ديجور الشاهين القسم ال1 بقلم إيلا ابراهيم

شاهين بغيظ : ومفيش مبيت في أي مكان تاني غير اوضتك انتي فاهمه .
سندس وقفت بغيظ وراحت الحمام وهو بيبص ناحيتها بقلة حيله من عنادها اللي بدأ يظهر عليها وخرج من الأوضة بتاعته وقابل علا واتفاجأ ب… أما سندس اتصلت بشهد وبلغتها باللي حصل معاها ..
شهد بغضب : انتي عبيطيه يابنتي والنعمه عبيطه ازاي تعملي كده
سندس وانا عملت ايه..
شهد تتخانقي معاه قدامها بكده هتستغل الخناقه دي لصالحها
سندس : مش فاهمه ..
شهد مش بقولك عبيطه.

يتبع..التاسع عشر
شاهين بقلق : مالك ياعلا ..
علا بخنقه : مفيش ياشاهين انا كويسه ..
شاهين : وشك عامل كده ليه ..
علا : قلتلك مفيش بعد اذنك ..
شاهين : استني يا علا
علا في ايه ياشاهين .. عاوز حاجه
شاهين عاوز اعرف مالك عيونك حمره كده ليه انتي معيطه..
علا بدأت تعيط وهي بتقول بابا وحشاني اوووي ياشاهين
شاهين ربنا يرحمه ايه اللي فكرك فيه دلوقتي
علا بدموع :

انا محتاجه له اووي يا شاهين محتاجه له والله
في ايه يا علا انا جمبك ايه اللي مزعلك كده.. احكيلي .. في حد زعلك بحاجه رجلك بقت كويسه…
علا انا كويسه لكن عاوزه اسافر عاوزه اروح بيتنا
شاهين طيب اهدي كده خليني افهم ايه اللي حصل معاكي فجأه كده ..
علا عاوز اسافر عشان خاطري..
طيب طيب هحجز ونسافر سوى بس بلاش تقلقيني كده عليكي..
علا مسحت دموعها بشهقات ححاضر بس انت وعدتني مش كده..
وعدتك بس مش عايز اشوفك تعيطي كده تاني ماشي .
هزت راسها بايجاب..
هتروحي فين .

علا اجهز حاجتي عشان السفر…
شاهين بص باثرها لما شافها دخلت اوضتها واتنهد بقلة حيله ازاي هيبلغ سندس أنه هيسافر مع علاا لوحدهم ..ويسيبها وهي حامل كده ..
بعد شويه كان الفطار جاهز والكل عالسفره شاهين بعت الشغاله تنده لسندس اللي لسا منزلتش.. واول ما دخلت سندس عليهم
شاهين تعالي ياحبيبتي هنا جمبي ..
سندس قعدت جمبه بابتسامه عشان تغيظ علا ..
شاهين بقيتي احسن ..
سندس احسن ياحبيبي ..
علا بابتسامه الف مبروك يا سندس فرحتلك من كل قلبي..
سندس الله يبارك فيكي عقبال ما نفرح بيكي ..

علا ابتسمت وكملت اكلها ..
رية انتو حجزتوا امتى شاهين ..
سندس حجز ايه ده ..
شاهين شرق وهو بياخد كباية الميه ..
سندس : سلامتك. ياشاهين انت كويس ..
رية : مالك ياحبيبي اصمالله عليك ..
علا بخضه شاهين في ايه اللي جرالك …

سندس بصت ناحيتها بغيره ..
شاهين : انا كويس .. كويس..
سندس : خضتني عليك…
شاهين شد على أيدها بخفه عشان يطمنها انا كويس متخفيش…
سندس بصت ناحيت علا وقعدت جنبه ..
شاهين قرب ووشوشها خلصي فطار وحصليني فوق عايزك في حاجه مهمه .
سندس هزت راسها وهي بتبصله باستغراب …
رية حجزتوا امتى يا علا
علا الطيارة بتاعتنا بالليل
طيارت ايه سألت سندس باستغراب
علا اصلا انا وشاهين هنسافر اسبوع ونرجع
سندس باستغراب : تسافر ليه معلش..
علا : معلش لازم نسافر ضروري..

سندس وقفت بغيظ وقالت ترجعو بالسلامه وراحت اوضتها بسرعه وكان شاهين بيستناها
شاهين تعالي يا سندس عاوزك بحاجه مهمه
سندس بغضب : ممكن افهم هتسافر فين بالوقت ده ولأا مش بس هتسافر هتاخد الهانم معاك …
شاهين : اهدي وخليني افهمك …
سندس بغضب : تفهمني على ايه .. انت بجد هتسافر معاها بجد يا شاهين ..
شاهين بغضب : صوتك يا سندس وخد نفسه. اتكلم بهدوء : ممكن تهدي
سندس بدموع : مش عايزه اهدا وكملت بتهديد : بص يا شاهين لو هتسافر معاها يبقى توديني لأهلي ..
شاهين :

ايه العبط اللي انتي فيه ده
سندس : والله ده اللي عندي
شاهين : هو جنان وخلاص
سندس بعناد : ايوا جنان وخلاص
شاهين : بصي مينفعش تروحي وانتي حامل عند اهلك مين هياخد باله منك
سندس ضحكت بسخريه : وهنا مين هياخد باله مني انت هتسافر تتصرمح مع السنيوره بتاعتك وانا اتفلق هنا
شاهين بتحذير : سندس قلتلك مليون مره علا دي زي اختي.
سندس بدموع وانهيار : وهي .. هي شيفاك ايه. ياشاهين متقولش انت مش ملاحظها ..
شاهين بنفاذ صبر :

انتي عايزه ايه دلوقتي يا سندس
سندس بعناد : هسافر معاكم ياشاهين
يتبع…
بعتذر عالتأخير
العشرون
شاهين بس انتي حامل ومينفعش تسافري..
سندس والله ده اللي عندي يا شاهين انا هسافر معاكم ..
شاهين بص ليها بضيق وهي كانت دموعها بتنزل اتنهد بقلة حيله وقال ماشي بس تسمعي الكلام بعد كده..
سندس الللي انت عايزه هعمله.. بس اسافر معاكم..
حاوط وشها بكفه واتكلم بجدسه العناد دي ليه يا سندس انا مش عارف افهمك
سندس عشان عاوزه اكون جمبك دايما ياشاهين

بعد مده سافروا كلهم وشاهين كان بيهتم بسندس اكتر عشان حامل وخايف عليها إنما علا كانت بتراقب اللي بيحصل بصمت …

كان شاهين قاعد في البلكونه بيدخن وسرحان لما سمع صوت علا بتنده عليه
علا : انت لسا صاحي ياشاهين
شاهين شاور لها برأسه
علا : هي سندس فين
شاهين : تعبت من السفر ونامت
علا : كان لازمته ايه سفرها معانا .. وهي لسا حامل جديد
شاهين : معلش اصلا احنا من اول جوزنا مسفرناش ابدا وهي حبت تجي معانا تغير جو شويه .
علا بضيق : مممم
شاهين وهو بيطفي السيجاره ،: انتي بقيتي احسن
علا : ايوا الحمدلله سكتت شويه واتكلمت بابتسامه يابختها..
بص شاهين ناحيتها وسألها :

هي مين دي
علا : سندس انا شيفاك بتهتم بيها اوووي شكلك بتحبها..
شاهين : سندس مرات وحامل في حته مني اكيد هحبها..
علا عشان كده بقولك يابختها بحبك ده…
شاهين : وانت بكرى يجيلك اللي يستاهلك ويحبك..
علا وهي بتبص ناحيته بأمل : بس انا مش عايزه اي حد ياشاهين
شاهين وقف بتهرب وقال : تصبحي على خير ياعلا
علا مسكت أيده بسرعه وهمست استنى يا شاهين
بص ناحيتها وبعد أيدها عنه بهدوء في حاجه ياعلا
علا بجرأه : انت مش حاسس بحاجه ناحيتي ابدا
شاهين بصدمه :

انتي بتقولي ايه يا علا
علا بجرأه : انا جيت هنا مخصوص عشان نبقى لوحدنا .. انا عارفه ان ماما ريه هي اللي اجبرتك عالجواز من سندس وانت مش بتحبها اساسا
شاهين بعدها عنه ولسا هامشي وهو متضايق من جرأتها لكنها مسكت أيده برجاء وهمست ليه استنى ارجوك … أنا شايفه بعنيك في مشاعر ناحيتي .. بس بتحاول تداريها ..
شاهين انتي شكلك بدأتي تخرفي وبعدها عنه ومشي ..
علا مسكت أيده بسرعه وهي بتقوله : شاهين استني عشان خاطري..

ولسا هيمشي وقفت قصاده واتكلمت بدموع انا خسرت بابا ومش عايزه اخسرك انت كمان ياشاهين
شاهين بغضب انتي بالاسلوب ده هتخسريني يا علا. هتخسريني نهائي …
علا كانت عينيها بتبصله بحب ومن غير ما تحس همست من بين شفيفيها بس انا بحبك ومش هعرف اعيش من غيرك وقبل ما يتكلم صدمته ببوسه .و و
يتبع…
عارفه والله الفصل قصير هعوضكم أن شاء الله بكرى
الفصل من غير مراجعه

الحادي والعشرين
صدمت شاهين فيها مخلتوش يفكر هو بيعمل ايه زقها بعيد عنه وهو بيبصلها بصدمه وقرف ..
علا شاهين انا..
شاهين بانفعال انتي تخرسي خالص ايه قلة الأدب اللي انتي فيها دي عمي رباكي على كده..
علا اتصدمت من رد فعله مكنتش فاكره أنه هيقولها الكلام ده .. وهمست بصدمه انت بتقول ايه انا….
شاهين قرب منها واتكلم بغضب : الأفعال دي مش بتطلع من بنت محترمه .. انا بعتب على عمي الله يرحمه ازاي معرفش يربيكي كده .. علا مستحملتش كل الإهانات اللي رماها عليها وضــ,,ـــــربته بالقلم من غير ماتحس ..

ازاي يقول عنها كده ازاي هي كانت فاكره أنها هتكسبه وهتعرف تأثر عليه هيحبها. يبادلها مشاعره .. لكن تفكيرها كان غلط وهو فاكرها بنت ****
شاهين بص ليها بغضب وهي انهارت في العياط..وقعدت في الأرض..
شاهين معرفش يعمل ايه.
و علا عيطت اكتر وشهقاتها بدأت تعلى
شاهين لما شاف دموعها اتكلم بجديه يكون في علمك احنا من بكرى هنرجع مصر ..
بالوقت ده دخلت سندس على صوت الصريخ ..
سندس بنوم في ايه .. واتصدمت لما شافت علا بتعيط ..وجريت ناحيتها بقلق في ايه ياعلا انتي كويسه .
شاهين ادخلي جوى .ياسندس ..

سندس مالكم ياشاهين ايه اللي حصل..
شاهين معرفش يقول لسندس ايه و خرج وسابهم لوحدهم….
سندس في ايه ياعلا بتعيطي ليه.. اتكلمي ..
علا متكلمتش ووقفت بسرعه ودخلت اوضتها قفلت على نفسها.
حاولت سندس تفهم ايه اللي حصل معاها لكن علا رافضه تتكلم أو تفتح الباب ليها.
حاولت تتصل بشاهين مش بيرد عليها..
شاهين كان تايه حاسس بالذنب عشان هو اللي وصل علا للمشاعر دي.. بس هو مكنش عاوز يحسسها انها لوحدها بالدنيا دي . كان عاوز يبقالها الاخ والاب والسند.. لكن باين أن علاا بسبب صغر سنها وتربيتها فهمته غلط..

شاهين لام نفسه كتير عشان اتعامل معاها بالشكل ده وقرر أنه يتكلم معاها ويفهمها بالعقل انها هتفضل زي اخته ومش هيتخلها عنها … هي وصيت عمه الله يرحمه وبنته الوحيده. . ومش هيسيبها أو يتخلى عنها ابدا… قرر يرجع يكلمها
اول مادخل سندس بقلق في ايه يا شاهين ايه اللي بيحصل. انا خفت اوووي علاا مالها بقالها كتتير قفله على نفسها ومش بترد عليا..
شاهين حاوط وشها بابتسامه : اهدي ياحبيبتي مفيش حاجه .
سندس بقلق : انا اول مره اشوفك كده انتو اتخانقتوا ليه
شاهين : متشغليش بالك انا هدخل اكلمها ةهنخرج نتفسح سوى .

عشان بكرى راجعين مصر..
سندس نرجع بالسرعه دي ليه ياشاهين في ايه
شاهين باس جبينها بحب : بلاش تشغلي بالك انا هعرف اتصرف علا
سندس لكن..ياشاهين علا شكلها زعلانه اوووي ايه اللي حصل .
شاهين محصلش حاجه منا قلتلك هدخل اكلمها.
خبط شاهين عليها ومفتحتش الباب نده عليها كتتير ومش بترد عليه .. قلق عليها وحذرها أنه هيكــ,,ـــــسر الباب لكنها مردتش عليه.. ولما كــ,,ـــــسر الباب اتصدموا فيها مرميه عالسرير والدم بينزل من دراعها..

اتجمد شاهين مكانه ومعرفش يتصرف افكار كتتير هجمت عليه لحد ما فاق صراخ سندس وهي تجري عليها ووو
يتبع
الثاني والعشرين
كان شاهين كان واقف برا ومش راضي يدخل عليها .. وسندس دخلت عليها وهي مش فاهمه اللي بيحصل..
سندس : انتي كويسه ياعلا
علا : ايوا كويسه … شاهين فين
سندس بضيق حاولت تخفيه : شاهين برا .. وقعدت جمبها وسألتها بضيق انتي عملتي كده ليه ياعلا ..
علا …
سندس عارفه اللي عملتيه ده حرام ربنا هيزعل اوووي عشان عملتي كده..

قوليلي يا علا ايه اللي مزعلك.انتي عارفه ان كل حاجه وليها حل..
علاا…مش بترد عليها ابدا..
سندس بطيبه : احمدي ربنا انتي لسا صغيره وبتدرسي ولسا الدنيا قدامك غيرك بيتمنى يعيش عيشتك.. غير كده انتي حلوه وزي القمر..
علا بصت ناحيتها وعيطت..
سندس حــ,,ـــــضنتها. طبطبت عليها وهي بتقولها مفيش حاجه مستاهله تزعلي نفسك عليها..لازم تاخدي بالك من نفسك ودراستك وان شاء الله تنجحي وتبقى حاجه مهمه بالمستقبل.
كل ده وشاهين بيراقبهم .. وبيفكر هيعمل ايه مع علا. وازاي هتيصرف وغير كده طيبه سندس وساذجتها بتشده ليها اوووي وكل يوم بيتعلق بيها اكتر….

دخل عليهم وبعدت سندس عنها..
شاهين بجديه عامله ايه دلوقتي..
علا مسحت دموعها وهزت رأسها وهي بتقول بخفوت كويسه..الحمد لله
شاهين بص لسندس واتكلم بجديه : الدكتور سمحلنا نخرجها ساعديها تجهز نفسها..
سندس بابتسامه عنيا …
علا بصت ناحيته بغصه وهو مبصش ناحيتها ابدا واتكلم : انا هستناكم براا وخرج…
في البيت
سندس في اوضتها بتتكلم في التليفون ..
سندس بانزعاج : اعمل ايه ياشهد البنت صعبت عليا..
شهد بغيظ : ميصعبش عليكي غالي ياحبيبتي …صعبت عليكي ايه ياختي ياريتها ماتت وارتاحت وريحت..
سندس حرام عليكي متقوليش كده ..

دي لسا صغيره.
شهد انتي هتفضلي عبيطه كده لحد امتى دي اكيد خطه جديده عملاها عشان تخطف جوزك..
سندس : لا يا شهد البنت كانت هتمــ,,ـــــوت. بجد .
شهد : بلاش عبط.. انتي لازم تعرفي هما اتخانقوا على ايه وايه اللي وصلها تعمل في روحها كده
سندس اعمل ايه يعني سألتهم ومحدشش رد عليا.
شهد بغيظ : طبعا مش هيقولولك انتي تفضلي تراقبي العقربه دي وبلاش تسيبيهم لوحدهم انتي غبيه اصلا ازاي تسيبيهم لوحدهم ..
سندس : حاضر يا شهد حاضر.

********
بعد مرور أسبوع
خرجت علا وكان شاهين قاعد بيدخن في الصاله وسرحان ازاي هيتصرف مع علا لازم تفهم اللي عملته واللي بتعمله ده غلط .. ولازم تفوق لنفسها.. فاق على صوتها لما ندهت عليه علاا بحرج : شاهين.
شاهين بص ناحيتها وهي قربت منه وقعدت جنبه.. وهمست بكسوف : انا اسفه..
شاهين بانزعاج : على ايه بالضبط على اللي عملتيه والا على تصرفك المريض لما حاولتي تمــ,,ـــــوتي نفسك وخليتني عايش على اعصابي بسببك ..
علا بدموع اسفه على كل حاجه ..والله مكنش قصدي كنت خايفه اخسرك .. مش عايزه اخسرك يا شاهين ارجوك..

عشان خاطري متبعدش عني..
شاهين : تخسريني ليه.. ياعلا .. انا قلتها لك قبل كده وارجع اقولها لك تاني انا مستحيل اتخلى عنك ابدا انتي اختي ..ياعلا .
علا بصت ليه بدموع : بس انا بحبك
شاهين وانا بحبك برضو بس زي اختي.. ومش هعرف اشوفك غير كده.. انا عارف الحق عليا أنا اللي وصلتك للمشاعر دي بس انتي لازم تفهمي أننا مش ممكن نكون غير اخوات انا متجوز ومراتي كم شهر وهتخلف واللي انتي فيه ده مجرد مشاعر مراهقه هتروح لحالها مع الوقت.
علا بدموع انت لسا زعلان مني يا شاهين .

مش هعرف ازعل منك بس تبطلي الأفكار دي ..
علا مسحت دموعها وهي بتقول انا والله بحبك يا شاهين لكن انت..
بالوقت ده دخلت عليهم سندس بغضب بعد ما سمعت كلام علا وكانت هتتجن وهي بتقول : حب مين ياروح امك..
شاهين ..
علا…
يتبع …
#
#بقلم_إيلا_إبراهيم

الثالث والعشرين
سندس لسا هتقرب منها وقف شاهين فوشها ومسك ايدها واتكلم بجديه استني ياسندس هفهمك ..
سندس شدت أيدها منه واتكلمت ببتسامه : لأ ياحبيبي استنى انت هقول لبنت عمك كلمتين عشان نفهم بعض أكثر ..
علا وقفت وهي بتفرك أيدها بحرج ولسا هتتكلم هجمت عليها سندس بغيظ وهي بتقوله دا انا من يومين كنت وبهتم بيكي.. بقى ياعقربه ياحربايه . بتلفي جوزي .. مش شايفه أنه متجوز ومراته حامل…
علا بتصرخ وبتحاول تبعدها عنها مش عارفه..

شاهين اول مره يشوف سندس كده وحاول يبعدها عنها وهي مش بترد عليه وكأنها خلاص اتجننت لحد ما حاوط خصرها وبعدها عنها بالعافيه وهي بدأت تاخد نفسها بسرعه وهي بتبص لوش علا اللي خربشته وشعرها اللي طلع في أيدها واتجننت لما شافت شاهين جري ناحيت علا بقلق انتي كويسه..
علا عيطت بانهيار وهي بتقول مش كويسه يا شاهين مراتك دي ايه. ..
شاهين بص لسندس بغضب وهي اتكلمت بغضب خدها بحــ,,ـــــضنك بالمره ياحنين متقومي يابت تفزي طولك عملالي نفسك مش عارفه تقومي ..
شاهين بنفاذ صبري امشي من قدامي دلوقتي ..

سندس ليه بقى .أن…
شاهين بغضب اخفي من وشي قلتلك…
سندس بصت ليه ودمعت عيونها غصب عنها .. وبصت لعلا اللي ماسكه شاهين بغيره حست انها مالهاش اي لازمه في البيت ده حست انها غريبه وعلا خلاص وصلت للي هي عايزاه وشاهين بقى مش شايف غيرها ده كل تفكير سندس بالوقت ده مش شايفه الا اهتمام شاهين بعلاا اللي مبالغ فيه مش حاسه باللي هي عملته ولا انها ضــ,,ـــــربت علاا من غير ماتعمل ايه اعتبار لجوزها اللي واقف معاهم … وراحت جري على اوضتها …
شاهين انتي كويسه ياعلا حصلك حاجه..

علا بتعيط بوجع دي خربشت وشي انت متحمل مراتك دي ازاي
شاهين سندس اتعصبت مش اكتر.. هي تهدى كمان شويه.
علا بغيظ ودموع : انت لسا بتدافع عنها مش شايف عملت فيا ايه .. دي ولا كأنك موجود مستحيل تكون بشر دي حيوانه..
شاهين اتعصب لكنه محبش يتكلم وقال بجديه تعالي هساعدك تدخلي اوضتك .
علا حاوطت رقبته وهي بتمثل التعب وانفاسها الساخنه بتضــ,,ـــــرب رقبته وشاهين بعد بارتباك وتوتر ولسا هيبعد عنها ..

علا عيطت وهي بتقوله مش قادره ياشاهين ساعدني عشان اقف…
شاهين سندها لحد ما وقفت وساعدها تدخل الأوضه بتاعتها … واستأذن وراح يشوف سندس اللي كانت بتعيط.. بالاوضه بتاعتها..
شاهين مسح وشه بغيظ من تصرفاتها الغريبه وقال بتعيطي بعد كل اللي هببتيه..ده انتي ايه …
سندس بشهقات : نيمت الهانم وجتلي.. عاوز ايه متبات فحــ,,ـــــضنها احسن لك .
شاهين بغضب وتحذير : سندس
سندس بغضب اكبر : بلا سندس بلا بتاع انا خلاص جبت اخري منك ومن بنت عمك..
شاهين : يعني ايه .
سندس بتحذير : يعني يا انا يا علااا وانت اختار..

يا بنت عمك .. يامراتك وابنك.
شاهين بغيظ : انتي واعيه للي بتقوليه ده .
سندس : ايوا واعيه لكل كلمه بقولها كنت بتقولي أنها زي اختك وكل كلامك كان كدب … انت من اول يوم عارف البت دي ناويه على ايه لكن الوضع ماشي على هواك…
شاهين نفخ بضيق : قلتلك مليون مره شيلي علاا من نفوخك انا مش هعرف اتخلى عنها ولا ممكن اسيبك انتي مراتي… وام ابني ..
سندس بدموع : والله كويس انك افتكرت اني مراتك..

شاهين قرب منها ومسك أيدها عاوز يهاودها عشان تهدأ لكنها كانت متعصبه اوووي شدة ايدها منه واتكلمت بغيظ : انا عاوزه جواب ياشاهين انا وابنك والا علاا الحربايه..
شاهين بغيظ : لا انتي اتجننتي رسمي..
سندس : يبقى انت اخترت علااا .. وياريت تحجزلي عشان هرجع مصر وجودي هنا مبقاش ليه لازمه واهو تاخد راحتك مع الست هانم..
شاهين : بلاش تخريف ..
سندس : والله ده اللي عندي.
شاهين : طيب ياسندس ماشي انتي عاوزه ترجعي مصر برحتك هحجزلك على اول طياره راجعه مصر لحد ما تهدى ونتفاهم. اول ما نوصل هناك..

سندس اتجننت لما قالها الكلام ده وكان بارد معاها وقالت بغيظ : لا انسى مفيش بينا تفاهم انا ليا أهل تتكلم معاهم ..وتتفقوا …
شاهين ضحك بسخريه : اه ليكي أهل . واهلك لو عرفوا باللي عملتيه بعلاا ده هيعملوا ايه.
سندس بتوتر: مالكش دعوه وياريت تخرج برررا الاوضه عشان اعرف انام ..
شاهين بضحكه : انتي بتطرديني من اوضتي. .
برحتك انا اللي هخرج انام برررا وهسيبلك الاوضه تشبع بيها
شاهين : بت استني هنا..
ولسا هتمشي مسكها وحاوط خصرها .. وكفه حاوطة وشها وقال بخفوت : بلاش عبطك ده دلوقتي .

سندس نزلت دموعها غصب عنها..
شاهين مسح دموعها وقال بضحكه : انتي فرمتي البت بررا وجايه دلوقتي تعيطي ..
سندس : تستاهل كل اللي حصلها دي عقربه قلتلك قبل كده.. بس انت مش مصدقني…
شاهين : والله علاا دي لسا صغيره.. وهتكبر وتعقل..صدقيني..
سندس بعناد :مش صغيره دي اكبر من سنها وبعدين فين صغيره دي عندها عشرين سنه وفي الكيله.. اللي قدها عندهم عيال..
شاهين : طب خلاص هنفضل نتخاق عشانها كتتير..
سندس بعناد : كله منك انت اللي اديتها وش اكتر من اللزوم
شاهين :

خلاص انا هحل كل حاجه روقي انتي بس..وصديقني هتبقى مبسوطه
سندس بعناد : مش هتبسط وللحربايه دي معانا .
شاهين حاوط وشها بايديها وهمسلهه بحب : مش كفايه بقى قلتلك انا هتصرف.
سندس بتوتر من قربه ونفسه اللي بيضــ,,ـــــرب وشها : طيب ماشي .ابعد ..
شاهين شدها ليه اكتر وقال : وابعد ليه
سندس بهمس : شاهين
شاهين دــ,,ـــــفن وشه برقبتها وهو بيتمتم : عيونه.
سندس بضحكه : طب ابعد كده
شاهين : والله مش هعرف ابعد بعد ضحكتك دي .
سندس :

طب خلاص سيبني ا…
شاهين قاطعها لما باسها وشالها وحطها عالسرير ولسا هيقرب منها سمع .
يتبع…
#
#بقلم_إيلا_إبراهيم الرابع والعشرون
شاهين طلع لما سمع صوت الباب بيقفل جامد وراح اوضت علا بقلق خبط عليها كان فاكر الصوت منها لكنها مكنتش بؤضتها .. استغرب دور عليها مالهاش أثر طلع بسرعه برررا البيت دور عليها مش موجوده .. جري فوق وشاف سندس..
سندس : في ايه
شاهين : علا مش بالبيت..
نفخت بضيق وقالت : تلاقيها نزلت تجيب حاجه متشغلش بالك ياشاهين .. البنت تعرف البلد احسن منك..
شاهين بص لسندس وخد الفون بتاعه وكلمها كتتير مردتش..

اتجنن اكتر
وفضل يحاول يتصل بيها وسندس بصت ليه بضيق وقالت هعملك شاي.وراحت المطبخ وهي هتجنن علاا دي مش هتجيبها لبرا كان ده تفكير سندس .
أما . شاهين اتصل بيها تاني وردت بعد محاولات كتتير..
وسندس بتبصله بغيره. لما شافته وقف بقلق واتكلم.. معاها .
شاهين : انتي فين..
علاا ببرود : عايز ايه ياشاهين
شاهين بتحذير وغضب : بسألك انتي فين دلوقتي.
علا بانزعاج : خارجه أسهر مع صحابي عشان معكننش على الست مراتك ..
شاهين : ابعتيلي العنوان هجيلك اروحك …
علا ببرود :

متتعبش نفسك انا مش هروح دلوقتي..
علا قالها شاهين بغضب وكمل كلامه بتحذير بقولك ابعتيلي عنوان المكان الي انتي متزفته سهرانه بيه بسرعه .
علا بتذمر ماشي ..هبعتهولك…
سندس حطت قدامه كوبايه الشاي وقالت بغيره : واخيرا السنيوره ردت عليك..
شاهين بص لسندس واتكلم بجديه : سندس هقولك الكلام ده لاخر مره ويارت تفهميه كويسه عشان مش عايز اعيد وازيد في الحكايه دي…
سندس باستغراب : عاوز تقول ايه ..
شاهين : عاوزك تفهمي انك مراتي ومستحيل اقارنك بعلاا فاهمه.. انتي مراتي افهمي بقى . وعلاا لو عملت ايه .. مش هعرف اشوفها غير اختي..

عاوزك تفهمي ده كويس مش عشان هي مش حلوه ومش تتحب. لا عشان انا معرفش اشوفها كزوجه ليا.. انا بألوقت ده مبفكرش باي ست تانيه تدخل حياتي.. مكاتفي بيكي انتي وبس. واظن انك لازم تثقي بيا وبكلامي … علاا شيليها من حساباتك نهائي وصدقيني كل حاجه هتتحل بس عاوزك تقفي جمبي وتنسديني مش تكوني انت برضو ضدي… ده اختبار ليكي هتكوني سند ليا أو عليا فاهماني….
سندس بطيبه : انا والله معاك ياشاهين بس علا..
شاهين وقف بغيظ وقال :خلاص ياسندس خلاص مش كل حاجه علاا .. مش هرجع واعيد اللي قلته تاني ياريت تفهم كلامي بقى..

سندس : هتروح فين
شاهين : هروح اشوف الهانم التانيه ..فين عشان انا زهقت خلاص مكنتش سفريه افك فيها عن نفسي دي .
سندس بتسرع ونسيت كل كلام شاهين :ده كله من علا
شاهين بنفاذ صبر : خلاص بقى كفايه … كفايه انتو هتشلوني والله هتشلوني .. ولسا هيخرج سندس : مسكت أيده وقالت هجي معاك..
شاهين حاول يهدي نفسه : تجي فين انتي تهبلتي.. سندس استني هنا.. ياشاهين انا
شاهين وجاب آخره خلاص : اوووف بقى اوووف دي مبقتش عيشه انا خلاص جبت اخري منكم انتو الاتنين زهقت خلاص..

ومشي وسابها وهو هيتجنن وبيكلم نفسه بغضب وخاصه لما بعتتله علاا العنوان اللي هي فيه اتجنن اكتر ….وساق عربيته بسرعه وراح لها..
أما سندس مكنش قدامها الا شهد صحبتها ومرات اخوها جريت كلمتها وهي بتعيط وحكتلها كل اللي حصل..
سندس بدموع : اعمل ايه دلوقتي..
شهد بتفكير : انتي متعمليش اي حاجه خلاص . ..
سندس مسحت دموعها وهي بتقول : بعد كل اللي حكتهولك بتقولي معملش ده انا هطين عشيتها أما ترجع..
شهد : بت ياسندس اسمعيني عايزاكي تفهمي أن البت علااا لو شايفه جوزك مديها ريق حلو مكنتش تظهر سمها بسرعه كده..

سندس بغباء : يعني ايه..
شهد : يعني انت غلطتي لما ضــ,,ـــــربتيها قدامه كده هتبقى انتي اللي غلطتي بحقها وحطت عليكي وحده قدلم جوزك ..
سندس : بعد.كل اللي قلتهولك ده .. ده انا لوطولت افرمها..
شهد : ياهبله اسمعيني .. هي عاوزاكي تعملي كده..
سندس بحيره : يعني ايه..مش فاهمه..
شهد بخبــ,,ـــــث : بصي البت مش سهله عايزاكي تفتحي عيني جوزك عليها.. وتزهقيه بزنك.. وهي هتكون الصدر الحنين ليه ووحده وحده هيضعف قدامها
سندس وقفت وهي بتضــ,,ـــــرب على صدرها بصدمه : انت بتقولي ايه
شهد :

والله ده اللي هيحصل البنت مش سهله مش زي ما كنت فاكره..
سندس بارتباك : طب طب اعمل ايه انا..
شهد : متعمليش . ولما يرجع جوزك.. بلاش زن هديه كده. وبلاش تجيبي سيرت العقربه قدامه وتحسسيه انك بتغيير منها عشان هو هيحس انك أقل منها بكتير لو عملتي كده ..
سندس : بس هي اكيد هتكون عملت حاجه انا متأكده انا هتجنن هنا ومش عارفه شاهين راح فين ولا بيعمل معاها ايه..
شهد : مالكيش دعوه ومهما حصل ياسندس متعمليش رد فعل وحش تجاهها..
سندس :

مش هعرف اتحكم بنفسي ياشهد دي بتغيضني اوووي
شهد : سندس حبيبتي انتي بتحبي شاهين والا ايه
سندس بدموع : انتي عارفه ياشهد انا من بدري بحبه وبتمنى انه يبقى جوزي..
شهد : يبقى تسمعي الكلام..اول ما يرجع جوزك.. قابليه بضحكه حلوه و اعمليله اكله يحبها واسهروا مع بعض يعني عاوزاني اقولك تجيبي رجل جوزك ازاي خليكي ناصحه كده صحصحي معايا بقى ..
سندس بكسوف خلاص فهمت و هحاول
شهد بغيظ : لسا بتقولي بحاول … متحوليش هتعملي كده وبلاش الحربايه تستفزك انتي سامعه..
سندس : حاضر ..حاضر يا شهد هشوف اعمل ايه.

طيب اقفلي دلوقتي هروح اشوف جوزي انا كمان..
سندس : ماشي سلام..
*****