عش/قت ابيه
لجزء الثالث
آسر قعد يسرح ل هديل شعرها .
هديل :سرح كويس بقا يا جدو آسر
آسر :اعمل ايه بس المشط هو اللي صغير
هديل بصتله ومسكت أيده بأيدها الصغيرة.
هديل بنعومه :انت اللى ايدك كبيره يا آسر
آسر :لا والله
هديل :هات انا هسرح لنفسي. و بالفعل هديل قعدت تسرح لنفسها و آسر قاعد يبصلها.
هديل بتساؤل و ضحكة هادية :بتبص ع ايه؟
آسر بضحكه خفيفه :أصل افتكرتك وانتي لسه نونو صغيرة.
هديل بدهشه :نعم؟
ازاي بقا
آسر بتوضيح :مش انا قلتلك أن انا مش بشتغل ف شركه باباكي وبس. دا انا كمان صديق العيله. أو بمعنى أصح. بابا وماما كانوا معارف و أصحاب باباكي ومامتك ف كنت باجي بيتكم مع ماما وكنتي وقتها نونو ثغنونه
هديل ضحكت ضحكة هاديه أعلنت عن احمرار خدودها و بصت ل آسر باهتمام
آسر كمل كلامه :كنتي وقتها لسه نونو صغيره. بس كنتي موزة اوى
ضحكت هديل بخجل و هدوء
ف ضحك آسر ع ضحكتها.
آسر بصوت رجولي :كانت خدودك مكلبظه ودايما حمرا..
هديل مركزه ف عيون آسر
آسر مركز هو كمان ف عيونها
آسر بصرامة :كنت وقتها انا كمان صغير بس مش اوى كنت أكبر منك ب 8سنين يعني مثلا كنتي انتي ف الحضانة و انا كنت ف الابتدائية.
بس كنتي دايما ماسكه ف ايد مامتك. يا إما بتلعبي ف لعبك.
هديل قربت من آسر وقالتله ب نعومة و دلع :وانت مكنتش بتشيلني يا جدو آسر؟
آسر بضحكه رجوليه :لا . انتي كنتي متعوده ع مامتك بس و أي حد يقربلك كنتي بتعيطي.
آسر :بس كنتي بريئة اوى
هديل بسعادة :طب ودلوقتي
آسر بصلها وقالها :دلوقتي بقيتي أروبه
و ضحك ف ضحكت هديل ع ضحكته الجميله الهاديه الدافيه
هديل :بس انا مش فاكره خالص. انا عرفتك بس لما جيتلنا وانت عندك 25سنه واشتغلت ف شركة بابي.
آسر بصرامة :قبل أنتي ما تكبري احنا بعدنا وغيرنا مكان بيتنا ف مبقتش أجي عندكم وبقا التواصل بين بابا وماما وباباكي ومامتك ع وسائل التواصل الاجتماعي فون نت مسج كدة يعني.
هديل باستماع :اها. طيب ولما جيتلنا بيتنا وانت عندك 25سنه. عرفتني؟
آسر :كنت داخل الفيلا بتاعتكم و عنيا بتدور ف كل مكان في الفيلا. بقول. كان ف حاجه صغيره حلوه هنا. يا ترى راحت فين و كبرت ولا لسه؟
هديل بضحكه و سعاده :كان قصدك عليا انا!
آسر :هو فيه غيرك . ايوه كنت بدور عليكي انتي. كنت جايلكم و بقوول لما اطلع اشوف القمر. و القمر بروح مامته تقلان علينا.
هديل من السعاده وإحساس الأمان اللي حسيته ومن غير ما تحس حطت أيدها ع ايد آسر.
آسر خد باله و بصلها ف عيونها.
هديل بدلع :طيب و شفت القمر؟
آسر بضحكه هاديه :ايوه شفت القمر و معرفتهوش. كنتي كبرتي وبقيتي عروسه بس حاجة واحده بس خلتني اتأكد انك هديل النونو الثغنون.
هديل بعيون كلها حب :ايه هي؟
آسر :خدودك الحمرا. لما شفتيني وانا كبير خدودك احمرت. ف افتكرتك وانتي نونو بخدودك المحمره.
هديل بنعومه :انا فعلا لما شفتك وانت كبير انكثفت اوى وحسيت إحساس غريب
آسر ضحك بهدوء :ماشي يا بطوط. يلا بقا زي الشطار كده نامي.
هديل بفرحة :حاضر يا آسر
آسر بصوت هادي:تصبحي ع خير
هديل برقة وسعاده :وانت من أهل الخير
آسر غطاها وراح ع اوضته…
هديل صحت من النوم بسعادة كبيره و نشاط أكبر. و دخلت تحضر الفطار.
آسر صحي اخد شاور لبس هدومه وطلع بشياكته
آسر :صباح النور
هديل بسعادة :صباح السعاده
آسر قعد و أكل
آسر :وااااو مكنتش اعرف ان ذوقك وعملانك للأكل يجنن كده
هديل بحنيه :بالهنا والشفا
آسر :لا بجد أكل يجنن.
انا كنت بحسبك مبتعرفيش تطبخي خالص ولا تعملي سلطه حتى
هديل :لا انا هوايتي الطبخ
آسر بحماسه :لا دا انا اعشم نفسي بقا اني هتفاجأ النهارده ب وجبه غداء تجنن
هديل برقة وثقة :اتفقنا
آسر ضحك و قام راح ع شغله.
هديل اول ما اتاكدت أن آسر خرج من الشقة ومشي. راحت جرى ع اوضته.
و اتنفست بعمق. و رمت نفسها ع سريره. و قامت حطت من البرفان بتاعه وح*ضنت هدومه و قعدت تبص ف المرايه ع خدودها ووتفتكر كلامه و تضحك.
ورتبت الاوضه بتاعته وراحت ع المطبخ جهزتله الغداء وراحت غيرت هدومها ب أجمل طقم بيتي عندها وظبطت شعرها وميك اب خفيف اوى.
و جابت ورد و قعدت ع الكرسي وقعدت تقطفه. وبعد شوية الباب خبط و آسر جه وفتح باب الشقة ف هديل خبت الورد المتقطف وراها.
آسر :مساء النور
هديل بابتسامة :مساء النور
آسر :يا ترى عملالنا أكل ايه النهارده
هديل برقة :أحلى أكل وفجأة بصت وراها ومسكت الورد المتقطف ف بأيدها ورمته ع آسر.
آسر اندهش ولقي ورد متقطف كتير مرمى عليه و ع هدومه والوان مختلفه.
هديل قعدت تضحك برقه
آسر :احنا فينا من الغدر و ضحك
وهديل كمان قعدت تضحك.
وبعدين هديل جهزت الأكل و آسر راح غير هدومه وجه قعد ع السفرة وهديل حطتله الأكل قدامه.
آسر بتلذذ :واااااو أكل يجنن
هديل بفرحه :بالهنا والشفا
فجأه هديل تأوهت :أه
آسر :سلامتك من الآه
هديل بكثوف أصل حطيت شطه كتير ع طبقي.
آسر بضحك :اها خدت بالي
هديل :ازاي بقا آسر :ممممم أصل شفايفك احمرت اكتر.
هديل بكثوف وحطت أيدها ع شفايفها .
آسر :هههههه مكثوفه ليه؟ أهي شفايفك تبقى حمرا تعويض عن خدودك اللي مبقتش بتحمر. مش تتكثفي مني
هديل بعناد طفولي :مش مكثوفه.
آسر :طيب ايه رأيك نروح نزور مامتك النهارده.
هديل بفرحه :بجد يا آسر . هييييه يلا
هديل قامت وقعدت تشد آسر من أيده الاتنين.
هديل بطفوليه :يلا يا آسر يلا نقوم دلوقتي.
آسر :حاضر يلا.
آسر قام جهز نفسه ف اوضته و طلع ع الصالة يستني هديل ع ما تجهز. لقي هديل مستنياه ف الصالة
آسر :ايه اللي لبساه دا؟
هديل :ايه ماله؟
آسر :ضيق
هديل :لا مش ضيق
آسر :اوك.
مفيش خروج
هديل :لا مينفعش ترجع ف كلامك
آسر :وانتي مينفعش متسمعيش كلامي
هديل دخلت الاوضه وكل ما تلبس طقم آسر يقولها ضيق
هديل بتعب وزهق :لا بقا كده كتير. انا مش هلبس ع مزاجك
آسر قاعد ع الكرسي وحاطط رجل فوق رجل ومربع أيده الاتنين حوالين صدره.
هديل بقوه :ع فكره انا بكلمك
آسر :وانا بنفذ اللي ف راسي. لبسك دا مش عاجبني
هديل :ليه بقا
آسر :ضيق
هديل :وانت مالك
آسر :مبقاش راجل لو واحدة تبعي ماشية جمبي ولبسها ضيق. و مش ساتره نفسها.
هديل :دا اسمه تخلف مش رجوله.
آسر بكل هدوء قام من الصالة ومشي من قدامها و دخل اوضته من غير ما يرد عليها ولا حتى يبصلها…
هديل اتغاظت وحبت تستعطفه
ف راحتله.
هديل بدموع تماسيح :علشان خاطري يا آسر. بجد ماما وحشاني
آسر قاعد ع السرير واللاب ع رجله :بس انتي مش بتسمعي الكلام ولسانك طويل.
هديل قعدت تعيط بصوت عالي دموع تماسيح. علشان اللي السلامة دماغها هي هو اللي يتنفذ
آسر بقسوة :عيطي للصبح.
اللي ف راسي هو اللي هيتنفذ.
هديل بقوه :انا معنديش هدوم من اللي انت تقصدها
آسر ببساطه :سهل جدا بكره أجيب لك طقم ونخرج بيه
هديل بغيظ :وانت مالك هو جسمي ولا جسمك.
آسر مردش عليها.
هديل سابته ومشت و طلعت من الاوضه وهي مخنوقه.
هديل راحتله تاني.
هديل :آسر علشان خاطري روح هاتلي طقم دلوقتي و نروح ل ماما النهاردة بجد وحشاني
آسر بتفكير :اوك
وبالفعل آسر خرج يشتريلها طقم ع ذوقها…..
و هديل قاعده مستنياه. و زعلانه و فرحانه ف نفس الوقت.
هديل ف سرها :يا ترى بيغير عليا؟
عدي يجي ساعتين.
و باب الشقة خبط. هديل طلعت جرى ع باب الشقة.
و فتحت الباب.
فجأه…………
لقيته جمال.
تفاجأت هديل ورجعت بخطواتها للخلف ف ارتباك و خوف…
جمال بإستهزاء :حبيبتي وحشتيني. ايه الشياكه دي. انتي خارجة ولا ايه؟
هديل بخوف :جمال انت عرفت مكاني ازاي؟
جمال :لفيت الدنيا عليكي. أصلك وحشتيني اوى.
هديل خافت اوى و جريت ع اوضه آسر تستخبي فيها. يمكن وجودها ف اوضه آسر يهديها و ينسيها خوفها.
بس قبل هديل ما تجري وتتحرك خطوة واحدة جمال مسكها .
جمال بحنيه مصطنعة :مالك يا قلبي. انتي خايفه مني؟
هديل بفزع :سيبني يا جمال.
جمال :بس ايه الشقة الفخمة دي. واااااو جبتيها منين!
هديل بقوه :ملكش دعوة واطلع يلا برا
جمال وهو مطنش كلامها :و يا ترى بقا :عايشه فيها لوحدك ولا معاكي حد؟
هديل بخوف :جمال لو سمحت امشي. مش عايزه املاكي مش عايزه حاجة
هديل بدموع خفيفه :بس مش تمو..تني.
جمال :هو ف حد القمر دا بردو؟
هديل بصراخ و استغاثة :آسر
جمال باستغراب :آسر مين
فجأه ايد قويه اتحطت ع كتف جمال.
جمال بص وراه وتلقائي رجع ل ورا خطوات
جمال بفزع :آسر سليم؟
آسر بصوت رجولي قوى :كويس انك لسه فاكرني.
جمال بقلق :هو ف حد يقدر ينساك.
آسر و لسه هيمد أيده علشان يبعد ايد جمال عن أيد هديل
تلقائي جمال شال أيده عن هديل بتوتو
آسر بهدوء :شاطر
آسر بكل عنف شد جمال و سحبه ع الاوضه. و قفل الباب. و………… ‘.’. هديل اتخضت لما آسر قفل الباب بعنف. و حطت أيدها ع بوءها.
وبعدين حطت أيدها ع ودانها وبدأت تعيط.
صوت تكسير صوت ضر*ب صراخ عنف…..
”
آسر بعد نص ساعه طلع من الاوضه وبيهندم هدومه.
آسر بصوت رجولي قوى :مستني ايه؟
جمال خرج من الاوضه بتعب و خوف وخرج من الشقة بكل اندفاع.
آسر اتنهد بقوة :هو عاده مش بيحب العنف بس ازاي يجي يلاقي جمال جوا الشقة وكمان بيتطاول ع هديل.
آسر بص حواليه ملقاش هديل.
آسر بهدوء و حنيه :هديل انتي فين؟
آسر عيونه بدأت تفتش ف الشقة كلها. ع هديل مش لاقيها..
آسر استغرب يا ترى راحت فين فجأه الدهشة بدأت تتحول ل جنون.
آسر بغرابه :معقولة طلعت برا؟ طب ازاي وليه.
آسر طلع من الشقة وقبل ما ينزل ع اول خطوة من السلالم اللي بتوصل ل تحت. وقف فجأه
هو عارف الصوت دا. عارف النغمة دي. عارف اللحن دا. و قام خطواته طلعت الدرج اللي بيوصل ل فوق. لقي هديل قاعده ع السلالم وحاضنه جسمها بأيدها الاتنين ودافنه رأسها بين رجليها. وبتعيط بصوت مسموع.
آسر بصرامة :بتعملي ايه هنا؟
هديل بخضه وبكاء :ملكش دعوه
آسر بتفكير :طب تمام
و قعد ع سلالم السلم.
هديل باستغراب :وبصاله .
آسر بردو باصصلها.