فرح نزلت عيونها في الارض وسكتت وهو اتنهد بضيق وراح ياخد شاور وسابها واقفه
فرح اتنهدت بضيق وقعدت على السرير مستنياه
بعد شويه خرج وبقى يلبس هدومه قالت باستغراب… رايح فين
سليم ابتسم بسخريه وقال…. خارج هروح اسهر اشوفلي مصلحه احسن من اللي هنا…. ايه عندك اماكن مناسبه للانبساط ولا هو المكان ده وبس
فرح وقفت وقالت بعصبيه…. انت هتشوف بنات
سليم ضحك بسخريه وقال… اه هشوف بنات او بمعنى اصح مدامات..لان زي ما قولتلك مفيش بنات بتبقى في الاماكن دي
فرح بصتلو بغضب وقالت …انت عايز تخوني…
مش هتطلع من هنا يا سليم
سليم قال بسخريه …. على الاقل بخونك بعلمك احمدي ربك ولسه هيمشي وقفت قدامه وقالت بعند…مش هتطلع من هنا مش هسيبك تطلع لو على جثتي
سليم قرب منها وحاوطها عند الباب ومشى ايده على وسطها وقال… انت هتمنعيني
فرح دابت جدا بين ايديه وقالت … اه همنعك ..انت جوزي انا جوزي انا وبس و… وانا بحبك..بحبك اوي
سليم قرب منها اكتر وهيه غمضت عنيها باستسلام …بس فجأه بعد عنها وبص لها بسخريه وقال… واضح انك متعوده ومتمرسه كمان …للمره لالف هقول لك انا ما ليش في البواقي
ومشي وسابها مصدومه من كلامه واهاناتو …بس كانت عذراه جدا لانها عارفه انو بطبعو غيور جدا والي شافو مش سهل
بقلم…زهرة الربيع
فضلت مستنياه لنص الليل ومكانش راضي يرجع وكانت بتتكلم مع واحده صاحبتها وحكت لها كل اللي حصل
صاحبتها قالت …يا بنتي ما هي محلوله… هو مش فاكر انك خونتيه اثبتيله انو محصلش
فرح قاللت بحزن…طب اثبت له ازاي مش مصدقني
صاحبتها ضحكت وقالت…
هو ايه اللي تثبتي له ازاي ده مش جوزك
فرح اتنهدت وقالت… مهو مش راضي يقربلي وبيقل ادبه كمان لما اكلمه
صاحبتها ضحكت جامد وقالت… وفين انوثتك يا فالحه يعني ما تعرفيش توقعيه تشنكليه تخليه ينسى كل الي قالو..ستات اخر زمن
فرح ضحكت وقالت…. اصلك ما تعرفيش سليم
صاحبتها قالت… معرفوش ازاي هو سليم ده مش راجل.. مفيش راجل يقدر يثبت قدام الست الواثقه من نفسها خصوصا لو كان بيحبها زي سليم ما بيحبك …انت بس اسمعي كلامي انا هظبطك
وهما بيتكلموا اتفاجأت بصوت ضحكات عاليه لسليم واحده ست معاه بصت وشافتو معاه بنت جميله وبضحكوا سوا وبيتطوحوا شهقت بزهول وقالت بغضب..اقفلي يا ورد الخطه اتغيرت..انا هخلص عليه اسهل ووووو شافتو داخل البيت ومعاه بنت وبيضحكو سوا اتسعت عنيها وقالت بغيظ.اقفلي يا ورد الخطه اتغيرت..انا هخلص عليه اسهل
وقفلت معاها ونزلت بسرعه وبصت له بذهوله وقالت انت بتهبب ايه… مين دي سليم ضحك جامد وقال … دي …دي ليندا المستعده للمواقف الصعبه والوقت الضيق
البنت ضحكت بمياعه وفرح قالت بصدمه… انت بجد ناوي تخوني يا سليم لا وجايبها لي هنا البيت كمان..
طلع الزباله دي بره
سليم بصلها بغضب وقال …بلاش حكاية الزباله دي لاحسن لو جينا نخرج الزباله انتي اول واحده هتطلع
فرح بصتلو بدهشه من اللي قالو وهو بص للبنت الي معاه وقال…يلا يا لونا قبل ما يقفشونا
البنت ضحك تاني وفرح كانت فاتحه بقها بصدمه شديده ومش مصدقه وهو اخذها وطلع بيها على اوضتهم
فرح طلعت جري وراه هو دخل وقفل الباب
بقت تخبط على الباب بغضب وبتقول… افتح يا سليم افتح هعمل لك مصيبه و فض.يحه هنا …افتح
وبقت تخبط جامد وتض.رب الباب برجليها بغضب واصرار وبتقول…يا سليم افتح هق.تلك..
هق.تلك …طب هق.تل نفسي همو.ت نفسي يا سلييييم
سليم كان في الاوضه قلع قميصه و قاعد على السرير بتعب شديد ووحاطط ايده على راسه بصداع وهو سامعها بتصوت وتزعق وتخبط على الباب بغضب
البنت الي معاه بصت له وقالت…ايه الدوشه دي احنا مش هنعرف نعمل حاجه كده من المجنونه دي
سليم بصلها بحده وقال… اتلمي يا بت ….المجنونه دي مراتي واصلا اهمدي يا اختي مفيش حاجه هتتعمل كده كده ..وفلوسك هتاخديها وتمشي
شهقت بردح وقعدت وقالت… نعم…هو انت منهم.. حسره
بص لها بغيظ وسكت وفرح كانت بتخبط على الباب بغضب وجابت سكينه من المطبخ وبقت تض.رب الباب بيها
بقلم…زهرة الربيع
سليم كان عايز يضحك على حركاتها وجنانها وصرخها بس مش راضي يريحها ويقول لها ان ما فيش حاجه بتحصل بينهم اصلا
بعد شويه ملقاش لها اي صوت خالص استغرب جدا وقال… بقالها كتير مش بتخبط غريبه
قالت بلا مبالاه…يمكن زهقت…
احنا هنفضل كده لامتى
سليم بصلها بضيق وقال…انتي مش حسابك بالساعه مضايقك من ايه و
بس قطع كلامه بذهول ….لما سموا صوت عربيات بوليس
البنت ض.ربت على صدرها بخضه وقالت ….يا نهار اسود انت عاملي كمين يا باشا
سليم وقف بذهول واخذ القميص بتاعه هيلبسه بس الباب اتكسر من قوات الشرطه ودخلوا الظباط وفرح معاهم وقالت …اهو يا باشا جايب الحربايه دي معاه عايزه اعمل لهم محضر دعاره وزنا كمان وخيانه زوجيه الثلاثه سليم اتسعت عنيه بذهول وهو مش مصدق انها طلبت له البوليس بجد بقى يبص لها بدهشه
الظابط الي مع الدوريه نزل سلاحه وقال… بس يا ابني نزل انت وهو..ده سليم باشا…. انت بتعمل ايه هنا يا باشا
سليم بصلها بغيظ وقال… ده بيتي يا كريم..و المجنونه اللي مبلغه دي مراتي…انا هفهمك كل حاجه
بعد شويه كان سليم اخذ كريم في الجنينه وفهمه انه بيضايق مراته بس مش اكثر وطبعا لانه زميله واعلى منو كمان ماتخذش اي اجراء ومشي هو والظباط اللي معاه واخذوا ليندا معاهم
فرح كانت بتزعق وتقول… انا هبلغ على الكوسه اللي بتحصل في البلد دي وهحاسبكم كلكم عشان المفروض تاخدوه معاكم و
بس قطعت جملتها لما سليم قفل الباب وبص لها بنظرات ترعب
فرح خافت منو جدا وجريت بسرعه على اوضتها ولسه هتقفل الباب حط رجله بسرعه ودخل ومسكها من دراعها بقوه وقال… ايه اللي هببتيه ده فضحتيني قدام زمايلي
فرح قالت بخوف منه ….امال تجيبلي واحده لحد بيتي واسكت…ايه استناك لما تخلف منها
سليم قال بغضب…ده مش بيتك …وانا مش جوزك احنا اللي بينا انتهى من وقت ما شوفت الفيديو والوسخ بتاعك
فرح قالت بغضب ….مفيش حاجه في الفيديو تثبت ان انا وحشه افرض روحت هناك وكنت سكرانه يعني ما انت راجع البيت سكران ومعاك واحده كمان
سليم بصلها بغضب ودهشه وقال… انت بتشبهي دي بدي
فرح بصت له بدموع وقربت عليه قوي وقالت برقه… سليم انا طول عمري بحلم بجوازي منك ..ونفسي قوي نتجوز ونعيش سوا مش دي الحياه اللي اتمنيتها ولا رسمتها ..بلاش تهد حياتنا على حاجه تافهه ..والله ما حد لمسني ابدا ..ولا حد يقدر انا بحبك يا سليم وانت كمان بتحبني… بس كفايه كده ابوس ايدك سامحني وخلينا نبدا من جديد
سليم حط ايده ورا رقبتها وقربها منه جامد وسند جبينه على جبينها وقال بهمس عند شفايفها…. لو قادر مكنتش استنيتك تقوليلي…انا بحبك بدمنك….
كنت مستني اليوم ده اكتر منك وميت على قربك وملهوف على اقل لمسه منك..بس…بس في نار في قلبي وضغط على شعرها بغضب وقال…. نار يا فرح كل ما افتكر المنظر …كل ما افتكر دخلتو عملتوا ايه جوه ..ولما بفتكر انك كنتي مقرطساني وبتروحي مشاوير من ورايا كل ما افتكر انك كنتي بين ايدين واحد غيري وبتضحكي معاه بالشكل ده… مش قادر اعديها..مش قادر اقبلها على نفسي ودفعها وراح يغير هدومه … ولبس بنطلون قطني خفيف
فرح نزلت دموعها وحست ان مفيش فايده وقالت بدموع…. يبقى نتطلق بقى يا سليم..طالما مفيش فايده خلينا نطلق احسن ما نأذي بعض اكتر من كده سليم اتسعت عنيه بذهول وبصلها بدهشه
فرح ابتسمت بسخريه وقالت… متفاجئ ليه… ده اللي انت نويت عليه اصلا ما فيش حل غير كده للاسف …انت مش قادر تستحمل اللي شوفته وانا معنديش حاجه تانيه اقولها ما عنديش ..ومش هستحمل ان اللي حصل انهارده ده يتكرر تصبح على خير…..
وراحت نامت على السرير ودموعها على خدها
سليم اتنهد ووجعوا قلبه من منظرها حاول يتكلم او يقول حاجه بس ما كانش قادر يسامحها ابدا بص بعيد عنها وفضل وسط افكاره لحد ما نام
في صباح يوم جديد فرح كانت واقفه في المطبخ بتحضر الفطار بحزن شديد ودخل سليم من غير ما يقول لها صباح الخير حتى بقى يعمل قهوته بهدوء
فرح كمان كانت بتجهز فطار عادي بس سلبم وقف وراها وبقى ياخد فنجان من الرف اللي فوقها مباشره
فرح بعدت شويه علشان ياخد براحته بس راح وراها تاني واخد الطبق من الرف اللي فوقها برضو
فرح
استغربت حركاته والتفتتله وقالت… بتعمل ايه
سليم حط ايديه حواليها على المطبخ وبص لعيونها وقال ..بعمل قهوه.. سخنه.. فيه حاجه
فرح ارتبكت من نظراته و قالت…انا ممكن اعملهالك احسن من شغل الاتوبيسات ده
سليم ضحك بخفه و قال وهو باصص لعيونها جامد….تؤ ..انا بحب اعملها لوحدي ..
فرح اتنهدت وبعدت وبقت تكمل تقطيع وهو قرب منها تاني ولف ايديه حوالين وسطها وقالب بهمس عند رقبتها ….عايز اسمه قبل ما نتطلق
وقعت الكوبايه من ايدها بارتباك وقالت بتوتر… هو مين
سليم قرب اكتر وانفاسه على رقبتها وقال بهمس عند ودنها .. الجو اللي كنتي معاه عايز اسمه عايز اقابله
فرح قالت بتوتر شديد…
بس انا معرفوش اصلا
سليم قعد على الطاوله اللي في المطبخ وقال….اممم يعني طلعتي مع اي واحد والسلام
فرح بصتلو بدموع وقالت …كان موجود هناك بره وبس ماعرفوش
سليم ابتسم سخريه وقال..متعرفيهوش وكنتوا بتضحكوا كده ده الكيميا جامده
فرح بصتلو بضيق شديد ..ولسه هتطلع من المطبخ
شدها بقوه وحاوطها باديه… وقال مخبيه عني ايه… لو في حاجه ممكن اعرفها قوليها… لو في حاجه ممكن تنقذ حاجه بينا اتكلمي انا لو خسرتك هنتهي وجاهز اصدق اي كذبه منك