الحلقة 12 . الدكتورة : بصراحة يا مدام عشق مكنتش متخيلة ان أدهم باشا يتحسن بالطريقة و ان حضرتك هيكون ليكى تأثير عليه اوى كدا دلوقتى يا أدهم بيه تقدر تعمل العمليه وكمان هتكون نسبة نجاحها كويسة عشق بفرحة كالاطفال : بجد يا دكتورة يعنى أدهم هيقدر يشوف تانى أدهم : شكرا ليكى يا دكتورة ونقدر نحدد ميعاد العملية بكرا ان شاءالله الدكتورة : الشكر مش ليا الشكر لمدام عشق لأنها كانت خطوة جامدة فى انها تحسن من حالتك النفسية والاقبال على العلاج
أدهم : تمام يا دكتور نستأذن احنا يلا يا عشق ****************** عند امينه … امينه : مالك يا كريم مضايق ليه كدا اى اللى حصل كريم بغضب : كل حاجة فى البيت دا أدهم أدهم ليه بابا بيدافع عنه كدا وليه لما خسر عينه لسه فيه كبرياء ومتغيرش وبردو مقدرتش اك.سره زى م ك.سرنى يوم م طردنى من البيت وانتم واقفين تتفرجوا
امينه : يابنى اهدى م انا قولت ليك كتير خليك زى أدهم و اشتغل معاه وسيبك من الناس اللى بتشتغل معاهم وسيبك من الجرى ورا الستات وانت اللى مش سمعت كلامى لحد م بقى أدهم الكل فى الكل حتى بقى أقوى من بعد م اتجوز البنت اللى اسمها عشق دى وهى دايما واقفة معاه فى كل حاجة وانا متأكدة انها اللى خلته يرجع للشركة تانى ومتأكدة اكتر انها هتستولى على كل حاجة كريم بخــ,,ـــــبث : بقى كدا المدام عشق داخلة عشان تاكل الجو هى و جوزها بس ماشى اما عرفتها هى مين عشان متبقاش تقرب من النــ,,ـــــار مبقاش كريم
امينه بخضة : انت بتقول اى يا كريم اوعى تكون بتفكر تعمل اللى فى بالى كريم بضحكة خبيثة : ايوة هو متقلقيش بس مش دلوقتى اما يجى الوقت المناسب ابقى انفذ اللى فى دماغى بس هو قريب اوى امينه برعب : لا يابنى بلاش عشق ممكن أدهم ي.ك فيها بلاش تقرب من دى بالذات باين على أدهم انه حبها اوى مش شايف اما بتحاول تكلمها بيبقى عايز يعمل فيك اى كريم بخــ,,ـــــبث: لا لا متقلقيش هى عجبانى اصلا من ساعة م شوفتها اصل أدهم اخويا دا دايما بيقع واقف وبتعجبنى اختياراته
امينه: طايب وادهم هتعمل معاه اى كريم : لا أدهم دا حكايته طويلة بس خلاص قربت تنتهى واحدة واحدة لحد م اخسره كل حاجة واكون انا الكل فى الكل امينه بضحكة خبيثة : هو دا ابنى اللى اعرفه بس دا عاوز تفكير الاول عشان ميبقاش فى غلط كريم : دا انا مفكر ومخطط من زمان ناقص بس التنفيذ **************** عند أدهم وعشق فى الطريق للقصر .. أدهم : تعرفى يا عشق انا اول مرة احس بالأمل من تانى وانى هقدر اعمل اللى عاوزه زى الاول
عشق بابتسامه ساحرة : وانا مبسوطة جدا ان خلاص هانت وان شاء الله تقدر ترجع زى الاول وتبقى احسن وتنسى كل حاجة حصلت أدهم : للأسف يا عشق اللى حصل مقدرش انساه بس بحاول انى اتخطاه عشق ببلاهه : ازاى بقى تقدر طبعا تنساه طول م انت مع عشق وانت تقدر تنسى اى شئ يوجعك أدهم وهو بيمسك ايديها : ليه يا عشق عشق باستغراب : ليه اى مش فاهمة
أدهم: ليه بتعملى معايا كدا رغم انك مش تعرفينى من زمان ورغم انى مش قدمت ليكى اى حاجة تحبيها بالعكس جرحتك واذيتك بكلامى وانتى سكتى وبردو بتساعدينى وبتحاولى تقدمى اى شى يجعلني سعيد عشق : ممكن عشان لقيت فيك حنية بابا اللى سبته غصب عنى بسبب اخويا اللى بيكرهنى رغم قسوة كلامك بس انا عارفة انك مش كدا ولقيت الأمان اما تضمنى وتحتوينى وقت زعلى دا كفيل انه يخلينى انسى اى شى حصل انا ممكن مكنتش موافقة على الجوازة دى بس صدقنى يا أدهم انا مش ندمانه
أدهم بتعجب : تعرفى يا عشق انا نفسى اشوف الشكل اللى قدر يتملك من قلب الادهم دا عشق بخجل : احم طايب يلا لأننا وصلنا أدهم بمشاكسة : طايب يلا يا ست عشق ونبقى نكمل كلامنا فوق مفيش مشكلة ******************** فى الشركة ….. حسام ل منى سكرتيرة أدهم حسام : منى انتى اللى ماسكة الحسابات و حصلت لخبطة كتير ممكن افهم فين شغلك وازاى يحصل كدا منى بتوتر: انا متابعة الشغل كله يا حسام بيه بس مش عارفة اى اللى حصل
حسام بزعيق : ازاى متعرفيش اى اللى حصل انا مش عاوز لف و دوران منى : اى حسام ليه حضرتك بتشك انى اللى عملت كدا حسام : اصل غريب اوى يحصل كدا و كمان فى تسريب لمعلومات عن حسابات الشركة منى بتوتر يكاد ان يفضحها : انا معملتش حاجة ومعرفش ازاى دا حصل حسام بشك : تمام يا منى بس لو طلع ليكى ايد فى الموضوع أدهم مش هيرحمك منى بخوف : تمام يا حسام باشا هستأذن انا
حسام فى نفسه : كدا قدرت اعرف مين له يد فى الموضوع واكيد هقدر اوصل للى خطط انه يدمر أدهم ***************** دخل أدهم وعشق القصر حاتم : عملتوا ايه يا عشق يا بنتى عشق بفرحة : الحمد لله يا بابا أدهم اتحسن ودلوقتي جاهز انه يعمل العمليه بكرة حاتم بفرحة وهز بيحــ,,ـــــضن أدهم: بجد يا بنى انا مبسوط اوووى امينه وهى نازلة على السلم هى وكريم امينه : اى اللى مفرحكوا كدا فرحونى معاكم حاتم : خلاص أدهم اتحسن و هيعمل العمليه بكرة
امينه بضحكة تخفى خلفها الكثير : بجد يابنى انا مبسوطة اوى انك هتقدر ترجع زى الاول أدهم بحنيه وهو يقبل رأسها : وانا مبسوط اوى انى هرجع اشوفك من تانى يا امى كريم بغيرة واضحة : ربنا يقومك بالسلامة يا خويا انتبه أدهم لصوته ولكن لم يرد عليه أدهم : يلا يا عشق نطلع نرتاح شوية عشان بكرة هنروح نزور والدك عشق بفرحة كالاطفال : بجد يا أدهم عشق : بجد يا قلب أدهم كريم بغضب : انا خارج يا ماما
امينه : استنى يابنى دا انا لسه جاى من برا انتبه أدهم لغضب كريم الظاهر ولكن لم يلق اهتمام واخذ بيد عشق وصعد إلى الجناح الخاص به حاتم : ابنك دا مش ناوى يتغير من ناحية أدهم ويبطل اللى بيعمله دا امينه : وهو يعنى عمل اى يا حاتم حاتم: انتى عارفة كويس يا امينه اللى بيدور فى دماغ كريم حاولى تعقليه عشان أدهم المرة دى مش هيرحمه لو قرب من عشق **************** كريم : نفذ اللى قولتلك عليه بكرة
يوسف : بكرة !!!!! يتبع …. . الحلقة 13 كريم : نفذ اللى قولتلك عليه بكرة يوسف : بكرة !! كريم : ايوة واستنى منى الوقت اللى هتنفذ فيه يوسف بطمع : بس احنا على اتفاقنا متنساش كريم بقرف : مش ناسى يا ز*فت بس اهم حاجة الخطة تنجح يوسف بضحك : لا لا متقلقش ادينى بس إشارة وهتلاقى كله خلص كريم : يااااه دا انا مستنى اللحظة دى بفارغ الصبر ***************** عند أدهم… عشق : أدهم بجد انت هتخلينى أشوف بابا
أدهم بابتسامه: ايوة يا ستى وكمان هخليكى تقعدى معاه شوية هو انا ليا كام عشق يعنى عشق وهى بتحــ,,ـــــضنه زى الطفلة : بجد انا مبسوطة اوووى يا أدهم مش عارفة أقولك اى بحبك اوى يا أدهم أدهم وكأن الوقت صمد عنده للحظات عندما سمع هذه الكلمة أدهم : انتى قولتى اى عشق بانتباه لما قالته وابتعدت عنه بسرعة عشق : انا اسفة مكنتش اقصد بس … بس .. أدهم بمشاكسة : اهدى بس كدا وجمعى الكلام الاول
عشق : انا مكنتش اقصد عملت كدا بس عشان مبسوطة وتركته وذهبت إلى الحمام بسرعة .. أدهم وأطلق ضحكة رجوليه جعلت عشق تذوب فى خجلها أدهم بضحك : عشقى انتى بقالك كتير عندك عشق بتأفف وهى بتخرج : انا خلصت اهو أدهم بابتسامه : نفسى اشوف الشكل دا وهو مكسوف كدا عشق بغضب طفولى : خلاص يا أدهم (يا ترى الحب دا هيدوم ويكمل لفترة طويلة ولا هيلاقى اللى يقف فى طريقه ) ******************** عند يوسف ( اخو عشق )
يوسف : تعرف يا ياسر عشق اختى دى كنز بجد ممكن استغلها فى حاجات كتير بس المشكلة انها فقرية زى ابويا ياسر : م انا قولتلك جوزها ليا وخلاص وانت اللى مرضتش يوسف : انت فقرى يا بنى انت تعرف هى متجوزة مين ودفع فيها كام اما اتجوزها دا كنز و لقيناه بس انا هعرف ازاى استغلها ياسر : بس متنساش صحبك بقى يوسف بضحك : لا لا مش هنساك بس شوف لينا كدا سهرة حلوة
ياسر : دا شكلك قابض فلوس والدنيا معاك اى اخر جمال يوسف بخــ,,ـــــبث : انت لسه شوفت حاجة انسى الفقر اللى احنا فيه دا خالص ****************** عند أدهم… أدهم : عشق ممكن تحكيلي حكايتك كلها عاوز اعرف عنك كل حاجة
عشق بحزن : انا امى توفت وانا صغيرة اووى كان عندى ٣ سنين و لما بابا معرفش يعتنى بيا لوحدة اتجوز صباح بس هى طول عمرها بتكرهنى مش عارفة ليه ولما بابا تعب جامد كانت بتضــ,,ـــــربنى كتير وتخليني اشتغل و يوسف اخويا كان دايما يضــ,,ـــــربنى عشان اشتغل واجيب فلوس عشان يسهر مع صحابه وبابا مكنش بيقدر يعملى حاجة كنت برتاح اما بروح عنده وانام على رجله واعيط من اللى بيعملوه فيا كان دايما حنين عليا وهنا انفجرت عشق فى البكاء
أدهم واخذها بين احضانه واخذ يرتب عليها أدهم : عشق خلاص يا حبيبتي صدقينى انا هجيبلك حقك من كل اللى اذوكى بس اوثقى فيا عشق ببلاهة : وانا واثقة فيك أدهم بمشاكسة : دا انتى واقعة بقى عشق بتذمر كالاطفال : انت رخم اوى عفكرة أدهم : بقى أدهم المنشاوى يتقال له انت رخم بس اعمل اى عشان عشقى مقدرش اتكلم عشق بخجل : طايب يلا عشان ننام عشان نروح عند بابا الصبح وبعدين نروح للدكتورة
أدهم وهو يدخلها بين احضانه فى وسط الخجل الشديد من عشق أدهم: عشق اهدى ونامى عشق : بسسسس .. أدهم: نااااامى يا عشق بقولك عشق بتذمر : طايب انا نمت اصلا وبعد مدة غرقت عشق فى نومها وغرق أدهم فى أفكاره التى تتردد فى ذهنه بين قلبه الذى تعلق بتلك العشق و عقله الذى يمنعه من الوقوع فى الحب ثانية ” حقا انه من أخطر الصراعات التى تواجهك عندما تكون ضحية الحرب بين قلبك الذى يدعو وعقلك الذى يأبى” وبعد مدة ليست بقصيرة غرق ايضا فى نومه
***************** صباح جديد على أبطالنا يحمل المختلف من الأحداث …. عشق بتحمس : أدهم يلا يا أدهم اصحى كل دا نوم أدهم بنعاس : اى عشق عاوزة اى عشق : يلا عشان نروح ل بابا و بعدين نروح للدكتورة يلا بقى بلاش كسل أدهم : طايب بالله عليكى حد بيصحى قرة عينه كدا عشق بخجل شديد : اخلص بقى وبطل شغل العيال دا أدهم : ماشى يا عشق مصيرك تيجى تحت ايدى بس اصبرى وبعد مدة ليست بطويلة نزلت عشق مصاحبة أدهم متحمسة ليوم جديد ملئ بالكثير من الخفايا
عشق : صباح الخير يا بابا حاتم بحنية : صباح النور يا بنتى نازلين بدرى يعنى عشق بحماس : اصل احنا هنروح نزور بابا وبعدين نروح المستشفى عشان أدهم يعمل العمليه حاتم : أدهم بقولك يا بنى قدرنا نطلع بأرباح من الصفقة اللى كانت مترصدة لخسارة الشركة كله بفضل اللى عشق عملته عشان تظبط الحسابات أدهم : تمام عشق هتكون معانا علطول فى الشركة وهتكون مسؤولة عن الحسابات كريم بتدخل فى الموضوع : وهى عشق تفهم اى فى الحسابات
أدهم بثبات يناسب غرور شخصيته : اظن ان معندكش حق تتدخل فى شغلى كريم بعصبيه: بسسسس ….. امينه : كريم خلاص اخوك عارف هو بيعمل اى واكيد عشق تقدر تتحمل المسؤولية دى أدهم بدون اهتمام : يلا يا عشق عشان منتأخرش حاتم : ابقى طمنى يابنى أدهم ببرود: تمام .. ******************* فى الطريق إلى بيت اهل عشق ..
