أدهم بانفعال : حسام الزم حدودك اسمها مدام أدهم المنشاوى انت فاهم متنساش نفسك حسام بزعل : اسف يا أدهم استأذن انا وخرج حسام من المكتب عشق : أدهم مكنش له لزوم اللى حصل دا يا أدهم هو مقلش حاجة مسكها أدهم من دراعها جامد : ايه عجبك ولا اى شايفك بتدافعى عنه يعنى عشق بغضب : ايه اللى بتقوله دا يا أدهم الزم حدودك وبعدين انا مغلطش عشان تكلمني كدا أدهم وهو بيشدد على دراعها بقو*ة: انتى نسيتى نفسك ولا اى يا ر*خيصة انتى فاهمة انتى بتكلمى مين
عشق وهى بتبكى :
سيب ايدى بقى حرام عليك انا زهقت من المعاملة دى بتاعملنى كأنى عبد عندك انت ايه يا اخى حس بقى شوية هتفضل طول عمرك وحيد انت بتكره الشفقة من الناس اللى حواليك بس انا فعلا بشفق عليك بس مش عشان اللى حصل انا بشفق عليك عشان انت مريض فى نفسك بعد اللى حصل ليك ولسه غرورك مستمر بتفرح اما تك.سر اللى قدامك انا من يوم م دخلت قصر المنشاوى اقصد سجــ,,ـــــن المنشاوى وانا مستحملة تصرفاتك اللى بتتغير بين دقيقة والتانية بس انت ايه دايما بتجر*حنى وتهينى بحاجة انا مليش ذنب فيها مليش ذنب ان اخويا رمانى لواحد زيك مغرور معندوش قلب
انا حاولت اغيرك عشان تبدأ تعيش حياتك من جديد بس انت عمرك م هتتغير وهتشوفنى دايما انى واحدة اشتريتها بفلوسك و هنا انهارت عشق من البكاء ولكن وقعت كلماتها على أذنيه كالصاعقة أدهم وهو بيقرب منها : عشق خلاص اهدى انا مكنتش اقصد صدقينى انا كنت متعصب من الشغل وانى مش فى ايدى حاجة اعملها بسبب اللى انا فيه دا وبعدين حسام زودها بردو ازاى يقول اسمك من غير مدام وانا وقفته عند حده
عشق بعصبيه : ودا ليه يعنى ليه مش عايز حد ينطق أسمى ولا اكلم حد ولا اتعامل مع حد انا حاسة انى فى سجــ,,ـــــن ليه بتعمل كدا أدهم بإندفاع : عشان …….. ولكن سكت لبرهة … عشق : عشان ايه يا أدهم بيه انطق عشان تذلنى وتشوفني مكسورة صح أدهم بعصبيه : عشق خلاص اسكتى مش عايز اسمع صوتك انتى فاهمة وقومى يلا عشان نمشى عشق وهى تمسح دموعها وحاولت ان تتظاهر بالجمود : يلا يا أدهم باشا
أدهم : عشق متتكلميش بالاسلوب دا عشق ببرود : م انا بتكلم كويس اهو أدهم بغضب : طايب اطلعى برا وخلى السكرتيرة تبعت حسام عشق : تمام وبالفعل خرجت عشق ولكن كانت تفكر على معاملة ذلك الادهم لها ف احيانا ترى الأمان و الحنية معه وأحيانا القسوة والجمود قاطع تفكيرها صوت حسام حسام : مدام عشق انا اسف جدا لو سببت لحضرتك مشكلة بس انا قولت اسمك قدام أدهم لانى اعتبرتك اختى عشق بابتسامه باهته : ولا يهمك بس أدهم عايز حضرتك جوا
حسام : تمام انا هدخله وبعتذر لتانى مرة جلست عشق تنتظره ولكن يخطر فى بالها الف سؤال وسؤال تجمعت دموعها على حالها الذى كان اخوها سببا فيه ************* فى قصر المنشاوي ،، كريم : ايه عملتى اللى قولتلك عليه السكرتيرة : ايوة يافندم وكله تمم كريم : لو عرفتى اى جديد عرفينى علطول السكرتيرة : ماشى يا باشا بس حصلت لخبطة انهاردة كدا بس مقدرتش افهم حاجة من اللى حصل كريم : لا لا انا عاوزك تعرفى كل حاجة وكل متجيبى اخبار تعجبني المبلغ هيزيد
السكرتيرة بطمع : حاضر يا باشا كريم : لازم اللى خططت له ميروحش على الفاضى انتى فاهمة حاتم : كريم !!! كريم بخضة ……. ملحوظة دى سكرتيرة أدهم فى الشركة يتبع… . الحلقة 9 . كريم : لازم اللى خططت له ميروحش على الفاضى انتى فاهمة حاتم : كريم !! كريم بخضة : بابا !! حاتم : ايه اللى انت بتقوله دا وايه اللى بتخطط له كريم بارتباك : هااا لا مفيش بسسس اه كنت بكلم واحدة صحبتى عشان تشوف طريقة اعرف اصالح بيها أدهم ونرجع زى الاول وينسى بيها اللى حصل زمان
حاتم : ينسى ايه يا كريم انت كنت أقرب حد ليه وانت اكتر حد اذيته بخيا.نتك ليه بسببك اخوك فقد بصره وفقد شغله واسمه وكل حاجة اللى خلاه يبدأ يرجع للحياه من تانى هى عشق هى اللى ساعدته انه يتحسن ويحاول يرجع زى الاول بعد م كان خلاص فقد الأمل كريم بمكر : خلاص يا بابا انا هعمل كل حاجة لحد م أدهم يسامحني ونرجع زى الاول واحسن كمان بس عاوز مساعدة عشق معايا طالما هى قريبة من أدهم اوى عشان اقدر ارجع اللى بينا تانى ويعرف قد ايه انا ندمت وانى كنت غلطان فى حقه
حاتم : ماشى يابنى ربنا يهديك بس اتمنى تكون فعلا اتغيرت كريم بخــ,,ـــــبث : صدقنى يا بابا انا اتغيرت دا كان شيطان و دخل بينى انا وادهم بس خلاص كل حاجة هترجع زى الاول **************** *************** فى بيت اهل عشق … يوسف : اتصرفى فى فلوس انا مليش دعوة اللى معايا انا خلصتهم وعاوز فلوس دلوقتى صباح : انت اتجننت ازاى خلصت المبلغ اللى معاك ضيعته فى اى حرام عليك دا انت لسه واخده من يومين
يوسف بيمسكها من هدومها : بقولك اى انا مش ناقصك انا عايز فلوس وخلاص اتصرفى جمال وهو بيطلع من غرفته : اى يا بنى الصوت العالى دا وماسك امك كدا ليه عيب يابنى اللى بتعمله دا يوسف : انت بالذات ملكش دعوة مش كفاية انك عاجز ومش بنستفاد منك حاجة بتاكل وبتشرب وخلاص جمال : الله يسامحك يابنى يوسف : المهم انا عايز فلوس اخلصوا صباح جابت له مبلغ : خدهم اهو يا يوسف ودا اخر مبلغ هتاخده منى
انت فاهم انا معتش معايا فلوس عشان تاخدها ارحمنى بقى يوسف وهو بياخدهم منها بعنــ,,ـــــف : هاتى بس وسابهم وخرج جمال : انت كدا بتضريه انتى متعرفيش هو بيعمل اى بالفلوس دى بيصرفها على صحابة و البنات الشمال اللى يعرفهم انتى اى يا شيخة انتى واحدة معرفتيش تربى ابنك لحد م بقى بيمد ايده عليكى منك لله صباح بزعيق : مين اللى معرفتش تربى مش احسن من تربية بنتك الغندورة جمال : بنتى اللى جوزتوها غصب عنها وضحت عشان خاطر ابنك ميتسجــ,,ـــــنش بالفلوس اللى خدها وصرفها بنتى دى اشرف واحسن منك
انتى وابنك وسابها ودخل اوضته صباح : بقى كدا يا جمال ماشى اما خليتك تتحرم من ست عشق بتاعتك دى ويتحــ,,ـــــرق قلبك عليها مبقاش انا صباح *************** فى الشركة ….. حسام بيخبط الباب أدهم : ادخل يا حسام حسام بجمود : نعم يا أدهم عايز اى أدهم : متزعلش منى يا صاحبى مكنش قصدى ازعلك بس مش لازم تنادى عشق باسمها دا اللى كنت اقصده ابتسم حسام على غيرة صحبه حسام : وانا يا عم مش زعلان بس تعالى قولى هنا هو انت بتغير عليها ولا اى شايفك اتضايقت اوى اما قولت اسمها يعنى
أدهم بارتباك : لا طبعا هغير ليه هو انا بحبها عشان اغير عليها مثلا حسام : يمكن تكون بتحبها أدهم بتوتر : لا يا حسام مفيش الكلام دا وانت عارف كويس ان مش اى بنت اللى توقع أدهم المنشاوى حسام بابتسامه : أدهم انا عارف اللى انت مريت بيه مكنش سهل وعارف أن المشهد اللى شوفته زمان مكنش سهل عليك عشان تثق فى حد من تانى بس مش كل الناس زى بعضها يا صحبى أدهم بعصبيه : حسام خلاص اقفل الموضوع
وبعدين الموضوع دا انتهى من زمان واتمنى انه ميتفتحش تانى انت فاهم انا مش عاوز افتكر أى حاجة من اللى حصل حسام : حاضر يا صاحبى خلاص بس مراتك غير باين فى عيونها الاهتمام والخوف عليك وانت كمان بس أدى لنفسك فرصة وعيش الحياة وكأنها لحظة مع الشخص اللى انت مرتاحله وانسى كل اللى فات وبلاش تقسى عليها لأنك مش هتعوضها تانى انا همشى انا بقى عشان طبعا انت عارف الشغل فى المخابرات عامل ازاى
أدهم : تمام انا اصلا هاخد عشق و نروح ملحوظة( حسام صاحب أدهم وكانوا بيشتغلوا ظباط فى المخابرات بس بعد اللى حصل لادهم قدم استقالته ) خرج أدهم ولما شافته عشق راحت عنده عشق : يلا نمشى ولا هتقعد شوية أدهم : استغرب انها كلمته ولا كأن حصل حاجة ولكنه فهم هى لسه عملت كدا عشان ميفضلش ينادي عليها او يمشى وهو ميعرفش مكانها عشان ميحسش بإحراج ،، هذا هو الحب ان تخاف على مشاعر الطرف الآخر حتى وان تواجدت المشاكل والاختلافات حينها يكون حبا صادقا ،،
أدهم : تمام يلا بينا كانوا يلزمون الصمت طول الطريق ولكن كل منهم لديه اسئلة و اضطرابات وصراعات من الأفكار وبعد مدة وصلوا قصر المنشاوي عشق ساعدت أدهم فى النزول ولسه هتمشى وتسيبه مسكها ايديها عشق : أدهم لو سمحت سيب ايدى انا عاوزة اطلع ارتاح شوية أدهم : هنطلع نرتاح سوى وبعدين انا حر مراتى ومسكت ايديها براحتى عشق بألم : اه صح مراتك ولا تقصد الخدامة اللى اشتريتها أدهم بعصبيه: خلاص يا عشق انسى مكنتش كلمه قولتها لحظة عصبية قولتلك مكنتش اقصد
عشق بوجع : ماشى يا أدهم يلا نطلع ولسه هيطلعوا كريم : أدهم ممكن اتكلم معاك لو سمحت أدهم بجمود: اطلعى انتى يا عشق دلوقتى كريم بخــ,,ـــــبث : لا يا ريت عشق تكون موجودة أدهم بغضب جحيمى و …….. يتبع… . الحلقة 10 . كريم : أدهم ممكن اتكلم معاك لو سمحت أدهم بجمود : اطلعى انتى يا عشق دلوقتى كريم بخــ,,ـــــبث : لا ياريت عشق تكون موجودة عشان تسمع اللى هقوله أدهم بغضب جحيمى وهو بيضــ,,ـــــرب بعصاه أرضا كى يتفقد مكان اخوه ولكن عشق اخذت بيده كى تهدئه
عشق : خلاص يا أدهم ويلا عشان ترتاح عشان تاخد العلاج متنساش كلام الدكتورة اهم شى الراحة أدهم بغضب : عشق انا قولت ليكى اطلعى فوق انتى … ولكن قطع حديثه يد كريم الذى يضعها على كتفه وهو يقول كريم بخــ,,ـــــبث: مالك يا أدهم بقيت عصبى كدا ليه انت مكنتش كدا ولا من ساعة م اللى حصل زمان وانت عصبيتك زادت خلاص يااا ….. ولم يكمل كلمته و وقع أرضا من أثر ضر*به تلقاها من أدهم
أدهم بصوت جهورى : انت كل مرة بتثبت ليا انك و*اطى طلعت امينه وحاتم على صوت أدهم حاتم : ايه اللى بيحصل دا امينه بخضه وهى بتجرى على كريم امينه: مالك يا كريم ايه اللى حصل كريم بغضب : ابنك هو اللى عمل فيا كدا محدش بقى عارف يكلم أدهم بيه امينه بغضب : لا انت زودتها يا أدهم كل دا عشان اى عشان ماضى انساه بقى وأبدأ من جديد وقولت ليك كريم زيه زيك فى البيت دا هو كمان ابن المنشاوى متنساش كدا اذا كنت سكت زمان لما طردته ف انا مش هسكت دلوقتى
حاتم : امينه خلاص مش عايز اسمع صوت انتى فاهمة وانتى يا عشق خدى ادهم واطلعى فوق وخليه ياخد علاجه أدهم ببرود : عارف يا امى انه ابن المنشاوى والماضى اللى بتقولى عليه هو سبب دمارى و دمار مستقبلى وانتى جاية تتكلمى عنه كدا بكل بساطه وتقولى انسى قوليلى انسى ازاى كريم بخــ,,ـــــبث : طايب وانت قولت بقى لمرات اخويا على ماضيك ولا قولت ليها سبب فقدان بصرك وازاى بقيت أعمى أدهم بغضب جحيمى وكان عيونه تشتعل كالجمر وانقض عليه وكأنه أسد ينقض على فريسته
امينه : خلاص يا أدهم عشان خاطرى يا بنى سيبه بالله عليك دا اخوك الصغير عشق وهى تمسك يده : أدهم عشان خاطرى وحياتى عندك كفاية هيمــ,,ـــــوت فى ايدك سيبه يا أدهم وحياتى عندك
