في بيت كرم…
كرم: اتدبست فيها وانت كملت يا بوي وانت عارف اني بحب روح
ابو كرم: ياواد روح دي مش من توبك والعمده رحب انك تتجوز كريمه وماله بت مال وجمال ونسب ..
كرم: انا سكت هناك عشانك لكن انت تصلح كل اللي حوصل انا مش ممكن اتجوز كريمه يا بوي
ابو كرم: عايز تحرجني مع الراچل والله لاتبقي ولدي ولا اعرفك..
………………….
في الصباح..
صحت روح علي صوت زغاريط…
قامت خدت شاور ولبست بلوزه وبنطلون ورفعت شعرها وطلعت…
شافت صفيه …
روح: هوا في ايه ؟!
صفيه:
النهارده خطوبه الست كريمه
روح بحزن: بجد .
صفيه: ايوه…
دخلت روح اوضتها تاني..
روح بحزن : بالسرعه دي اقولك امبارح بتحبك تخطبها النهارده ومش بعيد بكره تجيب عيال بس انا ايه اللي مضايقني يعني ليه زعلت انا مازعلتش انا عادي وهاروح اباركله كمان..
طلعت روح من اوضتها وراحت خبطت علي اوضته.
فتح الباب..
روح: صباح الخير يا نمر
يونس: صباح النور ادخلي..
دخلت روح …
روح: عامل ايه النهارده يا عريس
يونس: الحمد لله بس ايه عريس دي؟!
روح:
ايه مش عريس ولا ايه الف مبروك بس مش شايف انك استعجلت شويه يعني امبارح اقولك كريمه بتحبك النهارده تخطبها ؟!
يونس بابتسامه : كريمه اه هوا في زي كريمه في رقتها
روح: كريمه؟!
يونس: وجمالها
روح: كريمه؟!
يونس: وبساطتها وطيبتها
روح: كريمه؟!
يونس: مالك عماله تعيدي في كريمه ليه موافقاني الرأي طبعا صح ..
روح: طبعا يا بني انت بتقول ايه ربنا يهنيكم ونشوف عيالكم قريب ..
طلعت روح من اوضه يونس وهيا بتجز علي سنانها
يونس بتفكير: حسيت انها غيرانه معقوله…
روح بتفكير وهيا ماشيه:
بساطتها ورقتها وطيبتها دا انت مضحوك عليك بالتلاته ..
خبطت فيها…
كريمه بعصبيه: مش تحاسبي يابت انتي
روح بضحك: تعااااالي تعااالي شوف رقتها مبروك يا كويمه ياحبيبتي
كريمه مشت وسابتها بعصبيه ودخلت اوضتها ورزعت الباب …
روح بتفكير: مالها دي المفروض تبقي فرحانه وتقعد تغيظ فيا انا عرفاها ليه متعصبه ومش مبسوطه ؟!
كريمه بعصبيه : بقا اكده ياعمي امبارح فاتحه والنهارده خطوبه وانت ماعرفش دا انت طلعت واعر قوي مش هايتم لو علي جتتي .
………………….
أقرأ أيضاً: رواية غسان ونور كاملــة الجزء الثاني 1
أقرأ أيضاً: رواية غسان ونور كاملــة الجزء الثاني 2
في بيت كرم..
كرم بعصبيه: امبارح يبقي قري فاتحه والنهارده خطوبه وبكره جواز بقا حرام عليك يا بوي حلني
ابو كرم: عايز تحرجني مع العمده مش كان كلام رجاله ولا كان كلام حريم ده
كرم: يابوي..
ابو كرم: ولا كلمه انا عارف مصلحتك فين ومع مين
…………………….
روح: بدر باشا اللي ساعه مابيجي هنا بينسي بنته
بدر كان قاعد بيقرأ جورنال …
بدر: انساك دا كلام انساك يا سلام اهو ده اللي مش ممكن ابدا ولا افكر فيه ابدا ابدا .
روح: الله عليك يا بابا لما بيبقي مزاجك عالي
بدر:
كريمه خطوبتها النهارده عقبالك..
روح: اه لايقين علي بعض هوا عصبي ومجــ . ــنون وهيا زيه هايبقي النمر والنمره
بدر: نمر ايه ومين اللي عصبي ومجــ . ــنون ده طيب جدا وهادي ورزين جدا !
روح: هادي مين يا بابا ده كلامه كله بالمسدس ؟!
بدر: مسدس مين انت بتتكلمي عن مين
روح: النمر يا بابا
بدر: يونس؟!
روح: ايوه
بدر: ههههه بس يونس مش العريس
روح بفرحه: بجد
بدر: ايوه مبسوطه كده ليه
روح: ها وانا اتبسط ليه عادي بس مين العريس
بدر: كرم ..
روح:
كرم مين ؟!
بدر: كرم انت تعرفي كام واحد اسمه كرم
روح بصدمه: صاحب مصطفي ؟!
بدر: ايوه
روح: ابن ام كرم
بدر: وابن ابو كرم هههه
روح: ازاي ده ؟!
بدر: ايه اللي ازاي اجي هوا وابوه وطلبوا ايدها
روح: يمكن بس حرام ده كرم كيوت جدا وطيب وكريمه هاتطلع عينه
……………………
في ارض زراعيه
مصطفي : اديني جيت يا كرم علي ملي وشي عاوز ايه
كرم: فكر معايا يا مصطفي انا مابحبش كريمه انا اتدبست
مصطفي: عيل انت اياك عشان تتدبس
كرم:
اللي حوصل لازم تساعدني ارجوك انا هامــ,,ـــــوت
……………………
خالد: هستأذنك يا عمي اخد روح دقيقه
بدر: اتفضل …
خالد شد روح معاه ..
روح: ايه يا بني رايحين فين ؟!
خالد: مفاجأة
روح: مفاجأه ايه؟!
خالد: هتبقي مفاجأه لو قلتلك يعني …
طلعت روح وخالد بره البيت ..
خالد : يلا غمضي عنيكي …
روح: ما تخافش مش عارفه افتحهم من الشمس اساسا
خالد: طب غمضي يا لمضه
روح غمضت عنيها …
خالد: فتحي
روح :
صوت مين ده …بتفتح عنيها…يااااسمين …
حــ,,ـــــضنتها وفضلت تتنطط …
..مش ياسمين بس !
روح بصدمه : انت !..
روح بصدمه: انت !
يوسف: ايوه انا ياروح ايه ماوحشتكيش ؟!
روح مسكت ايد خالد وشدته بعيد …
روح: انت اتجننت يا خالد جايبلي يوسف لغايه هنا.
خالد: صدقيني ماكنتش اعرف انه جاي انا كلمت ياسمين بس عشان عارف انها اقرب واحده ليكي انما يوسف ماكنتش اعرف انه جاي !
مش يوسف بس ..
بيبصوا علي الصوت..
خالد: ميرا كملت …
بتدخل روح جوه البيت بعصبيه بتقابل يونس علي السلم بتتجاهله وبتكمل لأوضتها وبتدخل وبترزع الباب …
يونس باستغراب: مالها دي في ايه اللي معصبها كده ؟!
روح :
جاي ورايا هنا كمان يا يوسف جاي ليه مش كفايه اللي عملته هوا انا مكتوب عليا العذاب كده وجايب معاك الزفته ميرا …
…………………………
مصطفي: وه انت اتجننت يا واد انت بتقول ايه اشحال ماكنتش اكبر مني بكتير وـ,,ــــفاهم !
كرم: لازم نعمل اي حاجه توقف الجوازة دي ..دي هاتبقي جنازتي يا عم..
مصطفي بضحك: اقولك ارضي بالأمر الواقع خالتي كريمه مش عفشه هوا كل العيب فيها انها واعرة قوي ..
كرم: يا مصطفي ارجوك ساعدني وبلاه الحديت الماسخ ده
مصطفي: اعمل ايه يعني اقولك عدي النهاردة علي خير بس وربنا يسهل
………………………..
يونس طالع من باب البيت شافهم واقفين قرب منهم …
يونس: مين دول يا خالد ؟!
خالد بتوتر: ده دا ..ياسمين وميرا جوه دخلت الحمام..
يوسف ماعطلوش اي اهتمام وفضلت واقف ساند علي العربيه ولابس نضارته .
يونس: ومين الشبــ,,ـــــح ؟!
بيقلع يوسف النضارة وبيبصله من فوق لتحت…
يوسف: يوسف ….يوسف باشا الأنصاري
يونس بابتسامه: يوسف باشا النصراني بنفسه يا مراحب
يوسف: الأنصاري…
يونس بضحك:
ده احنا حصلنا الشرف هههههه اتفضل معايا يا باشا نعملوا معاك الواچب ياااه دا انتي كنتي داعيالي يامه عشان اقابله …خد البنات ودخلهم جوه يا خالد وانا هاودي يوسف بيه للجناح الخصوصي. .
خالد بابتسامه : حاضر …بس خف ايدك شويه
يوسف: يخف ايده علي ايه ؟!
خالد بضحك: علي الباب اصل الباب معلق ..
يوسف: اه ..طيب بسرعه عشان عاوز ارتاح
خالد: ده احنا هنريحوك ونبسطوك هههههه
يوسف: في حاجه يا خالد
يونس: لاه ولا حاجه يلا عشان ترتاح من السفر
يوسف:
اه يا ريت تجيبولي عصير فريش
يونس وهوا ماشي معاه: اجبلك فريش وفرافيش انا اجيب لأعز منيك ..
يوسف: شكلك بتفهم وبتقدر الناس
يونس: اومال هوا انت قليل ده انت تستحق كل التقدير اللي في الدنيا ..
………………………..
روح: يعني ايه اجي هوا وميرا غصب عنك اصرفها فين دي؟!
ياسمين: روح مـ,,ــاتبقيش ضعيفه ميرا بتحب تفرح فيكي وريهم انهم مش فارقين معاكي صدقيني دي فرصه حلوه ليكي انك تثبتي لنفسك قبلهم انك خلاص طلعتيهم من حياتك اتنين خاينين مايستحقوش انك حتي تفكري فيهم او تزعلي عليهم …
روح:
عارفه يا ياسمين اللي عملوا يوسف ماوجعنيش قد ما ميرا وجعتني الأنتيم والبيست اللي كنت بحكيلها كل حاجه عني اسراري بحب ايه طموحاتي بحب مين تتفق مع يوسف عليا عشان ايه عشان ايه كل السواد ده تديله كل المعلومـ,,ــات عني بحب ايه بكره ايه ايه اللي يشدني ليه والسبب ايه لكل ده ؟!
ياسمين: ده مرض يا بنتي عشان فقيره بتحقد عليكي
روح:
هيا فعلا فقيره بس مش فقيره فلوس عمر الغني ماكان بالفلوس ذنبي ايه ان انا غنيه ومش من الهوا ولا الحرام لأ دا تعب ابويا سنين لحد ما وصل للي هوا فيه الفقر فقر النفوس …
ياسمين: مـ,,ــاتفكريش فيها بكره تعرف انها خسرت كتير لما خسرت صاحبه زيك ..
روح: اللي بيخون بيتخان واكيد اللي عملته هايترد ليها وكما تدين تدان…
الباب اتفتح مره واحده….
ميرا: ايه يا روح يا حبيبتي هاتسيبيني قاعده لوحدي كتير
ياسمين: ايه ده في حاجه اسمها تخبطي علي الباب الأول
روح:
بس يا ياسمين ميرا ما تعرفش كده يمكن ماعندهمش باب …
ميرا بغضب: انتي بتقولي ايه انتي فاكره نفسك ايه؟!
يونس من وراها : روح بدر النمر…روح النمر ..
بتلف ميرا وبتبص عليه بتتبدل كل ملامح الغضب لإعجاب شديد …
ميرا بدلع: مش تعرفينا يا روح
بتحط ايدها علي كتفه …
روح اتعصبت بس حاولت تتمالك نفسها
بيزق ايدها ببرود
يونس: انا النمر …يونس شاكر النمر …
ميرا: واو يونس عاشت الأسامي يا نمر
روح بتفكير: زودتيها اوي ماحدش يقوله يا نمر غيري..
يونس: انتي اسمك ايه ؟!
روح: تعالي يا ميرا يا حبيبتي
شدت ميرا دخلتها الاوضه…
روح: شوف مصلحتك يا نمر …
يونس بابتسامه: طب مـ,,ــاتقعدوني معاكوا
ميرا: ياريت
روح: دي قعده بنات يا نمر وانت مالكش في الحديت الماسخ ده صح يلا …
قفلت الباب في وشه…
يونس بضحك:
بتغيري …وقعتي خلاص في حب النمر بس امتي تعترفي؟!
…………………………
في اوضه كريمه..
صفاء: يلا البسي
كريمه : يا مرك يا كريمه يا بختك الأسود يا كريمه
صفاء: عاتقعدي تولولي قومي البسي عشان العريس واهله علي وصول
كريمه: عريس …عريس الندامه ..عريس الشوم
صفاء: البسي الله يرضي عليكي انتي عايزه العمده يطخنا عيارين
كريمه: المــ,,ـــــوت اهون لي من اللي بيحصل لي
صفاء: طيب عديها علي خير النهارده وهانلاقيلها حل ان شاء الله ..
كريمه: فينك يا شيخ مخلوف تيجي تشوف اللي حوصل لي
صفاء:
اهو السبب في كل حاجه الشيخ مخلوف الزفت ده
كريمه: وه يا خيتي دا راجل بركه
صفاء: انا ايه اللي يضايقني يعني واللهـ تستاهلي اللي بيحصلك وزياده كمان..
كريمه: كده يا خيتي ماشي ..
صفاء: البسي بقا بدل ما ناديه يدفــ,,ـــــنك ويتاويكي واخلص منيكي ..
كريمه : حاضر..اه يا ميله بختك يا كريمه..
……………………….
في اوضه روح..
ميرا: هوا راح فين القمر ده
روح: انتي جيتي ليه يا ميرا
ميرا: اخص عليكي يا روح مش عايزه تشوفي صاحبتك
روح:
بقولك ايه هاتي من الأخر انتي جايه ليه اصل انتي بتاعت مصلحتك فا اكيد جايه لهدف ..
ميرا: انا بتاعت مصلحتي اخص عليكي يا روح.
ياسمين: هاتي من الاخر يا سوده
ميرا: مافيش اسود منك انتي
ياسمين: انتي قليله الادب ..
ميرا: اهو اما يبقي قليل احسن من ماميكونش خالص
طااااااخ ….
ميرا بصدمه: بتضــ,,ـــــربيني ..بتضــ,,ـــــربيني يا روح
روح:
انتي لازم تقفي عند حدك اوعي يكون سكوتي ليكي ده معناه اني ضعيفه انتي اكتر واحده عارفه مين هيا روح النمر قله ادب في بيتي مش عايزه عارفه انا ليه لحد النهارده ماعتبتكيش وقولتلك عملتي كده ليه عشان اناي مش في دماغي انتي صفر عالشمال مالهوش لازمه انتي ولا حاجه انت عارفه انتي بتحاولي تقربي مننا ليه عشان تحسي انك ليكي لازمه وقيمه بس للأسف الحاجات دي مش مكتسبه دي حاجات طبيعيه اطلعي بره وماعتش اشوف وشك تاني …
…………………………..
بيدخل يونس اوضه قديمه وبيفتح القفل اللي علي بابها وبيدخل وبيقفل الباب ..
يوسف بيقوم من علي الأرض …
يوسف: انت ازاي تجيبني هنا وتقفل عليا انت اتجننت …
بيقلع يونس الچاكت بتاعه وبيخليه بالقميص …
يوسف بتوتر: في ايه انت هاتعمل ايه ؟!
يونس: هههههه هاخليك نانسي هههههههههه…..يتبع
يوسف: انت هاتعمل ايه يا مجــ . ــنون …
يونس قلع حزامه وهوا بيضحك ..
يونس: انت عارف انا مستني اللحظه دي من امتي دي فرصه مش هاتتعوض
بينزل يونس فوقه ضــ,,ـــــرب ويوسف بيصرخ ..
…………………..
في اوضه روح..
ميرا: صدقيني ياسمين اللي عامله حبيبتك دي سبب كل اللي انتي فيه …
روح: اخرسي قطع لسانك ياسمين عمرها ما كانت مقرفه زيك ياسمين اختي بجد
ميرا:
انا قولتلك اللي عندي ومسير الأيام تعرفك مين صاحبك وحبيبك ومين عدوك بس عايزة اقولك كلمه واحدة بس وياريت تفهميها كويس دوري في دفاترك القديمه وانتي هتعرفي كل حاجه …..دوري في فاترك القديمه وانتي هاتعرفي كل حاجه..
ياسمين: بره بلاش قرف
بصتلها ميرا وخرجت …
روح رزعت الباب وراها قلبها مصدقها بس عقلها بيقولها مـ,,ــاتثقيش في حد …
روح بتفكير: ايه قصدها دوري في دفاترك القديمه وانتي هتعرفي كل حاجه..
ياسمين: ايه يا بنتي مالك في ايه ؟!
روح: ايه قصدها دوري في دفاترك القديمه هاتعرفي كل حاجه معقول تكون مظلومه وانا فهمتها غلط .
ياسمين: هيا بتقولك كده عشان تشتتك وهيا عارفه انك طيبه وقلبك ابيض الحربايه بتتلون علي كل لون يا روح
روح : بس عارفه لحد النهارده قلبي مش راضي يصدق عنها حاجه وحشه…
ياسمين: اوعي يا روح تسلميلها قلبك تاني هيا مـ,,ــاتستحقش تكون صحبتك صدقيني مـ,,ــاتخليهاش تستغفلك تاني ..
…………………………
يوسف مضروب وعينه وارمه وفي دم علي وشه …
يونس ماسك كاميرا وواقف بيصوره..
يونس: كده حلو اوي تحب انزلهالك يا يوسف علي النت وتبقي فضيحتك بجلاجل هههههه كده كما ولدتك امك…
يوسف: لأ ارجوك ارجوك بلاش انا هاعمل كل اللي انتي عاوزه
يونس:
طيب هاسيبك تمشي بس لو جيت جمب روح تاني او اتعرضتلها لو مشيت جمبها في شارع حتي بالصدفه هتلاقي بعدها بدقايق شاهد رجل الأعمال يوسف الأنصاري ….
يوسف: لأ ارجوك فكني وصدقني مش هاجي ناحيتها..
يونس قرب منه وبدأ يفكه …
يوسف زقه علي الأرض وشد الكاميرا وخد هدومه بسرعه وطلع يجري ….
يونس حط ايده تحت دماغه وفتح ايده وبص للكارت الميموري وضحك …
…………………..