فاتن قامت من غرفتها وراحت لغرفه باباها.
فاتن بعياط قربت منه وحطيت دماغها علي رجليه: بابا انت مصدقني صح.
جمال بدموع: مصدقك ياحببتي عارف وواثق، انا مشوفتكيش بس انا عارف انك مش ممكن تعملي كدا مش مصدقهم، لو كنت اقدر اقوم كنت كــ,,ـــــسرته بأيدي وعرفت الحقيقه.
فاتن بعياط: انا تعبانه اوي اوي يابابا، تعبت ف حياتي اوي نفسي افرح، كل ما احاول افرح حياتي تبوظ اكتر، كل الي وثقت فيهم خدعوني، حتي اهلنا يابابا، واخذت نفسها وقالت “حتي روان اختي” وقالتها بكل كــ,,ـــــسرة.
جمال وطبطب بأيدو عليها: ربك مش بيسيب يالعالم ربنا شايلك ايه بكرة.
فاتن:
اهو انا خايفه من بكرة دا، تسمحلي انام ف حــ,,ـــــضنك انهاردة يابابا؟ .
جمال: نامي يا حببتي.
************
ف صباح يوم جديد بأحداث جديدة.
روان: اصحي يافاتن عمك برا وعاوزك.
فاتن: هاتيلي الطرحه وامشي انتي لما اشوفو عاوز ايه.
و اخدت الطرحه من اختها وطلعت برا.
عاطف: صباح الفل الله دا احنا مبسوطين خالص ما هو الصباحيه بقي ياعروسه ولا ايه وضحك.
فاتن: اوعي تفكر انك عشان عمي هتطاول معايا، قول جاي ليه.
عمها قرب منها ومسكها من ايديها بعنف:
لو عليتي حسك تاني عليا وقتها هكــ,,ـــــسرلك عضمك، كفايه اننا سايبينك عايشه لحد دلوقتي، اسمعيني كويس.
فاتن بقهرة: عاوز ايه.
عاطف: انتي بليل هيتكتب كتب كتابك وهتروحي علي بيت جوزك، ومش هيكون محمد.
فاتن باستغراب: اومال مين.
عاطف بضحكه: واحد كدة معرفش ازاي عرف بالحصل بس اظاهر حب يكسب فيكي ثواب ويسترك.
فاتن: زين؟ .
عاطف: وانتي تعرفي منين كمان ماشيه مع واحد غير الكنتي نايمه معاه ولسه مكملش لقي قلم نزل علي وشه.
نوال:
اوعي تغلط في بنتي تاني ياعاطف، اذا كنت ناسي افكرك ان بنتك هربانه لحد دلوقتي محدش يعرف عنها حاجه وياتري هي مع مين ولا بتعمل ايه، اوعي تفكر ترمي نقصك علينا، روح ربي بنتك وبعدين تعالي اتكلم.
عاطف بغل وحقد لسه هيكلم.
نوال: من غير كلام كتير، بليل تيجي تجيب الراجل والمأذون وفاتن هتروح بيت جوزها ويلا مع السلامه عاوزة اقعد مع بنتي شوية قبل ما تتجوز.
عاطف بغل اخد بعضه ومشي.
فاتن: ماما سامحيني، والله مظلومه لو تسمعيني بس.
نوال: دفعت عنك لانك بنتي لكن عمري ما هسامحك، انتي خونتي ثقتي يا فاتن ومشيت وسبتها.
فاتن وقعت علي الارض وبعياط: والله مظلومه لو حد يسمعني بس، مش عاوزة اكتر من كدا.
***************
“في المساء، تم كتب الكتاب”.
فاتن وهي بتودع والدها: هتوحشني اوي يابابا، انا معرفش انا داخله علي ايه ولا ايه الى هيحصل، بس هرجعلكم تاني، هاجي يا بابا انا مقدرش اعيش من غيرك.
جمال بعياط: كان نفسي افرح بيكي بجد بس ربنا عاوز كدا، خلي بالك علي نفسك.
فاتن باست ايديه وراحت لمامتها: سامحيني، سامحيني يا امي هتوحشيني، نفسي احــ,,ـــــضنك ارجوكي سبيني احــ,,ـــــضنك.
نوال بدموع واقفه ساكته.
فاتن قربت منها وحــ,,ـــــضنتها وهي واقفه زي ما هي تبكي من غير اي رد فعل.
زين: يلا يا فاتن العربيه تحت.
ومشيت فاتن مع زين.
نوال وهي بتبص علي بنتها: انا اسفه يابنتي، اسفه اني مسمعتكيش بس مش قادرة اسامح نفسي.
*************
زين: انزلي.
فاتن: ممكن تساعدني الكوتشي علق ف الكنبه.
زين دخل العربيه وقرب منها وشد رجليها.
فاتن: متقربش كدا وخلى بالك عشان فيه قوانين لما نطلع.
زين بضحكه: قوانين؟ .
دخلت فاتن الفيلا: الله جميله اوي.
غادة وهي نازله علي السلم: ابني؟ ، جبت ابني يازين.
غادة ولسه هتكمل لقيت واحدة جمب زين.
غادة: هي مين دي؟
زين ببرود: مراتي.
غادة بدموع: مراتك! اتجوزت وابني ولسه هتكمل.
فاتن بصدمه: هي دي مراتك وهنقعد سوا ف نفس البيت.
غادة: يا بجاتك ياشيخه عارفه انه متجوز وجايه، خلي عندك دم.
زين بزعيق: اطلعي فوق اوضتك.
غادة: عاوزني اطلع اوضتي وف بيتك وانت معندكش دم يا اخي وانا بقول ان لو لمرة اكيد هتحس بغيرك، لكن واضح اني اني غلطانه انا همشي من البيت دا وفورآ.
زين بزعيق وقرب منها:
انتي عارفه انك لو مشيتي عمرك ما هتشوفي ابنك ابدا فاهمه يا غادة، اتلمي واطلعي اوضتك.
غادة طلعت تجري ببكاء وهي بتدعي عليه.
كل دا فاتن واقفه بتترعش وخايفه منه وحسيت انها داخله علي جحيم لا مخرج منه.
زين: تعالي ورايا.
فاتن برعشه: ححح، حاااضر.
و طلعت وراه.