بنت العم زهرة الربيع

ديابا اتخض لما صرخت في وشو ولسه هييزعق لها قعدت على الكرسي وقالت لارتياح..معلش يا جماعه .انا كده لما اتفاجأ بصوت ..ولما اتخض بصوت…ولما ازعل احب اصوت..واما افرح ارتاح لما اصوت….و دياب قاطعها بغضب وقال..لا ما احنا مش هنقلبوه ميتم…وصوتك ده ميعلاش… فيه رجاله بره دلال ولا كأنها سمعاه بصتلو باحتقار وقلعت الجاكت الي لبساه وقالت ..اوووف الدنيا حر…هاتو مروحه ولا زفت ولا اي حاجع دياب وقف بغضب وقال..ما تتغطي يا وليه وتستري نفسك مش كفايه رجليكي الي حالفه على الهدوم دي

دلال بصتلو بسخريه وحطت رجل على رجل وقالت…سيباهملك يطرو عليك ..اصلي شايفه عينك هتطلع عليهم من ساعة ما جيت دياب اتحرج جدا زنزل عنيه في الأرض وقال بضيق..انا هطلع اوضتي يا ابوي مش هقدر اقعد هنا اكتر من كده لسه هيمشي دلال قالت..على العموم انا موافقه عليك…شكلك مش بطال دياب مبصش عليها وقال بضيق….وانا الصراحه قاتل نفسي علشان توافقي…قال كده وطلع على اوضتو بغضب اما دلال فبصت لعمها وقالت بجديه..مش ناوي تحكيلي ايه حكاية عمي دي

جمال ابتسم وقال…شوفي يا بتي ابوكي الله يرحمو كان تاجر كبير وشغلو كان مسمع في كل حتة وفي مره وقع مع واحد تاجر سلاح وكان عايز يشغلو معاه..ابوكي رفض ومش بس كده راح بلغ عنو..الراجل كان واصل قوي وابوكي مقدرش يثبت عليه حاجه ومن بعدها الراجل ده استقصدو واول حاجه عملها انو خطفك كان عمرك وقتها ٥ سنين ومن وقتها وانا وابوكي بندور عليكي…لحد ما عمل حـ,ـادث هو وامك وهما راجعين من العمره…وعمري ما انسى ان اخر حاجه قلهالي اني احاول الاقيكي ووصاني عليكي يا دلال

دلال اتنهدت وقالت…قصه جميله قوي بس انتو ايه الي اثبتلكم اني انا هيه البنت الي بتدورو عليها بقى جمال قال بسرعه..امك دلال قالت بسرعه..ما تحترم نغسك انت راجل كبير جمال ضحك وقال..انا بتكلم بجد..الست الي اخدتك من الراجل الي خطفك وحكالها كل حاجه اخدتك لجل توديكي ملجأ وبعدين صعبتي عليها وربتك مع ولادها بس جوزها كان راجل مش ولا بد وشغلك في الكبريهات من غير رضاها واول ماعرفت انها تعبانه ويمكن تمـ,ـوت جات وحكتلي كل حاجه وادتني الاسوره الي كان جايبهالك ابوكي وخاتم عليها اسمك وطلبت مني اسيبك معاها الكام يوم الي فاضلينلها في حياتها وده الي حصل

دلال قالت ببكا ..يا حببتي يا اما كانت ست مفيش منها…والله يا عم الحج انا حبيتها اكتر بعد الكلام الي انت قولتو..اااااه يا اما …المهم انا ليه ورث ولا ايه النظام جمال ضحك وقال…مفيش ورث ولا اي حاجه غير لما تتجوزي ولد عمك وده كلام نهائي دالا وقفت واتنهدت وقالت…حيث كده بقى…هاتو المأذون بقلم…زهرة الربيع
في الليل كان تم كتب كتاب دلال على دياب وكان الفرح جميل جدا ورقص ومزمار وطبل بلدي وكان كل حاجه في قمه الجمال

استمر الفرح لحد الفجر وابتدت الناس تروح والفرح خلص والعريس طلع على اوضتو دياب قبل ما يدخل الاوضه ابوه نادالو وقال ..دياب…تعالى يا ولدي دياب راحلو بضيق وقال..نعم يا ابوي
جمال قال..عايزك تشد حيلك وترفع راسي وتجبلي حفيد قوام قوام دياب رما العبايه بتاعتو على الارض وقال بغضب انسى يا ابوي..انا طاوعتك وكتبت عليها غير كده لا..والف لا..مش انا الي اقبل بواحده زي الي جوه دي تمام قال كده ومشي وروحيه قالت بحزن…طب وبعدين جمال ضحك وقال..ولا قبلين شوحيلنا حتتين لحم وسيبك منو ده ولدي وانا عارفه اخره كلام

عند دياب دخل وهو متعصب بس اتصدم بشده لما شاف دلال لابسه لبس نوم جميل جدا وشكلها كان يبهر بلع ريقه بالعافيه وقال في سره..يا نهار مش فايت دلال رفعت حاجبها وقالت…ايه واقف كده ليه…هتبات عندك دياب حاول يجمع كلامو وحاول كتير ميبصلهاش وقال..احم…انا…انا ..هيه..هيه الدنيا حر قوي في الاوضه ليه دلال ضحكت برقه ودلع وقربت منو وحطت اديها على كتافو وقالت..تؤ ..هيه مش حر…انت حران ولا ايه دياب قال بتوهان..قوي ..على الاخر دلال ضحكت بخفه وقربت اكتر ..بس دياب بعد بسرعه وقال بتوتر..لا..لا مش هينفع..انا انا مش عايز..احم…جوازنا ده ورقه وبس..تمام..يعني انا مش معترف بيه اصلا

دلال شهقت بردح وقال..ومش معترف بيه ليه ان شاء الله…المأذون يهودي…ده ايه النصيبه دي رجالة اخر زمن دياب قال بسرعه..لا…انا مش مش قادر..انا مش عايز..يعني مش قابل بيكي انتي بزات..لا..مستحيل انسى انك واحده رقاصه..واكيد انا مش اول واحد يقربلك..وانا مرضاش على نفسي كده لا..لا مش هينفع..انا انا مش عايز..احم…جوازنا ده ورقه وبس..تمام..يعني انا مش معترف بيه اصلا دلال شهقت بردح وقال..ومش معترف بيه ليه ان شاء الله…المأذون يهودي…ده ايه النصيبه دي رجالة اخر زمن دياب قال بسرعه..لا…انا مش مش قادر..انا مش عايز..يعني مش قابل بيكي انتي بزات..لا..مستحيل انسى انك واحده رقاصه..واكيد انا مش اول واحد يقربلك..وانا مرضاش على نفسي كده

دلال الكلام وجعها قوي بس مبينتش قالت …تمام..كده احسن..احسن للكل…بس ابقى افتكر ياسيد الرجاله..ان انت الي قولت مش عايز ها افتكرها كويس ..تصبح على خير دلال قالت كده وراحت نامت على السرير بحزن ودياب حس بندم على الي قالو بس حاول يقنع نفسو ان ده الصح وغير هدومه وراح ينام على السرير دلال بصتلو وقالت..ايه هتنام هنا ليه…فيه اتنين مش متجوزين ينامو جمب بعض دياب بصلها بزهق وقال..عايزه ايه دلال شاورت على الارض وقالت..انزل نام على الارض..انا منامش جمب واحد غريب

دياب قال بغضب وزعيق .ارض ايه الي عيزاني انام عليها انتي اتهبلتي في نفوخك دلال قالت بزعيق..لا بقولك ايه..لو هنختبر احبالنا الصوتيه فانا بعرف ازعق حلو قوي…انزل نام على الارض بالستر احسن انادي لابوك واقولو الي حصل هنا وهو يقولك بقى تنام فين دياب اتغاظ منها جدا وسحب المخده والغطا بغيظ وفرش على الارض ونام وهو هيتجنن منها دلال ابتسمت وقالت في نفسها..استني عليا يا دياب

في صباح يوم جديد كان الكل على الفطار ودلال نزلت وكانت لابسه بنطلون جيينز ضيق وتوب وجاكيت قصير وعامله شعرها كيرلي كانت قموره بس لبسها مش محترم خالص قعدت على الفطار وقالت…صباحو يا حلوين ايه ده سفره دي ولا مائدة الرحمن الواحد جعان من يومين ناصر صفر وبقى يبصلها بوقاحه وجمال اتعصب وقال..ناصر ناصر نزل راسو في الارض بخوف وروحيه لطمت على خدها بخوف وقالت..سيبك من ناصر داري معايا الكرسه دي الواد زمانو نازل هيقتـ,ـلها ويقـ,ـتلنا

جمال سمع صوت باب اوضه دياب بيتفتح قلع عبايتو ولفها بيها بسرعه وقال…متقلعيهاش واصل سامعه يا بتي دلال بصت لهم باستغراب وقالت..فيه ايه لكل ده هو انا عريا،نه جمال قال اسمعي الي بقوله يا بتي علشان خاطري انا
دلال لسه هترد نزل دياب وقعد وقال…صباح الخير يا جماعه جمال قال بارتباك..صباح الهنا..صباحيه مباركه..جهزنالكم الفطار بتاعكم..نزلتو ليه يا عرسان دياب بص لدلال بضيق..وقال…اسأل بت اخوك صحيت ملقتهاش..و..بس قطع كلامو باستغراب وبقى يبصلها شمال ويمين وقال..انتو لفينها زي سجارة البفرة كده ليه

جمال اتوتر وناصر ضحك جامد بس امو قالت بسرعه ..بردانه…بردانه يا حبه عيني من ساعة ما نزلت وهيه بتترعش رعش …انا هاخدها انيمها شويه وهاجي على اطول دلال بصت للاكل وقالت بتزمر وهمس…انا جعانه طيب روحيه قالت …ماشي يا حببتي هنجبلك على اوضتك يلا بقى لتعيي دلال وقفت معاها وهيه بتنفخ بغيظ ولسه هتمشي معاها ناصر مد رجلو وداس على العبايه بخبث وفي ثوني وقعت على الارض

دياب لسه بيحط اللقمه في بقو اتصدم بدلال ولبسها وقف وبصلها بغضب ومسك العبايه لبسهالها واخدها بالعافيه على الاوضه واول ما دخلها قال بغضب..انا مش قولتلك اللبس ده ممنوع انت فاكره تفسك متجوزه بنت خالك..ولوا دراعها بغضب وقال..عارفه لو لقيتك لابس المسخره دي تاني هكسر عضمك فاهمه دلال قالت بالم..ااايييى اي سيب ايدي يا غبي هتكسرها دياب قال بغضب…كمان بتقلي ادبك يا يا وسخه يا بتاعت الكبريهات وضـ,ـربها قلم قوي وقعت على الارض وقال…انتي تحمدي ربك اني اتجوزت واحده زيك الله واعلم كانت مع كام راجل غيري

دلال بصتلو بدموع وقالت بانفعال …ايوه انا بتاعت كبريهات..اتربيت فيها…مع اب طبال وام لاحول ليها ولا قوه…انا كبرت لقيت نفسي بدل ما بمسك القلم بمسك الصجات وبدل ما اجمع علمات كنت بجمع النقطه دي كانت حياتي الي مقدرتش انت ولا ابوك تنقذوني منها وفضلتو متهنين بفلوسكم وعزكم وجايين دلوقتي تحاسبوني وتعايروني عليها…وكتر خيرك يا ابن عمي..شكرا انك اتجوزت واحده بتاعة كبريهات زيي…بس انا عمري ماكنت رخيصه ولا لقمه ساهله لحد واقسم بربي ما فيه حد قدر يلمسني ولا يقربلي ولو انت تسمح تقول كده لمراتك انا مسمحش حد يهني كده سامع

دياب كان بيسمعها بحزن وحس بالذمب على الي عملو والي قالو..كمان حس انها صادقه فعلا ولسه هيتكلم دلال قالت بغضب ودموع..مش عاجبك هدومي بس انا معنديش غيرها..ده الي اتعودت البسو ..بس مدام مش عاجبه سي السيد بلاش منها وبقت تقطع الهدوم وهيه لبساها بغضب ودموع بقلم..زهرة الربيع
دياب كان بيبصلها بزهول ولسه هتكمل مسك اديها وقال…ورحمة الغالين كفايه…حقك على راسي دلال بقت تبصلو بغضب ودموعها على خدودها ودياب ماسكها وشدها ليه وبص على الهدوم الي قطعتها وبلع ريقه بارتباك وقال…ربنا امر بالستر …استري معاي علشان اعرف اتستر لاني والمصحف على اخري وخايف اطلع عيل بعد الي قولتو امبارح

دلال مقدرتش تمنع ضحكتها وزقتو وبقت تمسح دموعها ودياب ابتسم وقال..ايوه كده اضحكي خلي الشمس تنور…متزعليش مني انا كده بهيم وكلامي دبش انا خرتيت زي ما انتي قولتي…حدانا متعودين الواحده تتغطى من فوق لتحت ومقدرش تبقى مرتي لابسه كده دلال قالت بحزن بس انا والله ما عندي غيرهم يا دياب انا مش قاصده اضايقك ولا حاجه..انا…انا ماصدقت بقى عندي عيله وخايفين عليا وغيرانين عليا مش زي الراجل الي كان يعريني للخلق…والله انا مبسوطه بيكم اكتر من اي فلوس

دياب ابتسم ومسك ايدها وقال…ولا تزعلي نفسك يا ست البنات اذا على كلامي اعتبريني واحد اهبل …واذا على الهدوم انا هاخدك من يدك ونطلع نختارلك البس الي يمشي هنا بس يكون على زوق عيونك الحلوين دلال ابتسمت بسعلده وقالت..انت طيب اوي يا دياب..مش زي ما بتبان

دياب ابتسم وقال…وانتي حلوه قوي ومغطيا جمالك بكل التكاليف الي في وشك دي مع انك مش محتاجه لاي حاجه تجملك انتي عيونك لوحدهم يغطو على جمال القمر…وهمس لها وقال ..على فكره لو كلامك الي قولتيه من شويه ده طلع صح وطلعتي صاغ سليم هخليكي ملكه البيت..لا ملكه البلد كلها…احم..ايه رأيك نلغي كلام امبارح ونتأكد دلوك دلال ضحكت وقالت…انا كل الي قولتو صح..بس بعينك تتأكد ومشيت بدلع
دياب اتنهد وقال…مسيرك يا تفاح تستوي وتنزل على الاراضي

دلال ضحكت وكانت مرتحالو جدا ومبسوطه بيه ودياب رغم كل الي كان في نفسو وكل كلام ناصر لاكن كان مطمنلها وحاسس انها مكدبتش وحابب وجودها معاه اوي تحت ناصر كان واقف قدام عمه الي بيزعق ويقول…انت وقعت العبايه قاصد يا ناصر…مش هتبطل تغير من ولد عمك وتحقد عليه