((((بريئة احيتلي قلبي)))) بقلم ريحانة الجنة (((الحلقة السادسة عشر))) تاني يوم الصبح سجي لسة قاعدة مكانها بتعيط . ودموعها هديتش . وبعدين الباب خبط .
سجي :مسحت دموعها . ده اكيد مراد . اه اكيد هو . حيقولي انه كان مقلب. ايوة هو مقلب وحيصالحني . قامت بسرعة تفتح . وهي فاكراه مراد بس مكنش هو . كان عم صالح
سجي :عم صالح .
صالح :ايه يا بنتي . قوليلي يا بنتي ايه اللي حصل . وازاي مراد طلقك وايه اللي جراله . وايه اللي كــ,,ـــــسر الاوضة كدة وجـ,ـرحه جامد كدة
سجي :بتعيط .
والله مااعرف ماعرفش احنا كنا كويسين ومكلمني في التليفون وفجاة لما رجع لقيته انسان تاني . معرفش ليه ايه اللي حصل . انا حتجنن مش قادرة اصدق ان مراد طلقني . مش قادرة اصدق .
صالح :ازاي بس انا شفت مراد في حالة مشوفتهوش عليها من سنين . لازم فيه حاجة حصلت . افتكري
سجي :والله ما حصل حاجة . صدقني . قولي هو في أوضته
صالح :لا يا بنتي هو نزل من بدري وحتي باين عليه عينه ماشفتش النوم . بس قالي قبل ماينزل انك لما تصحي احضرلك شنتطتك علشان معتز يوصلك اسكندرية .
سجي :عيطت . انا مش عارفة ازاي حقدر ابعد عنه . مش عارفة.
(في الشركة في مكتب مراد )
مراد :هو ايه اللي ازاي يا شريف . بقولك الغي كل حاجة ايه اللي مش فاهمه .
شريف :ازاي بس حضرتك داحنا جهزنا كل حاجة ولو لغينا حنخسر كتير .
مراد : وانت مالك هي فلوسك ولا فلوسي . اعمل اللي قولتلك عليه. اتفضل امشي . دلوقتي .
ميادة :مالك يا مراد بيه ايه اللي حصل
مراد :وانتي مالك انتي حتحسبيني انتي كمان . روحي شوفي شغلك .
ميادة :طيب انا بس عايزة اطمن عليك ايه اللي معصبك كدة وايه الجـ,ـرح اللي انتي رابطه ده .
انا بجد قلقانة عليك .
مراد :يوووووه . وبعدين . كلمة كمان ومش حتقعدي فيها دقيقة واحدة. انتي سامعة . امشي روحي علي مكتبك . مراد كان عامل زي الصقر المجروح مصدوم وقلبه بينزف من وجعه وكمان من حبه لسجي اللي لسة زي ماهو في قلبه . حتي مش عارف يكرها .
في اسكندرية في بيت صفية الجرس بيرن .
صفية :تفتح مندهشة . سجي مالك وايه الشنطة اللي معاكي دي
سجي :رمت نفسها في ح.ضن خالتها وامها في نفس الوقت . مراد طلقني يا خالتوا . طلقني وسابني .
صفية :طيب اهدي . اهدي يا حبيبتي وتعالي اقعدي . بس وفهميني ايه اللي حصل .
سجي :انا ححكيلك . كل حاجة …….
وبعد شهر عدي علي مراد وسجي اطول من سنين كتير كل واحد فيهم قلبه مجروح مراد كان بينام في أوضة سجي كانت وحشاه ونفسه يشوفها وفي نفس الوقت مجروح منها او بمعني اصح موهوم لانه مايعرفش الحقيقة . وسجي كانت طول الوقت قاعدة في البلكونة تبكي ومستنية مراد يجي وياخدها .
وفي يوم مراد كان قاعد في المكان اللي بيقعد. فيه وقاعد علي العربية وبيسمع الاغنية دي واللي كانت كل كلمة فيها بتوجعه اكتر ماهو موجوع .. (احساس فظيع ) (امبارح كان معايا وعدني بألف وعد . وقالي من البداية حنعيش ونمو.ت لبعض. حبيته بكل قلبي اكتر من اي حد . وفي يوم وفي ليلة سابني . انا خايف امو.ت بجد . احساس فظيع ان اللي روحك فيه يبيع واللي اشتريته في يوم يبيع وتوه ويا السنين . تفتح عنيك . تتلم احزانك عليك . تتهد احلامك فوقيك . وتقسمك نصين . امبارح كان معايا وعدني بالف وعد .
علمني ازاي احبه وازاي علشانه اعيش . لكن ان انسي حبه دي اللي معلمهليش . عايش علي ذكرياته الوقت منسنيش ودي مأساة حياتي واللي مبتنتهيش . احساس فظيع )
مراد كان طول ماهو بيسمع بيبكي وهو اللي دموعه مكنتش سهل انها تنزل
مراد :انا تعبان ومش عارف ليه لحد النهاردة مق.تلتش الكلب اللي اسمه جاسر . وليه مش عايز عيني تيجي في عينه . ايوة انا خايف يشوفني مكسور وهو اللي مراتي فضلته عليا . بس لا انا مش قادر لازم اروحله.
(في مخزن من مخازن مراد )
جاسر مربوط ومضروب. ومتبهدل علي الاخر . مراد يدخل ويجيب كرسي ويقعد قدامه .
جاسر :مراد بيه ايه اللي حصل . انا بقالي هنا شهر وبنض.رب ومش عارف انا عملت ايه وليه كل مابطلب اشوفك مش بترضي . ارجوك فهمني .
مراد: احمد ربنا انك لسة عايش . انا سيبتك تعيش بس علشان تجاوب علي أسالتي .
جاسر :اسئلة ايه انا مش فاهم حاجة.
مراد: انت ايه اللي بينك وبين سجي مراتي .
جاسر: انا مفيش حاجة بيني وبينها
مراد :حتكدب من اولها .
انت مش كنت معاها في اليوم اللي جابوك فيه هنا . وكنت بتقولها انها تتطلق مني بسرعة علشان تجيلك وتتجوزها .
جاسر:هي حكتلك . والله انا اسف مكنتش اقصد كدة . انا مكنتش اعرف انها حبيتك . كنت فاكرها لسة بتكرهك زي ما كانت اول ما اتجوزتك . انا اسف .
مراد :حس انه مش فاهم حاجة . انت بتقول ايه يعني انت ماكنتش علي علاقة معاها .
جاسر:لا والله عمري ماكلمتها الا في الليلة دي . وكنت فاكر انها مش عايزاك وكانت صعبانة عليا .
مراد :ازاي مش انت اللي كنت جايبلها المنوم علشان تحطهولي .
وكانت بتحكيلك كل حاجة بيني وبينها .
جاسر: لا طبعا . هي عمرها مااتكلمت معايا في حاجة والا كنت عرفت انها بتحبك ومكنتش كلمتها .
مراد :حس انه متلخبط ومش فاهم . ومسك راسه بيإده . انت متاكد . جاسر قولي الحقيقة وانا اوعدك اني امشيك من هنا من غير ماأذيك . هي كانت بتحبك صح
جاسر :والله ابدا سجي دي انضف واحدة انا شوفتها في حياتي هي كمان قالتلي انها حتي لو مش بتحبك مش حتخونك مهما حصل .
مراد :طيب .
والمنوم
جاسر :ده كان في اول يوم جت فيه وكمان هي وقتها ماكنتش تعرف حد ولا بتخرج كانت حتجيبوا ازاي
مراد :مش ممكن يعني سجي ماخنتنيش .
جاسر :لا طبعا . هي كمان زعلت اني كلمتها في الموضوع ده وقالتلي انها حتخليك تبعدني عنها وتخلي معتز هو اللي يوصلها
مراد :جاسر ارجوك قولي الحقيقة . بص انا بس عايز اعرف هي خانتني ولا لا . علي فكرة انا طلقت سجي . ولو قولتلي الحقيقة حخليك تروح تجوزها .
وصدقني مش حاذيك المهم اعرف الحقيقة
جاسر:والله ماحصل وعمري ما كان في حاجة بيني وبين سجي ابدا وان اليوم ده كان اول يوم اكلمها فيه في الموضوع ده . صدقني . ارجوك سامحني انت عارف .انا اهلي مالهمش غيري .
مراد قام ومشي وهو مش عارف يعمل ايه هو فعلا سجي مظلومة فعلا مخانتنيش . ولا جاسر بيقول كدة علشان خايف عليها مني . لا انا مش فاهم حاجة . انا عايز حد يفهمني انا حروح لفاروق . هو الوحيد اللي حقدر اتكلم معاه………..
|في المستشفي )
فاروق:معقول يا مراد كل ده يحصل من غير ما تقولي .
مراد :يا فاروق انا لا كنت بكلم حد ولا عايز اشوف حد . المهم قولي اعمل ايه اصدق جاسر ولا اصدق وداني
فاروق:بصراحة انا شايف انها لو كانت فعلا علي علاقة معاه كان قال بدل مايشيل الليلة لوحدوا . ده غير انك متسمعتش منها حاجة ولا عرفت هي قالتلوا ايه.
مراد :كنت خايف اقف اسمعها وهي بتخوني وساعتها كان ممكن اق.تلها . علشان كدة مشيت بسرعة . انا مش عارف افكر يا فاروق . اعمل ايه .
فاروق :طيب بقولك ايه انت ماتعرفش تليفون جاسر فين .
مراد :في المخزن مع الرجالة اللي معاه ليه .
فاروق :يعني انا بقول نفتحه ولو هي كانت علي علاقة معاه هنلقيها علي الاقل حاولت تكلموا من يوم اللي حصل . لانه اختفي فجاة .
مراد :تصدق ممكن . طيب انا حروح اشوفه وافتحه بسرعة
فاروق :استني انا جاي معاك كمان انا عايزك لما تفتحه خاليه يكلمها وافتح الاسبيكر . ونسمع حتكلموا ازي وفي ايه
مراد : تعرف معاك حق . خصوصا انه غايب .
بقالوا شهر من يوم اللي حصل
(في المخزن )
مراد .:التليفون اي اتصال غير من اهله هما بس اللي حاولوا يكلموه و مفيش مكالمات ..لسجي نهائي
فاروق طيب :اتصل علي سجي بسرعة .
مراد :انا بتصل بيها يا جاسر لو قولت كلمة غير اللي فهمتهالك . حيكون أخر يوم عمرك .
سجي :تليفونها بيرن . الو .
جاسر :الو ايوة ياسجي . انا جاسر
نهي :انا نهي مش سجي . سجي تعبانة ومابتردش علي حد . في حاجة ابلغلها يا جاسر .
جاسر:ايوة ياريت تخليها تكلمني ضروري بسرعة .
نهي :طيب ثانية واحدة ……. سجي :ايوة يا جاسر هو انا مش قلتلك متتصلش بيا تاني بعد اللي قولتوا . ولا انت قلت خلاص هي اطلقت من مراد والسكة فضيت انا رديت عليك بس علشان اقولك لو فكرت تتصل بيا تاني مش حيحصلك كويس انت فاهم … وقفلت سجي ومراد كان نفسه يض.رب نفسه . علي انه ظلمها وحتي مدهاش فرصة تدافع عن نفسها .
في عربية مراد
مراد :سجي ضاعت مني يا فاروق انا ضيعتها . ضيعتها بإيدي . سجي كانت بتحبني وانا اللي جـ,ـرحتها . اعمل ايه بس قولي .
فاروق: هي دي محتاجة كلام .
تروح ترجعها طبعا .
مراد :ازاي بس انا طلقتها بالتلاتة
فاروق :هههههه ما هو جاهلك انت وامثالك ده هو اللي موديك في داهية . انت طلقتها في مجلس واحد يارب تقول انتي طالق 10 مرات بردوا حتتحسب طلقة واحدة . والا ماكنش حد غلب .
مراد :وهو مبسوط يعني انا اقدر ارجعها . طيب اعمل ايه قولي اجيب ماذون ولا اعمل ايه
فاروق:ولا مأذون ولا حاجة انت تروحلها وتقولها انا رديتك لعصمتي . بس خلصت المهم انكم لسة في شهور العدة
مراد :ايوة لسة مش هي 3 شهور احنا يادوب شهر واحد واسبوع .
فاروق :خلاص روحلها وهاتها واوعي تسيبها تاني
مراد :انا حسافر اسكندرية دلوقتي
فاروق:طيب خاليها الصبح .
مراد :لا مش حقدر استني . دي وحشاني اوي .
فاروق:خلاص وصلني المستشفي وروحلها
مراد:معلش يا فاروق انزل خد تاكسي . انا مستعجل .
فاروق:اه يا ندل بعتني في ثانيه
مراد :ابيعك وابيع الدنيا بحالها . دي سجي . يالا بقي انزل بسرعة .
وطار مراد علي اسكندرية علشان يشوف سجي . كانت وحشاه مو.ت (((بريئة احيتلي قلبي )))بقلم ريحانة الجنة
(((الحلقة السابعة عشر ))
مراد وصل اسكندرية في وقت قياسي كان حاسس ان قلبه هو اللي طاير مش العرببة وسافر لوحدوا من غير بادي جارد ولا حراسة وماهتمش بأي حاجة غير انه يروح لحبيبته علشان كانت وحشاه وخلاص مش متحمل بعدها . مراد وصل عند بيت صفية خالت سجي واول ما نزل من العربية وبيبص فوق شاف سجي كانت في البلكونة واول ماشافته فرحت وجريت علي تحت بسرعة علشان تشوفه . وقبل مامراد يوصل حتي لباب الاسانسير . كانت سجي نزلت
مراد :سجي . انا أسف
سجي :جربت علي ح.ضنه.مراد حبيبي . وحشتني اوووي . هنت عليك يا مراد تعمل فيا كدة .
مراد :ضمها اكتر . انا اسف حقك عليا. كنت غبي وحمار . ومافهمتكيش . سامحيني . والله كان غصب عني .
سجي:مسامحاك . حتي من غير ما اعرف ايه اللي حصل .
مراد:يعني موافقة اني ارجعك .
سجي :ابتسمت وهزت راسها . طبعا موافقة .
مراد :انتي تعرفي اني كدة خلاص رجعتك لعصمتي .
سجي :عارفة علشان الثلاث طلاقات في مرة واحدة بيتحسبوا طلقة واحدة
مراد :امممم . واضح اننا بس اللي كنت جاهل بالحاجات دي .
سجي :انتي ناسي اني بتاعة قانون ولا ايه .
ده غير اني بقراء كتب كتير في الشريعة .
مراد :انت احلي حاجة حصلتلي في حياتي. سجي انتي كنتي وحشاني اوي .
سجي :ح.ضنته اويييي . انت وحشتني اكتر .
مراد :اممم طب ايه حنفضل واقفين كدة واللي طالع ونازل بيص علينا وبعدين حضرتك مش واخدة بالك انك نازلة بالبجامة ومن غير حجاب .
سجي :يا نهار ابيض . انا نسيت خالص ونزلت كدة انا اسفة بس فرحتي بيك لما شوفتك خلتني مفكرش في اي حاجة .
مراد :هههههه طيب يالا اطلعي حضري شنتطك بسرعة وانا مستنيكي .
سجي :طب تعالي اطلع معايا لحد ما البس .
مراد :لا يا حبيتي الوقت متأخر حستناكي هنا متتأخريش عليا .
سجي :بإبتسامة . مقدرش .
(في عربية مراد )
مراد :خلاص بقي حتفضلي زعلانة مني كدة كتير . انا اسف والله اسف
سجي :بتعيط . انا انا يا مراد تشك فيا . شوفت مني ايه يخليك تفكر في كدة .
مراد :كان غصب عني يا سجي انا اول نا شوفتك واقفة معاه في الجنينة والدنيا ضلمة . عقلي راح مني مابقتش شايف ولا عارف افكر من غيرتي . ولما سمعت جاسر واللي قالوا وحكاية المنوم دي . اتجننت اكتر . سجي انا حبي ليكي حب مش عادي علشان كدة غيرتي عليكي مش حتكون ابدا عادية افهميني علشان خاطري وسامحيني
سجي :مسمحاك .
بس ده ميمنعش اني زعلانة منك اووي .
مراد :اممم طيب ممكن اصالحك باغنية . انا عارفك بتحبي الاغاني اللي بختارهالك .
سجي :مش عايزة اسمع حاجة . هاه
مراد :طب بس اسمعي دي . وشغلها مراد (يالي زعلان مني لحماقي )(يا اللي زعلان مني ومخاصمني ومش عايز تاني تكلمني .واخد علي خاطرك قوي مني . يا حبيبي انا اسف . ده انت عمري وعمري مافيش بعده ومسهر عيني كدة في بوعده . ومطمن ليلي وانا مواعده وعامل مش عارف . سامحني يالي قلبي وعيوني مابطلوش عليك يسألوني . بلاش تسيبني وحياة هوانا سماح .
يا حب عمري خاليك معايا بلاش تروح وتعند كفاية . تعالي شوف ايه بعدك حاصلي . يالي يالي زعلان مني ومخاصمني . لو سمحت سامحني المرة دي يا واحشني بشكل ماهوش عادي . بقي هنت عليك للدرجة ادي . قلبي عاشق علي بابك غني . وبيحلم يرجع للجنة .وحياة الحب اللي مابينا سامحني النوبة . ياالي زعلان مني .)
مراد كان طول الاغنيةماسك ايديها وبيبوس ايديها . علشان تسامحه وبعد ماخلصت .
مراد:هاه لسة زعلانة ولا اشغلهالك تاني .
سجي:ابتسمت . لا خلاص ماهو انا عبيطة وبتضحك عليا بأغنية .
مراد :هههههه بصراحة انتي فعلا عبيطة علشان حبيتي واحد زي . بس عموما انا مش بضحك عليكي بأغنيه انا عايز اضحك عليكي بحاجات احلي كتير
سجي:بخبــ,,ـــــث. اممم حاجات ايه
مراد :هههه مش عارفة . عموما لما نروح حتعرفي .
سجي:لما اشوف
مراد :طيب تعالي بقي في ح.ضني وانا سايق علشان انتي واحشاني.
سجي: والله ولما نعمل حاــ,,ـــــدثة بقي
مراد :خايفة علي نفسك ولا عليا.