لولولولولولولي…صوت زغاريط…
كرم وامه وابوه داخلين من باب البيت والمعازيم وراهم …
كرم كان متضايق جدا وزعلان وباين عليه …
شاكر : مبروك يا عريس
كرم بتفكير: مبرووك المفروض تعزيني تقولي انا لله وانا اليه راجعون شد حيلك …
ابو كرم زقه في كتفه…
كرم: الله يبارك فيك يا عمي عقبال يونس ومصطفي
شاكر: اتفضلوا …
دخل كرم وابوه والمعازيم وقعد علي الكرسي.
والزغاريط شغاله …
نزلت صفاء ومعاها كريمه اللي كانت لابسه فستان ازرق وعليه حجاب كان مخليها جميله…
كرم بتفكير وهوا بيبصلها:
حقيقي لبس البوصه تبقي عروسه …
كرم كان بيبص في كل اتجاه علي روح …
كرم بتفكير: انتي فين يا قمر تعالي هوني عليا كل اللي انا فيه ده…
ابوه وامه قاموا من جمبه وصفاء قعدت كريمه جمبه ..
كانوا الاتنين مبوزين والهم باين عليهم …
ام كرم بتدي لكرم الدهب …
ام كرم:
لبس عروستك يا كرم …
كرم مسك ايدها…
وكريمه بر.ه وحس انها عايزة ت.ه
كرم بصلها بعدم اهتمام وقعد يلبسها الدهب …
صفيه كانت بتوزع جاتوه وعصير علي الكل …
شاكر خد الرجاله معاه وراحوا المندرة …
صفاء: نسيب العرسان شويه…
صفاء خدت الستات ومشت…
كرم كان بياكل في الجاتوه …
كريمه: اسمع يا واد انت ان شفت حلمه ودنك انا مش هاتجوزك …
كرم مكمل اكل في الجاتوه ولا هامه كلامها…
شدت منه الطبق وحطته …
كريمه: مش انا بكلمك..
كرم:
المفروض اقوم اعملك تعظيم سلام يعني ولا ايه …
كريمه: انا مش عاوزة اتجوزك
كرم: شايفاني ممــ,,ـــــوت نفسي عليكي اياك انا مجبور انا ماكنتش جاي اطلب ايدك انتي انا كنت جاي لقمر
كريمه: قمر مين ؟!
كرم: روح ..مش انتي يا سلعوه انتي
كريمه: سلعوه في عينك يا قليل الأدب
بيمسك كرم دراعها وبيلويه ورا ضهرها
كرم: انا مش طايق نفسي ولا طايقك هاتحترمي نفسك وتعرفي انك بتتكلمي مع راجل وماله هاتقلي ادبك هاعرفك مين هوا كرم …
بيسيب دراعها بتمسكه بوجع…
كريمه: الظاهر انك مش عارف انا مين..
كرم بيجيب طبق الجاتوه وبيكمل اكل …
بتجيب كريمه الشوكه وبتغرزها في ايده …
كرم : ااااه…انتي اتجننتي
كريمه: قولتلك الظاهر انك مش عارف انا مين …
كرم : بس انا هاعرفك انا مين …
يونس واقف بيبص علي يوسف وهوا بيركب العربيه بسرعه وبيمشي وهوا ماكملش لبس هدومه حتي …
يونس : ههههه كنت عارف انك هاتعمل كده فكرت نفسك كده زكي يعني !
………………….
بيخش الرجاله والستات علي صوت ضــ,,ـــــرب ورزع وبتنزل روح وياسمين علي الصوت …
بيدخلوا عليهم بيلاقي كريمه شعرها واقف وكرم ماسكها منه وهيا ماسكه ايده وعماله تعض فيها وهوا عمال يضــ,,ـــــربها بالأطباق فوق دماغها عشان تسيب ايده
وهيا وكرم وشها مليان جاتوه …
شاكر: وه ايه اللي بيوحصل هنا ؟!
بتقف كريمه وبيسيب كرم شعرها وهيا بتسيب ايده بيبان اكتر ان وشهم مليان جاتوه وهدومهم كأنها لوحه …
روح : هههههههه يخربيتك يا كريمه …
بدر: روح !
روح وبتحاول تمسك الضحك: اسفه يا بابا
روح بتطلع تليفونها وبتصور فيهم وكرم بيضحك عشان الصورة تطلع حلوة وكريمه هاتطق من الغضب والغيظ
شاكر: ممكن افهم ايه ده ؟!
كريمه: اصل اصله …
كرم: اصل كريمه بن ..كنا بنهزروا
كريمه: ايوه والهزار تقل شويه
صفاء بتحاول تلم الموضوع:
طيش شباب بقا يا حاج اهههه
بيضحك المعازيم وبيبدأو يمشوا…
ياسمين بتقف جمب كرم …
ياسمين: يلا صوريني يا رورو
روح بتصورها …
وياسمين ماشيه بتتزحلق في الجاتوه اللي علي الأرض بيلحقها كرم بتقع في حــ,,ـــــضنه بتفضل ياسمين تبصله وكرم بيبصلها…
روح: احم ..احم …
ياسمين بتبعد عنه …
روح: يلا صوريني انا بقا ده مشهد لن يتكرر
روح بتروح تقف جمبه فجأة بتلاقي اللي بيحط ايده فوق كتفها…
بتبص عليه …النمر ؟!
ياسمين بتصور الصورة وروح بتبص ليونس صورة مش هاتتكرر
بيروح يونس ناحيه ياسمين …
يونس:
ممكن ؟!
ياسمين: نعم يا عسل ؟!
يونس بابتسامه: ممكن اشوف الصورة
ياسمين: اه اتفضل .
روح كانت بتبص عليهم وهيا متضايقه …
يونس بص علي الصورة بابتسامه طلع تليفونه وبعتها لنفسه …
روح: ايه ده ليه بتاخدها
يونس: عشان تبقي هنا وهنا بيشاور علي التليفون وقلبه…
كريمه وكرم كانوا متعصبين جدا …وروح كانت مبسوطه…
بيقرب يونس من كرم وكريمه…
يونس: مبروك لايقين علي بعض ربنا يتمملكم بخير
كريمه بحزن: الله يبارك فيك عقبالك
كرم بصله بعصبيه …
روح:
هانعملكم بقا احنا حفله بالليل علي الضيق تعالي يا كرم هتبقا شباب بس يعني انا وانت وكريمه وياسمين وخالد …
يونس بابتسامه: وانا ممكن اجي ؟!
ياسمين اتكلمت قبل ماروح ترد: انت قبل الكل يا باشا انت قبل الكل…
روح ضحكت بس هيا جواها متضايقه
…………………………
في الليل…وفي الجنينه الخلفيه
اضواء زي اضواء الحفله ومشغلين اغاني هاديه….
روح قاعده وكرم جمبها وياسمين وكريمه وخالد ومصطفي …
روح كانت عماله تبص علي يونس مش موجود …
مصطفي: طيب تيجوا نلعب حكم ولا الصراحه…
روح :
ماشي بس محدش يكذب…
بتلف روح الازازة بتيجي علي مكان فاضي يونس بيجي وبيقعد قدامه. …
روح: انا هسأل صراحه ..
يونس قعد : اسألي..
روح: تجاوب بصراحه ..
يونس: تمام ..
روح: حبيت يانمر
يونس بابتسامه: حبيت …عـ,,ــــشقت وقلبي داب دوبان
روح : اه مين ؟!
مصطفي: هوا سؤال واحد
بيلف مصطفي الازازة…
بيبص يونس لروح بابتسامه …
مصطفي: كرم …
كرم: ايوه
مصطفي: هاسألك نفس السؤال بتاع روح حبيت
كرم: ايوه حبيت …
يونس بضحك:
أكيد كريمه ربنا يهنيكم…
كرم بيبص ليونس بعصبيه …
بيكملوا لعب الإزازة …
ياسمين : يلا نرقص …
خالد: يلا ..قومي ياروح ..
بيبص خالد ليونس بضحك : دي روح عليها رقص .
يونس: اقعدي يا روح …
روح بصتله وقعدت …بصلها يونس وابتسم
وكأن ابتسامتك هيا الأمل وكأن ابتسامتك نور الطريق
روح بتفكير: ايه ده معقوله انا سمعت كلامه كده عادي هوا في ايه…
تليفونها بينور وبتيجي رساله …
بتشوفها وملامحها بتتبدل بتقوم من مكانها وتمشي وتخرج بره البيت…
يونس بيقوم وراها يشوفها وفجأة ..
روح بتلاقي عربيه واقفه قدام الباب بتركبها والعربيه بتمشي بسرعه…
بيسجل نمرتها علي تليفونه …
وبيطلع يجري يركب عربيته وبيحاول يلحقها بس بتروح منه …
بيوقف العربيه وبينزل منها بعصبيه وبيرفع شعره بغيده لفوق وهوا قلقان…
يونس بتفكير: ياتري ايه الرساله اللي اجت علي تليفونها معقول اللي ركبت معاه يوسف ما اكيد يوسف ماحدش غيره …
بيمسك تليفونه وبيرن علي حد في المرور
يونس: حبيبي هابعتلك رقم عربيه اعرفلي مكانها معلش هاتعبك بس مسأله حياه او مــ,,ـــــوت …
بيقفل يونس التليفون …
يونس بتفكير:
ده طلع بره سوهاج خالص ياتري بيفكر في ايه بس اكيد مش ناوي علي خير خالص …
بعد نص ساعه من قلق يونس وهوا رايح جاي وبيفكر فيها بيرن تليفون يونس وبيرد عليه ….
يونس: متأكد …طيب كتر خيرك …
بيركب يونس عربيته وبيسوق بأعلي سرعه …
يونس بعصبيه: حسابك تقل معايا قوي يا يوسف عارف ان مسيت شعره منها مش هيوحصلك خير ابدا ..
يونس بيشوف نفس العربيه واقفه قدام بيت من دورين قديم والدور الأول محلات …
بينزل يونس من عربيته وبيطلع علي تاني دور الصوت بيقرب منه …
..امضي..
روح:
فين ؟!
..هنا ..هنا امضي يا حبيبتي
روح : حبيبتك ؟!
..ايوه حبيبتي وروحي وقلبي ومن النهاردة هاتبقي ملكي
بيرزع يونس الباب بيلاقي يوسف واقف جمبها وهيا قاعده علي ترابيزة وقدامها ورقه وماسكه القلم
روح قامت وهيا بتتدروخ : هههههه ايه ده النمر هنا
يونس بيشوف الورقه بيلاقيها عقد جواز عرفي وروح مضت وناقص امضاء الزوج …
يونس بيهجم علي يوسف وبينزل فيه ضــ,,ـــــرب
يونس: عاوز تتجوزها عرفي يا ابن ***** مش قولتلك ابعد عنها
روح واقفه بتضحك: ههههههه واحدة يمين واحده شمال ..
يوسف وقع علي الأرض ويونس بيضــ,,ـــــرب في بطنه برجليه بكل عصبيه …
روح داخت وقعت علي الكرسي ..
طلع يونس يجري عليها وقومها …
يونس: انتي كويسه
روح بصتله وهيا مبتسمه: وحشتني يا نمر
يونس بصلها وضحك وشالها ..
بص تاني علي الورقه اللي الترابيزة وراح خدها وبص علي يوسف اللي اغمي عليه من كتر الضــ,,ـــــرب ..
نزل يونس وهينزلها ويحطها في العربيه
روح كلبشت فيه : لأ سبني يا نمر
قفل يونس باب العربيه وركب وهيا علي رجله
روح: انا عايزة اقولك علي حاجه
يونس:
ايه ياروح النمر
روح: انا ..انا بحبك
ابتسم يونس وكانت الفرحه مش سايعاه بس روح كملت ..
روح: بس خايفه !
يونس: خايفه من ايه ؟!
روح وهيا بتغمض عينيها: خايفه تعمل معايا زي ما هما عملوا …
يونس: عملوا ايه ؟! روح
بيبص علي روح بيلاقيها نامت علي صدره وهيا حــ,,ـــــضناه..
يونس بابتسامه: اعترفتي باللي في قلبك حتي لو مش في وعيك المسافات قصرت والحواجز اللي بين القلوب انشالت ..
بيوصل يونس البيت …
بينزل وبيدخل من الجنينه الخلفيه وكان الكل مشي بيطلع علي اوضتها وبينيمها فيها …
بيبصلها وبيحوش خصله الشعر اللي نازله علي وشها …
يونس بابتسامه: تصبحي علي خير يا روح النمر …
…………………….
في الصباح …
بتصحي روح من نومها ودماغها وجعاها ..
روح: اه يا دماغي ايه ده انا نمت بهدومي ازاي ونمت امتي انا مش فاكره حاجه ليه …
افتكرت روح اخر حاجه انها ركبت العربيه مع يوسف
روح : طب ايه اللي حصل بعد كده ؟!
قامت روح وهيا بتحاول تفتكر حاجه ودخلت اخدت شاور وطلعت من الحمام لبست فستان ابيض طويل لبعد الركبه كات وسابت شعرها
طلعت من اوضتها وهيا بتحاول تفتكر افتكرت يونس …
روح: ايوه انا شوفت يونس وهوا بيضــ,,ـــــرب يوسف انا هاروح اسأله ايه اللي حصل..
راحت روح علي اوضه يونس وخبطت علي الباب
يونس: ادخل ..
روح بابتسامه: صباح الخير يا نمر
يونس بحده : صباح النور اقعدي
روح بتوتر: هوا في ايه مالك بتكلمني كده ليه؟!
يونس: ايه اللي حصل امبارح؟!
روح: مش فاكره ..
يونس:
بعصبيه مش فاكره ازاي يعني انتي جتلك رساله علي التليفون وبعدين خرجتي من البيت وركبتي مع يوسف العربيه ..
روح: ايوه
يومس بعصبيه: ليه بقا ها ليه روحتيله وايه الرساله اللي بعتهالك..
روح افتكرت نص الرساله ” لو خايفه علي بطلك يونس اللي بتقوليله يا نمر ومش عايزاني امــ,,ـــــوته تطلعي بره حالا”
يونس بعصبيه: طلعتي ليه؟!
روح بدموع: عشان قالي لو مطلعتش هايمــ,,ـــــوتك
يونس: وانتي صدقتيه وحتي لو قال انه هايمــ,,ـــــوتني انت ايه اللي يزعلك
روح: يوسف مجــ . ــنون ممكن يعمل اي حاجه
يونس: ماردتيش ليه طلعتي
روح: واللهي زي ما بقول خوفت عليك منه عشان …
يونس: عشان ايه ؟!
روح: مافيش
يونس: وبعدين ايه اللي حصل !
روح : ركبت معاه قالي مـ,,ــاتخافيش مني انا مش ممكن ائذيكي وانه عايز يتكلم معايا لوحدنا قبل مايسافر …
يونس: وبعدين
روح: بعد كده مش فاكره اي حاجه حصلت ..
يونس: اقولك انا بقا ايه اللي حصل اكيد شربك حاجه
روح: ايوه عصير..
يونس: وبعدها بقا وداكي بيت قديم وكان بيمضيكي علي عقد جواز عرفي
روح بصدمه:
ايه يعني انا دلوقتي مراته
يونس بعصبيه: لأ مش مراته انا لحقته قبل ما يمضي …
روح بارتياح: شكرا يا يونس …
يونس بعصبيه: شكرا ..شكرا لو ماكنتش مشيت وراكي كان ايه اللي حصل كان السافل ده عمل ايه انتي تطلعيله ليه وحتي لو عشاني طلعتي ليه ..
روح كانت ساكته …
يونس: مـ,,ــاتثقيش في اي حد بسهوله كده…
روح: حاضر…انا ..انا رايحه اشوف بابا
يونس: ماقلتليش بتخافي عليا ليه
روح :
عشان ..عشان ابن عمي يانمر
يونس بيقرب منها بصتله روح وطلعت بسرعه علي بره
خرجت روح من عنده ودقات قلبها عاليه …
ابتسم النمر علي شكلها اه جريئه ومش بيهمها حد بس بيحبها وهيا مكسوفه ووشها احمر …
……………………