نيرا بضحك :البس كبير بس يلا ندخل بقااا انا متحمسه مووووت ودخلو علي المدينه نيرا :طلعني تاني ايه التلج دا الجو برد اووي كريم مسك ايدها :تعالي دلوقتي جسمك هيتعود علي البروده نيرا سابته ومسكت تلج من علي الارض وحدفته عليه وطلعت تجري كريم :يابنت الغداره وطلع يجري وراها ومعاه شويه تلج نيرا وهي بترجع بضهرها :كريم بالله مترميش عليا واتكعبلت وقعت علي ضهرها كريم راح عندها واشتالها علي كتفه نيرا بصويت :يا كريم نزلني الناس بتتفرج علينا
كريم راح عند كوم التلج الكبير ورماها نزلت جواه نيرا بغض.ب :يخربيت هزارك الرخم ورمت عليه تلج وقامت وقفت تعالي صورني بقا و..فضلو يتصورو ويلعبو كل الالعاب اللي في المدينه كريم جواه فرحه كبيره عمره ما تخيل انه يلعب العاب زي دي او يعمل الهبل دا بس مع نيرا عمل كدا نيرا مبسوطه ان اخيراً لقت حد يشاركها الجنون والهبل والحد دا كان كريم اللي بدأت تتعلق بيه اووي
………………………
في شقة عاصي وندي عاصي قام من النوم وحس انه كان مستغرق فعلا في النوم قام وراح علي الحمام غسل وشه وراح علي برا
لقي ندي قعده وبتلعب في الفون بتاعه وحطه السماعه في ودنها ميل وقف علي الباب وربع ايده ببتسامه عاصي راح عندها ببتسامه وشال السماعه من ودنها :سمعتي و..فوني بيعملو ايه معاكي ندي بصت ليه :صح النوم يا حبيبي فونك كنت بتفرج علي الفرح بتاعنا منه والسماعه بسمع بيها عاصي اخد الفون وبص فيه :طبعا الداتا مفتوحه والنت مقفول وحملتي الكليب بتاع الفرح بيها ندي حطت ايدها علي بوقها :يخربيت كدا وانا بقول النت سريع معاك ليه واشمعنا فوني مش سريع كدا
عاصي بحنان :ولا يهمك يا قلبي المهم عملتي الغدا ولا ادخل اشتغل في الشغل المتأخر علطول ؟ ندي بضحك :لاء عملت الغدا ودخلت صحيتك مرتين بس انت نايم بعمق سبتك بقا تصحي بمزاجك عاصي باس خدها :كنت مرهق جدا المهم عملتي ايه في الغدا ؟ ندي :عملت مكرونه بشاميل بالفراخ وشوربه ومخلل عاصي بضحك :ايه الشطاره والحلاوة دي كلها عليا النعمه مش قادر اصدقك خالص ندي :اعد بقا علي ما اجيب الاكل واجي وراحت علي المطبخ غرفت الأكل وجابته وحطيته علي السفره
عاصي ببتسامه :العب بقااا كدا كتير ندي شالت حتة مكرونه بشوكة واكلتها لعاصي :يلا بسم الله قول رأيك عاصي :واو بجد عظمة لاء جميله تسلم ايدك يا ندوشتي يلا اعدي ندي اعدت و..فضلو يكلو هما الاتنين في مرح ندي وغزل عاصي ( انتظرو القاد.م ) حين تقع في الحب 4
البارت الثاني والثلاثون
الكاتبه / ندي علي حبيب صباح يوم جديد في محافظة الدقهليه ب قارية ميت طريف في بيت عائلة ندي دقت الساعه 7 صباحا
صحي الجد علي المنبه اتعدل علي السرير وقام غسل وشه واتوضي لصلاة الصبح وطلع من اوضته علي الصالة ملقاش حد صحي في البيت الجد بصرامه :اللهم ما صلي علي النبي كله نايم كأنهم مقتولين ومحدش بيهمه اي حاجه في الدنيا وبدء يزعق ويعلي صوته بحيث ان الكل يصحي عزه بضيق وهي نايمه :يحر.قك علي الصبح يا بعيد الناس بتقوم مبتقدرش تتكلم ودا قايم يزعق علي الصبح الجد بزعيق :كل واحد مبهموش غير نفسه وحياته وبس……. الباقي يولع مفيش حد عامل حساب ان في ناس تعبانه وعندها علاج ولازم تقوم تطفح علي الصبح
ناديه قامت علي صوته : حسبي الله ونعم الوكيل علي الصبح الساااعه لسه 7 الصبح نايم الفجر وصاحي الوقتي خفاش يعالم غسلت وشها ولبست عباية البيت وطرحتها ونزلت علي تحت ناديه :صباح الخير يا حج الجد بزعيق :خير ايه بقاااا هنفطر امتي وناخد علاجنا امتي يا ست ناديه فريده نزلت ووقفت جنب ناديه وكريم نزل علي صوته والكل صحي كريم :يا صباح النكد والعكننه عزه بصت لاميره :ميرووو ازيك اومال فين العقربه نصك التاني اميره بغض.ب :احترمي نفسك مفيش عقربه غيرك انتي واختك
عزه بكيد وهمس:غيري مننا وولعي يا دبه هتمووتي مش هعملك اللي في د.ماغك برضو يا صفره كريم بص لعزه واميره بغض.ب :واي كمان قومو امسكو شعر بعض قط/عوه يلااا عزه راحت عند كريم بهمس :لو بقيت في صفها هتصل بخطيبتك اقولها اخليها تسود ايامك كريم مسكها من قفاها :انتي يا بت مصدقنا خلصنا من لسان اختك طلعتي لياااا منين الجد وهو قاعد علي الانتربه اللي في الصاله :كريم عوزين نكتب كتابك بقا علشان نشو..ف مصالحنا احنا اتفقنا نكتب الكتاب علطول ايه اللي مأخرك لحد دلوقتي
كريم قعد وناديه و..فريده دخلو علي المطبخ يعملو الفطار كريم :نيرا عندها امتحانات هتبدء من بكرا وهتخلص اخر الاسبوع هتخلص من هنا وهنتجوز من هنا انشالله الجد :علي خير انشالله المهم عوزك تروح عند جدتك سعاده تزورها وتجيب منها ورق الارض وتيجي كريم بعصبيه :مليش فيه خالتي سعاده انا مش رايح ليها خلي مصطفي يروح لكن انا مش رايح الجد اتنهد :يا كريم مينفعش مصطفي يروح يابني الواد كان متجوز بنتها الله يرحمها ومصطفي لما بيروح بيفتكر المرحومه وبيجي تعبان حرام عليك روح انت
كريم : يا جدي افهم انا اروح عادي وكل حاجه لكن هي اصلا مش هتكون فكره ورق ارض دي فكراني بالعافيه الجد :معلش كلمها براحه وهي هتفتكر وعلي صوته الفطااااار يا جمااااعه يلااا عزه بتفكير :جدي انت يعني بصلاة علي النبي كدا كبير في السن الله يطول في عمرك سنه كمان بتاكل 4 بيضات ازاي يعني بتقدر تتنفس بعديها ازاي يعني انا باكل 2 والجيوب الانفيه بتكون مسدوده عندي وانت جبل الله اكبر كريم علشان ينقذ عزه من كلام جده اخدها من ايدها شدها علي المطبخ :تعالي يا بطة اقولك حاجه مهمه وزقها علي المطبخ
الجد بحصره :حتي العيال مبقاش فيها بركة اميره :ايوا والله يا جدي العيال ناقص تضر.بنا الجد بص ليها :العيال اللي اقصدهم اللي هما انتو يا اميره ولا انتي عمله نفسك كبيره اميره بحرج :مقصدش والله يا جدو انا بس بقول علشان طولة لسان عزه زيدة اليومين دول الجد بتحذير:عزة تعبانه يا اميره تقول اللي تقوله وتعمل اللي تعمله محدش يتكلم معاها والكلام ليكي انتي واسماء اللي هي فين ؟ اميره بغيظ :اسماء نايمه لسه الجد نزل راسه وطلع السبحه من جيبه و..فضل يسبح
……………………….
في شقة عاصي
ندي كانت نايمه حست بوجع رهيب في بطنها قامت قعدت علي السرير عرفت ان التعب اللي كان بيجي ليها بدء يرجع تاني خافت اووي وقامت دخلت الحمام براحه ونفس اللي اتوقعته نزيف رهيب ندي بخو..ف :انا مصدقت وقف فتره و..فكرت ان العلاج عمل مفعول رجع تاني ليه انا لازم اروح لدركتوره تاني بس من غير ما اقول لعاصي بعد شويه طلعت من الحمام والوجع بتتحمله بالعافيه راحت فتحت شنطتها ملقتش فيها اي فلوس خالص ندي بتعب :طيب والحل هجيب فلوس منين ومش عوزه اعرف عاصي ان انا راحه عند الدكتور و..فجأة المنبه بتاع عاصي رن
عاصي بدء يتحرك في السرير فاق شويه ملقاش ندي قام بص لقاها وقفه قدام الدولاب بتاعه عاصي ببتسامه :المزه بتاع.تي بتعمل ايه في دولابي علي الصبح كدا ندي بصت ليه بتمثيل الابتسامه بس التعب باين عليها :بجهز هدوم ليك علشان الشغل عاصي قام ومسك ايدها لقاها متلجه :مالك يا ندي ايدك متلجة كدا ليه تعبانه ولا في ايه ؟ ندي بصت لعاصي بخو..ف :عندي نزيف ! عاصي بخضة :نزيف … نزيف اييه ؟ وعرفتي ازاي مش يمكن يكون عندك ظرو..ف ؟
ندي د.موعها بدأت تنزل :لاء دا نزيف قبل ما اتجوز كان بيجي علطول والدكتوره قالت فتره وهيروح مع العلاج لان هي ذات نفسها مش عرفه النزيف دا سببه ايه قولت ليها ان وقعت وانا صغيره بس الاشاعه مش مبينه اي حاجه وكان بيجي بس بسيط لكن دلوقتي جي بوجع وزياده اوووي وانا حاليا مش قادره اتحرك عاصي مصد.م ومش قادر يتكلم سندها وبص ليها :بصي اهدي ومتقلقيش مفيش حاجه وكل حاجه هتبقي تمام هنروح نعمل اشاعه وكل حاجه هتبقي زي الفل
ندي بعياط :يا عاصي ما انا عملت ومبنش حاجه وانا خايفه اووي عاصي حض.نها :لاء يا روحي متخفيش قومي دلوقتي البسي علشان نروح المستشفي يلا ندي بصت ليه برجاء :مش هتسبني صح؟ عاصي مسك ايدها :محدش بيسيب قلبه يا ندوشتي يلا قومي ندي قامت بمساعدة عاصي ودخلت لبست دريس ازرق علي كوتش ابيض وسرحت شعرها وعملته ديل حصان وميكب بسيط وطلعت كان عاصي لبس بنطلون جينز وتيشيرت ابيض وكوتش ابيض وجاكت جيلد
ندي قعدت علي السرير :عاصي خلص يلا انت بتتأخر في البس كدا ليه ؟ الا صحيح يا عاصي انا كنت بشو..ف في المسلسلات ان البطله لما تلبس قميص البطل بيكون معدي ركبها الا انا لما لبست قميصك كان مظبوط كأنه بتاعي ليه ؟ عاصي بص ليها في المرايه :وانتي لبستي قميصي فين ؟ ندي برفع حاجب :جري اييه يا عم عاصي البيت دا بيتنا والنون بتعيد عليك وعليا يعني الهدوم وكل حاجه ليا وليك البس برحتي بقا ليك شوق في حاجه ياااض ؟
عاصي بص ليها و..في ايده الحزام :ياااااض ؟ ندي بخو..ف :بهزر والله بهزر دا وعارف انا تعبانه وكملت بتمثيل العياط يعني هتضر.بني وانا تعبانه كمان ***ني وخلاص بقا يا قاسي يا مفتري يا نسوانجي ؟ وبرقت عينها بصد.مه عااااصي انت نسوانجي يا خاااين ؟ اع.ترف الانكار مش هيفيدك؟ عاصي بص ليها بصد.مه واتفتح في الضحك :ندي بالله عليكي يلا نمشي علشان مش ضامن لو قعدت ربع ساعه معاكي كمان هنوصل لفين يعني 5 دقايق قعدتيهم معايا طلعت خاين ونسوانجي وبضر.بك شويه وهكون مخلف في السر يلا وشد ايده
ندي بصت ليه :انت مخلف في السر بجد اصل انت مش هتقول كدا من نفسك فاهم صح ؟ عاصي :اوماااال دا انا فاهم ونص كمان بس يلااا وطلعو من الشقه وقفل الباب ونزل علي تحت ندي :عارف كان نفسي تكون حم\اتي ح//ربايه اووي ؟ عاصي بضحك :اشمعنا ؟ ندي بغرور :علشان اقويك عليها وكدا ؟ عاصي دخل علي شقة نڤين :نيڤو يا امااااا نڤين طلعت من اوضتها :تعالي يا حبيبي ادخلي با ندي تعالي لبسين كدا وريحين فين
عاصي :هتخد ندي كدا معايا مشوار ورجعين محدش نزل ولا ايه نڤين :لاء قاسم نزل وراح الشغل هو ومحمد وباين ابوك السهره كانت صباحي مرحش الشغل وضحكت عاصي بضحك :نمس وديني نمس المهم لما ينزلو دا ان نزلو يعني عرفيهم ان انا مش موجود عوزه حاجه اجيبهالك وانا راجع نڤين :لاء يا حبيبي ترجعو بسلامه ندي :ماما نڤين انا عوزه من الكرمله اللي ادتيني منها امبارح لسه عندك نڤين :عندي يا قلبي استني اجيبلك ودخلت الاوضه جابت ليها نوع كرمله بالبندق والكافيه خدي
ندي باستها ببتسامه :احبك احبك واخدتهن ونزلت مع عاصي عاصي :هاتي وحده ندي بصت ليه :لاء اطلع هات ليك لكن انا مش هديك من بتوعي اقولك استني اطلع اجيبلك وحده عاصي مسكها بضحك :مش عااااااايز اركبي اركبي دا انا لو واخد بنت اختي مش هتعمل فيا كدا وركبت جنبه وهو ركب مكانه ندي بصت عليه و..في بوقها الكرمله:شغل اغاني بقا عاصي وهو بيسوق :اشغلك ايه يا قلبي ؟