انتقام اثم القسم ال5 زينب مصطفي

=خلصتي..
ملك بجديه
=اه خلصت ..تحب تراجع الي عملته ..
اشار لها قاسم بعمليه
=هاتيه ..

وقفت ملك وهي تشعر ببوادر صداع قوي ودوخه خفيفه تتملكها فالساعه تعدت الرابعه عصرآ وهي لم تأكل اي شئ من الامس
تناول منها قاسم عملها وراجعه بدقه ثم قال برضى
=كويس اوي واديه لجدي علشان يراجعه قبل الضيوف ما توصل
عقدت ملك حاجبيها وهي تقول بتساؤل
=ضيوف مين الي جايين
ارتفع فجأه صوت الجد الانصاري وهو يقول بمرح
=دول العملا الي هنمضي معاهم عقود التوريد..قاسم عازمهم النهارده على العشا
نظرت ملك لقاسم بغضب والذي تجاهلها وهو يرن الجرس عند الخدم لتأتي احدهم مسرعه
قاسم بهدوء وهو يقول لهايدي برقه
=اتفضلي انتي روحي

معاها هتوريلك اوضتك ارتاحي شويه واجهزي لمقابلة الضيوف ..
إبتسمت هايدي وهي تقول برقه
=حاضر يا قاسم بيه
ثم خرجت برفقة الخادمه وصعدت الى غرفتها
الجد باستنكار
=انت مقولتش لملك ان في ضيوف مهمين معزومين على العشا النهارده علشان تستعد
قاسم وهو ينظر لملك التي تغلي من الغضب ببرود
=محبتش اتعبها معانا ..الاكل هيجي جاهز من بره وهايدي هتستقبل الضيوف
الجد بغضب
=ايه الي انت بتقوله ده يا قاسم..ملك ست البيت والمفروض هي الي تستقبل الضيوف وترحب بيهم
قاسم وهو يتأمل وجهها ببرود
=مش هينفع يا جدي ملك معندهاش اي خبره في الامور الي زي دي وهايدي قامت بعمل اكتر

من حفلة استقبال قبل كده..ممكن ملك تحضر و تتعلم وتاخد خبره منها
الجد وهو يهم بمغادرة الغرفه
=بلاش كلام فارغ ملك مراتك وتتعلم براحتها وحتى لو غلطت مش مهم دي مرات قاسم الانصاري والي مش عاجبه احنا مستغنيين عن الشغل معاه..

ليتابع بأمر
=انا طالع اوضتي ارتاح شويه وانتي يا ملك اطلعي اجهزي علشان تستقبلي ضيوف جوزك
ثم غادر الى غرفته دون ان ينتظر اجابتها
وقفت ملك وهي تقول بعدم تصديق
=بقى انت جايبها علشان تستقبل ضيوفك
قاسم ببرود
=ايوه وايه الغريب في كده
ملك بغضب
=وأنا ايه منفعش اني استقبل ضيوفك
قاسم ببرود
=تستقبليهم بصفتك ايه
ملك وهي تكاد تصرخ من بروده
=بصفتي مراتك طبعا ..
لتتابع بخوف
=قاسم انت طلقتني..
قاسم بغضب
=لا طبعا انتي لسه مراتي..ومستحيل اطلقك..

ليستدرك سريعا
=اقصد مستحيل اطلقك الا لما اطمن ان مفيش خطر عليكي او على عمر
ملك بغضب
=ولما انا لسه مراتك والمفروض اننا بنمثل قدام جدك اننا زوجين عاديين جايب واحده تانيه تستقبل ضيوفك ليه
قاسم ببرود
=اولا هايدي بتشتغل عندي وعندها خبره في الحاجات دي
ثانيا محبتش اتقل عليكي واجبرك تقعدي طول الليل مع واحد مش طيقاه لاني بالتأكيد هضطر أتعامل كويس قدام الضيوف
ترقرقت الدموع في عين ملك مماجعل قلب قاسم يلين بالرغم عنه وهي تقول بانكسا”ر
=خلاص زي ماتحب
ثم توجهت لباب الغرفه محاوله مغادرتها ليستوقفها صوت قاسم

=ملك ..
استدارت ملك اليه وهي على وشك البكاء
= لو عاوزه تحضري العشا انا معنديش مانع ..وكمان علشان جدي ميشكش ان في مشاكل مابينا
ملك بكبرياء
=لا خلاص شكرا..انا اصلا مكنتش عاوزه احضر بس استغربت انك جايب واحده غريبه تستقبل ضيوفك في بيتي..اقصد بيتك
ثم تركته وصعدت الى غرفتها اغلقتها عليها بالمفتاح ثم انهارت على احد المقاعد في نوبة من البكاء التي تغزيها غيرتها الشديده جعلتها تستسلم للنوم وهي متعبه
بعد مرور اكثر من ساعتين…

استيقظت ملك على صوت طرقات عاليه على باب غرفتها
فتوجهت للباب و فتحته لتجد قاسم يقول بغضب وتوتر
=كل ده نوم ..مش سامعه كل الخبط ده
ملك ببرود
=عاوز ايه..

قاسم بغضب
=عاوز ألبس ..الضيوف على وصول وانتي قافله الباب عليكي
ملك ببرود
=معلش ..مخدتش بالي اتفضل إلبس براحتك
عقد قاسم حاجبه وهو يرفع وجهها اليه يتأملها بتوتر
=ملك عنيكي حمرا كده ليه انتي كنتي بتعيطي
ابتعدت ملك عنه وهي تقول بغضب
=وأنا هعيط ليه ..انا كنت نايمه وعشان كده عنيه حمرا
تأملها قاسم قليلا ثم ابتسم بحنان وقلبه يتألم من أجلها
=طيب ايه رأيك تلبسي وتنزلي معايا حفلة العشا
ملك ببرود
=متأسفه عندي حفله تانيه ويدوبك هستعد لها عن إذنك
امتدت يد قاسم تمنعها من التحرك وهو يقول

بصرامه اخافتها
=حفلة ايه الي انتي هتروحيها
ملك ببرود
=حفله صغيره هعملها على قدي انا وعمر وخالتي ام رجاء ومتخافش محدش هيشوفنا ولا يحس بينا ..اصلي هعملها في مبنى البيسين المقفول
لتتابع وهي تخرج شورت قصير اسود وبلوزه ضيقه حمراء اللون
تحب تدخل الحمام الاول والاا ادخل انا
قاسم وهو ينظر لها بدهشه
=اتفضلي ادخلي انتي
هزت ملك رأسها موافقه ثم خلعت ملابسها وهي تقول بغيظ
=ماشي يابتاع باربي ان مجننتك مبقاش انا ملك
ثم قامت بأخذ حمام سريع وارتدت الشورت والبلوزه اللتان تظهران جمالها وانوثتها واكتفت بوضع احمر شفاه ناعم

وتركت شعرها منساب خلفها بنعومه وتوجهت للخارج لتجد قاسم يقف بغضب
وهو ينظر اليها بزهول
=ايه الي انتي لابساه ده انتي اتجننتي عاوزه تخرجي كده
ملك باستفزاز
=ايه مالي ..ماشبهش لباربي بتاعتك
قاسم بغضب
=ملك متستفزنيش وروحي غيري الزفت الي انتي لابساه ده احسنلك
ملك باستفزاز
=انا حره ألبس الي انا عوزاه ..براحتي وانت مش من حقك تقولي البس ايه او ملبسش ايه
قاسم بتوعد وهو يقترب منها
=بقى كده
تحركت ملك للخلف بخوف وقد بدأت للتراجع للخلف وهي تشعر انها قد استفزته كثيرا
=انا…انا لابسه كده علشان..علشان هنزل

الميه.. و محدش هيشوفني المكان هيكون مقفول علينا..
لتتابع بخوف ويده تلتف حول خصرها بغضب
=انا مش فاهمه انت متدايق ليه دا..دا شورت مش مايوه
قاسم بغضب
=بقى انتي حره مش كده..
وأكمل بغضب وتملك مجنون
=اظاهر انا دلعتك لحد ما صدقتي ان ممكن اسمح لاي حد يشوفك بالشكل ده
ضمته بشدة ليحاول قاسم فجأه الابتعاد وهو يتذكر كلماتها المهينه اليه الى ان ملك تنبهت وهي تزيد من احتضانه بلهفه شديده و دموعها تسيل بغزاره خوفا
من ابتعاده عنها
=أنا اسفه يا قاسم ..اسفه ..انا عارفه اني غلط بس غصب عني .

.انا مقدرش اعيش من غيرك ..امو”ت لو بعدتني عنك
نظر قاسم لها بعشق وهو يدفن وجهه في عنقها وهو يقول بندم شديد
=انا الي أسف يا حبيبتي .. أسف وندمان على كل لحظه أذيتك فيها بغبائي و عارف اني مستحقكيش
بس انا مقدرش اعيش من غيرك يا حبيبتي انتي عشقي و دنيتي يا ملك مش عاوز حاجه من الدنيا غير انك تسامحيني وتفضلي معايا
سامحيني يا حبيبتي ..

واعرفي انك اغلى عندي من نفسي ومن شغلي وعيلتي انتي اغلى عندي من دنيتي كلها ياملك
مررت ملك يدها في شعر قاسم الزي يدفن رأسه في داخل عنقها وهي تقول بحنان
=قاسم قوم يا حبيبي يا دوبك تلبس الضيوف على وصول
اصدر قاسم صوت رافض وهو يزيد من احتضانها وضمها اليه بعشق شديد
ويقول بجديه
=انا بفكر اتصل بيهم واعتذرلهم ..

ضحكت ملك وهي تمرر يدها بحنان في شعره
=قوم يا حبيبي وبلاش جنان انت عاوز الناس يقولو علينا ايه
رفع قاسم وجهه اليها وهو يتأمل ملامحها بعشق
=يقولو الي يقولوه..المهم انا مش هبعد عنك النهارده
ملك وهي تحثه على النهوض
=قوم يا حبيبي وبلاش جنان جدك والضيوف هيقولو عننا ايه
مرر قاسم يده في شعرها وهو يقول بعشق
=هيقولوا واحد بيحب مراته وبيمو-ت فيها ومش قادر يبعد عنها
ثم ابتسم فجأه وهو يقول بحنان
=وألاا أقولك ..تعالي معايا تحت نستقبل الضيوف مع بعض
ملك بغيره
=لا مش جايه معاك كفايه

عليك قوي باربي خليها تستقبل ضيوفك معاك
قاسم بحنان
=ملك…
هزت ملك رأسها برفض وهي تقول بعناد
=برضه لا..
لتتفاجأ بقاسم يحملها بين ذراعيه ويتجه بها الى الحمام الملحق بالغرفه
صرخت ملك بخجل مجنون
=قاسم انت بتعمل ايه..
قاسم بابتسامه متوعده
=أبدا هحاول اقنعك يا عشق قاسم ودنيته ..ولا تقنعيني لأقنعك
في نفس التوقيت ..

همست هايدي بتوتر في الهاتف وهي تقول بخوف
=انا صورتلك كل الي قدرت عليه في الفيلا وصورت اماكن الكاميرات واماكن الحرس وبعتهملك واتس
لتتابع بقلق
=بس انا مقدرتش اصور كل حاجه الحرس منتشرين في كل حته وخفت ليشكو فيا
ارتفع صوت رأفت وهو يقول بغضب
=صوري كل الي تقدري عليه
علشان لو فضل قافل عليهم كده هضطر ادخل الفيلا اجيبهم بنفسي
ومتنسيش الي قولتلك عليه
حاولي تشككيها فيه وتفهميها ان فيه علاقه بينكم
هايدي بقلق
=وهي معقول هتصدق كده بالساهل
رأفت بكراهيه
=لا هتصدق..ملك الي حصلها خلاها شخصيه ضعيفه

ومهزوزه واقل حاجه بتأثر فيها وانا كل الي عاوزه منك انك تخليها تشك فيه لحد ماتخالف اوامره وتخليها تخرج بره الفيلا ويا سلام لو ابنها معاها يبقى دي الض-ربه القاضيه لقاسم
تنهدت هايدي وهي تقول بقلق
=انا هعمل كل الي قولتلي عليه بس انت كمان توفي بوعدك وتسلمني الافلام الي صورهالي سامح قبل مايمو”ت
رأفت بخبث
= طبعا يا ديدي..سلم واستلم
انتي تسلميني ملك وانا اسلمك افلامك وتبقى نهايه سعيده للكل
ثم تعالت ضحكاته الشيطانيه وهو يمني نفسه بنجاح مخططه….
بقلم زينب مصطفى

الفصل الثانى و العشرين
في المساء و بعد مرور إسبوع…

جلست ملك على مقعد مريح في غرفة نومها بعد ان إرتدت ثوب أنيق وردي اللون وقامت بوضع مكياج هادئ ومتقن على وجهها استعدادآ لوصول قاسم من العمل وتناول طعام العشاء معه ومع عائلتها الصغيره
وإ نتهت من إرتداء سلسال انيق وهي تبتسم بسعاده و تتزكر عشقه وحنانه الجارف الزي اغدقه عليها وعلى وطفلها في الاسبوع المنصرم فلم يترك دقيقه تمر عليها دون ان يحاول ان يجعلها سعيده وكأنه يكفر عن كل خطاياه السابقه تجاهها
لتنظر لأظافر يديها باعجاب بعد ان انتهت من تلوينها
وهي تقول بمرح
إستاذه يا ملوكه اللون يجنن عليكي
ثم مدت قدمها وبدأت

في تلوين أظافر قدمها بدقه و حزر وكأنها تقوم بمهمه شديدة الخطوره
لتشهق بصدمه بعد ان سمعت صوت قاسم الزي دخل الغرفه بهدوء ووقف يتأملها بإبتسامه عاشقه لعدة دقائق دون ان تنتبه قبل ان يقول بمرح
إيه الدقه دي كلها مكنتش أعرف إن الموضوع محتاج وقت ودقه بالشكل ده
ملك بدهشه
قاسم..

ثم وقفت سريعا واندفعت مهروله تجاهه لتتلقاها ذراعيه ويحتضنها بحنان
ويده تلتف حولها تضمها اليه بلهفه وحب
وهو يهمس بحب
عيون قاسم..وحشتيني ياملاكي
بعد ساعتين
إبتسم قاسم بحنان وهو يمرر يده في خصلات شعرها المنتشره بعشوائيه جذابه حولها، وقال
يلا ننزل لجدي والست ام رجاء..وباربي أقصد هايدي..اصلها جت معايا
فتحت ملك عينيها على اتساعهم وهي تنتفض جالسه ..

لتقول بغضب
باربي…باربي هنا ..و دي ايه الي رجعها هنا تاني مش كانت مشيت
ابتسم قاسم بحنان وهو يشاهد غيرتها وحاول جزبها اليه الا انها ابتعدت عنه بغضب ليحاول مراضتها وهو يقول بمحايله
وبعدين يا ملك ..دا شغلها يا حبيبتي وبتعمله وهي جايه علشان تراجع شوية شغل مع جدي وهتمشي بكره الصبح علطول
ملك بغضب
البت دي انا مش بحبها…طول الوقت بتحاول تتلزق فيك بطريقه مش محترمه..

لتتابع بجديه
انا مش عوزاها هنا ياقاسم بعيد عن الي بتعمله معاك وقلة زوقها انا قلبي بينقبض وبخاف لما بشوفها مش عارفه ليه
قاسم بهدوء
ملك مفيش حاجه تقدر تخوفك طول ما أنا عايش ومفيش حاجه تستاهل كل توترك وزعلك ده..

دي مجرد سكرتيره بتعمل شغلها الي بتاخد عليه أجر
ثم رفعها بين يديه يجلسها فوق ساقه وهو يحتضنها بحنان
وعشان ترتاحي كلها شهر واحد بس اخلص الصفقه الي في ايدي و مش بس معدتش هدخلها هنا لا دا انا كمان هنقلها قسم تاني خالص وهجيب مكانها راجل تقف على شنباته صقر..انا اهم حاجه عندي تكوني مرتاحه يا حبيبتي
ملك بغيره غاضبه
وليه تستنى شهر ليه ما تنقلهاش دلوقتي
مرر قاسم يده على جبينها بحنان يفك تكشيرتها
عشان هي شغاله معايا على صفقه مهمه جدا وهي الوحيده الي عرفه خفاياها ومينفعش ابعدها و ادخل حد غيرها

فجأه كده لازم على الاقل تخلص الصفقه دي وتسلم شغلها لحد تاني وده هياخد مش اقل من شهر
ملك باعتراض
بس…

قاسم بصرامه حانيه مقاطعا
مفيش بس..خلاص بقى يا ملك قلتلك كلها شهر و هنقلها خالص ومش هتشوفيها تاني يبقى ايه الي لسه مزعلك
ابتسمت ملك برقه وإحتضنته وهي تقول بحب محاوله تجاهل غيرتها
خلاص يا حبيبي انا مش زعلانه
لتتابع بحب
ربنا يخليك ليا يا حبيبي وميحرمنيش منك ابدا
قبلها قاسم من وجنتها وهو يقول بحنان ويبتسم بمكر
ايوه كده سيبينا من باربي دي خالص وخلينا في موضوعنا ..تحبي نقوم نلبس و نجهز للعشا والا تحبي نطلب العشا هنا
ملك بمرح
ايه …لا طبعا انت عاوزهم يقولو علينا ايه ..كفايه اوي اننا

اتأخرنا عليهم
قاسم بحنان
طيب يلا وانا هساعدك عشان تخلصي بسرعه
جرت ملك فجأه بعيدا عنه باتجاه الحمام وهي تقول بمرح
تساعدني ..لا شكرا..دا انا كده مش هخلص خالص..انا هاخد دوش و….اه
لتتفاجأ بقاسم يحتضنها من الخلف ويرفعها بين ذراعيه وهو يتجه بها للحمام وهو يقول بصرامه مصطنعه
لما قاسم بيه الانصاري يقول لملك هانم مراته انه هيساعدها علشان تخلص بسرعه
ملك هانم مراته ترد عليه وتقول….
ملك بابتسامه رقيقه
تقول حاضر…
قاسم وهو يتأمل رقتها بعشق
يخربيت جمالك هتجنيني ..
بعد قليل ..

نزلت ملك برفقة قاسم بعد ان ارتدت فستان صيفي بنفسجي أنيق وحزاء مرتفع الكعب ذو سيور زهبيه وتركت شعرها منساب خلفها بحريه ووضعت القليل من المكياج على وجهها الزي ازداد جمال فوق جمالها بفعل سعادتها وراحتها النفسيه..لف قاسم يده حول خصر ملك يقربها منه بتملك وهو يدخل بها الى غرفة المعيشه الواسعه ذات الاساس الابيض المريح والعصري والتي تطل على الحديقه الرائعه و حمام السباحه الضخم عن طريق جدار كامل من الزجاج الشفاف والزي يجعل حجرة المعيشه وكأنها جزء من المشهد الخارجي
لتجد ام رجاء تجلس بجانب الانصاري الكبير الزي يحمل حفيده يلاعبه بمرح وهي تقوم بمحايلة الصغير ومحاولة اطعامه

وتتعالى ضحكاتها هي والانصاري مع الصغير بطريقه محببه
مال قاسم على إذن ملك يهمس لها بمرح
بايننا هنفرح قريب وألا إيه ..الانصاري الكبير خلاص رمى الشبكه
نظرت له ملك بدهشه
شبكة ايه انا مش فاهمه
قاسم وهو يقبل خدها بمرح
ولا عمرك هتفهمي ..تعالي يا ملك ..تعالي ياحبيبتي
ثم اخذ بيدها وتوجه بها الى الاريكه واجلسها بجانبه وهو يقول بمرح
معلش يا جماعه إتأخرت عليكم ..بس اصلي كنت تعبان من السفر و نمت شويه
الجد الانصاري بمرح
ولا يهمك احنا كمان كنا مشغولين ومحسناش بالوقت لعبنا دورين طاوله وعشينا عمر بيه

وقفت ملك وتناولت طفلها من ام رجاء تقبله بحنان وهي تهمس لها بتساؤل
هي فين ..
همست ام رجاء وهي تلوي شفتيها بغير رضا
بتعوم..
اتسعت عين ملك وهي تهمس باستنكار
بتعوم…
واستدارت بغضب تنظر لصوت هايدي الزي ارتفع فجأه بدلال ورقه
هاي يا جماعه..الميه تجنن ..

بزمتكم حد يسيب الميه الروعه دي وينام
احتضنت ملك طفلها وجلست وهي تنظر بعدم تصديق لهايدي التي ترتدي ثوب شفاف وقصير فوق ثوب سباحه اسود مكون من قطعتين صغيرتين يكاد الا يخفي اي شئ من جسدها وهي تجفف شعرها باغراء مقصود
قاسم بهدوء
انتي كنتي بتعومي..على كده خلصتي كل الشغل الي وراكي
هايدي برقه وهي تجلس على المقعد أمامه وتضع ساق فوق الاخرى باغراء متعمد
طبعا يا قاسم بيه خلصت كل الي ورايا وراجعت الملفات وكتبتلك تقارير عن كل الي حضرتك طلبته مني
قاسم بجديه
طيب ياريت تتفضلي تغيري هدومك علشان ميعاد العشا قرب

هايدي وهي تدعي الحرج
اه ..صحيح انا اسفه جدا دقايق هطلع اغير هدومي وهرجعلكم علطول
ثم وقفت وهي تبتسم ثم قالت برقه مصطنعه
اوه..ده ميرو هنا وصاحي كمان
ثم توجهت لملك وانحنت تقبل وجنة عمر برقه
زي القمر ..يجنن ..شبه قاسم بيه بالظبط نفس الشكل والكاريزما الى تدوخ
ام رجاء بغيظ
كا…ايه ياختي..
هايدي وهي تبتسم برقه مصطنعه وتصطنع عدم الفهم
كاريزما يا طنط … الجاذبيه يعني
قاطعها قاسم وهو يقول بضيق
خلاص يا هايدي اتفضلي اطلعي غيري هدومك ..

ابتسمت هايدي وهي تقول برقه مصطنعه
حاضر با قاسم بيه ..عن إزنكم
ثم نهضت بهدوء وتبتسم برقه وتوجهت الى غرفتها في الاعلى
تنحنح قاسم وهو يده حول خصر ملك وهو يقول بمداعبه محاولا تغيير الاجواء
عملالنا ايه على العشا النهارده يا ملاكي
سحبت ملك يده من حول خصرها بعنف ونهضت دون ان تجيب
قاسم بغضب
ملك..

ابتسم الانصاري الكبير بهدوء
بالراحه عليها يا قاسم ..بتغير وده من حقها..قوم قولها كلمتين حلوين وصالحها
تنهد قاسم بغضب وذهب خلفها ليجدها تحمل طفلها وتقف بالمطبخ تعطي تعليماتها باعداد طعام العشاء
قاسم بهدوء
ملك تعالي يا حبيبتي ..عاوز اتكلم معاكي
نظرت له ملك بغضب دون ان تجيبه
وتابعت التحدث مع احدى الخادمات التي تقوم باعداد الطعام
تنهد قاسم وهو يقول بنفاذ صبر
ملك..

عيب الاسلوب ده اتكلمي معايا ايه الي مزعلك للدرجادي
ملك بغضب
يعني مش عارف
قاسم بنفاذ صبر وهو يتنحى بها جانبا بعيدا عن مسامع الخادمات
لا مش عارف ..واتكلمي علطول ..ايه الي مدايقك ومخليكي تتصرفي بالشكل ده
ملك بغضب
يعني مش عارف ايه الي مدايقني عجبك قليلة الحيا الي شغاله عندك الي ماشيه في الفيلا تقريبا من غير هدوم
قاسم بهدوء
يا حبيبتي دا شئ عادي بالنسبه لها وبالنسبه للمحيط الي هي عايشه فيه فهي مغلطتش هي بتتصرف زي ماهيه متعوده..

و أوعدك انا هتكلم معاها وهخليها متتصرفش كده تاني
رفعت ملك طفلها ووضعته على زراع والده وهي تقول بغيظ
بقى كده ..لا عنك انت ..انا إلي هتكلم معاها
ثم اندفعت بغضب للخارج في طريقها لغرفة هايدي
قاسم بغضب وهو يمنعها من الخروج
استني عندك رايحه فين..اعقلي كده وبطلي جنان ..
نفضت ملك يده عنها وهي تقول بغضب
انا برضه الي مجنونه دا انت عملتلي محاكمه علشان كنت عاوزه اعوم في مكان مقفول بالشورت..

ودي سايبها ماشيه عريانه في الفيلا قدامك وقدام الكل وبتتدلع عليك في كلامها بطريقه سخيفه من غير حتى ما تقولها او تنبه عليها ان الي بتعمله ده عيب وقلة ادب ..
لتتابع بغضب وقد سيطر عليها شيطان غيرتها
طبعا ماهو الي بتعمله ده عاجبك وجاي على مزاجك
قاسم بغضب
ملك..خلاص ولا كلمه تانيه أحسنلك..

ملك وقد سيطر عليها غضب مجنون
ولو مسكتش هتعمل ايه يعني هتضر”بني و لا تعذ”بني والا هترميني في الشارع
لتتابع بغضب أسود
غيرك عملها ومكس”رنيش يا قاسم وانت ولا غيرك هيكس”رني ولا هيخليني ارضى بالمسخره دي
ثم تركته وصعدت الى غرفتها واغلقتها عليها من الداخل
وغرقت في موجه من البكاء الشديد ..

لتتوقف عن البكاء فجأه وهي تستمع لدقات على باب غرفتها وام رجاء تقول بقلق
ملك ..افتحي يا حبيبتي في ايه ..ايه الي حصل بس
ملك وهي تحاول مسح دموعها
مفيش حاجه بس علشان خاطري خدي بالك من عمر وخليه ينام معاكي النهارده
ام رجاء
حاضر يا حبيبتي بس افتحي وخلينا نتكلم
لتتابع بأسف
دا حتى قاسم شكله هو كمان ساب البيت ومشي
ملك بغضب وهي
تتجه الى النافذه وتقف تشاهد بغضب صعود قاسم الى سيارته ثم انطلاقه بها الى الخارج بسرعه شديده جدا وكأن الشياطين تطارده
هو حر يقعد ..

يمشي هو حر المهم خدي بالك من عمر
ام رجاء بحنان
حاضر يا حبيبتي متشليش هم عمر في عنيا بس انتي اهدي كده وبكره يحلها الحلال ويطرد الشيطان الي دخل ما بينكم..تصبحي على خير يا حبيبتي
جلست ملك على المقعد مره اخرى ودموعها تسيل بالرغم عنها وهي تقول بيأس
وانتي من اهله يا خالتي
لتتنهد بألم وهي تنظر الى صورة قاسم الموضوعه بجانب فراشها
انا عارفه انك كتير عليا ..وان السعاده الي انا فيها دي استحاله تدوم ..

ثم غرقت في نوبه جديده من بكاء شديد جعلتها تستغرق في النوم من شدة الحزن والتعب
بعد مرور ساعتين استيقظت ملك على صوت رنين هاتفها المحمول
فتناولته بقلق لتجد رقم غريب غير مسجل