مروان:ابدا كان ورايا مشوار وشكله خلص سلام
خرج من عندها وهو يشعر انه وصل لهدفه فبمجرد ظهور نانسى مرة اخرى فى حياة ادهم كفيلة ان تقلبها راسا على عقب وبذلك يستطيع ابعاده عن القرية ويفعل هو ما يريد
كان ادهم يجلس فى مكتبه دخلت عليه نور:ادهم ممكن تمضى هنا
لبس نظراته الطبية :ايه ده
نور:ده كشف التوريدات عشان بس الحق اصرفها للعمال قبل مااسافر
ادهم بخبث:امضى فين
نور:ايه ياادهم امضى هنا واشارت على نهاية الورقة
ادهم:نور مش شايف تعالى كده شاورلى
اقتربت منه :ايه يا حبيبى هنا غريبة يعنى
جذبها فجاة واجلسها على قدميه :عشان امبارح تتدوخينى
ضحكت نور بشدة وهى تحاول الافلات منه:طيب خلاص بقى اما نروح
ادهم:لالا اخد حقى دلوقتى وهنا
نور:ادهم احنا فى المكتب خلاص بقى
قبلها فجاة ولم تستطع مقاومته وتاهت معه فى عالم
اخر حتى ايقظهم صوت الهاتف الخاص بهدى
نور:ادهم التيلفون
ادهم:سيبه يرن
نور:ادهم مينفعش يمكن حد مهم ولا حاجة
ادهم:انتى اهم
رن الهاتف مرة اخرى
نور:شوف بقى رد شوف هدى عايزة ايه
رد على الهاتف وهو مازال يضمها:ايوه يا هدى
هدى:فى واحدة مصممة تقابل حضرتك ومفيش معاد سابق
ادهم:مين دى
هدى:اسمها …..
نانسى عزام
توقف عقله وجسده عن الحراك للحظات من اثرصدمته عند سماع الاسم
نور:ايه يا حبيبى مالك
ادهم:هاااا لا حبيبتى ولا حاجة مفيش
ايوه يا هدى دخليها بعد خمس دقايق
نور:فى ايه ومين دى
ادهم:ابدا عميلة
نور بشك:شكلك مش بيقول كده
ادهم:لا ابدا حبيبتى بس حسيت بارهاق مرة واحدة كده
نور:حبيبى سلامتك تحب نروح لدكتور
ادهم:لالا مش مستاهلة ثم حبيبتى عينها دوايا
نور:انا كده هتغر
ادهم:براحتك يا سيدتى الجميلة
نور:طيب خلاص بقى الست هتدخل
ادهم:اقعدى على الكرسى مكانى
نور باستغراب:ليه
جذبها واجلسها على الكرسى:من غير
ليه انا عايزك هنا
هنا جاءت هدى واستئاذنت لنانسى بالدخول
مشاعر من بين نار الكره والاحتقار وما بين اشتياق واحساس بالذنب
دخلت نانسى وجدت ادهم واقفا ونور جالسة مكانه لاتنكر احساسها بالغيرة تجاه نور والحب والهيام تجاه ادهم فاقت من شرودها على صوت ادهم:اهلا وسهلا اتفضلى
نانسى:هااا اه اهلا بيك
نور:اهلا وسهلا نورتى
نانسى:مرسيه ازيك ياادهم
نظرت اليها نور تارة والى ادهم تارة اخرى واندهشت من نطقها اسم ادهم مباشرة بدون القاب افاقت على صوت ادهم
اهلا مدام نانسى خير
نانسى باحراج:ابدا جيت اشوفك واطمن عليك اول ما عرفت انك موجود
ادهم:ومين بقى اللى قالك
نانسى:مش مهم مين قال المهم انك موجود
تدخلت نور بصوت يملوه الغيرة:ايه ياادهم مش تعرفنا
ادهم:حبيبتى دى مدام نانسى كانت زميلتى فى الشغل من كام سنة قبل مااسافر
باشمهندسة نور مراتى
نظرات الغيرة من النساء مهما حاولوا اخفاءها لن يستطيعوا تبادلت النظرات بينهم وشعربهم ادهم
خير ياامدام اى خدمة
نظرت الى نور:لا ابدا كنت جاية اطمن عليك
ادهم:انا بخير الحمدلله كفاية نور معايا ولا ايه حبيبتى
نور:هااا اه طبعا
مدت نانسى يدها بكارت الى ادهم:ده كارتى ياريت نتقابل تانى
امسك ادهم بالكارت والقاه على المكتب :ان
شاء الله
احست نانسى بالغضب من ادهم ففضلت الخروج …… خرجت وتركتهم صامتين لفترة حتى قطع ادهم الصمت:هاااا حبيبتى كنا بنقول ايه
نور:مين دى ياادهم
ادهم:ايه ده تقصدى مين
نور:اقصد الست دى مين
ادهم:قولتلك يا حبيبتى زميلة قديمة
نور:زميلة قديمة ولا حب قديم
ادهم:نور تقصدى ايه
نور:مش دى خطيبتك بتاعت زمان
ادهم:وافرضى ايه المشكلة عادى عميلة وخلاص
نور:لا مش خلاص فين الشغل اللى جاية عشانه
ادهم:نوربلاش حرق دم
قامت من مكانها متجهة للخارج :معلش انا اسفة انى حرقت دمك
ادهم:
نور استنى انا اسف معلش حقك عليا انا بس مضايق شوية
نور:لا وعلى ايه يظهر حبيبة القلب صحت حب قديم
ادهم:نور بلاش جنان ايه اللى بتقوليه ده
نور:اللى شفته ياادهم يظهر انك لسه بتحبها وباين اوى عن اذنك
ذهبت وتركته يفكر لما عادت نانسى بعد هذه السنوات وهل بالفعل كما تقول نور انها مازال يحبها اما نانسى فتركتهم ونار الغيرة تشتعل بقلبها فكان لها هذا المكان بجواره ولكنها هى من باعته قبل ذلك ولكن ما المانع من الرجوع الى الحبيب فالرجل له اربعة ولما لا تكون زوجة ثانية
عاد ادهم الى البيت وجد نور تجلس امام التلفاز ولم تعيره اهتماما كماتعود منها جلس بجوارها ووضع يده على كتفيها
حبيبتى معدتش عليا نروح سوا ليه
نور ومازالت اعينها على التلفاز:لا ابدا حسيت بتعب روحت على طول مقدرتش استنى
ادهم:مالك يانور تحبى تروحى لدكتور
قامت من جانبه:لا مش مستاهلة فحضرلك الغداء
امسك بيدها وقبلها:والله ما بحب غيرك انتى بس هى والله صدمة اول ما شوفتها
نور:يعنى لسه بتحبها ياادهم
ادهم:احبها احب مين انا مفيش فى حياتى ولا قلبى وعقلى غيرك انتى يا نور هى ماضى قديم فكرته اندفن بس يظهر انه عايش ومصر يطلع تانى
نور:كلامك بيخوفنى
ادهم:لالالا اوعى اوعى يانور تشكى فى حبى ليكى فى يوم من الايام اوعى
نور:يعنى بجد
ياادهم بتحبنى
وقف امامها وهو يضمها:تو تو بموووووت فيكى مش بحبك بس
القت بنفسها بين ذراعيه :وانا بعشقك حبيبى بس بغير عليك
ادهم:من ايه ياقلبى مفيش واحدة فى الدنيا ممكن تاخدنى منك ابدا يا روح قلبى ويلا بقى انا جعان اوى
نور:خمس دقايق والاكل يجهز ظلت نانسى طوال هذا الاسبوع بزيارت كثيرة ومستمرة لادهم الذى حاول كثيرا ان يتجاهلها ولكنها مازالت مصرة ويوم من الايام كانت تجلس معه فى مكتبه قامت وجلست امامه ووضعت يدها على خده
معقول ياادهم ترجع تانى بعد السنين دى ونتقابل
نزع يدها:والله انا مش عارفة انتى جاية هنا ليه
اقتربت اكثر واكثر حتى شعر بانفاسها قريبة منه للغاية:عشان وحشتنى اوى ياادهم اوى واقتربت اكثر واكثر حتى اصبحت ملامسة له وشعر للحظات بضعفه امامها
دخلت نور فجاة ووجدتهم على هذا الحال ظلت تظر الى ادهم بعيون تملوها الدموع قام سريعا
نور افهمى يا نور انتى فاهمة غلط صدقينى
نور:اه اصدقك واكذب عينى مش كده روح روحلها ياادهم وسيبنى سيبنى
ادهم:لا يانور لا افهمينى حبيبتى دى واحدة متستهلش نسيب بعض عشانها
نانسى:ادهم انت لسه بتحبنى واوعى تنكر واشارت بيدها الى نور:على فكرة الشرع محلل اربعة عادى لو
اتجوزنا ومتنسيش انى حب الاول والاخير الحلقة الواحدة والعشرون عقاب الحبيب جرى ادهم خلف نور سريعا ركبت سيارتها وهو خلفها راها تبكى بحرقة ناداها
نور …..
نور اسمعينى بس
ظلت تقود سيارتها ولم تجاوبه حتى وصلت للبيت صعدت وهى تبكى بحرقة دخلت غرفتها والقت بنفسها على سريرها وظلت تبكى حتى سمعت صوت ادهم:نور افتحى الله يخليكى اسمعينى بس
نور:اسمعك اسمعك ليه عشان ايه ياادهم انا مش زعلانة على فكرة كويس انها رجعت دلوقتى ارجعلها ارجعلها ياادهم ما هى برضه الحب القديم
ادهم:نور ابوس ايدك اسمعينى لا حب قديم ولا غيرة كل الحكاية اتلخبطت من وجودها بس والله بحبك انتى ومش عايز غيرك انا بحبك انتى
صمتت قليلا:وانا مش عايزاك ياادهم وياريت ننهى الموضوع بشكل ودى
ادهم بغضب:موضوع ايه نور انا مش هسيبك
سمعتى مش هسيبك
نور:لا ياادهم هتسبنى وكفاية بقى انا تعبت والله تعبت
ادهم:طيب افتحى نتفاهم
نور:مفيش تفاهم فى طلاق وده اخر قرار عندى ولو كانت روحى متعلقة بيك ياادهم مش عاوزاها
باءت محاولاته بالفشل فى اثناءها عن موضوع الطلاق ظل ممددا على الكنبة حتى وجدها تخرج من الغرفة جرى عليها سريعا :نور حبيبتى اسمعينى بس
نور:ادهم خلاص معتش فيها كلام تانى انت بايدك ق*لت كل حاجة حلوة ليك عشان خاطرى كفاية كفاية
ادهم:نور كانت لحظة شيطان والله صدقينى
نور:ادهم هو انت لو شفتنى فى نفس الموقف مع حد تانى كنت هتعمل ايه
جذبها
بقوة من ذراعها:انتى بتقولى ايه ازاى تقولى كده انتى اتجنتنى
نزعت ذراعها من يده:عرفت بقى احساسى بيك كان عامل ازاى جربت ياادهم حسيت بالوجع
ادهم:ايوه حسيت بس افتكرى ايه حاجة حلوة كانت بينا افتكرى احنا عملنا ايه عشان نوصل لكده افتكرى تعبنا ازاى عشان نبقى لبعض
نور:كان وهم ياادهم كله كان وهم حبها لسه فى قلبك روحلها روحلها ياادهم وانسانى انتقامك من مروان بسببها عشان حبيتها ولسه بتحبها
ادهم:هاا خلصتى
كل الكلام ملوش لازمة عندى طلاق مش هطلق وهتفضلى مراتى غصب عنك وانا لو كنت لسه بحبها كنت روحت لحد عندها اول ما رجعت مكنتش فكرت
فيكى مكنتش حبيبتك بس قلبى غصب راح وراكى منكرش انى حاولت كتير ابعد عنك بس مقدرتش والله مقدرتش
نور:كفاية ياادهم انا مصممة على موقفى انتهينا خلاص
حاول ادهم جاهدا التحكم فى اعصابه حتى لايغضبها وفكر فى حيلة تثنيها موقتا حتى يثبت لها حبه وتتاكد منه
خلاص يانور اللى انتى عايزاه بس مش دلوقتى
نور:اومال امتى
ادهم:انتى عارفة اياد خلاص هيتجوز كمان شهرين وتكون القرية كمان خلصت اوعدك ان بعد ده كله هعمل اللى تتطلبيه
فكرت قليلا:خلاص موافقة بس طول المدة دى تنسى انى مراتك
ادهم بجدية:موافق
بدوا الاستعداد للسفر الى شرم الشيخ لتجهيز القرية وسافرت معها تقى وتركوا الشركة تحت تصرف اكرم
ركبت نور بجوار ادهم فى الطائرة فهى مازالت فى اعين الناس زوجته ولابد لها ان تتصرف على هذا الاساس كان يختلس النظر اليها وهى لاتعيره اى اهتمام وفجاة وجدوا نانسى تستقل نفس الطائرة اتجهت الى ادهم مباشرة وحاولت ان تستفز نور:ادهم ازيك عامل ايه وحشتنى
ادهم بعصبية:بقولك ايه ابعدى عنى احسنلك
نانسى:اوكيه يا حبيبى نتقابل بعدين اما نوصل
نظرت لهم نور باشمئزاز وظلت تنظر الى نافذة الطائرة
ادهم:والله مااعرف انها هتيجى
نور:ميهمنيش انت حر فى تصرفاتك
بعد مدة
قامت نور لتدخل الحمام وبعد قليل عادت فوجدت نانسى تجلس بجوار ادهم بطريقة مستفزة وهو ينهرها :قومى بقى بلاش مشاكل كفاية كده
قاطعته نور وهى تجذب حقيبتها:لا وعلى ايه خليها
ادهم:نور افهمينى هى هتقوم
يلا قومى
نور:لالا خليها تونسك
جذبت حقيبتها وذهبت بجوار تقى النائمة التى افاقت على جلوس نور بجوارها
تقى:ايه مالك جيتى ليه
نور:مش عايزانى اقوم
تقى:ايه مالك يانور
نور:ولاحاجة
تقى:عليا انا اتخنقتوا ولا ايه
نور:عشان ياتقى سيبنى شوية مخنوقة اوى
ربتت تقى على كتفها:خلاص يا حبيبتى خليكى براحتك
لم تترك نانسى ادهم وظلت بجواره فقام
هو واتجه الى كرسى بجوار نور
مكنش ينفع تسبينى وتمشى كده نور:وعلى ايه خلى حبيبة القلب تونسك
ادهم:انا اتفاجت بها والله معرفش انها جاية
نور:انت حر فى تصرفاتك انا مليش كلام فى حاجة ولو سمحت سيبنى عايزة انام
اعلن قائد الطائرة عن الهبوط وطلب من جميع الركاب ربط الاحزمة استعداد للهبوط
كانت نور مازالت نائمة لم تشعر والا يد ادهم تحيطها ليربط لها الحزام انتفضت من مكانها ولكنه هدى من روعها
متخافيش انا بربطلك الحزام ا حنا وصلنا
نزعته من يده :لا شكرا انا اعرف اربطه كويس
بدا الركاب بالخروج من بوابة المطار وكان زياد ومعه فادى شريكهم اللبنانى وصديقته ريما فى انتظار ادهم ونور
المعروف عن فادى ولعه بالنساء ولم تستطيع امراة واحدة ان تجعله يحبها بدا يلاحق الفتيات باعينه بنظرات وغمزات حتى راى نور وتقى يخرجان من باب المطار
فادى:يالله شو
هاى الجمال والله ما فى متله
زياد:نفسى اعرف هتتلم امتى متلميه يا ريما وتتجوزا بقى
ريما :ما تعتب عليا زياد صديقك بدوا عشرة مو واحدة بس
فادى:ايه والله عشرة لو بيكفونى
شوف هى الجميلة الله جمال طبيعى بيجنن والله بيجنن
زياد:فين دى يا روميو
فادى:والله اعمى النظر ما بتشوف هى الشقرا المحجبة ومعها السمرا الواحد ما بيحتاج شى والله
نظر زياد الى ما ينظر اليه فادى وجده ينظر الى نور وتقى
زياد بسرعة:يخرب بيتك انا الاعمى النظر اسكت خالص اياك تبصلها
فادى :وليش بقى
زياد:دى نور مرات ادهم لو سمعك بتقول
كده هي*لك
ريما :والله حلال عليه عشان يحرم عيونه الزايغة
فادى:هاد ادهم حظه متل النار…… ها ادهم جاى وهى معه خلاص بغير على صديقتها
زياد:اتلم يا فادى دى بقى هتبقى تبعى
فادى:العمى بقلبك ماراح تسيبولى واحدة
زياد:ااومال ريما تبقى ايه نفسى اعرف مستحملك على ايه
فادى بغرور :انا ما فى متلى الحريم والله بيتجنوا عليا
راهم ادهم فهمس لنور:ده فادى شريكى اللبنانى ودى ريما صديقته خلينا طبيعين اودامهم ممكن
نور:ان شاء الله
اقترب منهم اادهم وتبادلوا التحية اقترب فادى من نور:والله حظك متل النار يا صديقى زوقك ما شاء الله حلو كتير
وقف ادهم امامه وهمس له:على فكرة دى مراتى مش صحبتى يعنى ولا افتكر ان احنا اصحاب ولا حاجة اخلص عليك وادفنك هنا ولا حد يعرف عنك حاجة
فادى:حبيبى انت ياادهم عم بمزح معك ما بتعرف صديقك
ادهم:ما عشان عارفك بقولك اتلم يا فادى
استقلوا جميعا السيارات وذهبوا الى الشاليهات المحجوزة باسمهم اما تقى فقد حجز لها زياد غرفة بجواره فى الفندق
وقفت نور امام البحر كانه تشكواليه حزنها وغضبها شعر بها ادهم ذهب خلفها وظل يراقبها وقلبه يعتصر الما عليها
عادت الى الشاليه فوجدته ينظر اليها حاولت ان تتجاهله وقف امامها:لحد امتى يانور
نور:اللى هو ايه
ادهم:عذابك ليا مش كفاية
نور:العقاب من نفس الفعل ياادهم وانت غلطتك كبيرة اوى وصعب اوى انى انساها
ادهم:حبيبتى والله انا عارف ومعترف بغلطى بس عارف قلبك ابيض هيسامحنى
نور:تعرف ياادهم انا ممكن كنت اتخيلك تعمل اى حاجة معايا غير الخيانة سمحتك
قبل كده على اللى كنت عملته معايا وقلت ساعة غضب المرة دى ايه ساعة خيانة
ادهم:لا يا نور ساعة شيطان ونانسى دى شيطانة عايزة تفرقنا
نور:ويظهر ان الشيطانة عارفة بسفرك وجت وراك لحد هنا
ادهم:والله ما عارف بوجودها اتفاجئت والله
نور:ميهمنيش احنا بنقضى مدة مع بعض لحد فرح زياد ما يعدى والقرية كمان تخلص عشان ده شغلى واكتر من كده لا وعلى فكرة بمجرد افتتاح القرية استقالتى هتكون على مكتبك
تركته ودخلت غرفتها وهو فى حيرة من امره ماذا يفعل لتعود اليه وجد فادى يقترب منه
هاى ادهم كيفك
ادهم:بخير يا فادى انت عامل
ايه
فادى :الحمد لله بخير انا جيت لاجل ما عزمك انت والمدام على العشا اليوم وما بدى اعتذار
ادهم:مش عارف يا فادى مش عارف
فادى:شو بك يا صاحبى ليش بتشيل الهم
ادهم:حاجات كتير اوى يا فادى تعبان ونفسى استريح
فادى:نور….. بس والله باين بعيونها انها تحبك
ادهم:عارف انها بتحبنى بس غلطت فى حقها ورافضة تسامحنى حتى
فادى:بتحبها
تنهد ادهم بقوة:اوى …..
اوى يا فادى
فادى:يبقى تعمل المستحيل من شان ترضى عليك
ادهم:حاولت كتير وهى رافضة عنيدة ودماغها نشفة
فادى:شو رايك بنخليها تغير عليك
ادهم:الله يخليك بلاش افكارك المهببة انا عارفك
فادى:والله انت عبيط بخليها تغير عليك وتيجى تحت رجليك بتقولك سامحنى ياادهم
ادهم:والله لو عملت ايه دى طالبة الطلاق ومفيش حاجة هتخليها تتراجع انا عارفها
فادى:اممم بنشوف بنتعشى سوا اليوم وبنشوف شو اللى راح يصير ما تخاف
كانت نورتستمع كل حديثهم بالكامل وقررت ان توافق على العشاء بعدما عرض عليها ادهم الامر
فى المساء كانت نور فى كامل زينتها حتى ادهم عندما شاهدها شعر بالغيرة تنهش بقلبه واراد لها ان تبدل ملابسها ولكنها رفضت ولم يجد سبيلا غير الخروج
فى موعد العشاء كان الجميع فى استقبالهم
فادى:يالله الدنيا والله نورت بيكم
ادهم:ده نورك يا فادى عاملين ايه يا جماعة
الجميع:الحمد لله
غمز فادى لريما ان تتمايل على ادهم حتى تثير غيرة نور وفعلت ريما على مضض كانت تتمايل على ادهم بشكل مغرى لاحظتها تقى
نور:شايف البت بتعمل ايه
نور بعدم
اهتمام:مالها
تقى:بصى كده بتكلم ادهم ازاى دى بجحة اوى
نظرت نور اليهم وجدتهم ينظرون اليها امسكت بهاتفها تعبث به حتى رن هاتفها وقامت من مكانها لترد عليه
ادهم:الله يخرب بيتك شكلك هتودينى فى داهية
فادى:والله ما بعرف لو حدا غيرها كانت بتقلب الدنيا على راسنا الواضح انك مزعلها كتير
ادهم:اوى اوى
فادى:ريما….. خليكى وراء نور متل ما فهمتك
ريما بغضب:حاضر شئ تانى
فادى:لالا مرسيه
قامت ريما خلف نور وجدتها تتحدث فى الهاتف راتها نور فاغلقت المكالمة
خير يا ريما