انقلب السحر علي الساحر القسم الثامن بقلم اسراء هاني شوييخ

هزت راسها وذهبت إلى الحضانة واتفقت مع المديرة
علا : اتفضلي تابعي مع الأستاذة اسراء اللي هناك هيا حتبقى مسؤولة عنهم
هزت هند رأسها وذهبت إلى اسراء كانت اسراء تضع كاب ونظارة جعل هند تستغرب
لم تكن اسراء تعرف هند ..
هند : استاذة اسراء مش عايزة اوصيكي عليهم لو سمحتي
اسراء: اكيد ولا يهمك ما تقلقيش حتاخديهم الساعة كام
هند: الساعة ٤ حيجي جوزي ياخدهم
اسراء : تمام تفضلي حضرتك

ذهبت هند للخارج ثم تذكرت حقيبتهم فأعادتها لها كانت قد أزالت النظارة في مكتبها
هند: ممكن ادخل
اسراء : تفضلي
نظرت لها هند قليلا وقد شبهت عليها
هند: دي شنطة هدومهم واكلهم
اسراء : تمام ولا يهمك خرجت هند وهي تتذكر اين شاهدتها قبل ذلك فوجهها مألوف جدا

بعد وقت دخل رامي المكتب عندما كان مفتوحا وهو أخو فاتن الذي يريد الزواج منها
اسراء بتوتر ” خير حضرتك مين
نظر لها قليلا ثم همس : انا ابقى خال زين
اسراء ” احم اخو مدام فاتن
جلس على الكرسي وقال ” ايوة
اسراء: تفضل نخرج برة احسن
رامي : انا حاسس اني شوفتك قبل كدة او بتشبهي حد
اسراء بتوتر ” ايوة بشبه ممثلة تركية
رامي ” ممكن .. المهم احم هيا فاتن كلمتك في حاجة

فركت اسراء يديها بتوتر وهمست : اصل اصل ..
نظر لها بطرف عينيه وهمس : عارف انه عندك بنت بنتك دي في عينيا انا صراحة اعجبت فيكي جدا وبتمنى اخد فرصة نتعرف هبطت دموعها نظر لها باستغراب وهمس : في ايه كلامي ضايقك اسراء : انا متجوزة وجوزي مسافر يا استاذ
رامي باحراج : احم انا اسف جدا .. بجد يا بخته خرج وتركها تبكي بشدة على حظها ..
في البيت كانت تجلس معها علا مديرة الحضانة وهي في ال٤٥ من عمرها وابنتها رهف في العشرون من عمرها

رهف: هو انتي يا اسراء ليه بتخرجي بكاب ونظارة زي اللي خايفة من حاجة
علا : بس يا رهف
رهف ” مش قصدي بس انتي جميلة ليه تخبي جمالك كدة
اسراء : ربنا يخليكي اصلي ببعد عن الشبهات وكدة
رهف : هو انتي اسمك اسراء ايه
اسراء بتوتر: اسراء ش.. اسراء سعيد
رهف : تعرفي انك بتشبهي وحدة تبقى مرات حد مشهور انا من اول يوم شوفتك حاسة انك بتشبهي حد بس استبعدت الموضوع لانه في بينهم قصة جنون مش حب

تلقى الاتصال اخيرا الذي يخبره باسعد خبر في حياته
ماهر : يوسف باشا … انا لقيتها
#يتبع
اسراء هاني شويخ ” انا متأكدة اني شوفتك قبل كدة ما هو مش معقول الشبه ده وكمان الاسم … خصوصا انك ما بتخرجيش غير بالكاب والنضارة ودايما بتعيطي نفسي اعرف ايه السبب اللي خلاكي تسيبي واحد زيه بعد كل الحب ده عارفة يا ماما مرة فقد صوته عشان لقاها متكهربة والدنيا كلها كانت تصورهم وهما خارجين من المستشفى

همست رهف في هذا الكلام في فضول شديد جعل اسراء تتوتر وتفرك يديها بشدة وهي تتنفس بصوت عالي لاحظت علا توترها همست لرهف عندك صورة للي بتتكلمي عنها
اخرجت رهف هاتفها وفتحت احدى صورهم سويا شهقت علا عندما قرأت الاسم ” يوسف القاضي ” انتي مرات يوسف القاضي اسراء بتوتر شديد : يوسف القاضي مرة وحدة وايه اللي يخلي واحد بفلوسوا دي يحب وحدة عادية رهف : والنبي يا سوسو والنبي تقوليلي والله ما اقول لحد عايزة اعرف ايه اللي حصل من يوم ما عرفتي

بدأت اسراء بالبكاء لترد علا بحدة : ما تخرسي يا رهف وقومي تجري على كليتك
رهف بضيق : ماما انتي اول مرة تزعقيلي
علا: عشان ما بتستكيش حتى لو كانت هيا .. هيا حرة حياتها وهي حرة فيها تعيش مع اللي هيا عايزاه وتسيب اللي هيا عايزة قومي زميلك بيزمر انزلي

نزلت رهف بضيق شديد وعينين دامعة وكان زميلها او بالاصح حبيبها الذي اعترف لها منذ شهرين بحبه لها منذ فترة وانه يريد التقدم لها بعد انتهاء مشكلة في عائلته
رهف : ازيك
عز باستغراب ” مالك يا رهف انتي معيطة
رهف : لا مافيش
عز بحنان : وانا مش متحرك قبل ما اعرف مين مزعل حبيبة قلبي
رهف بضيق: مامي زعقتلي قدام صاحبتها
عز : طيب اهدي وقوليلي زعقتلك ليه
رهف :

والله مش قصدي بس صاحبتها كانت بتشبه حد اعرفه وهيا غريبة كدة ودايما حاطة كاب وكدة فكنت بقولها انها بتشبه حد وغريبة وكان عندي فضول اعرف فماما زعقتلي وقالتلي اخرسي وتجري ومعرفش ايه
اراد احتضانها لأنه يعشقها لكنه لم يلمس يدها حتى يريدها في الحلال فقط ..
همس بحنان : اول حاجة ما تزعليش تاني حاجة ربنا قال ” لا تسألوا عن أشياء ان تبد لكم تسوؤكم ” هيا لو كانت تكلمت انتي بتقولي هيا مخبية نفسها يعني مش عايزة حد يعرفها

رهف : وان كانت هاربة من حاجة وممكن ننضر بسببها مش لازم نكون عارفين كل حاجة عنها عز بقلق : هيا ساكنة عندكو
رهف : ايوة انقذت اخويا مرة من حادثة وبعدها ماما شغلتها عندها
عز : عمرك شوفتي منها حاجة تقلق
رهف ” لا بس دايما بتعيط ومخبية وشها بطريقة غريبة
عز: ازاي يعني
كانت اسراء هبطت هيا وعلا تريد الذهاب الى الحضانة رهف : يعني حاطة … بص هناك اهي شوف عاملة ايه

نظر لها شاهد فتاة من الخلف تضع كاب وتمشي مع والدتها … نظر عز طويلا بغير تصديق استغربت رهف ردة فعله
عز : احم انتو تعرفوها من زمان
رهف : من سنتين تقريبا
عز بصوت مهزوز : اسمها ايه
رهف : اسراء
رجع برأسه للخلف غير مصدق ما رأى
رهف : انت كويس
عز بتماسك حتى لا تهبط دموعه : كويس يا حبيبتي يلا عالجامعة تأخرنا

وصل عز الجامعة غير قادر على التركيز ثم خرج وذهب الى الحضانة باقدام ترتجف فا هي الآن امامه
عز لاحد العملاء: احم الاقي استاذة اسراء فين
اشار له احد المكاتب وصل المكتب ودق الباب اتاه صوتها ادخل
دخل عز وهو ينظر لها بدموع وهيا تكتب بانشغال
اسراء : اي خدمة ح…
قامت من مكانها بصدمة وهمست بعدم تصديق: عز
عز بدموع : عز يا أمي

ركضت اسراء تحتضنه بكل حب فهذا أخيها الذي ربته (في الأجزاء الاولى خطفوا يوسف وهو عمرو ١٢ سنة عشان يجبرها تتجوزوا )
عز بدموع وهو يقبلها من رأسها: ليه ليه يا اسراء ليه عارفة حسيت بايه وانتي بعيدة خوفت يكون حصلك حاجة بابا تعب اوي وزعلان منك ومحمد
سكت قليلا وهي تتمنى ان تسمع اي خبر عنه
جلس وتنهد وهو يتكلم بألم عن شخص يحبه بشدة وقف معهم كلهم أخيه محمد حتى اصبح افضل ظابط وميرا في دراسة الطب حتى بعد تركها له لم يتركهم ويسأل عنهم دائما

اسراء : و.. وهو
عز بسخرية: بجد بتسألي عنه انتي عارفة انا مش زعلان منك غير عشانه مش عشان سبتينا وسبتي ولادك عشان يوسف … ازاي هان عليكي انتي عارفة ومتأكدة انه روحوا فيكي عايش بس عايش ميت انتي عارفة اني طلبت منه كتير ينساكي ويتجوز
نظرت له وبكت بشدة ثم اكمل ” اه اصل وحدة سابته بعد ما عمل كل حاجة ليها هيا وعيلتها ولغى نفسه عشانها تستاهل تتنسي انتي عارفة لو روحي في حد باعني والله ما اشتري تاني

كان كلامه أقسى ما يكون تبكي فقط تبكي بشدة ثم همس عز بحزن : طيب وماسة وسيف ما فكرتيش فيهم كنتي خديهم معاكي عمري ما شوفت ام قلبها حجر كدة سيف انتي امه وصاحبته عارفة قالي ايه قالي ما بفكرش فيها ومش عايز اشوفها تاني

اسراء ببكاء ورجاء ” كفاية كفاية يا عز
عز بصراخ : لا مش كفاية مش كفاية عملتي كدة عارفة مافيش سبب في الدنيا ممكن يقنعني ويبررللي قسوتك وجحودك ده
اسراء ” مين قالك ما فيش احيانا عشان بتحب حد اوي بيكون الافضل انك تبعد
عز ” ليه قوليلي ليه انتي امي قبل ما تكوني اختي
اسراء: ما … مافيش
أمسك كتفها بقوة وهمس : لا في وحتتكلمي وان ما تكلمتيش انا من اللحظة دي لا انتي اختي ولا اعرفك
ذهب يريد الخروج احتضنته اسراء وهي تبكي بقوة : والله يا عز غصب عني

دخلت علا ووالدتها المكتب لتنصدم رهف من منظر اسراء الذي في حـ,ـضن عز
رهف بصدمة : عز ؟؟ واسراء طيب ازاي انت انت ركض امسك يدها قبل ان تخرج وقفل الباب وهمس بحدة : اسمعي الاول بعدين تعصبي اوعي مخك يروح بعيد اسراء تبقى اختي
وضعت رهف يدها على فمها وهمست : اختك
عز بسخرية : كانت اختي انما دلوقتي مش عايز اعرفها
رهف بشك ” تبقى فعلا مرات يوسف القاضي
عز: ايوة انا ماشي وما تخافيش مش حقوله انتي فين لانك ما تستاهليش انا بتمنى بجد ينساكي ويشوف حد تاني يستاها حبه

في اليوم الاول أخذ ماهر اولاده دون ان يرى اسراء وفي اليوم الثاني ذهبت هند بهم وكان ينتظرها ليوصلها
ماهر : ايه سرحانة في ايه
هند بضيق : حمـ,ـوت واعرف شوفتها فين
ماهر بضحك : انتي زي ما انتي من يوم ما عرفتك ان لمحتي حد تشبهي عليه لازم تعرفي شوفتي فين
هند بضحك : ايوة بس متأكدة اني اعرفها
ماهر ” ماشي يا ستي ابقى فكري كويس شوفتيها فين انا جعان
هند : نروح مطعم والنبي
ماهر : بس ساعة مش اكتر لانه عليا شغل مهم

جلس برفقة اولاده التوأم ذو الثلاث اعوام في المطعم
احد اطفاله : مس اسراء قالتلي النهاردة اني بطل عشان مش بغلبها
هند ” شطور يا مامي
استمر ماهر في تناول الطعام ثم قال وهو يحدق في عينيه مس مين
هند : اسراء
ماهر بلهفة: هيا اللي بتشبهي عليها
هند باستغراب: ايوة اخرج هاتفه بلهفة وفتح صورة لها وهمس لهند : ركزي هيا دي
هند : اه ايوة هيا
قام ماهر بلهفة وهمس : يلا حوصلك بسرعة
هند بعدم تصديق: هيا دي مراته
ماهر : واخيرا بقالي سنتين في الهم ده بسرعة يلا

اوصل عائلته ووقف على باب الحضانة حتى خرجت قام باخذ بعد الصور وتصويرها ثم ذهب خلفها الى مكان سكنها وجلب كل المعلومات عنها
تنهد بالراحة ثم اتصل بسيف واخبره كل شئ
ذهب سيف اليه ونظر الى المكان الذي تسكنه شقة عادية بالاجار والف سؤال في عقله
سيف : تصدق نفسي اخفيها من الوجود