حرام عليك يا ابوي اتجوز واحده رقاصه دي واحده كانت شارع لكل الرجاله اتجوزها انا ليه ابوه ضـ,ـربو قلم قوي وقال بغضب..الي بتقول عليها كده دي بت اخوي…بت اخوي الي مات ووصاني عليها…وقال بدموع..وانا محفظتش الامانه..ولما ربنا اراد اني اشيلها تقولي لا…هتتجوزها ورجلك فوق رقبتك…وده اخر كلام عندي يا دياب دياب ضم اديه بغضب مكتوم ونزل راسو وقال..امرك يا ابوي مدام رضيت على ولدك يتجوز واحده داس عليها الاف غيره براحتك…مش هعارضك…بالأذن دياب لسه هيمشي ابوه قال ..بكره تعرف ان ده الاحسن ليك يا ولدي انا مههونش فيك الا لو كان لخير ليك
دياب مشي من غير ما يرد عليه وهو متنرفز وكان في الاوضه رايح جاي بعصبيه هيتجن…في الوقت ده دخل شاب في العشرينات وقال بسخريه…مبروك يا عريس…بيقولو هتتجوز…سمعنا سمع خير على عروستك دياب بصلو بغضب وقال..عايز ايه يا ناصر مش فايقلك ناصر قال باستفزاز..ابدا يا ولد عمي جيت اباركلك…بس قولي صح الي سمعتو…قال ان عروستك رقاصه ..انا مصدقتش الصراحه بقى دياب البكري يتجوز رقاصه..ده احنا افتكرنا انك هتتجوز واحده لسه بترضع علشان تربيها ومحدش يشوفها غيرك..تقوم تتجوزها رقاصه فتحاها على البحري…مكانش يومك يا ولد عمي
دياب بصلو بغضب وقال..شكلك نسيت ان الي عمال تلقح عليها دي تبقى بت عمك..ومن دمك يعني الي طايلها طايلك ناصر ضحك وقال…كانت طيلاني بس دلوقتي طيلاك لحالك ..ماخلاص ليله وتبقى مرتك وعلى اسمك بقلم..زهرة الربيع
ناصر قال كده وقرب منو وقال بهمس…صحيح…نسيت اقولك اسم الدلع بتاع عروستك..اسمها دلع…ده اسم الشهره…اصلي نسيت اقولك..انا ياما شوفتها بتدلع رقصها نار ..كنت اندلي مصر مخصوص علشان اشوفها دياب مسكو من جلابيتو بغضب وناصر ضحك وقال..لا الجلابيه مكويه..كويتها علشان نستقبل العروسه…وبعدين انت زعلان ليه…ده انا بقولك شوفتها بترقص…هو انا لاسمح الله بيت معاها..على فكره كانت ليلتها بالغالي متفكرهاش رخيصه
دياب قال بغضب..انت كداب وواطي ناصر قال باستهزاء…اوعى تقولي انك اتصدمت ..ما طول عمرها معروفه الرقاصه يعني شغل اخر الليل..وبعدين ابوك كمان كان يروح يشوفها وهيه بترقص قبل ما يعرف انها بت اخوه…على العموم اطمن…محدش في البلدد كلها يعرف الي تحت بدلة الرقص غير العبد لله…وانا مش فتان …قال كده وطلع وهو بيضحك جامد دياب كان واقف هيتجنن من الغضب قعد وشد شعره لورا ودموعه هتنزل من كتر الحزن والغضب تحت كان ابوه بيحضر لاستقبال دلال بنت اخوه وعروسة ابنو وكان مبسوط جدا جات ست في اواخر الاربعين وقالت بحزن…كل حاجه جوه جاهزه يا عمده
جمال ابتسم وقال..لما بتقوليلي يا عمده وبتنادنيش باسمي بتبقى اكيد زعلانه يا روحيه روحيه قالت…اقولك ايه بس يا جمال..ما انت عارف اني زعلانه..الواد قافل على نفسو وهيتجنن يا حبه عين امو…البت طلعت رقاصه يا جمال…رقاصه..انا عارفه انك قضيت عمرك تدور عليها وعذراك…بس البت طلعت رقاصه مينفعش نظلم الواد
بقلم…زهرة الربيع
جمال اتنهد وقال..يعني انو مزعلانش على كسرة نفسو ..ده ولدي يا روحيه..بس دي كمان وصيه اخوي..ودي الطريقه الوحيده الي نحافظ على البت بيها…الناس مهتسكتش غير لو عرفت انها بقت على زمة دياب …وبعدين بقى انا متأكد ان البت دي نضيفه وشريفه ..دي بيمشي في عروقها د،م ابوها وامها الطيبين وحتى لو الظروف خلتها تشتغل الشغلانه دي..لاكن اكيد هيه نضيفه وهاديه ومتطلعش منها العيبه و جمال كان هيكمل بس سمع صوت واحده بتزعق وتقول بردح …انت بتعاكس مين يا عرة الرجاله…يا عيل برياله….ياصفيحه زباله…يالي ابوك حرامي وامك نشااااااااااله
جمال جري بره على الصوت ودياب كمان شد عبايتو وطلع جري واتفاجأو ببنت زي القمر لابسه لبس مكشوف جدا وميكب تقيل وماسكه ناصر من جلبيتو وقالعه الشبشب وممرمطاه قدام كل الرجاله دياب جري عليهم وقال بغضب…بس بس..انتي مين يا بت انتي وعايزه ايه البنت قالت بغضب وردح..بت اما تبتك ماتتكلم عدل انت التاني…وبعدين ده بيت عمي…انت الي مين يا دلعادي روحيه ضـ,ـربت على صدرها وقالت بصراخ ..بيت عمك…يامراااااااري دياب بصلها من فوق لتحت بزهول من لبسها وكلامها وبيبص لقى الرجاله كلها متجمعه وبيبصولها وووووو
2,_دياب بصلها من فوق لتحت بزهول من لبسها وكلامها وبيبص لقى الرجاله كلها متجمعه وبيبصولها وحاول يهدى وقلع عبايتو وحطها عليها بسرعه وشدها على البيت بالعافيه اول ما دخلو البيت دلال زقتو وقالت بزعيق..ما توعى ياعم فيه ايه.. ورمتلو عبايتو في وشو وقالت….وخد البتاعه المعرقه دي كمان دياب بصلها بغضب ولسه هيتكلم ابوه قال بفرحه..يا أهلا بالغاليه بت الغالي..تعالي يا قلب عمك وفتح اديه ليها بمحبه دلال بعدت خطوه وقالت بسرعه..لا معلش..من بعيد..انا لسه مش متأكده من حوار عمي ده
جمال نزل اديه ولسه هيرد.دياب قال بسخريه ..هيه جات عليه..خشي هو اولي من الغريب جمال غمزو وقال… دياب وبعدين دلال بصتلو من فوق لتحت بقرف وقالت
..بعيدا عن الي قالو الحلو ده …خلينا في المهم شوف يا حج.. انت جيت وقعدت تتحايل وعلى شويه هتبكي وانا قولت اجي واشوف… انما انت عمي ازاي وايه الي يثبت.. شوف بقى لو عليكم قرشين عايزين تدبسو حد فيهم فأنا يا مولايا كما خلقتني ميييييح دياب ضحك جامد وقعد وشاور لابوه وقال…اتفضل…رد عليها ..لنكون مديونين ومستنين الست الرقاصه تفكلنا زنقتنا
دلال بصتلو بقرف وقالت..لا زنقتكم دي تفكوها في اقرب حمام اسهل يا حليوه..وبعدين انت بتتكلم ليه اصلا اما بجح وخرتيت صحيح…وبعدين فين ابو قرون الي قولتولي هتجوزهولي يجي يحوش عني الرجاله الي بتتحدف عليا دي وشاورت على ناصر بغضب وقالت…اوعو يكون الهفأ ده روحيه قالت بسرعه…لا مش الهفأ..الخرتيت ابو قرون دياب بصلها بزهول وهيه قالت بسرعع وارتباك …قصدي دياب ولدي ده دلال اتسعت عنيها بزهول وبصتلو وكان بيبصلها بنظرات هتحرقها مكانها واتنهدت وقربت منو وصرخت في وشو فجأه وقالت….ياخرابااااااااااااااااااااي…بس