فاتن وبلعت ريقها: انا مراته.
الدكتور: طيب هو حالته كويسه الحمدلله يومين ويطلع، فتح بسيط وخيطنا واثر الخبطه بس اغم عليه.
فاتن: يعني هيبقي كويس.
الدكتور: اة بس لو شخص المتعمد لازم محضر.
فاتن بهدوء ومش عارفه تقول ايه: لا لا ملهوش داعي كان من دون قصد، ممكن ادخلو.
الدكتور: اتفضلي اكيد هو نايم شوية من البنج لان كانت خياطه صعبه وكان لازم اديله.
فاتن: حاضر.
دخلت فاتن الغرفه لقيت زين نايم علي السرير مش بيتحرك، قعدت تدقق فيه كتير، .
فاتن بدموع:
انا مظلومه اوي، كنت مفكرة انك ممكن تكون سندي وانت الوحيد التسمعني، عارف يا زين انا اتظلمت ف حياتي كتير، سبت تعليمي ومعنديش صحاب واتظلمت من عمي لما ابويا عجز، واكبر ظلــ,,ـــــموكــ,,ـــــسرة ليا لما حصل فيا دا، بس انا متاكدة ان محدش لمسني، زين انت شكلك جميل اوي وانت نايم كدا هنا وهادي وكويس وضحكت ومحترم مع انه حساك مش محترم، زين انا نفسي حد يسمعني لو محدش سمعني ف يوم انا مش علاقي شئ غير اني انتحر واخلص من حياتي، انا مؤمنه بالله بس تعبت، طاقتي راحت، انا هقعد معاك لحد ما تصحي.
و قربت فاتن ايديها من ايدو واترددت شوية بس مسكت ايده وريحت علي كتفه ونامت.
زين صحي وبيبدأ يفتح عينه لقي حاجه تقيله علي كتفه وجاي يبص لقاها نايمه طرحتها مبعثرة وبعض الخصلات طلعت من شعرها، ووشها الرقيق الناعم.
زين بجمود: فاتن فاتن.
فاتن بنوم: هه ايوا ايوا انا صاحيه ماله بابا حصله حاجه.
زين بهدوء: فوقي يا فاتن، انا ايه اللي حصلي.
فاتن ومش عاوزة تقول علي غادة حاجه: اصل، اصل انا حدفتك بحاجه لما انت غلط فيا.
زين:
انتي بتكدبي الخبطه جت من ورايا، غادة الي عملت كدا صح ومسكها من ايديها جامد انطقي.
فاتن بخوف: متعملهاش حاجه هي اكيد اضايقت انك اجوزت عليها.
زين بضحكه: اجوزت عليها.
فاتن: ايه المضحك.
زين: متكدبيش تاني عليا دا اولا، ثانيا انتي مبتعرفيش تكدبي اساسا.
فاتن بطفوله وضحك: ماما كانت بتقولي بعرفك من عنيكي.
زين وضحك ضحكه صادقه: مش هتبقى ماما بس بقي.
زين: اومال فين تلفوني؟ .
فاتن: جبتهولك اهو اتفضل.
و خرجته من شنطتها.
زين: اطلعي برا انتي هعمل مكالمه.
زين: الو ايه يا يوسف عرفتلي مكانها.
يوسف:
اة ياباشا عيب عليك انت مصاحب ارجوز ولا ايه.
زين: ابعتهولي ف رساله وحضر الرجاله.
يوسف: ونا كمان معاك، عملت ايه مع البت؟ .
زين: يا يوسف انا مش مؤذي انا اتجوزتها عشان احميها من البت دي فهمت، انا مش عاوز أأذيها.
يوسف: غادة بتحبك هتعمل ايه.
زين: بلاش الكلام دا نت عارف كويس اني اتجوزها عشان صاحبي وصاني مسيبهاش، انما غير كدا متلزمنيش.
يوسف: طيب ياصحبي هستناك بليل تيجي نتكلم عشان نشوف ايه الهيتم.
فاتن: معقول ماما بتكلمني، الو ماما وحشتيني اوي.
روان بدموع:
فاتن الحقيني ماما وقعت مننا ومعرفش مالها، الحقيني يافاتن انا مش عارفه اتصرف.
فاتن بصدمه: انتي فين.
روان: ف البيت.
فاتن: انقليها بسرعه المستشفي الجمبنا يا غبيه وانا جايه حالا.
فاتن ودخلت علي زين فجأه وهي بدموعها: زين الحقني ماما تعبت فجأه ومعرفش مالها، وديني عندها ارجوك انا معرفش الطريق.
زين: حاضر اهدي بس يا فاتن هعملك الي عاوزاة.
***************
“ف المستشفي “.
روان: يارب تقومي بالسلامه انا السبب انا السبب.
فاتن دخلت بتجري: روان ايه الحصل لماما، بابا ايه الحصلها.
روان بانهيار: انا السبب يافاتن مش هسامح نفسي ابدا.
فاتن: انطقي ايه الحصل.
روان: اصل ماما كانت بتكلم عمي ولسه ملحقتش تكمل.
الدكتور: انا اسف البقاء لله جالها جلطه ف المخ وملحقنهاش.
فاتن بصريخ: مامااااا
زين بزعل حقيقي قرب منها وحــ,,ـــــضنها: اهدي يا فاتن اهدي انا معاكي.
فاتن ببكاء: ماما يا زين، ماما سبتنا انا اكيد السبب ف مــ,,ـــــوتها، ووقعت علي الارض وقالت: والله مظلومه حرام عليكو، مامت وهي متعرفش اني نضيفه، ليه بس كدا.