تركتها ورحلت تبتسم بخب\ث،هانت جوي ياعدنان..
اقتربت عزيزه منها،زوجه وهدان،اوعاكي تصدجيها،بتخربي بيتك،وبتهدميه ياساجده
الودع ده بدعه وضرابه الودع،بت مش سالمه،شكلها هتجرجرك لنصيبه..
ساجده،بحيره،خايفه ياعزيزه..
ضر\بتها عزيزه علي رأسها،انتي غبيه يابت،خايف من اشي..
عدنان،اللي ماهمه حدا،واتغزل بيكي بو\سط الجبيله والجبائل،بيخونك،والله انك بجره.
وأني بنفسي هروح للراوي واشكيله،البت دي وراها نصيبه ولازمن نخلصو منيها..
ساجده،لاه،خلص،أني مهروحش،اني مصدجه عدنان،بس لازم احكيله،اللي صار..
عزيزه،عفارم عليكي ياساجده،يالا همي روحي اعملي الوكل لجوزك،زمنيته راجع هلكان،جوزك مابيستحق البطران،بكفياه اللي بيشوفه علي ايد وهدان..
ساجده،بابتسامه،مانتي اللي مش مسيطره ياعزيزه،جولنا هتلميه،صار أعند من الاول
عزيزه،فوتيني ياساجده،الله لا يسيئك،متفكريني ببوكي،بيعند كيف البغال..
كان يوم مطين يوم مااتجوزته..
ضحكت عليها،وتركتها،ورحلت
تمتم،ربنا يهديك يابوي..
ويعمي عينك عن ابن الخال..
ـــــــــــــــــــــــــــــــــــــــــ
طرقت الباب بهدوء،
قلبها يرقص طربا لرؤيته..
استندت علي الباب حتي فتح لها،هنا بالعماره التي يسكنون بها،عابد وياسمين بالاعلي
وهو اسفلهم،وهي اسفل منه هي ووالدتها. واختها…
فتح لها بهدوء.
وجدها هي ابتسم بسعاده لها وهمست بخجل،،أزيك انهاردا ياأحمد
همس بهدوء وفرحه،تمام،ازيك انتي يادينا..؟
(دينا شقيقه ديما،الصغري..بكليه آداب.. ع\شقت أحمد منذ التقطه ذلك اليوم بعد عودته من المشفي،تعلم قصته كامله ولانها تدرس علم النفس،تعذره،أحبته،وع\شق فاضح،الجميع يعلم به)
أنا كويس،معلش مش هينفع اقولك اتفضلي..
ابتسمت بهدوء،ومدت يدها له بطبقا من الكيك الذي يحبه
اتفضل أنا عملاه مخصوص عشان انت بتحبه..
ابتسم لها ومد يده وأخذه منها،تعبتي نفسك يادينا،مع ان بصراحه انا بع\شقه من ايدك،وياسمين الحمدلله فاشله مبتعرفش تعمل حاجه
قهقهت عليه،فعلا ياسمين اللي قالتلي اعملهولك،هي بصراحه حاولت،وكانت هتحر\ق البيت، فعابد حلف ماهو معمول في البيت تاني..
ضحك وهو يتناول احدي القطع،ويمضغها باستمتاع وسعاده،تسلم ايدك يادينا..،الكيك تحفه..
بالهنا والشفا،يااحمد،عن اذنك. بقي..
نظر لها وهي تهبط،بحب،وبفكره، ستستدير الان..
١
٢
٣
استدارت له٠وهمست،أحمد،اوعي تنسي علاجك..
ابتسم بحنان،لها، مش هنسي يادينا..
مدت اصبعها بتحذير له،أوعدني..
ـ ضحك ولمعت عيناها، أوعدك،يادينا.
دخلت فالتقتطها أختها، تقلدها، أوعدني ياأحمد..
نطقت والدتها، تماشي، اختها، أوعدك يادينا.
ضر\بت الارض بقدميها،وتمتمت بغيظ،اف منكو قلتلكو متتسنطوش عليا..
رفعت يدها للاعلي، يارب قرب البعيد بقي
ويشفيك يااحمد يارب..
ديما، بسعاده، احنا واقعين،واقعين..
دينا،أووووي اووي..،بحبه ياديما،قوليله بحبه..
ديما بحب،أحمد انسان جميل من جوه،ربنا يسعدكو يادينا، مبسوطه انه لقي الحب الحقيقي،بس نخف هااا،مبنعرفش ننام بالليل من تكتكت التليفون والرسايل..
رفعت يدها للاعلي بلهفه،ياااااارب،ريحني منهم بقي،وجوزني احمد
قذفتها امها،باحدي المعالق،واقعه.،يابت اتقلي،قرفتينا
اااااه،اف منكو،حرام عليكو بجد
ـــــــــــــــــــــــــــــ
يابعيد،بدعي من قلبي..
تفضل هنا جنبي..
تقرب المسافات..
وتنتهي المتاهات..العمر بيعدي،افضل هنا جنبي..
العمر زي القطر،بيفوت ويجري…
قرب،الوقت بيعدي،بنااديك ما تسمعني..
يابعيد،قرب بشوق ضمني،انسي اللي فات حسني
أنا وانت روحنا في بعض
قرب ننسي اللي فات والبعد..
نصرخ نقول للدنيا،ياحبيبي انا وانت لبعض. ٢١
رحماكـي
أسمـــــا السيـــــــد
ــــــــــــــــــــــــــــــــــــــــ
(بعد عتمه الليل،هيجي الفجر)
(قولو،يارب)
ـــــــــــــــــ
حاول فتح عينيه،وهو يستمع لصوتها تحاد\ث احدهم،وهل يخطأ صوتها،هي
فتح عينيه قليلا،وصوتها الباكي بالقرب منه،حاول فتحها واستطاع أخيرا،دار بعينه التائهه واثار المخدر مازالت تداعب عيونه،ولكنه استفاق في تلك اللحظه ووقعت عينه علي أوجع مشهد، قد يراه زوجا كان يتمني لمحه حب، ولو بسيطه من عين زوجته
والان ،وجدها بأحضان اخر يعطيها ،ما افتقدته منه ومعه،أغمض عينيه وأعطي الحريه لسمعه وقلبه لينتشيا بما رواه فيها غيره،هي تستحق أفضل منه،وهو يستحق ماحدث فيه..وأكثر.
بالرغم ما فعله بها هي، هنا،بجانبه ضحت بابنها،
غص حلقه وكبتها بحر\قه، هو ابنها،ربيبها،يخاف ان يطالب بالحق به ، وهل يجرؤ،لقد تنازل بكل خسه عنهم،اضاعهم،وضيع طريقهم
وتاهت خطواتهم وتفرقت..
فريده وهي فريده،غصبا عنه فرت دمعه حبيسه من داخل عينيه وسؤال آخر،بعقله وفي تفكيره، يؤرقه، يتعبه،يخشي إجابته، ماذا جني؟
ـ لاشئ..
حاول صم أذنيه عن حديثهم الجانبي،ولكن غصبا عنه،خرمت اذنيه،تلك الكلمه..
سؤال ابنه البرئ عنه،
كانت تجلس بجانب ابنها،بالغرفه المشتركه بينه وبين والده،ويجاورها كيان،الطبيب طمأنهم ان لا خطر عليه وانه بخير،ولكن غصبا عنها قلبها يؤلمها،
ـ همس بأذنها، ولكن النائم بجانبهم، سمع كلامهم بوضوح،
كيان… حبيبتي الولد كويس،متقلقيش،دا تربيه دياب الجبل،ابننا بطل متخافيش..
ابتسمت من بين حزنها،هههه انت بتقول فيها،دا مصمم يروح يعيش مع وجدي، وعم راجي في الجبل
ابتسم كيان، واحاطها بذراعه،وقبل رأسها،هيبقي تمام،متقلقيش..
انتبهو لهمسه، وفتح عينيه،أخيرا،ماما..!
ـ اجابته بلهفه، عيون ماما،حمدالله عالسلامه يابطل..
ـ لم يصبر، وباغتها بسؤاله،ماما هو كدا بابا هيبقي كويس صح؟
ابتلعت ريقها بصدمه،ونظرت لكيان الذي رد نظرتها له بأخري متفهمه… حنونه،أراحتها..
وهبط مقبلا رأسه،حبيبي البطل،تربيه ذئاب الجبل،مادام انت اتبرعتله،أكيد هيبقي تمام،أنا فخور بيك ياسليم..
ـ همس سليم،بضعف،بجد يابابا..
ابتسم كيان وهطلت دموعه، وهو يستمع لكلمه بابا من شفتيه الصغيره، وفي عقله، أي مجنون ليبيع طفلان كالملاك كسليم وسيليا، مؤكد ليس بوعيه، بجد ياقلب بابا..
غرست الكلم\ات بقلب النائم ،وعلم انه خسرهم والي الابد، أبنه مازال يتذكره ولكنه ينادي آخر بفخر،بابا.
يبقي سؤال وحيد،يؤرقه،هل سامحتني،هل ستسامح؟
فجأه استمع لانسحاب ذلك الذي يقف بجانبها،وبقت هي بمفردها..
فتح.عينه يتأملها بذلك الحجاب الذي طالما ود أن ترتديه،ولكنها كانت أبيه، عنيده،علم سبب ذلك قلبها كان ملكا لغيره،و ليس وحده من كان قلبه في متاهه،ولكن يبدو ان متاهه عن اخري تفرق وكثيرا،هي احبت شخصا وكان رجلا معها للنهايه،أما هو،احب حيه رمت سمومها بوجه الجميع واولهم كانت اخته..
وزوجته،همس وحطت عينه بعينها اخيرا،همس بضعف
فريده..
لاحظ تصنم جسدها،وتفاجؤها به،فأكمل،قربي يافريده،عاوز اقولك حاجه،ممكن..
اقتربت ببطء منه.
وغصبا عنه وجد لسانه يسألها، اتجوزتي؟
ـ ردت باستنكار، أيوا،مش من حقي؟
ـ أغمض عينيه من ردها الهجومي، وقرر قول ما بقلبه، عارف ان ظل\متك كتير،مستحقش اللي عملتيه عشاني..سامحيني يافريده.
ـ ردت بتهكم، في حقي لا،أنا اسفه مقدرش اخدعك وأقولك سامحتك،لاني مش ملاك، انا عمري ماهسامحك يااحمد،انا هنا عشان خاطر الانسانيه،عشان ميجيش يوم،وسليم يسألني،ليه مساعدتيش بابا.،ويحملني نتيجه مرضك،ومو*تك..
ـ همس بضعف،تفتكري بيعتبرني فعلا، بابا..؟
ـ ابتسمت،بحزن،ايوا بابا، مقدرش ينساك رغم جحودك،رغم كل اللي حصل اول مافتح عينه،سألني وقال بابا كدا هيبقي كويس..؟
بص ياأحمد، انا مش حابه افتح في الماضي،احنا خلصنا،واللي فات م\ات،واللي بيني بينك،سليم وسيليا،وللاسف عمري ماهقدر اقسيهم عليك،مش عشان خاطرك،لا،لاني مش عاوزه اغذيهم كره،وغل وحقد
ولادي يستحقوا عيشه افضل،يعيشو بأمان،وقت م\اتحس، انك عاوز تشوفهم ويشيفوك،اوعدك مش هحوشهم عنك
ـ، همس بغصه،لينهي الحوار، كلامها، ، كلام منمق، ولكنه ، شكرا يافريده
ــ استمع لهمس ابنه،وسؤاله، بابا،انت كويس،انا أهو..
التفت بتعب، بدموع وغصه لم يعد قادر علي ابتلاعها، ستخرج بشكل فاضح، بأي وقت، لابنه الراقد بجواره علي سرير مقابل،حبيب بابا،انا كويس ياقلب بابا..
انت كويس يابطل، بطلي أنا..
ـ انا كويس يابابا،ورفع ذراعه السليم،يريه عضلاته،حتي شوف..
ـ دخل هو،واحتد عيناه وهو يراها بالقرب منه،اقترب مسرعا واختطفها بيده لقربه،وجز علي اسنانه،حمدالله عالسلامه..
ـ ابتسم بوجع،وهو يراه يخبئها عنه،وهمس،الحمدلله..
دخلت الممرضه، وهيأت سليم لاكمال علاجه بغرفه اخري،بعدما خرج وحدثهم كيان،تحسبا لموقف كذلك،
استأذنت هي وذهبت خلف ابنها،واقترب منه كيان،بغيظ.
ـ عارف لولا رقدتك دي،وان متعودتش أجي علي الاضعف مني، زيك، استقويت علي ست ضعيفه وهنتها، كنت ق*تلتك بايدي،وقطعتك حتت،خليك ممتن لتدابير القدر،ايدك اللي مديت ايدك بيها عليها،تستحق البتر،بس عشان خاطر عيون سليم وسيليا عفيت عنك..
عشان كلمه بابا،اللي بسمعها منهم وتخليني ملكت الدنيا بايديا،عشان خاطر عيونهم بس
وبيني وبينك،مش عارف هتحس بكلامي ولا لا،
أنا خدت منك ثلاث جواهر،هفضل طول عمري احمد ربنا عليهم،وخصوصا انك معرفتش قيمتهم
دي عندي كفايه..
بس، نصيحه،مني،استرجل،واعرف ان الرجوله مش بالضر\ب،الرجوله مواقف، واكمل بتهكم، ياضكر..
انتبه من شروده بذلك اليوم الذي لن ولم ينساه ابدا، علي خبط الباب، ابتلع غصته ومحي دمعاته الحزينه،وشوقه لابناءه،الذي اشتد عليه، وكثيرا، واستقام، يفتح الباب..
فتح الباب،ووجده امامه..
ــ مين حضرتك؟
ــ مش دي شقه استاذ عابد؟
ـــ احمد بتفهم،أنا اخوه احمد،عابد فوقنا،اتفضل ادخل وانا هناديله..
ـــ هز راسه ،ومد يده له،أنا قاسم رضوان،
ـلم.يكمل، الا وباغته احمد،انت قاسم رضوان،امل معاك هي فين…؟
ـــ قاسم برزانه،لا مش معايا،ممكن ندخل بس وبعدين نتكلم بعد م\اتنادي أستاذ عابد..
ـــ أحمد،اتفضل،عندك حق،اتفضل،اتفضل..
ـــــــــــــــــــــــ
هنعملو،ايه ياأماي،بجالنا شهرين مستخبين،والعين مفتحه علينا،والكبارات بيستعجلونا،مو*تنا هيكون علي يدهم دااحنا واخدين منهم شئ وشويات،عشان الحفر والمعدات..
كل حاجه راحت ياأماي..
سعديه بغل،لولا غباء اختك الله ينتلها مطرح ماراحت كان زمانيتنا،جاشين ياسويلم..
سويلم،جولتلك يااماي بلاش تجنديهم لسلوي،اصريتي،أدينا اتلعنا..فكري ياأماي،احنا لازم نرجعوا جدراتك،تاني..أو علميني اني
سعديه،مهتجدرش علي طلباتهم ياولدي،أني جندت سلوي عشان كانت حبله وكانت هتجدم اللي هتولده قربان ليهم.
سويلم،يعني ايه يااماي،الكلام.ده،جرابين ايه،اللي كانت هتجدمه سلوي،تجدصي واد ولدي كيان.
سعديه بسخريه،واد ولدك ايه بجي ماانفجست الحكايه،ومش واد ولدك
سويلم بغل،الجادره،كيف امها كانت عاوزه تلبسه لولدي
سعديه،بجولك فوضنا من ده سيره،أدينا خلصنا منيه الو\\سخ ده..،زمانيت الديابه..كلته.
سويلم،كان فاكر انه هيجدر يهددني،أهو راح في خبر كان
سعديه،حسام ده.كان.خطر علينا،لو كان اتمسك،كان هيعترف ان احنا اللي جتلنا مراد،الواد.ده كان يعرف كتير،وكله من الفاجره بت سحر
سويلم،يالا ياأماي،أهو خد.نصيبه..بجي.
المهم ياأماي،اني مستعد.اجدم القربان.
سعديه،كيف ده؟
سويلم بخب\ث،هجدم القربان؟
سعديه،هضحي بمين ياولدي؟
لازم دم،ويكون غالي عليك.. سويلم، عندي يااماي، بس جوليلي،يااماي،ضحيتي انتي بمين جبل سابجك..
ضحك بغل،ضحيت بقره عينه،مرت الكبير فريده،فكرك اللي ولدته زمان نزل ميت كيف مابيجولو،أني جتلتها،كتمت نفسها لحد مام\اتت بعد ماولدت،خدت ابنها و،وجدمته قربان ليهم،
سويلم بصدمه،كيف ده يااماي،والكبير مسألش علي ولده..
ـ ضحكت بغل،لع ياولدي ماني بدلته بعيل ميت ود\فنهم التنين..
المهم فوتك من السيره المغفلجه دي،وجولي مين اللي هضحي بيه..
سويلم بخب\ث،بتي سولاف..
انتفضت تلك التي تتسمع لحديثهم بقلب مرتعش،وخبطت صدرها،بنتي..،اه ياشياطين،مش هسمحلكو تأذو بنتي ابدا
،دي هي اللي طلعت بيها من الدنيا..
ياريتني ماشوفتك ياسويلم ولا عرفتك،
وبلوعه جرت لغرفه ابنتها، تدعو بقلب مكلوم..
اللهم اضر\ب الظالمين بالظالمين، واخرجنا من بينهم سالمين
أنا لازم اتغدي بيكو قبل م\اتتعشو بيا انا وبنتي..
(سيما،امرأه بالاربعين من عمرها،كانت ترقص بالموالد،قابلها سويلم،وتعرف عليها بنيه الحب،تزوجها سرا وتابت، ورجعت الي الله أنجبت منه سولاف بالصف الثاني الاعدادي،كان تحسبه رجلا شريفا،ولكنها صدمت بما يفعله،هو ووالدته،منذ قدمت تلك الحيه، للمكوث معها وهو يكيل لها ولابنتها الضر\بات،يعيشون بعذاب،مسبقا كان مصدرا للدخل لهم فقط،اما الان،مصدرا لعذابهم،وياليتها أفاقت لنفسها قبلا..)