رواية ليتك لا تعرف سرى القسم الثاني بقلم اسماء الطبلاوي

جاسر: برده اكثر من وجع الجراحه نفسه وان المخدر لسه في جسمي ما فيش مش حاسس ان انا هبطان زي الاول. سامح: طيب الحمد لله كده اقدر اقولك ان الموضوع ماشي تمام وان شاء الله الشهرين دول يخلصوا على خير وهتبقى زي الفل. ( وفعلا التزم جاسر بكل حاجه وما خرجش من المستشفى لحد ما الشهرين خلصوا ورجع بيته بعدها جاسر: طيب اديني عملت العمليه وخرجت وخفيت واللي انتم ما كنتوش قادرين تقولوهولي وانا راقد تعبان تقدروا تقولوه دلوقتي بس يا ريت يكون الصراحه

فادي: بصراحه احنا ما نعرفش فرح فين يا جاسر وما حدش خالص عنده اي فكره عن مكانها حتى البوليس مش قادر يوصل لها خالص. جاسر: انا كنت حاسس ان في كارثه انتم مخبيينها عني انت ليه يا بابا ما قلتليش عن الموضوع ده او ليه حتى ما لمحتليش اني هخرج مش هلاقيها فادي: احنا برده مش ساكتين يا جاسر وقالبين الدنيا عليها احسن تكون فاكرنا طنشنا ولا حاجه صفوت: بصراحه احنا شاكين ان ابن عمها يكون خطفها علشان يتجوزها غصب عنها

جاسر: ايوه انا عندي علم بالموضوع ده وهتصرف فيه انما دلوقتي انا عايزه اقوم اروح بيتها الاول قوم يا فادي وديني عند والدتها. (وهناك في سوهاج كان رابح قاعد على الكرسي بيكلم نفسه بغضب وحاسس بقلق.

رابح: يا ترى جرالك ايه يا فرح ولا فين اراضيكى حتى رجالتي مش عارفين يعتروا فيكى ومش لاجيينلك اثر انا اول مره احس اني جلجان عليها اكده كبف اختي مش علشان عايز اتجوزها… والله في سماه لو حد مسها ولا اذاها بحاجه لاكون دفنه في ارضه طوالي.. كلهم دلوك شاكين فيا اني اكون خطفتها ومخبيها عندي وبصراحه عندهم حج يفكروا فيا بالطريجه العفشه دي ما انا اللي حطيت حالي في الموجف ده وبعدين يا فرح رحتى فين.

( في الوقت ده كان جاسر وفادي وصلوا لبيت فرح لما فتحتلهم رحمه الباب ودخلوا قعدوا في الصالون وخرجت لهم نصره ونوال نوال: اهلا وسهلا يا ابني الف حمد لله على سلامتك ايه اللي خلاك تسيب سريرك وانت تعبان ( وقتها قام جاسر وقعد على ركبه جنب رجلين نوال ومسك ايدها وبسها جاسر: انا اوعدك ان فرح هتبقى في حضنك في اقرب وقت مش ههدى ولا هرتاح الا لما ارجعها لك تاني بالف خير ومش عاوزك تخافي

نوال بدموع: وانا مصدقاك يا ابني ومستنياها والله رجعهالي يا جاسر عشان وحشتني جاسر: هرجعها لك والله بس انا بعد اذنك كنت عايز ادخل اوضه فرح شويه لو ما فيهاش مشكله نوال:ابدا يا ابنى معاه يا رحمه وصليه رحمه: اكيد يا خالتي اتفضل معايا يا جاسر. ( وبالفعل دخل جاسر أوضة فرح واول ما دخل حس بوجع في صدره وكانه حاسس بوجودها في المكان فضل يبص على كل حاجه بدموع. جاسر: كانها موجوده في الاوضه ما سابتهاش ريحتها في كل حته وحاسس ان انا سامع صوتها في وداني انتى رحتى فين بس يا فرح.

( راح قعد جاسر على السرير وحط ايده على المخده حس انها عاليه شويه حط ايده تحتها لقى اجنده مكتوب عليها مذكراتي العزيزه خدوا الفضول وفتحها وبدا يقرا في صفحاتها. جاسر: بسم الله الرحمن الرحيم بصي يا مذكراتي النهارده اول يوم شغل ليا بعد التخرج انا بدعي اكون قد المسؤوليه وربنا معايا انا النهارده اخذت بالي ان سامح زميلي في المستشفى معجب بيا بس انا بحس انه زي اخويا هو انسان محترم واتمنى يبقى صديقي دايما.

( قلب جاسر في الورق كمان شويه وجاب ورقه مكتوب عليها اول دقه قلب. جاسر: اااه عمري ما فكرت قلبي هيحب وبالشكل ده دي اول دقه قلبي ليا انا شفته في المستشفى النهارده كان جاي عايز حد يكتبله على مسكن عشان بيحس بهبوط وعملت نفسي مش واخده بالي يا رب يكون كويس وما يكونش عيان بجد…. يا مذكراتي ماما تعبت النهارده ولما وقعت مني فجاه حسيت انى زي القشه اللي في مهب الريح انا قويه بيها بس.

( قلب جاسر كمان في الورق. جاسر: النهارده ثاني دقه قلبي ليا يا مذكراتي شفته في الجرنال وعرفت اسمه طلع اسمه جاسر الشافعي حتى اسمه كله رجوله حاسه اني بحبه بجد مش مجرد اعجاب طيب انا هعمل اختبار لو شفته ثالث مره يبقى انا بحبه وهيبقى نصيبي. ( جاسر ما كانش قادر يستوعب اللي بيقراه وان فرح بتحبه من ثلاث سنين حسب التواريخ اللي في الاجنده وكان حاسس انه هو وهو بيقرا كانه بيعيش معاها لحظات حبها ليه

جاسر: مش عايزه اتشائم بس انا خايفه اخسر رهاني مع نفسي وما اشوفهوش ثاني انا حاسه اني بحبه. ( قلب شويه ورق. جاسر: اخيرا اخيرا شفته ثاني دا طلع طيب قوي زيي بالظبط النهارده جه المستشفى ومعاه واحده ست غلبانه ومعاها ابنها مريض وامر انه يتعالج وكل حساب المستشفى عليه كان زي القمر قوي النهارده انا كسبت الرهان مع نفسي بس يا ترى هو ممكن يحبني. ( قلب كمان شويه ورق جاسر: البنت رحمه النهارده مشيت من عندي وانا عيطت كتير كل مره تبقى هنا تيجي تمشي اعيط بحبها قوي

(قلب كمان شويه ورق. جاسر: انا دلوقتي بقالي سنتين متابعه حبيبي بس في الجرايد من بعيد لبعيد وما شاء الله عليه راجل اعمال ناجح كل يوم صوره ماليه الجرايد اخباره تفرح يا رب دايما يبقى من نجاح لنجاح انا بحبه قوي. ( قلب كمان شويه ورق جاسر: انا النهارده كسرت رجلي وقعت على سلم العماره هي بتوجعني بس انا قويه وسلامتي الف سلامه. (وقلب كمان شويه ورق

جاسر: انا خلاص ما بقتش قادره ابص على جاسر من بعيد انا هروحله و اصارحه بحبي ليه هي فكره مجنونه غير شخصيتي خالص بس ما فيش قدامي غير كده بقى بكره هروحله شغله واقول له ( قلب كمان شويه ورق. جاسر: النهارده سامح اصر اننا نروح نتغدى بره مع بعض الزملاء والمشوار بتاع جاسر اتاجل وبرغم اني زعلانه بس كانه جه نجده انا اصلي كنت خايفه قوي بس بجد بجد هروحله بكره. (قلب كمان شويه ورق.

جاسر: انا النهارده اسوء يوم في حياتي رحت لجاسر الشركه ولقيته خارج وفي واحده معاه بس انا ما سمحتش للامل يختفي من حياتي والياس يتملك مني رحت تاني سالت بواب بيت جاسر اذا كان مرتبط قالي انه مش مرتبط بس يا خساره قال لي كمان انه بيكره الستات جدا يا ترى بيكرههم ليه ولما يعرفني هل هيكرهني انا كمان ( قلب كمان شويه ورق. جاسر: النهارده عدى ثلاث سنين على حب من طرف واحد بس النهارده شفت جاسر في سرير المستشفى ما كنتش اتمنى اشوفه كده ومثلت اني ما اعرفوش ودخلت كشفت عليه يا رب يكون بخير.

(جاسر كان لسه بيقلب في مذكرات فرح وهو مش مدرك كميه الوقت اللي قضاها وهو بيعرف حاجات ما كانش متخيل انه يعرفها عن حب استمر ثلاث سنين بدون اي مقابل

جاسر: انا النهارده بمو-ت من زعلي جاسر طلع مريض وقلبه تعبان يا ريته كان قلبي بس انا مش هسكت انا خدت التقارير ورحت قلت لاهله وجاسر النهارده اتكلم معايا وهزقني هههههه وبهدلني كمان وختمت بانه قلبني على الارض صحيح انا زعلت وخرجت من هناك منهاره وكنت بصرخ في العربيه زي المجانين بس دي كانت اول لمسه يلمسهالي انا مسامحاه وبرده مش هرتاح الا لما الاقي متبرع انا هعمل كل جهدي علشان يخف يا ريت يقدر يدخل قلبي عشان يعرف انا بحبه ازاي يلا خير ما تزعليش مني بقى يا مذكراتي علشان دي اخر حاجه هقولهالك علشان انا الفتره الجايه دي هبقى

مشغوله اغلب الوقت مع جاسر حبيبي وكمان انتى فتانه وممكن تقعي في ايد اي حد ويعرف سري منك واللي جاي في حياتي انا مش ممكن اقوله لاي حد بس صدقيني انا هرجع احكيلك تاني لما جاسر يخف اطمن عليه بس وبعد كده كل حاجه ترجع طبيعيه في حياتي ما انتى عارفه انا اصلي ما ليش غيرك انت احكلها لاني لو قلت لاي حد ثاني هيعرف سري اللي مش عاوزه حد يعرفه. ( خلص جاسر قراءه المذكرات وكان منهار من العياط ومش قادر يتمالك اعصابه.

الفصل ال9 (خلص جاسر قراءه مذكرات فرح وهو قلبه بيتقطع وقعد يعيط شويه زي الاطفال عدو النساء اتحطم على ايد واحده ست ما كانش متخيل ان في حد ممكن يحب حد للدرجه دي لكن في لحظه مسح عينيه وقام وقف باصرار. جاسر: ده مش وقت ان انا اقعد اعيط او ازعل وانهار انا حبيتها زي ما هي حبتني في الفتره دي علشان كده مش ممكن اسيبها تضيع مني بالبساطه دي انا هعمل كل جهدى عشان ارجعها تاني ايا يكن هي فين ولازم اعمل ده بسرعه لاني مش هقدر استحمل بعدها عني كتير

( خرج جاسر من الاوضه وهو ماسك مذكراتها بين ايديه كدافع ليه في مشواره جاسر:قوم معايا يا فادي احنا هننزل سوهاج دلوقتي حالا فادي: سوهاج… سوهاج ازاي بس ده انت لسه تعبان طيب اصبر شويه لبكره جاسر: مفيش صبر انا وعدت والده فرح ان انا هرجعها وهرجعها باذن الله ولو هي عند رابح ابن عمها وهو مخبيها مش هرجع الا بيها بس بعد ما ادفنه هناك الاول تحت بيته فادي: طيب اجهز الحرس الاول يبقوا معانا

جاسر: لا انا وانت بس اللي هنروح لو هو راجل بعمايله دي يبقى هو لسه ما قابلش رجاله في حياته رحمه: بس انا سالته على فرح جال انه ما يعرفش اي حاجه عنها وسال ايه اللي جرالها علشان بنسال عنها هناك فادي: ما هو يمكن يكون كذاب وبيعمل كده علشان نبطل ندور عليها عنده وممكن يكون حابسها اصلا زي ما كان حابس الحاجه نصره. جاسر: لو بيكذب هعرف انا مش صغير يلا بسرعه يا فادي عشان نلحق نروح ونرجع قبل الليل ولو هي هناك هترجع معايا بس بعد ما تحضر عزا ابن عمها.

( وبعد نص الليل عند رابح كان قاعد في الكرسي بتاعه وحواليه رجالته وملامحه كلها غضب وهو بيزعق في الرجاله رابح: كيف يعني مش لاجيينها وناس مين دول اللي بتجولوا انهم بيتجصوا عنها كل يوم مطرح ما بتشتغل وليه ما جبتوش جرارهم قبل ما تيجوا هو انا مشغل معايا رجاله ولا شويه نسوان. ( هنا رد عليه صوت ثاني ما كانش متوقعه ابدا وكان جاسر. جاسر: اتمنى انك تكون مشغل معاك نسوان صحيح بس يبقى اللي مشغلهم راجل حتى علشان شكلك كصعيدي وكده يعني

رابح: وتطلع مين جنابك عشان تدخل داري اكده من غير اذن.. اه انت جاي مع الاخ يا مرحب اتفضلوا اهلا وسهلا جاسر: فين فرح يا رابح وديتها فين وما فيش حد لاقيها ولا عارف طريقها فادي: انا لما كنت عندك اخر مره انا ورحمه قلت انك هتعرف تاخد اللي انت عايزه بطريقتك كنت تقصد ايه بالظبط وقتها انك هتخطفها مثلا يا رابح. رابح: اهدوا يا رجاله واستنوا لحظه واحده بس واسمعوا الكلام اللي هيتجال.. يا سالم جبت اللي طلبته منك ولا طلعت كيف البجر دول.

سالم:الراجل اسمه جمال البنهاوي وبته اسمها اشكي هم دول اللي وازين الرجاله اللي بيتجصوا على ست فرح وعايزين يخطفوها باي شكل. رابح: انا ما اعرفش حاجه يا بشوات عن مكان فرح بس لو في حد يعرف هيبجى جمال البنهاوي وبنته اللى انى بعت رجالتى يعلموهم الادب ولو فرح حداهم يرجعوها… اكيد في حاجه بينكم خليتهم عايزين يأذوا فرح بس صدجوني فرح انا ما شفتهاش من وجت طويل ولا اعرف مكانها لاقيها يا استاذ وحلال عليك لانه واضح انك بتحبها وانا خلاص من النهارده فرح اختي وبس

جاسر: كده انت براءه وهبعتلك على الفرح عشان تيجي تحضر وتشرفنا وشكرا على الواجب يا رابح (خرج جاسر وفادي من عند رابح وفادي حاسس بغضب شديد من تصرف جاسر هناك وخروجه بدون اي رد فعل. فادي: انا عايز اعرف انت ازاي خرجت كده ببساطه ايه صدقت كلامه والشويه اللي عملهم قدامك دول ولا ايه جاسر: ايوه صدقته لو في حاجه اتعلمتها من الدنيا يا فادي فهي ان بصه واحده في وش اللي قدامي كفايه عشان اعرف هو صادق ولا كذاب ورابح ما بيكذبش هو فعلا ما يعرفش فرح فين ولو كان يعرف انا كنت هعرف على طول فرح مش عنده

فادي: طيب وجمال البنهاوي وبنته اشكي ايه دخلهم في اختفاء فرح دول كمان.. فجاه اسمهم ظهر انا ما جاش في بالي خالص اني ادور وراهم جاسر: اقول لك على حاجه حتى جمال البنهاوي وبنته ما يعرفوش فين فرح ولا حتى قبلوها هم تقريبا كانوا عايزين يضغطوا عليا بيها لما حسوا ان في حاجه بيني وبينها من رجالتهم اللي بيراقبونا وكانوا عاوزين يضغطوا عليا بيها علشان الصفقه وتخيلوا ان في حاجه بتربطنا فكانوا عايزين يعملوا فيها حاجه عشان اخضع لهم وبس..

اغبيه بس هم ما يعرفوش عنها حاجه حاليا صدقني ومع ذلك انا عايزك تقرص ودنهم ابعت لهم حاجه كده هديه من هدايا ولاد الشافعي حاجه سبيشيال علشان يعرفوا بعد كده هم بيتعاملوا مع مين ويا ريت شركتهم اللي طالعه زي قلتها في السوق دي ما يبقالهاش وجود. فادي: اعتبره حصل بس دلوقتي احنا لسه زي ما احنا ما نعرفش فرح فين ولا عندنا اي معلومه عنها يعني كانك يا ابوزيد ما غزيت.. وجينا وراجعين على الفاضي.

جاسر: انا عارف انا هعمل ايه وهعرف مكانها ازاي انت بس تنفذ اللي انا طلبته منك وقول لرحمه تطمن والده فرح اني عرفت مكانها وشهر ولا اثنين وهجيبهالها وهاجي ولو قالتلك ليه المده دي كلها قولها اصل فرح تعبانه شويه فادي بتعجب: تعبانه ايه وشهرين ايه هو انت فعلا عرفت هي فين ولا بتقول كده وخلاص اصل انت كده تبقى بتعشمهم على الفاضي وهم مش ناقصين والله يا جاسر

جاسر: اعمل بس زي ما بقول لك يا فادي وانا هتصرف انا مش هغمض عيني لما اعرف مكانها في خلال يومين ان شاء الله بالظبط وهتشوف انا شاكك في حاجه وهمشي وراها ( وفي المستشفى في مكتب سامح ثاني يوم كان قاعد بيراجع شويه ورق قدامه لما جاله اتصال من رانيا ورد عليها سامح: الو ايوه يا حياتي انا في المكتب بخلص شويه ورق وجاي على طول هتحتاجي حاجه وانا جاي. رانيا: اه هحتاج شويه اكل للتلاجه وغيار الجروح بتاعي خلص برده وهتجيب المطلوب بقى بتاع كل يوم ما انت عارف

سامح: اكيد مش هنسى حاجه ومش هتاخر ان شاء الله انا هي نص ساعه وهنزل على طول هجيب الحاجات وارجع مش هتاخر عليكى. رانيا: طيب مش هتقولي وحشتيني زي كل يوم ولا هنقفل كده سامح: هههه لا هقول و…. (و في اللحظه دي اتفتح الباب ودخل جاسر قبل ما سامح يكمل كلامه جاسر: عايز اتكلم معاك شويه يا دكتور سامح بعد اذنك لو ينفع يعني. سامح: طيب يا رانيا هكلمك تاني عندي كشف سلام يا حبيبتي دلوقتي… اتفضل يا استاذ جاسر اهلا وسهلا انا تحت امرك.

جاسر: الامر لله يا دكتور سامح انا كنت عاوز اسالك عن فرح بس مش اكتر. سامح بتوتر: مالها فرح كلنا قالبين عليها الدنيا بقالنا اكثر من شهرين ونص ومش عارفين هي فين والله حتى البوليس لحد دلوقتي مش عارف هي فين جاسر: اه ما انا عارف بس انت مش شايف انها حاجه غريبه يعني انك تبقى زميلها في الشغل وصديقها المقرب وما بتدورش عليها زينا ولا قلقان هو انت تعرف حاجه عن سبب اختفائها مثلا وهي اللي مطمناك كده

سامح: ابدا انا زيي زيكم وبعدين انا كنت بدور معاهم كل يوم وممكن تسالهم وتتاكد من كلامي بس الموضوع بصراحه اصبح صعب وسبناه في ايد البوليس. جاسر: فهمت انا اسف جدا يا دكتور لو عطلتك ومتشكر على وقتك الغالي سامح: لا شكر على واجب في اي وقت انا موجود وخلي بالك من صحتك.

( بعد كل الفتره دي من غياب فرح كان الياس اتملك منهم كلهم الا رحمه وجاسر وكل فرد كان مستني رجوع فرح.. سامح بعد ما فاقت رانيا من الغيبوبه اتجوزها وحبها بجد بعد ما خرج من المستشفى اشترى كل المطلوب ورجع البيت فتحت له بابتسامتها المعتاده وقفلت الباب وراه رانيا: ها يا حبيبي جبت كل المطلوب.. اوعى تكون نسيت حاجه زي عادتك. سامح: ابدا يا حياتي ما نسيتش اي حاجه وراجعي بنفسك الطلبات رانيا: طيب هو لسه ما فيش جديد خالص وما حدش كلمك الموضوع بدا يقلق.

سامح: ابدا بس انا بحاول برده مش ساكت ما تقلقيش ان شاء الله خير. ( وهم بيتكلموا خبط الباب وبص لها سامح بسؤال وسابها وراح فتح الباب عشان يتصدم بجاسر قدامه. جاسر: ايه يا دكتور هتسيبني واقف قدام الباب كده كتير ولا هتقولي اتفضل وتدخلني سامح: لا طبعا اتفضل يا استاذ جاسر بس هو في ايه انت مراقبني. جاسر بغضب: بصراحه اه مراقبك عشان شاكك فيك هتقولي بقى فين فرح ولا ادخل ادور بنفسي عليها…. انطق بقى حرام عليك انا بقالي اكتر من شهرين بم-وت عارف يعني ايه بم-وت.

سامح بحزن: كان غصب عني يا جاسر والله انت مش فاهم حاجه جاسر: سيبني افهم اللي افهمه انا متاكد انها هنا ومش هستناك تقولي مكانها… وسع من قدامي وانا هدور بنفسي عليها وهلاقيها ( وفعلا زاح جاسر سامح من سكته هو ورانيا ودخل في الشقه يدور ويفتح كل باب ويقفله لحد ما فتح الباب اللي خلاه واقف مصعوق من الصدمه وعينيه اتملت بالدموع لما شاف فرح ممدده على سرير في اوضه متجهزه زي العنايه المركزه ووشها اصفر وملامحها بهتانه وعينيها مليانه دموع وكانها بتلعن حظها اللي خلاه يشوفها بالمنظر ده

جاسر بصدمه: انتى فرح وبالحاله دي ليه هو ايه اللي حصل وانا مش عارف انا مش فاهم اي حاجه ردى عليا حصل لك ايه يا قلبي وصلتة للحاله دي ازاي. ( فتحت فرح بقها بكل تعب وعينيها مليانه دموع فرح: ليه يا جاسر جيت تدور عليا ليه حرام عليك انا ما صدقت ان كل حاجه هتخلص على خير. جاسر: حرام عليا انا… انا اللي حرام عليا…. انا حالا عايز افهم ايه اللي بيحصل هنا بالظبط والا مش هيحصل خير انت بتعمل فيها ايه يا دكتور يا محترم

سامح: فرح خدت قلبك يا جاسر واديتلك قلبها علشان انت تعيش فرح: اسكت يا سامح ارجوك ما تنطقش بولا كلمه.