتحجز في العنايه المشدده لحد ما يفوج ويبدا الجلب الجديد يشتغل بمجهوده هو وجسمه يستوعبه. سامح: ده صحيح وكمان يا جماعه بصوا عليه من ورا الازاز لحد بكره… بس صحيح هي فرح فين عشان تبص عليه هى قالت ان حالته تهمها ومش شايفها مستنياه معاكوا يعنى. صفوت: ده انا لسه كنت هسالك نفس السؤال هي مش عملت معاك العمليه يا دكتور احنا ما شفناهاش من ساعتها.

سامح: ابدا هي فضلت بس لحد ما خدرنا جاسر وبعدين اختفت وما شفتهاش ثاني من وقتها انا فكرتها معاكوا و اصلا اى دكتور ليه علاقه حتى لو سطحيه بالمريض مش بيتسمحله يتواجد فى العمليه عشان ما يخدش اى قرار عاطفى يبوظ الدنيا و لانى شفتها مهتمه بالحاله جدا خرجتها بعد التخدير. رحمه: اختفت كيف يعني يا دكتور هي كانت جوه معاك راحت فين. فادي: اهدي بس يا رحمه اكيد هنا ولا هنا هتكون فين يعني.

نصره: يا حبيبتي يا بنتي كيف مش لاجيينها احنا لازم ندور عليها ( لما ملقوش فرح وقفت رحمه بعيد عن الموجودين واتصلت على رابح لانها افتكرت انه ممكن يكون هو اللي خطفها ونفذ تهديده رحمه: الو ايوه يا رابح فرح عندك ولا لا. رابح: وهي فرح هتيجي تعمل ايه عندي هي جالتلك ان هي جايالي ولا ايه. رحمه: كفايه لف ودوران بجى وجولي الحجيجه انت عملت ايه في فرح احسن يمين بعظيم يا رابح هسجنك انت فاهم

رابح: انتى عارفه اني ما بجيش بالتهديد اهدي اكده وفهميني فيه ايه.. فرح مالها وجايه بتتهميني فيها انطجي رحمه: طالما بتنكر وبتجول ما تعرفش يبجى ما لكش صالح بجى هي مالها سلام (قفلت رحمه الخط واتفاجئت بفادي حط ايده على كتفها وبصلها بعتاب. فادي: ايه اللي خلاكى تكلميه بس يا رحمه مش انا قلتلك بلاش تكلميه واحنا هنتصرف. رحمه: جلجانه يا فادي بجينا العشاء ولسه فرح لا حس ولا خبر خليت امي وخالتي نوال يرجعوا البيت وجلتلها مش هرجع غير بفرح لما ارجع البيت دلوك وتسالني عليها اجولها ايه

فادي: والله انا مش ساكت والحرس بيمسحوا البلد ومش باين لها اثر كأن الارض اتشقت وبلعتها انا دلوقتي مشكلتي لما جاسر يفوق لو سال عليها هقول له ايه ووالدتها اللى بترن عليكى تسال عنها كل 10 دقائق هنقولها ايه.. حاجه تجنن هتكون راحت فين بس. صفوت: وبعدين يا ولاد البنت كده اختفت خلاص لاحس ولا خبر ايه ما فيش اخبار من رجالتنا يا فادي فادي: ابدا يا بابا الدنيا مقلوبه عليها وما لهاش وجود في اي مكان.

رحمه: ما هو الحديت ده ما ينفعش انا هنزل ادور عليها بنفسي فادي: الظاهر ما فيش غير كده خلي بالك من جاسر يا بابا يلا بينا يا رحمه. ( وفعلا نزل فادي ومعاه رحمه بيدوروا في الشوارع في كل حته كانت فرح بتحب تروحها من غير فايده حتى الكافيه اللي كانت بتقعد فيه. رحمه: لو سمحت يا محمود فرح ما جتش اهنه النهارده خالص. محمود: لا والله يا ست رحمه فرح ما جتش خالص وبقى لها كتير ما شفناهاش هو في حاجه ولا ايه

رحمه: متشكره يا محمود بس لو جت ولا شفتها كلمني على طول محمود: تحت امرك يا ست رحمه وابقي كلميني على طول طمنيني عليها لو في حاجه رحمه: وبعدين يا فادي مش هنا كمان فادي: اهدي شويه ان شاء الله خير (بعد ما تعبوا من التدوير والبحث ركنوا بالعربيه شويه يستريحوا رحمه: يعني كده خلاص مش هنلاجيها الفجر هيطلع علينا واحنا بنلف في الشوارع وما لجيناش اي خيط يوصلنا ليها كيف ده فادي: مش عارف غريبه قوي الحكايه دي انا دماغي هتنفجر ازاي حد ممكن يختفي كده بالسهوله دى.. ده ولا الافلام

رحمه: انا حاسه كاني في كابوس ومش جادره افوج منه يا فادي فادي: انتى حالتك مش عاجباني لازم تاكلي اي حاجه كده هتتعبي رحمه: يعني انت اللي اكلت حاجه طول اليوم هو مين اللي ليه نفسي ياكل حاجه. فادي بهزار: ما هي دي المعجزه يا بنتي اني ما اكلتش اي حاجه ده جاسر لو عرف اني قعدت كل ده من غير اكل هيذبح سوق العجول كله احتفالا باليوم ده رحمه: هههههه والله مش جادره اضحك يا فادي سامحني غياب فرح سرج مني كل حاجه حتى ضحكتي ونفسي وعجلي كمان.

فادي: معلش باذن الله خير اكيد هنلاقيها بس عشان نقدر نكمل لازم تاكلي حاجه وانا كمان وما تقوليش لا عشان خاطر فرح.. والا انا وانتى هنروح نرقد جنب جاسر رحمه: حاضر امري لله موافجه بس عشان انت كمان تاكل مش اكثر فادي: ربنا يخليكى ليا يا رحمتي يلا انا هطلع على اي مطعم ناكل وبعدين اروحك. ( وفي منزل عيله فرح كانت الحاجه نصره بتحاول ان هي تخلي نوال تاكل اي حاجه لكن هي كانت بترفض انها حتى تتكلم عن اي حاجه ثانيه غير اختفاء فرح.

نصره: بكفاياك بكى يا نوال ما فضلش في عينك دموع انتى بتبشري عليها ولا ايه باذن الله هترجعلنا فرح جويه وما يتخافش عليها واصل دي بنت ابوها انا يعني اللي هجولك

نوال: طب اعمل ايه يا نصره دي بنتي الوحيده ربنا ما يحرق قلبك على ضناكى ابدا يا رب فرح اخذت فرحتي معاها وراحت لا انا عارفه عايشه ولا بعيد الشر فيها حاجه هتجنن عليها ده انا حتى مش قادره ادخل اوضتها ارتبها كل ما ببص على باب اوضتها بشوفها ماسكه اجندتها وبتكتب او بتقرا الجرنال زي عادتها كل يوم حتى حيطان البيت بتهيا لي انها بتسالني عليها كل حته في البيت هنا بتحب فرح مش العكس

نصره: حاسه بيكي والله يا اختي بس هنعمل ايه ده رحمه وفادي وصفوت بيها الله يكرمه ناجص يخلي العفاريت يدوروا عليها ومش مجصرين والحكومه جالت انها مختفيه من امبارح بس يبجى نصبر شويه علشان يطلعوا جوه تدور عليها وما فيش حد من اللي يعرفها موفر جهد انه يدور معانا بنتك كانت حبيبه الكل وربنا باذن الله مش هيضرك فيها ابدا وهترجعلك بالف خير نوال: يا رب يا نصره احسن انا قلبي واجعني عليها قوي ومش عارفه انام وهي مش في البيت ربنا يحفظك ليا يا فرح يا بنتي فين ما تكون اراضيك ويردك ليا بالف خير.

نصره: يسمع منك يا رب ويجبر بخاطرنا ويردها سلمى لحضنك الفصل ال8 (في الوقت ده في مكتب سامح كان بيتصل على رانيا يطمن على صحتها لانها كانت فضلت فتره طويله في غيبوبه وما فقتش منها الا بفضله بعد ربنا طبعا. (فلاش باك) راح سامح اوضه رانيا لما عرف انها اتصابت في حادثه وقعد جنبها وهي في غيبوبه مفصوله عن العالم. سامح: رانيا انا عارف انك هتكوني سمعاني دلوقتي وبالذات انا..

ارجوكى لو انتى سمعاني حاولي ترجعي حاولي تفوقي دوري على صوتي وتعالي وراه انا عارف ان عمري ما قلت لك كلمه حلوه اربع سنين وانت رايحه جايه على المستشفى وبتعملي حاجات مجنونه عشان تشوفيني وانا عمري ما حسيت بيكي بس صدقيني لو فوقتي دلوقتي في حاجات كتير جدا هتتغير هحبك وهم-وت فيك كمان وده هيحصل اكيد مع الوقت والعشره لاني مش هسيبك ثاني انا كنت بحلم بحب مش من حقي علشان كده ما كنتش شايفك بس دلوقتي خلاص اوعدك انك لو قمتى وخفيتي هدي لحبك ليا ده فرصه وهفتح لك الف باب بيوصل لقلبي ومش هقصر في اي حاجه معاكي وهنتجوز

بس انت قومي انا عندي احساس رهيب بالذنب ناحيتك بس صدقيني مش ده سبب الكلام اللي بقوله بالعكس احساسي ان انت مسؤوله مني وجزء كبير في حياتي هو اللي خلاني اقول لك كده انا هستناكى ومش هياس. ( باك) ردت رانيا على التليفون بفرحه. سامح: الو ايه يا حبيبتي عامله ايه دلوقتي فطرتي ولا لسه. رانيا: الحمد لله يا حبيبي ما اتحرمش منك ولا من سؤالك انا فطرت الحمد لله من شويه هو لسه ما حدش عارف حاجه عن فرح.

سامح: لا والدنيا مقلوبه عليها وكله بيدور وما فيش حد ساكت. رانيا: ربنا يستر ده زمان مامتها ميته من القلق عليها يا عيني. سامح: انتى بتقولي فيها كلهم حالتهم صعبه ودلوقتي جاسر هيفوق واول ما هيسال هيكون عليها وما حدش عارف هيقول له ايه.. انا بس خايف عليه من التوتر رانيا: معلش يا حبيبي حاول تساعدهم على قد ما تقدر وهون عليهم وما تخافش عليا انا كويسه ( واخيرا فاق جاسر وحواليه ابوه واخوه ورحمه وسامح ونصره حتى نوال رغم وضعها الا انها جت تطمن عليه فتح عينيه ببطء شديد وبتعب وفضل يدور عليها في الاوضه ما لقاهاش

جاسر بتعب: امال فين فرح يا بابا انا مش شايفها وسطكم يعني. صفوت: حمد لله على السلامه يا حبيبي ما تتكلمش كثير انت تعبان ولسه خارج من عمليه خطيره. فادي: الحمد لله انك بخير يا جاسر انا مش عارف اقول لك انت وحشتني قد ايه وما كنتش اعرف اني بحبك قوي كده جاسر: الله يسلمكم كلكم يا رب فين فرح يا رحمه.

رحمه: في الحجيجه يا جاسر فرح تعبانه جوي بعد ما عملت لك العمليه مع دكتور سامح خرجت وهي بتترعش وعرجانه واعصابها كانت تعبانه جدا وجالت انها لازم ترتاح فتره اكده بعيد عن الشغل علشان تفوج وجالت لنا نجول لك انك تعتبر فتره شفاك وبعدها عنك اختبار لجوة ارادتك علشان تتعافى في اسرع وجت ولوحدك بدل ما انت معتمد عليها. جاسر بشك: انتى بتكذبي يا رحمه صح ولا انا غلطان. فادي: طيب هي هتستفاد ايه لو كذبت عليك يعني مش فاهم.

صفوت: وبعدين يا سيدي خف انت بسرعه وانت تعرف اننا ما بنكذبش عليك صح يا مدام نوال نوال: اكيد طبعا ربنا يعافيك يا ابني ويردك لبيتك واهلك بسرعه وترجع تنور شغلك وحياتك ثاني. نصره: يلا يا جماعه نسيبه يرتاح شويه بجى ده لسه في النقاهه.
وتعبان. سامح: فعلا والله هو لازم يرتاح شويه وكمان في شويه فحوصات روتينيه لازم نعملها علشان نتاكد من ان كل حاجه ماشيه تمام. ( وفعلا ما شكش جاسر في كلام حد منهم وعزم امره على انه يلتزم بالادويه ويعمل المطلوب علشان يفوق ويرجع لحياته بسرعه.

سامح: عاوزك تاخذ نفس عميق يا جاسر وتقولي حاسس بايه. ( اخذ جاسر نفس عميق. جاسر: مش حاسس بحاجه اكثر من وجع بسيط مكان الجرح. سامح: طب عايزك تقوم تتمشى قدامي كده دقيقتين اتنين بالعدد علشان اشوف هتحس بنهجان ولا لا. (قام جاسر واتمشى شويه ورجع قعد.