مردش عليا ،قعدت قدمه و قولت بهدوء: ليك حق تزعل، بس أنت عارف أني من صغري بحب اجيب حقي بنفسي ،صح يا بابا. مردش برضو كملت: بابا أنا متأكدة أنك تقدر تجيب حقي من التخين، بس كان لي هدف ،و زي ما قولت لماما ،كنت عايزة قلبي الغب_ي يعرف أنه غب_ي، كنت عايزة أخرج من هناك و مفيش اي مشاعر بيني و بين سليم، لو كنت مشيت الطريقة التقليدية، كنت اتعذ_ب في بعده صح، بس كده اتعافت من حبه، خدت حقي و رجعت ،بابا أنا آسفة.
مد أيده لي ،مسكت أيده و قولت بحب: سامحني يا بابا. دخلت اوضتي و الحمد لله خالي مشي و هو مبسوط لأن بابا مش زعلان منه. و محدش من أهلي زعلان مني. دخلت الحمام أخذت حمام. أول ما نزلت تحت المياة، لقيت أني بن_هار من العياط ،دي دموع مكتومة مش دموع زعل على حد، لا دموع راحة دموع سعادة و حرية أنا بقيت حرة، لازم ابدا من جديد، ايه يعني مطلقة ، أشتغل في شركة بابا و أحقق نفسي.
خرجت صليت ،و من فترة طويلة نمت براحة و سعادة. حياتي تغيرت بالكامل بقيت شاطرة في شغلي حتي لو شركة بابا بس اعتمدت على نفسي مش بس كده، ربنا عوضني راجل بجد، صاحب اخويا. :للمرة المليون بقولك أنا مطلقة و مش بخلف و أنت دي أول جوزة لك. قال بحب: بحبك يا نغم. أكدت على كلامي: أنا اتطلقت علشان مش بخلف. رد نفس الرد: بحبك يا نغم. أبتسمت من غير رد حبيت اختبره و قولت أن سبب طلاقي عدم الخلفة، توقعت يبعد عني، لقيته متمسكة بي أكتر و قال دي حاجة في أيد ربنا.
تنهدت و قولت: جاسر. بص لي و قال : نعم يا قلبي. أبتسمت بخجل و قولت: أنت مستعد للفرح بكرة. هز راسه بنعم كملت: طيب أنا بكدب عليك. بص بصدمة و قال بحزن: يعني ايه، تضحكي عليا، و ناوية تلغي الفرح، أنا قعدت تلات سنين امشي وراكي زي المجنون، و أخيراً من شهر وافقتي على الجواز ،دلوقتي تقولي بضحك عليك ليه يا نغم ،ليه بتعملي فيا كده. فهمني غلط ، بس أنا كنت مبسوطة و أنا شايفة الحزن في عينه من فكرة أني أبعد عنه.
: يا جاسر فهمتني غلط، قصدي ضحكت عليك أني مش بخلف، أنا بخلف. و حكيت حكايتي أنا و سليم و بعدين قولت: سمعت أن الطفل الصغير راح ملجأ و أن صابر طلق سميحة بعد ما هددت تقت_ل نفسها، و أبو سليم بقا مشلول و أسماء محدش معبرها و قاعدة من غير جوزا، و أم سليم عايشة مع نفسها، كل حاجة تغيرت في البيت ده بعد اللي حصل. كان بيص لي بابتسامة و أنا بكلم و قال: برافو عليكِ أنك عرفتي تاخدي حقك.
أبتسمت و قولت: خاف مني بقا. جاسر بابتسامة: لا مش أخاف أنا بحبك. اتجوزت أنا و جاسر و عشت أحلي ايام حياتي. و بعد سنة من الجواز خلفت بنتين توأم و بعد سنتين خلفت ولدين توأم ربنا كرمني بأربع أولاد و عايشة أسعد أيام حياتي مع جاسر و نسيت الماضي. ///////////////////// نغم: و بس كده يا بنات دي حكايتي قالت نور: حكاية صعبة، بس برفو عليكي يا نغم خدتي حقك صح. نجاة: طول عمرك قوية، يلا أحكي يا نور
هزت راسها بالرفض و قالت: أنتِ الاول يا نوجة. تنهدت بحزن و قالت: حكايتي صعبة يا بنات ،بلاش أحسن. قالت نغم بفضول: لا أنا حكيت أحكي أنتِ كمان قالت: أنا وقعت في مصيبة اتجوزت اتنين اخوات. بصوا بصدمة و قالت نور: نهار أسود ازاي. كملت نجاة: هي دي حكايتي. نغم بعدم فهم: ايه اللي حصل يا نجاة. نظرت إلى الأمام بحزن: حكاية طويلة و صعبة. نغم: أحكي. نجاة: لا جعانة عايزة أكل الاول. نظرت نور و نغم لها و واضح انها تتهرب من الحديث.
و خلصت حكاية نغم و على موعد مع حكاية نجاة اللي أن شاء الله حكاية قوية جدا.