حسام وهيا لسه في حضنه جربي تشتغلي انت معاكي ماجستير ادارة اعمال ممكن اشوف لك شغل هنا
صافي بعد ما خرجت من حضنة ماشي انت اجازتك اد ايه
حسام يعني اسبوع
صافي وطبعا نصه عند اهلك اللي ساكنين تحتنا انا عايزة شقه لوحدي بعيد عنهم
حسام بقله صبر ليه بس خليكي جنبهم يبقوا جنبك لو حصل ليكي حاجة وانا مش موجود
صافي مليش دعوة عايزة اسكن لوحدي
حسام حاضر هشوف شقه وربنا يسهل اخبار البيبي ايه
صافي بلا مبالاة كويس
بعد كام شهر صافي ولدت ولد جميل شبه صافي بملامحها الاجنبية ابيض بلون
الخضرة بعيونه
حسام بفرحة حمد الله علي السلامه حبيبتي
صافي مش كنت سافرت ولدت في امريكا احسن مع مامي
فوزية الدكتور قال السفر مش كويس عليكي
اماني بضحكة هتسموا الجميل دا ايه اخير بقيت عمتو
مروان وانا بقيت عم اماني صوريني جنب البيبي انا صورتكم كلكم
اماني هات أمير ابني اخيرا هيلاقي حد يلعب معاه
صافي هسميه ادم
حسام ساب ايد صافي اللي ماسكها من لحظة ما خرجت من اوضه
العمليات وطلع برة الاوضه وفوزية طلعت وراه
فوزية وهيا بتخبط علي كتفه مالك يا حسام
حسام بعد ما باس ايدها
تمام يا ماما مفيش
فوزية انت فاكر اني مش حاسة بيك
حسام محاولا انه يكون هادي مفيش حاجة يا ماما انا كنت عايز اسمي الولد حمزة علي اسم بابا بس مش عايز ازعلها لانها دايما حاسة انها لوحدها واني
مقصر معاها علشان ظروف شغلي
فوزية بعد ما مسكت وشة من تحت ذقنه انت بتكابر وبتكدب علي نفسك انت مش مبسوط ولا عمرك هتكون مبسوط
حسام بضحك مصطنع لا طبعا انا مبسوط جدا قوي كمان
فوزية بزفير يا ابني بكرة لما ابنك يكبر هتعرفة من نظرة عينه وانت مش مبسوط مع صافي يا ابني شريك الحياة
مش مواصفات بتفصلها زي البدله او الفستان دا قبول وتوافق بين الطرفين وحب وانت دورت علي المواصفات ولما لقيتها اكتشفت ان الشخص مش مناسب لا فيه قبول ولا حب وبعدين بعد ضحكتك اللي مش من قلبك دي انا اتاكدت من كل حرف قلته
حسام بهروب من كلام والدته يله ندخل نشوف ادم
فوزية يارب يهدلك الحال يله
بعد شهرين من ولادة صافي حسام كان راجع من مهمة شغل ودخل علي صوت ادم بيعيط وصافي بتتكلم في الموبايل وبتقلب في اللاب توب وبكاء ادم مش شاغلها نهائي ولا محور اهتمامها حسام شال ادم بسرعة وطبطب عليه وقال بعصبيه
حسام صافي مش سامعة ادم
صافي ببرود مشغوله
حسام بعصبية اكتر من تجالها التليفون واللاب اهم من ابنك
صافي اووووووووووووف ادي التليفون واللاب ارتحت
حسام بنرفزة في ايه مالك دي عيشة تخنق وانا بجد اتخنقت وبعدين بتكلمي مين اللي شغلك عن ابنك
صافي بضحكة دا مايكل زميلي في الجامعة
حسام والله
صافي وعرض عليا عرض ميترفضش اني اشتغل في جامعة هارفارد وانا وافقت وبعت السي في بتاعي للجامعة وبتوصيه من بابا لانه يعرف السفير الاجنبي تمت الموافقه وبدات تنط في الارض وتقول والله منا مصدقة
حسام بنظرة ولكن مختلفة عن كل نظراته ليها
كانه بيقول لنفسة ازاي انا حبيت دي دا انتي قررت ولا كأني ليا دور
او رأي في الموضوع
صافي قربت منه بعد ما خدت ادم ونزلته علي السرير وطوقت رقبه حسام بايدها انا كمان هعرض عليك عرض
حسام بعد ما نزل ايدها من علي رقبته ايه نسافر سواء او تسافري وابقي اجيلك في الاجازات
صافي طوقت رقبته تاني بايدها لا حبيبي مش كدا خالص العرض احلي بكتير
حسام نزل ايدها من علي رقبته وكأنه مش مستحمل انها تلمسة انا سامع
صافي بهدوء نتطلق وهكتب لك تنازل عن ادم وكل دا يخلص بكرة لان عايزة اسافر
اخر الاسبوع
حسام بمنتهي الهدوء فتح درج المكتب وطلع ورقة وقلم وقال اكتبي التنازل عربي وانجليزي وامضي عليه وبكرة نخلص الاجراءات ودا احس رد يترد بيه علي واحدة زيك
حسام بعدها عايش بس كل حاجة فقدت لونها وجمالها بيرسم ضحكه علي وشه علشان يبان انه بخير وكويس ودا لعائلته فقط اما في شغله اتطور واتقدم فيه اكتر بس زمايله لقبوه في الخفاء بالاسد الصامت لانه مش بيتكلم كتير ولا بيضحك زي عاداته قبل الجواز ويكتفي بنظرته الحاړقة بالرد عليهم لو فكر احد مجرد تفكير انه يزعل الاسد الصامت ويا ويل من تجرأ وتحدث بما لا يروق له يطلق عليه
كلمات وكانها كالړصاص في معناها وتاثرها
حسام حط كل همه في شغله وانه يسعد امه وابنه واخواته ونسي نفسه ومشاعرة وبقي بارد كالتلج ومفيش اي حاجة تحركة او تاثر فيه دائما مكشر ونسي الكلام والكلمات الضحك والهزار حتي حركته مع اخوة لم يعد يقوم بها معه واغلق موضوع الجواز تاني باغلظ الاقفال وكل محاولات فوزيه واخواته في جوازة مرة تانية بتفشل فشلا مؤسفا
كفايا عليكم كدا
يا تري سوسن هتوافق علي لعبة فوزية علي حسب كلام حسام
يقصد ايه ميرو قصدي مروان خلي ابنك يديني فرصتي
ليه علاقة حسام ومروان مش زي الاول حسب كلام فوزية
ايه المواصفات دي كلها يا عم حسام انت فاكر نفسك مين يعني توم كوروز
عرض صافي كان صعب قوي يا عيني علي حظك يا حوس
يا تري ايه اللي هيحصل بعد كدا محدش يسالني انا معرفش
كل هذا وما خفي كان اعظم واكثر في قسمتي
ليلتكم بعطر السوسن
بقلمي اسماء سليمان
الفصل السابع
في فيلا زهرة
ولسه سوسن بتقلب في تليفونها علشان تكلم فوزية تقول ليها كل شيء قسمة ونصيب وقعت عيونها علي زهرة اللي عماله تزين في البيت وترتبه واللي يشوفها يقول عليها لا تعبانه ولا بتشتكي وعماله تضحك وتهزر مع الرايح
والجاي وكأن ربنا عطاها صحة من العدم
وكلمت محل الحلويات علشان الجاتو وكمان محل الدهب يجيب تشكليه من المجوهرات لسوسن تختار منها هديتها من زهرة وهديه دعاء اللي زعلانه انها مش هتكون موجودة في فرح اختها الكبيرة
بس بمنظر زهرة السعيد وصحتها اللي استردتها بدا عقلها يفكر تاني بسرعة وقال ايه يعني حسام اتم وتنك ومكشر انت لسه متعرفهوش كويس ويمكن حكمك دا غلط ومتنسيش كمان السبب التاني الاهم ان عيله جوزك منعين اي حد يفكر يتجوزك او يقرب منك وبالتالي عمرك ما هتتجوزي خالص وصداع زهرة مش هيخلص وتعبها هيزيد اكتر
وحسام ظابط وهيقدر يحميكي منهم كويس
وكدا تبقي ضړبت اكتر من عصفور بحجر واحد منها هتتجوزي وعليه هتطمن ماما وكمان حد يقف لعيله سامر دا غير ان احساسي بحسام انه من جوا غير من بره وغيرت رائها بسرعة وقفلت التليفون قبل ما يدي جرس وقالت يارب اعملي الخير
سوسن بدات تجهز وتلبس مع حزن كبير من المجهول اللي داخله عليه وكمان اختها وولادها مش معاها وحتي اصحابها سحر وعلي مش موجودين وزهرة مازلت مع الخدم بتزين في البيت ومحمد بيجهز الميزيكا وجمال وطارق اعمام سوسن في الطريق الي فيلا زهرة
وفي الميعاد في بيت زهرة اجتمعت العائلتين وتم كتب الكتاب سريعا وظهرت سوسن بفستان ابيض
طويل مش منفوش ونازل علي جسمها بوسع قليل مع حجاب ملفوف اسبانش موضح تفاصيل وجهها الرقيق مع مكياج بسيط وهادي
ومحمد شغل مزيكا هاديه وتبادل العائلتان الحديث وفي نفس الوقت حسام حتي محولش يتكلم او يقعد مع سوسن وكان واخد ادام علي رجله وبيهزر معاه وسوسن فسرت دا علي انه بيراعي مشاعر ابنه ودا عجبها قوي
فوزيه قدمت لسوسن الشبكة وقالت ليها يارب ذوقي يعجبك يا سوسن
سوسن بضحكة حلوة قوي شكرا يا طنط
فوزيه بحب لولا استعجال حسام كنت روحتي واختارتيها بنفسك بس ملحوقة ممكن لما حسام يسافر لشغله نروح نبدل اللي مش عجبك او نشتري
جديد
سوسن بأمتنان هيا عجبتني علشان انت اللي اختارتيها يا طنط
فوزيه ممكن تقولي يا ماما زي اماني وحسام
سوسن بضحكة حاضر يا ماما
فوزيه خدتها بالحضن وقالت في سرها يارب سامحني علي ذنبي معاكي وبعد انتهاء الحفلة ووعود كتيرة من فوزيه لزهرة انها هتاخد بالها من سوسن والسلامات علي الجميع والكلمة المعتادة من كل اب حط العروسة في عنيك قالها محمد لحسام اللي رد عليه بابتسامة مصطنعة مع هز الراس كناية عن
الموافقة
فوزية اخدت سوسن وركبتها عربية حسام ومحمد ركب معاها يوصلها الي العمارة التي يسكن بها عائله حسام العاصي ووصلها لحد شقة
حسام وقال وهو بيحضنها
محمد سونونو يارب تشوفي ايام حلوة وسعيده
سوسن يارب وعقبالك يا حبيبي
فوزية وهيا بتطبط علي كتف محمد متلقتش يا محمد سوسن زي أماني بنتي وفي عيوني ومتخافش عليها
محمد لحسام خد بالك منها لو سمحت
حسام ببرود ان شاء الله
مروان بقلق وهو بيبص علي فوزية يله نسيب العرسان مع بعض وعقبالي يارب بقه وقال في سرة يارب استر يا ستار لاجل النبي
بعد خروج الجميع اغلق حسام باب شقته وصعد السلم منه الي الدور التاني لشقته دون كلام
سوسن قالت في سرها هو سبني وراح فين اكيد
بيحضر ليا مفاجاة وجلست علي أقرب كرسي تنتظر نزوله
وبعد فترة طويلة من الوقت قالت هو اتاخر كدا ليه وعلشان تصبر نفسها قالت هو هينزل كمان شويه ويشلني —
ويلف بيا الشقة بحالها ونعمل زي الافلام ويطلع بيا الدور التاني
سوسن ضحكت وقالت ويا سلام بقه لو يشغل اغنية هاديه ونرقص اسلو زي فاتن حمامة وعمر الشريف في فيلم نهر الحب انا تقريبا كدا هوصل لحد صدره الحمد لله اني لبسه كعب عالي بس يارب ما اقع من الكعب وماله الكوتشي وحش يعني
سوسن فضلت في خيالها لحد ما غلبها النوم علي الكرسي وبعدها بساعتين حسام نزل علشان ياكل لقاها نايمة نظر ليها نظرة عابرة ولا اهتم بيها ودخل المطبخ اخد تفاحة وخرج علي الدور التاني مرة اخري علشان ينام
وبعد كام ساعة تقريبا بعد الفجر رقبة
سوسن وجعتها وقامت من النوم بتضعط عليهم وبتقول اه اه رقبتي وقالت
ايه دا انا نمت في مكاني وهو كل دا فوق بيعمل ايه طيب هو نزل وشافي نايمه ولا منزلش اصلا ايه الحيرة دي يا ربي
وعلي الجانب الاخر فوزيه كل دقيقه تخرج من شقتها وتطلع تقف علي السلم اللي يوصل لشقة حسام شويه وبعدين تطلع الي شقة حسام وتحط ودانها علي الباب تحاول تسمع اي كلام بيتقال او اي
صوت او حركة وعماله تحمد
ربنا انها مش سامعة خناقة وان الامور مستقرة لحد دلوقتي وتنزل تاني لشقتها
سوسن قررت تتفرج علي الشقة وتتعرف عليها
لحد ما يظهر صاحبها شقة حسام كالاتي بعد مدخل وباب الشقة ب 2 متر يوجد 2 انتريه كبار وبجوارهم 2 صالون علي احدث واجمل طراز في واجهة باب الشقة الرئيسي جهة اليمين
ومن جهة اليسار يوجد ترابيزة السفره ونيش كبير ممتلئ بالفضيات والتحف وبوفيه كبير وبمرايه اكبر ويليها مطبخ علي النظام الامريكي ثم يوجد طرقة تودي الي اكثر من حمام وغرفة كبيرة للغسيل وكام غرفة فارغة
في منتصف الشقة يوجد سلم يودي الي الدور التاني وفي نهايه السلم يوجد طرقة الي اليمين واخري الي الشمال
اتجهت الي اليمين وفتحت باب الغرفة شافت لعب وهدايا وسرير اطفال وقالت دي
غرفة ادم ثم اتجهت ناحية اليسار وكان قلبلها بيدق لان اكيد حسام في الاوضه دي فتحت باب الغرفة ودخلت واستغربت ان حسام مش موجود هنا كمان
اما عن مواصفات الغرفة فيوجد بها سرير مدور في منتصف الغرفة ويوجد بها 8 ابواب قالت في سرها ايه الغرفة اللي عامله زي العنكبوت دي راس وطلع منه 8 اذراع
فتحت الباب الاول لقيت غرفة كبيرة واسعة فيها جميع الاجهزة الرياضيه فتحت الباب التاني لقت الغرفة فيها ميدليات ذهبيه وكاسات مرتبه ومعلقة علي الحائط في نظام بديع اما الغرفة التالته فتحتها لقت فيها حمام يوحد به حوض وش وقاعدة افرنجي فقط رغم مساحته
الواسعة جدا الا انه متدني في مستواه عن باقي غرف الغرفة العنكبوت والشقة بكاملها
اما الباب الرابع لقت فيه بدل ولبس معلق في دواليب مفتوحة ومنظمه اما الباب الخامس لسه هتفتحة سمعت صوت من الخلف بيقول مش مسموح ليك تدخلي هنا
سوسن اتفاجات من وجود حسام ازاي دخل وهيا محستش بيه كان فين وطلع منين وهيا في نفس الاوضه دا حتي الاوض اللي فتحتها شافتها من علي الباب فقط
حسام كان واقف ولابس تيشرت علي بنتكور لحد الركبه وحاط ايده في جيبه وملامحة لا تظهر اي شيء من ڠضب او سعادة او حزن او فرح
سوسن قالت
في سرها معقول يكون من الناس الخجوله وقررت تحاول تدوب الجليد اللي بينهم فقربت منه وقالت بدلع لطيف وهيا بتلمس كتفه لو انا مش مسموح ليا يبقي مين المسموح ليه
حسام وهو بيمسك ايدها بقرف الحركة دي لو اتعملت تاني هك.سر ايدك المرة الجاية
سوسن في سرها ايه الهزار البايخ دا وقربت اكتر وقالت بدلع حركة ايه انا لسه عملت حاجة
حسام دفعها من كتفها وقعت علي الارض وقالت اه وصړخت بعصبية انت مچنون
حسام دخل ايده في جيبه تاني وقال احترمي نفسك
سوسن بنرفزة انا مراتك علي فكرة ومن حقي المسک زي منا عايزة
حسام ببرود بعد ما قعد علي السرير علي الورق بس متنسيش
سوسن مش مستوعبة ايه الكلام دا انت مچنون ولا ايه
حسام ببرود اكتر شروط الجواز ولا ھتمو.تي وتلمسي راجل
سوسن بعصبية وهيا لسه علي الارض احترم نفسك وبعدين تقصد ايه بشروط الجواز انا مش فاهمة حاجة
حسام اللي ماما قالت ليكي عليها قبل الزواج
في شقة فوزية
فوزيه لسه مستمرة كل شويه تفتح الباب وتطلع لشقة حسام تحاول تسمع اي صوت ولما ما تسمعش اي صوت تنزل شقتها تصلي وتدعي ربنا ان يوفق بينهم ويزرع حبها في قلبه لما يتجمعوا سوا ولما تلاقي الامور
هاديه تحمد ربنا اكتر واكتر وكل ما الوقت يعدي تتطمن ان الامور هاديه ومفيش مشاكل اما مروان فضل صاحي معاها لحد ما غلبه النوم علي الكنبة واماني اهتمت بادم وولادها وخدتهم شقتها التي تبعد شارعيين عن عمارة العاصي
ومازالت فوزيه طالعة ونازله بين الشقتين حتي انها نسيت انها تعبانه وعظمها كله بيوجعها ولكن هذه هي الام التي تنسي كل الامها من اجل اولادها ويذداد اطمئنانها لما الوقت بيعدي دون مشاكل ولكنها لا تدري انه السكون الذي يسبق العاصفة
في الغرفة العنكبوت
سوسن پصدمة مامتك قالت انك عصبي وطلبت اني استحمل عصبيتك وان حنيه الدنيا فيك واني استحمل لحد
ما نتعود ونقرب من بعض علشان كدا قلت اقرب المسافات وادوب الجليد اللي بينا
حسام ببرود ابرد من جبال الالب اليابانية بس
سوسن ڠصب عنها دموعها نزلت ومازلت واقعة علي الارض ايوه
حسام وهو بيمد شفايفة لادام انت بتكذبي انت لقتيني حليوه وبقالك كام سنة مطلقة ووحشك الرجاله قلت بالمرة
سوسن قامت من علي الارض ومسحت دموعها وهيا في قمة الڠضب انت قليل الادب ومش متربي
حسام بعد ما قام من علي السرير متستفزنيش امد ايدي عليكي
سوسن بعصبية انت اتجوزتني ليه
حسام بعد ما قرب من المرايه يسرح شعره ماما قالت لك غرضي
من جوازك
سوسن بعصبية من بروده وتجاهله والله مامتك ما قالت علي اي حاجة وبعدين مش انت اللي بعت الفستان والماكيرة علشاني
حسام انا مبعتش اي حاجة ليكي انا بعت فستان لاماني اختي كان بقالي كتير مجبتش ليها
هدية
وقلت فرصة
سوسن
حسام مسك تليفونه واتصل علي والدته تطلع عنده فوزية في اللحظة دي كانت علي السلم نزلت شقتها بسرعة وصحت مروان علشان يكون جنبها لانها مش متوقعة رد فعل حسام هيكون ازاي وقالت استر يارب
فوزية دخلت شقة حسام ووراها مروان لقت حسام في الصالون وكالعادة حاطط ايده في جيبه وسوسن نزله علي
السلم بالفستان وپتبكي
حسام ببرود انت قولتي للبتاعه دي علي شروط الجواز
فوزية بصت علي الارض ومتكلمتش
حسام انت قلت ليها اني موافق اتجوزها علشان ادم ابني محتاج ام وهيا وافقت علشان اهلها عايزين يطمنوا عليها وعايزنها تتزوج تاني وانها اتعقدت من الرجالة بس مش باين انها اتعقدت ونظر ليها نظرة فيها ازدراء واحتقار
سوسن بتبص علي فوزية وكلها امل تكون في حلم وحد هيصحيها دلوقتي منه او تكدب كل كلامه وتضربه بالقلم علي وشه
فوزية بخجل وعيونها في الارض لا مبلغتهاش
حسام پصدمه بس لم يظهر تاثيرها علي ملامحة الخارجية وقال ليه
سوسن
نزلت من علي السلم بتجري وقالت ليها انت بتتكلمي بجد يعني الكلام اللي بيقوله صح جوازة مشروطه ليه مقلتيش ليا
فوزية بدموع انا حبيتك يا سوسن واعتبرتك زي بنتي وقلت ان ربنا هيهدي بينكم وقلوبكم هتولف علي بعض ولو كنت قلت لك علي شرط حسام كنت هترفضي
فوزيه بتكمل وبعت لك الفستان والماكيرة وكتبت لك علي الكارب وقلت انك اكيد هتفتكري انه حسام عمل كدا ويمكن الفكرة اللتي انت كونتيها عنه تتغير لما تشوفي الفستان وكدا وتقولي انه مهتم بيكي
سوسن فقدت كل اعصابها طبعا هرفض انت ازاي تعملي حاجة زي كدا انت فاكرة نفسك ايه ومين اداكي
الحق انك تتصرفي كدا مفكرتيش ان اول ما يتافل علينا باب واحد هعرف وبعدين انت پتبكي دي دموع التماسيح بلاش تمثيل
فوزية صعبت عليها سوسن وقالت طيب اهدي يا بنتي والله هعوضك
سوسن بصوت مخلوط مع البكاء انا مش بنتك انت مترضيش ان بنتك يتعمل فيها اللي اتعمل فيا انت بني ادمه معندهاش قلب ولا ضمير
فوزية حقك يا بنتي قولي
كل اللي انت عايزاه
سوسن انت عمر ربنا ما هيبارك فيكي ليه ظلمتني انا عملت فيكي ايه يا مفتريه ربنا ينتقم منك
وفي اللحظة دي حسام كان واقف بيتفرج عليها ولم تتحرك به ذره
بس اول ما بدات تدعي علي امه قرب منها علشان يحذرها او يضربها ظهر مروان اللي كان قلبه بيتقطع طول الوقت عليها بس ما اتكلمش ووقف في النصف بينهم وقال اهدي يا حسام مش كدا