انقلب السحر علي الساحر القسم الثامن بقلم اسراء هاني شوييخ

كان راتبها من حضانة الأطفال الذي اشتغلت بها عندما انقذت طفل بالصدفة لا يكفيها لانها تدفع اجار شقة ولم تأخذ اي شئ من بطاقات البنك حتى لا يعرف يوسف مكانها
فكرت قليلا كيف تحضر باقي الاغراض
ذهبت إلى احد المولات واشترت كل ما يلزمها وذهبت الى احد الأمن وهمست : مساء الخير
حسام بتشبيه : اهلا بحضرتك
اسراء بتوتر : حضرتك مش فاكرني انا اللي من فترة كدة اتهموني هنا احم اني بأسرق وكدة وجه جوزي هنا وو..
كانت تضع كاب يغطي معظم وجهها رفعته قليلا
حسام :

ايوة اهلا اهلا يا مدام المكان كله تحت امرك
اسراء : احم اصلي نسيت بطاقة البنك برضو واشتريت الأغراض دي و ..
حسام : كلام ايه ده احنا معانا اوامر من مدير المول نفسه تاخدي اللي انتي عايزاه وبعدين حضرتك المالك يعني تاخدي كل حاجة لو عايزة المكان كله تحت امرك
اسراء :

ربنا يخليك انا حمشي والمرة الجاية نحاسب على كل حاجة
ذهب برفقتها الى الحسابات وخرجت وهي تشعر بالخجل الشديد والالم وعند الخروج اعترض طريقها احد ذهبت الى يساره حتى تعبر لكنه تحرك لليسار حتى يتركها تعبر
_ اسف اتفضلي حضرتك
رفعت رأسها قليلا لكنها صدمت واخفضت رأسها واسرعت في خطوتها للخارج
اتاه احد رفاقه
ماهر ” مالك سرحان في ايه
اياد : لا ابدا بس البنت اللي خرجت من شويا فيها شبه من حد ولما شافتني توترت وخرجت بسرعة
كان ماهر لمحها وهي تخرج
ماهر بلهفة :

تشبه مدام اسراء ركز يا اياد
اياد : مالحقتش المحها كويسة الكاب مخبي نص وشها
ركض للخارج لكنها اختفت
ماهر ” يالله ياريتني سبتك تركن العربية انت راحت فين
امسك هاتفه و اتصل بيوسف بيد راجفة
يوسف ” خير يا ماهر
ماهر ” احم ممكن حضرتك تيجي مول الاكابر
يوسف باستغراب ” ليه
ماهر ” انا شاكك انه مدام اسراء كانت هنا وعايزين حضرتك تراجع الكاميرات
حتنزل يوم بعد يوم
#يتبع

٣ بارت ٣
_ حضرتك انا شاكك انه مدام اسراء كانت في المول رجعنا الكاميرات كان في وحدة حاطة كاب بتشتري نفس الطول
اغلق الهاتف وكله امل ان يعيدها اليه وقام يرتدي ملابسه بلهفة
سيف باستغراب : في ايه
يوسف : ماهر قالي اسراء ممكن تكون راحت مول الاكابر
سيف بغيظ ” يخرب بيت اسراء والساعة اللي عرفنا فيها اسراء ارحم امي بقالنا سنتين مالناش شغلة ولا عملة غيرها

حاول يوسف امتصاص غضبه لانه يعلم ان سيف يحبه لذلك متعصب منه فهمس
” ايوة يا سيف ماليش شغلة غير اسراء وحارجعها لحـ,ـضني ومش حارجع اعيش قبل ما ترجع ليا حتى لو حافضل عمري كله ادور عليها ” سيف بحزن : وانا مش عاجبني حالك كدة عايزك تعيش حياتك انا مخنوق وانا شايفك كدة تنهد يوسف بكل ألم وهمس
” طيب قولي ازاي اخرجها من قلبي اضغط على اي زرار اعمل ايه انساها ازاي قولي جواز وعشق ٨ سنين وتعب سنة عشان تبقى مراتي شوفت فيها كتير اوي انساها ازاي انا بس عايز اعرف ليييه ليه ”

احتضنه سيف وهمس : انا اسف يا حبيبي حقك عليا ان شاء الله ربنا يريح قلبك … انا جاي معاك ذهبوا الى المول وراجعوا الكاميرات لم تظهرها جيدا لكنه يعرفها حتى لو كانت تغطي نفسها في اسدال وخمار تنح امام الكاميرات يعيد المقطع فقط
سيف : ايه يا يوسف هيا ؟؟
يوسف بألم : هيا …
سيف : وجودها هنا ما يساعدناش في حاجة جلس يوسف بألم ولم يتكلم اشتاقها لدرجة لا يتخيلها بشر لكن ما اسعده انها بخير ..
وما يؤلمه انها بخير ولم تسأل عنه او تهتم له تركته ولم تلتف له ..

مشى برفقة سيف وهو في عالم اخر يتظاهر في الثبات كما هو معروف عنه لكنه على اخر درجة من الانهيار لمحه فرد الامن اقترب منه بابتسامه وهمس : يارب حضرتك تكون مبسوط مننا وتسامحنا عاللي حصل اخر مرة لم يفهم كلامه يوسف واراد الاستمرار في المشي لكن سيف اوقفه وهمس : تقصد ايه
حسام : مدام حضرتك … تنبهت جميع حواسه للكلام رفع رأسه وقال بثبات عكس لهفته : ايه اللي حصل

حسام : جت هنا وقالتلي انها اشترت حاجات كدة بس نسيت بطاقة البنك فكانت عايزة تسيب الأغراض وترجع تاني لكني قولتلها المكان كله تحت امرك بسبب سوء الفهم اللي حصل قبل كدة وخدت الاغراض ومشيت
مشى حسام إلى مكانه
يوسف بعدم تصديق : اسراء ما فيش معها فلوس؟؟
اغمض عينيه وصدره يعلو ويهبط وهو يتخيلها لا يوجد معها نقود لتشتري ما يلزمها

سيف : يوسف اهدى يا حبيبي
نظر له يوسف بعينين دامعة وقال : مراتي عايشة معهاش فلوس طيب عايزة ازاي بتاكل ازاي عايشة فين لو احتاجت حاجة بتجيبها ازاي معقول عايشة مذلولة
لكم الحائط وهبطت دموعه وقال : ايوة ازاي ما فكرتش في كدة هيا ماخدتش حاجة معها لا فلوس ولا بطاقات ولا حاجة
سكت قليلا ثم همس لسيف : انا عايز مراتي يا سيف عايز مراتي

لم يكره سيف في حياته احد كما يكرهها لانها تسببت لاخيه بكل هذا الالم في نظره لا يوجد سبب يجعلها تفعل به هذا تذكر عندما اتت لبيته قبل يوم من اختفاء ها
فلاش باااك
سيف : اهلا ام سيف اتفضلي
جلست وهي متوترة قليلا وأمل تنظر لها باستغراب
سيف بقلق ” اسراء في حاجة
اسراء ” سيف انا عايزاك تاخد بالك من يوسف
نظر لها بنصف عين وهمس : ماله يوسف
اسراء : احم مالوش بس بقالي فترة بحلم احلام مش كويسة عايزة ان ما كنتش موجودة انك تفضل في ضهره
سيف :

اهدي كدة ان شاء الله ما فيش حاجة انتي عارفة انه مافيش حد يعوضك عند يوسف وانا من غير ما تقولي حافضل دايما في ضهره
اسراء بدموع ” اوعدني يا سيف اوعدني
سيف باستغراب: اوعدك اسراء هو انتي مخبية حاجة
هزت راسها وهمست ” انا بس قلقانة عليه لو حصلي حاجة
قلق سيف من نبرتها لان ذهابها يعني تدمير اخيه
باااك
رفع سيف رأس اخيه وقال بحدة : مع انها ما تستاهلش ومش طايقها بس اوعدك اني حرجعهالك عند رجليك لو حدور عليها بيت بيت

احتضنه يوسف بحب وهو يدعو الله ان يريح قلبه
سيف : الا صحيح ايه اللي حصل قبل كدة مع اسراء هنا في المول
اغمض يوسف عينيه وتذكر شيئا
فلاش بااااك
ذهبت اسراء الى احد المولات الكبرى وهو مول زوجها لكنها لا تعرف انه باسمها …
اشترت الكثير من الأغراض والحرس في الخارج كما طلبت منهم
اعجبت باسوارة جميلة وخاتم ارتدتهم وذهبت الى الحسابات لم تجد البطاقات لانها غيرت حقيبتها
_ حتدفعي كاش ولا فيزا
اسراء بخجل ” للاسف نسيت الفيزا في البيت
_ ما فيش مشكلة تقدري تسيبهم هنا وترجعي تاخديهم
اسراء بابتسامه:

متشكرة
ذهبت ناحية الباب ونسيت ان ترجع الاسوارة والخاتم وكان سعرهم غالي فاصدر الجهاز الذي على الباب صوتا ..
لتجد رجلان يوقفانها وفي يديهم سلاح
اسراء بتوتر وخوف: في ايه
_ حضرتك لازم نفتشك الجهاز صفر معناها انك معاكي حاجة مش دافعة تمنها
اسراء ” انا رجعت كل حاجة لمكانها
_ الجهاز صفر لازم نفتشك

كان مدير محل الصاغة يراقب المكان اقترب منها وهمس ” والخاتم اللي في ايدك حاسبتي عليه
انتبهت لهم لتقول في دموع : نسيت انا اسف جدا
بدأت في ازالتهم لكنه امسك يدها وهمس : ان كنتي عايزاهم معنديش مشكلة
نظرت له بعدم فهم ليكمل في طريقة مقززة ” تعالي معايا ونتفاهم
اسراء بعدم فهم : اجي معاك فين
لؤي ” البيت عندي
اسراء ” اه يا ابن ..
رفعت يدها تريد صفعه لكنه امسكها وهمس : عملالي فيها شريفة ده انتي ممسوكة بتسرقي يا بت ..
نظر لرجل الامن وهمس بحدة :

نادي البوليس بسرعة
اسراء برعب : بوليس لا والله نسيت ارجعهم
لؤي بشغف : بلاش بوليس تيجي معايا
بصقت في وجهه وقبل ان يصفعها اوقفه سلاح موجه على رأسه
ماهر بحدة ” نزل ايدك يا روح امك
لؤي ” الله ده انته عصابه بقى
اسراء بدموع : انا مش حرامية كان يقف حرس اخر اتصل على يوسف من بداية المشكلة
يوسف : في ايه يا وائل
وائل بخوف : احم يوسف باشا مدام اسراء في مشكلة والراجل صاحب المحل عايز يجبلها البوليس
يوسف بصدمة : بوليس ؟؟ هيا اسراء لسة في المول
وائل :

ايوة ولازم حضرتك تيجي بسرعة
اغلق الهاتف وطار الى المكان …
ماهر ” مدام اسراء اهدي ليه حضرتك ما نادتيش علينا من الاول
لؤي بمكر ” اصلها كانت بتفكر تيجي معايا البيت
لكمه ماهر وهمس من بين اسنانه ” بجد انت صعبان عليا من اللي حيجرالك انت عارف دي تبقى مين
لؤي بسخرية : اه حرامية
لكمه مرة اخرى لكن البوليس كان قد وصل
لؤي : البنت دي والراجل ده عايزين يسرقوني
_ تفضلي حضرتك معانا من غير شوشرة

وقف ماهر أمامها وهمس بحدة: تيجي فين ماحدش بيسرق املاكه يا باشا
_ يعني ايه
ماهر : هيا صاحبة المول تاخد منه براحتها والأستاذ ده لي كام سهم ياخد حقهم عالجزمة
لؤي بضحك: المول ده بتاع يوسف القاضي ودي وحدة حرامية
يوسف بهدوء من الخلف : تؤ بتاع مرات يوسف القاضي
اسراء بلهفة: يوسف
ركضت لحـ,ـضنه وتعلقت برقبته وهي ترجف بشدة ضمها بحب حتى استكانت في حضـ,ـنه وهدأت تمام
انصرف البوليس بعد ان اعتذر
ولؤي ينظر لهم برعب شديد وصوت دقات قلبه تصل اخر المكان
ماهر بسخرية :

الا قولي لسة مدام اسراء عايزة تيجي عندك البيت
نظر له يوسف بعدم فهم ولؤي كاد يمـ,ـوت رعبا ليكمل ماهر بحدة رغم ان اسراء اشارت له ان يسكت
ماهر: كان عايز يساومها يا تيجي معاه البيت يا يسجنها
تحولت عينين يوسف من البني الى الأحمر الداكن بدأ بلكمه دون وعي تحت صراخ اسراء وتوسل لؤي
يوسف بحدة :

ماهر يروح المخزن يتروق يا ماهر مش عايز ينفع وحدة ست بعد كدة مش عشانها مراتي لا عشان اي واحد بيساوم وحدة على شرفها ببقى زبالة ولازم يندم على الساعة اللي تولد فيها
انتشل اسراء في حـ,ـضنه حتى تهدأ وهمس بعشق : انتي كويسة
اسراء : انا ما كنتش حسرق
يوسف بضحك: انتي هبلة يا حبيبتي تسرقي ايه وانتي مليارديرة والمول ده ليكي اصلا اهدي يا حبيبتي
اسراء بحب : انا بحبك اوي
ضمها من كتفها وقاد وهو يهمس : تعالي نروح وقوليلي بتحبيني قد ايه
بااااك

عاد يوسف الى منزله وكانت اخته تحاول ان تهون عليه فكانت تهتم باولاده وبه طوال الوقت
الاء : لو لقيت اسراء حتعمل ايه يا يوسف

مجرد التخيل اسعده كثيرا تخيل ذلك ليبتسم إبتسامه جعل سيف يلكم جبهته بنفاذ صبر
يوسف باشتياق: حاخدها في حـ,ـضني وانام حنام كتير اوي بعدين ابقى اعاتبها
سيف بصدمة: تعاتبها مش تعاقبها
يوسف : احم ما هو اكيد في سبب لاختفاءها
سيف : ايا كان السبب ما فيش مبرر يخليها يسيبك انت وولادك سنتين ربنا يهديك
خرج سيف الى المول وراجع كاميرات الخروج وشاهد السيارة الذي صعدت بها تواصل مع السائق واخبره في المنطقة الذي انزلها بها
سيف بهمس: حجيبك يا اسراء عشان اخويا بس مع اني نفسي تختفي من الوجود
سيف لماهر :

اسراء نزلت في المنطقة دي عايزك تلفها كلها خصوصا المحلات عايزها خلال يومين يا ماهر يومين
هز ماهر رأسه وبدأ بالعمل كانت المنطقة قريبة من مكان سكنه بالصدفة .. فقرر نقل اولاده للحضانة الموجودة هناك
هند : يا حبيبي ما الحضانة الموجودة هناك كويسة
ماهر ” يا حبيبتي انا مطلوب مني ما سبش المكان دلوقتي وفرصة اما اوديهم واجيبهم اتابع الناس روحي انتي على شغلك وانا حدخلهم
هند : لا انا حوديهم اطمن وانت تبقى تاخدهم